طفـولتك كفاه كانت دايرا ^^ ؟

[أسطورة الخريف]

السلام عليكم ورحمة الله وبركاته
امممْـ
لي معاششْ الطفولة كما الأطفال تاع دزاير ميقولش راني عشت طفولة :cool:
ايا كل واحد/وحدة يحكيلنا على كفاه كانت اياماتو تاع الطفولة
و اسكو عاشها صح بأفراحها وأحزانها
وقداهـ كان عندو صاحب
و الألعاب لي لعبهم =) =)

[أسطورة الخريف]

بالنسبة لي أنا متيقنة بلي عشت أروع وأجمل وأحلى طفولههْ في العالم =)
حيث كنتْ متشرّدةْ نمبر ونْ هههـ
مندخلش للدار لـ الليل
و نضالـ هاملة ف الشارععْ
وعنديـ 3 صحباتي يسما تربيت معاهمْـ ملي فتحت عينيا وأنا معاهم ^^ زوج خواتاتْ عندهم نفس الفامي تاعي و وحدا أخرى مختلفة علينا .. كنا نلعبو " القروج " هههههههههههههههـ يعني نلقطو المقـالـg و القواطا تاع الياؤورت و الـ Ton و الأعشاب ونديرو بيهم طبخة هايلة ( نسيت معرضتكمش ) ههههههـ
و كل وحدا زعما بدارها =)، و البوبيات عبارة عن بنت كل وحدة فينا ، بصح إذا تعفرنا لازم كل وحدا تكسّر دار الأخرى وتفسدهالها وتهرب ^_^
و كاينة لعبة أخرى اسمها النطيطة ( لا ماغين ) نعترف كانوا يحرقوني فيها ياسر ياسر -_- بلا منعفس ع الخط يقولولي راكي خسرتي lol
و كاينة لعبة اسمها الأستيك هههـ أستيك ونربطوه و نبداو نقزو فوقو ، عندي صحبتي لكبيرة عليا بعام كنا نخافو منها كامل هههـ، كي تلحق دالتها تقلنا هبطولي شويا الأستيك لازم يجي تحت الركبة ملا حنا نديرو وش قالتنا -_-
و كاين لعبة الكادو زعما زوج يجو من الطرف و وحدة تدخل ف الوسط و تلعب لازم منتوشوهاش ب البالون، ولازم تشد البالون باه يجيها كادو اذا شدتها وطلقتها تعتبر خاسرة >> كنا نلعبوها زوج ب زوج
و نلعبو القٌميضة كما ننطقوها حنا و الغميضة كما تنطقوها انتم هههـ
نورمالمون كامل نعرفوها، هي عبارة على وحدا توقف عد الحيط و تصد منهيهْ و تحسب مثلا منا ل 20 و لازم كل وحدة فينا تدرق، وكان وحد الراجل يبني في دارو دايرها كيما المتاهة ههه كنا ندرقو ثما =) =)
والله ايامات جامي ننساها ^_^
وبالمناسبة اسماء صحباتي
على حساب السنّ
نرجس ( مروة ) 1994
أميرة ( أنا ) 1995
خولة 1996
شريفة 1997
و شريفة و مروة أخواتْ

[ڛآرق آڵقڵۅب]

شكراااااااااااا هههههه

[أسطورة الخريف]

شكراااااااااااا هههههه


بصّح محكيتناش على طفولتك ^^

[bouchra1998r]

وش نحكي وش نخلي طفولتي بختصار راح خسارة توجور في شوارع كي شغل راجل

[Just.Girl~]

هههههههه حتى انا عشت طفولتي روعة
لي عودة
محجوز..3>

[❀مَلِيْكَة❀]

لي عودة حبيبتي سأرجع لأسرد لك
سلااااام

[أسطورة الخريف]

وينكككــــــــــــــــمم ؟

[♥ بسمة ♥]

بالنسبة ليا
كانت طفولتي شوية فيها خوف عليا بحكم اني كنت الاولى وكانو يخافو عليا كانو يخرجوني مع العس
وكنت نلعب عند الباب بويتة مع صحاباتي
وكنت دايما نروح عند ماني الله يرحمها كنت عزيزة عليها
لانة كنت بنت وليدها الوحيدة
المهمه ماكش كما الطفولة
شكرا على الموضوع

[Mr-Y]

