لبنات ارواحو نشاوركم

[ام نسمة]

سلام خياتي
نهار الاربعاء المقبل ان شاء الله زفاف اخي وراني حايرة واش نعمل قاطو
حما ماراحش نديرو عرس نعرضو غير حاجة قليلة بلاك 20 شخص مع ناسها هي اللي يجو معاها بلاك 12
المهمحابة ندير عدة انواع قاطو مع العلم احنا نشربو لاتاي اكثر من القهوة يعني ناسنا حنا وهوما لازم نحطوهم في زوج قهوة واتاي
يعني اعطوني رايكم واش نخدم
خاصة مابين بقلاوة ومقروض وقريوش ما نقدرش نخدمهم في ثلاثة وزيد مارانيش حابة القاطويات كامل بالعسل اقترحو عليا انواع سامبل وقولولي شحال نخدم من كيلو تاع قاطو كل شي من عندي كادو ولازم نديه منهنا من داري ما نقدرش نخدمو عندهم اي في بيت اهلي مازال ما نروح
نحتاج نصائحكم الليلة باش غدوة ان شاء الله نبدا واش رايكم ولا مازال الحال ؟ لاني راح نخدم وحدي مكانش اللي يساعدني ف لازم ندير حسابي في كل شي من الان
كما العادة نعرفكم كامل فحلات وتعطوني راي مليح

[امال ق]

اولا الله يتمم بخير ويسعد العرسان وبالرفاء والبنين
مع الشاي احلى شيء مقروط المقلة
مع المشروبات قدمي لي صالي او السيقار
مع القهوة نوعي بين البتي فور العادي وحلويات بالمكسرات حتى ما تطلع الكلفة كبيرة
وهذا نوع جديد جربي منو مقدار صغير وشوفي يمكن يعجبك
لانو هلفترة هو المطلوب بالاعراس

[ام نسمة]

اولا الله يتمم بخير ويسعد العرسان وبالرفاء والبنين
مع الشاي احلى شيء مقروط المقلة
مع المشروبات قدمي لي صالي او السيقار
مع القهوة نوعي بين البتي فور العادي وحلويات بالمكسرات حتى ما تطلع الكلفة كبيرة
وهذا نوع جديد جربي منو مقدار صغير وشوفي يمكن يعجبك
لانو هلفترة هو المطلوب بالاعراس
http://www.lesjoyauxdesherazade.com/gteauxalgrienssanscuisson/gateau-algerien-sans-cuisson-model-2012-leopard

شكرا بزااااااااااااااااااااف
مع لا تاي راني اخترت المقروض بعدما نجحت في عمله على اصوله ونشكر حباباتي اللي عاونوني من هنا في المنتدى سوسو سعيدة واختراجي رحمة المولى واخرى ايضا نسيت اسمها
المهم راح تاني نعمل قريوش ونعمل 3 انواع
اللي مازال ماقررتهمش على خاطر العروسة كنت نحكي معاها قبل قليل راح تجيب معها الوغ مكان علاه نكثر ويقعد باسكو ماكانش ضياف بزاف
راني حددت 3 وزيدو اعطوني رايكم اذا بزاف ولا لازم نزيد

[ام نسمة]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟
اين انتن

[ساندي 28]

واش درتي فيها حبيبتى زهور كاشما خيرتي ولا مزال ادا حبيتى نزيد نعطيلك انواع اخرى وشوفي

[ام نسمة]

والله لحد الان خير قلوب الجلجلان والمقروض
خاصني قاطو بنواد كوكو وواحد بالقلصاج بصح ماشي العرايش ما نحبهمش خلاص
ولبنات الاخرين خسارة عليكم يكون كاين موضوع فيه صور وفيه وصفات كامل تشاركو وكي يكون موضوع طلب مساعدة تتجاهلوه وكان القسم خالي من العضوات
نتمنى هاد الظاهرة تزول من الاقسام النسائية خاصة قسم الطبخ والماكولات وان لا نتجاهل مساعدة بعضنا البعض فالتواضع من شيم الكبار
ومن تواضع لله رفعه على بالي هنا غير محترفات الحلويات لكن نورمالمون بالعكس هوما يدخلو يفيدونا ماشي كي تخصنا مساعدة ماكان حتى وحدة تبان

[oum radja]

ماتزعفيش زهوووووووووور كبري قلبك
شوفي الملف تاع ام اماني وصفاتها ناجحة وانا نموت على قاطو الجلجلانية باللوز وليت نديره في كل المناسبات و يقطع حتى حفظوني بيه
http://www.djelfa.info/vb/showthread.php?t=1056183
واذا كنتو رايحين تقدمو مشروبات تقدري ديري قاطو اسبانوا تاع فلة هو تاني شباب
http://www.djelfa.info/vb/showthread.php?t=1123985
وتقدري ديري تشاراك بالعجينة السحرية وديريه مسكر او بالطلية
http://www.djelfa.info/vb/showthread.php?t=1198301
و بالنسبة للعدد تقدري تحسبي الضياف و تزيدي شوية كيما نقولى يبقى و مايخصش
نتمنى نكون افدتك ولو بالقليل

[ام ندى 87]

صباح الخير اختي ربي يكون في عونك الاخوات كفاو و وفاو اذ خذبتي قرار غير ابداي راه الوقت و راكي تخدمي وحدك واكدي على التزيين و طريقة التقديم طبعا الذوق هو الصح لكن صدقيني العين تاكل قبل و كلشي مبروك

[شوشو 11]

مبروك عليك العروسة ان شاء الله بالرفه والبنين
قاطو الجلجلانية روعة وحطة والمقروط المقلي وعسليه مرتين والمخبز بالطلية
فكرتيني البنات حطو طليات روعة ادا حبيتي نبحثلك
وزيدي قلوب الشكولاطة
ربي يعاونك

[ساندي 28]

صباح الخير اختى زهور متتقلقيش راهم الاخوات نسبه كبيره متدخلش بسبب مناسبه العيد .اكيد لو انتهبو راح يعاونوك
قلتى حابه قاطو بنواه كوكو شوفي هدا النوع
http://www.djelfa.info/vb/showthread.php?t=1245178&referrerid=459802
http://www.djelfa.info/vb/showthread.php?t=958182&referrerid=459802 هدا رائع
تقدري تديري قاطو بارد ميطيبش تشكليه كرات تغمسيه في شوكولا ثم نواه كوكو
كاين قاطو النستلي نتاع حبيبتنا ام اياد روعه وجربوه بزاف
بما انك اختري 2 انواع لازم تديري على الاقل واحد باللوز او كوكاو

[ساندي 28]

http://www.djelfa.info/vb/showthread.php?t=1330658&referrerid=459802

[بريق الامل&]

ربي يهني العرسان وبالرفاه والبنين وربي يعاونك ويجعلها في ميزان حسناتك
براي المقروط هو سلطان المائدة وهمة مع الشاي وساهل وتتهناي من قليان القريوش
وديري الفوندونت تاع بن بريم اذا عندك مول السيليكون روعة
و لازملك نوع بالعقدة بقلاوة بعجينة الفيلو من اسهل ما يكون رشيها بشوية بيستاش
و يزيدو الاخوات يعاونوك بافكارهم والوقت راه مناسب جدا خلي البقلاوة اخر شي باش تحافظ على اللمعان والقرمشة

[ام نسمة]

ايه هكدا كنت حاب اراء بزاف الان راح نكتب ورقة الستلزمات ومباشرة لمحل بيع اللوازم الحلويات
بروقة انا ندير البقلاوة بصج جامي خدمتها بعجينة الفيلو في المذاق كيف كيف ؟
ام نجم شكرا لك واختي المبتدئ مشكرور على النيحة ودصدقيني رانا كامل مبتدئات مهما تعلمنا دايما كاين الجديد
http://www.djelfa.info/vb/showthread.php?t=1056183
http://www.djelfa.info/vb/showthread.php?t=1198301
عجبوني هادو زوج مع المقروض
ومابين الجلانية وقلوب الجلجلان اللي يطيبو في مول السيليكون وينها الاحسن مابينهم

[نور الهدى06]

خيتو راح ديري 3 انواع واحد شوكولا ميطيبش وواحد نواد كوكو ولازم واحد باللوز كيما مخبز ولا مقروط اللوز او روشي بالجوز ممممممممم درتو في العيد وقلوب الجنجلان بريزونطابل ووقتو وكان تحبي نعطيك الوصفات

[ام نسمة]

خيتو راح ديري 3 انواع واحد شوكولا ميطيبش وواحد نواد كوكو ولازم واحد باللوز كيما مخبز ولا مقروط اللوز او روشي بالجوز ممممممممم درتو في العيد وقلوب الجنجلان بريزونطابل ووقتو وكان تحبي نعطيك الوصفات

اكيد مينوش مديلي الوصفات بسرعة والان من فضلك

[ndj]