طفولتي كانت مليئة بالأفراح أكثر مما كانت مليئة بالأحزان .
كنت ما نخرجش بزاف لاخاطر ماكانوش الأولاد متربيين و منافيين لتربيتي .
كان عندي صديق وحيد و مازال يعيش معايا و يقرا معا من أولى ابتدائي لثانية ثانوي .
كنت نكره الحشرات و نقززهم خاصة النمل و العناكب ههههههههههه.
كنت وحيد و منعزل و فرحان بعائلتي و أحبها أكثر من كل شيء .
نلعب في الدار و نقرا في الدار .
نلعب الغميضة في الدار و التحكايمة و كنت ندير أفكار كل يوم مثلا نبني أكبر دار بالورق هههههههههههه.
كنت نشتي الكرود ( الأحجار الخمسة ) و نلعب مع اخواني و أخواتي .
كنت نكره بزاف نكره البالون ( كرة القدم ) لأنني كنت فريدا من نوعي .
ههههههههههه هذه بعض ذكرياتي الجميلة .
حاجة أخرى كنت كلما يكمل العام الدراسي و ندي العطلة نجبد الكتب و الألوان و نلون الرسومات في الكتاب المدرسي بالألوان هههههههههههههههه .

[hinata-chan]

ماني شافية على والو من طفولتي
ماغير


كنا نخرجو نلعبو برا في الحومة و نخرجو قع بالبلايغ
و نبداو نلوحوهم في السما و نشوفو شكون لي تعلي بليغتها كثر
و مرات مكناش نلوحوهم في السما كنا نلوحوهم
أأأأ يعني.... أفقيا و نشوفو شكون لي يبعدها كثر





و كنا نفرحو بزاااااااااف كي نديرو هكذاك
يا للسخف
-__-

[leila.madrid♥barika]

شكرا 44444444444444444

[أسطورة الخريف]

<< ههههههههههههههههههههههـ >>
أجمـل الأيّام ،،

[هبة نور الهدى]

كامل كنا ديما برا حتى لليل لعبنا اللعبات كامل طفولتي جميلة جدا كان عندي ٣صحاباتي وحدة نقلت وزوج بقاو معايا لدرك المهم عشت طفولة باهية بزاف شكرا اختي على الموضوع الي ذكرنا بالماضي

[lola22]

يااااااااااااااااااااا حسرا على طفولتي أروع فترة في حياتي والحمد لله عشت طفوووولتي مكااانش لعبة ما لعبتهاش ومكانش حومة ما لعبتش فيها وكنت نلعب العاب البنات والاولاد حتى الماتش كنت نلعبوا انا وبنات واولاد الحومة هههههههههههه
وديفوا نروحو البنات للواد ونطلععوا فوق الحجر زعمة رانا في مغامرات
والله لعبت كلش .. كنت كي انروح من المدرسة انطيش كرتابلي وناكل فيساع وساعات اندير كسكروط حتى اللوبيا والعدس انديرهم كسكروط ههههه المهم نخرج فيساع
ونلعب حتان لليل لكان ما يجيش خويا ايعيطلي انروح مكنش مروحة هههههههههه وكي انروح للدار نلعب مع خياني وحوتاتي مالقري كبار عليا مي يلعبوا معايا ههههههههه
ماااااااااااااا اجمل ايام الطفووووووووووووووووووووولة ..

[بنت لبحر]

ااااااااااااااااااااااه فكرتينا في اروع ايام حياتنا


فوت طفولة تهبل لعبت كل الالعاب و في كل الاوقات كنت متشردة صح يا حسرا على ايامات الطفولة كون غير مكبرناش

[samara lara]

الطـــــــــــــــــفولة اروع فترة في الحياة

و كنت كي المتشردة نظل هاملة منوليش للدار حتى يوصل اليل ههههههههه

و كان عندي بزااف شويا صحاباتي مي صحاباتي نتع الصح كانو 3 بنات
ايمــــــــان و نادية و مونية هههههههههههه


يامات التشرد و التكشريــــــــــد ههههههههههههه

[rahim4ever]

ههههههههههههههههههه
واش نحكي وواش نخلي
بصفة عامة كنت داير حالا برا والداخل وين نروح تصرا مشاكل هههههههههه
وكان ثان لساني طويييييييل يعني كان كي يهدر معايا واحد كبير نردلو الهدرة و والديا ربي يحفظهم اديت من عندهم الهراوة تاع الكلاب هههههههه
طفولللللللللللة ولا اروع