السلام عليكم

حتى المشوك المعسل و فيه الكوكاو راه يهبل مع القهوة يذوب في الفم و بالنسبة للبقلاوة راني حطيت حلوياتي تاع العيد اضربي طلة تلقاي بقلاوة خدمتها بلا بات فيلو الله يجازي ام اياد عجينة و لا اروع كامل عجبتهم فاملتي هبلو عليها ننصحك ديريها و ما تخافيش

[ام ندى 87]

اخت زهور الانواع لي خيرتيهم هايلين و ساهلين للخدمة ننصحك بالجلجلانية قلوب الجلجلان تحبي زيديهم تلقاوهم ليامات لي قبل العرس

[ndj]

اخت زهور دزيريات بنواد كوكو هايلة شوفي حلوياتي تاع العيد راني حطيت صورتها

[نور الهدى06]

قاطو بيمو
كاين عدة وصفات تاع قاطو ميطيبش وهادي الاحسن
250 غ زبدة علبة فلوريال
250غ عسل
كاس لوز او جوز او كاوكاو مطحون خشين
3 م/ك كاكاو
2 علب طوم
الطريقة
مثل الزريرة ذوبي في كاسرول الزبدة والعسل وحطي الكاكاو وخلطي حتى يذوب نحي من النار وحطي اللوز والقاطو المرحي وخلطي وحطيه في صينية وصبي شوكولا قلاصاج ومن لفوق جوز انصاص
او اعملي كرات واغطصيهم في الشوكولا وحبة بندق من لفوق واذا عملتي كرات لازم ترحي القاطو مليح باه متتحلش
يجي مثل البودينغ ديما نخدمو يهبل
لي بول دو ناج
3كيسان نواد كوكو مرحي رقيق -كاس سكر اركب -عصير وبرش ليمونة -2مغارف كبار فرينة قليل من الزبدة -نصف باكي خميرة ولمي ببياض البيض مخلط بالشوكة مع قطرات ماء زهر شكلي كرات او روشي وكيطيب اعملي قلاصاج ابيض 2كيلو نواد كوكو يخرج 350 كعبة
القلاصاج تاعي مثل الفوندو يكون طري لا يولي حجرة
المقادير:كاس تاي للكل :يكفي ل :45/50 كعبة
كاس تاي حليب
كاس تاي ماء زهر
قليل فاني
ملون ابيض تاع الميزان
هذه المقادير تهز حوالي سشية سكر ارطب المرجان
لا تخلطي بالفرشيطة بل الافضل بيدك
تجربي بالكعبة ادا
طاح زيدي السكر ملزمش تبقى شفافة
لازم قلاصاج شاد روحو
بوتي فور يذوب في الفم

500غ زبدة لابال
بيضة +صفار
كاس سكر ارطب
2 مغارف صغار فاني تاع الميزان
نصف فنجان زيت
لا تحتوي على خميرة
2 م/ك حليب سائل +م/ك لحظة
برش 2 قارص انا نزيدلها م/ص شيكوري
900غ فرينة نحي 100غ تاع فرينة ونحط في مكانه 100غ نشا
السر باه تخرج في لابوش ادوي هو التشياح لازم طرية باه تمشي
ادا عملت 250غ زبدة الفرينة تكون 450غ

الطريقة
تخلطي الزبدة الي تكونيdeja نحيتيها من الثلاجة اي طرية بالباتور وتزيدي السكر بالتدريج ثم البيضة حتى تدوب ثم الصفار تم 2محليب سائل وتخلطي تم م لحظة تم المنكهات ضربة خفيفة بالباتور باه متروحش النكهة Juste يدخلو وهنا طفيه وبمغرف حطب زيدي الفرينة المغربلة بالتدريج حداري تعجنيها توقفي اصابعك كالفوي ودخلي الفرينة تكون طرية ترتاح شوية برك ميز ملميتي المطبخ ووجتي الصنيوة لا تدهنيها حطي في لابوش
انا نحب نستعمل لادوي مشرشفة ياسر مسننة وتوقفيها وتخرجي اصابع او وريدات او ****ياج من الاسفل الى الاعلى كي تاتي bonbee
تقريبا كل اسبوع نعملها لزوجي باه يفطر بها كل يوم ونفضل الوريدات باه منزيدش نلصق secs تاع حليب
خليها ترتاح باه تحكم la forme وميروحوش الروسومات في الطياب جربي وحدة ادا هبطت زيدي شوية فرينة حتى توالفي عليها الوريدات حطي في الوسط سوغيز او اي نوع مكسرات وكطيب ادهنيها بالناباج لتصبح لامعة والاصابع حلي علبة معجون معاها علبة شمية تاع الامنيوم الصغيرة لتعطيها دوق لديد ولصقي 1مع1 والراس اغطسيه في chocolat او في خليط المعجون ثم في نواد كوكو ملون او فستق مرحي

[نور الهدى06]

قلوب بالجنجلان
500غ زبدة
3صفار وبيضة كاملة
كاس سكر ارطب
فاني
كاس نشا
كاس صغير جنجلان حب ماشي محمص
لمي بالفرينة كيما صابلي اعملي كرات في الجنجلان وحطي في مول السليكون يطيب لوني للمعجون بالملون الاحمر وحطي في الوسط

[نور الهدى06]

غريبية
علبة لابال تاع رطل
نصف فنجال زيت
كاس سكر ارطب
منكهات فاني واكستري او برش ليمون
حفنة نشا
فرينة شكليها في مول المعمول وطيب 10 د تبقى بيضة كتبرد ادهنيها بالناباج ودري الفستق المرحي
مرات نزيدلها 2 فناجن جنجلان او كاس كوكاو

[نور الهدى06]

لي روشي بالجوز
لا بات تاع البقلاوة
الحشو
3كيلات مخلط جوز ولوز
كيلة سكر ارطب
2م/ك زبدة
شوية ماء زهر وعضام حتى تتلم قصي العجينة دوائر وشكلي روشي بالحشو ولصقيه ببياض البيض ولصقي في كامل الروشي انصاص الجوز ومن لفوف نصف كرز مصبر ويطيب شوية برك غير يشيح عسليه

[نور الهدى06]

اختي قوليلي الوصفة لي حابتها والله متهنية وصفاتي مضمونة وديما نخدمهم معرفتش وش تحبي

[نور الهدى06]

قطايف نواد كوكو
لا بات

:كيما تاع البقلاوة mais زيديلها كيلة نشا باه تجي رطبة وتقرمش وتهبل 4 كيلات بكيلة +الكيلة تاع النشا وفاني وملح وبلي بماء بارد
ادهني plat au four بالزبدة اعملي 3طبقات اكيد تكوني حليتيها بالمنوار ولكانك فحلة اخدمي الدويدة تاع لقطايف تكوني رشتي برشا نشا ومرغتيها باه متعجنش ولكانك تعبانة روحي لsuperettes اشريها bon
الحشو : رطل نواد كوكو
رطل سكر
4حبات قارص برش +عصير
2م/ك زبدة ذايبة
4 بيض
1خميرة قاطو
التحضير :حطي الكوك والسكر والزبدة والقارص والخميرة والفاني خلطي بالمغرف لا تستعملي ابدا يدك متعجنيهاش باه متعجنش وكسري البيض اضربيه بالفرشيطة وخلطيه مع اخرين بالمغرف منعاودش ممكن تزيدي صفار او بيضة لا تكون جارية ولا تتفتت لضمان التماسك
صبيه فوق العجينة واعدلي بالمغرف:confused: والقطايف من لفوق قصيها وهي نية كون طيب وتقصيها الجزء العلوي يفصل عن الجزء السفلي من الحشو وتتكسر ok السكين اما سخنيه في النار او دخليه في الزبدة باه يمشي وصبي الزبدة ياسر
طيب 180درجة ساعة غير ربع وعسليها ياسر اقل من البقلاوة شويةبرك
العسل معاه برشا عصير قارص مخلطين يمد نكهة رائعة تخليه تبرد وتقطعيها وتحطيها في ناب وكيسات بيضاء اللون
ولي تحب نعطيها مقاديرقد plat مقروط او نصفه للمناسبات

[ام نسمة]

ربي يحفظكم خياتي راني بديت الليلة بالمقروض وغدوة ان شاء الله نكمل الباقي ربي يستركم وراح حط صور لقاطو عجبني بزاف وماحاطينش المقادير اتاعو ممكن كاش وحدة تكون تعرفو

[salamamal]

سلام خياتي
نهار الاربعاء المقبل ان شاء الله زفاف اخي وراني حايرة واش نعمل قاطو
حما ماراحش نديرو عرس نعرضو غير حاجة قليلة بلاك 20 شخص مع ناسها هي اللي يجو معاها بلاك 12
المهمحابة ندير عدة انواع قاطو مع العلم احنا نشربو لاتاي اكثر من القهوة يعني ناسنا حنا وهوما لازم نحطوهم في زوج قهوة واتاي
يعني اعطوني رايكم واش نخدم
خاصة مابين بقلاوة ومقروض وقريوش ما نقدرش نخدمهم في ثلاثة وزيد مارانيش حابة القاطويات كامل بالعسل اقترحو عليا انواع سامبل وقولولي شحال نخدم من كيلو تاع قاطو كل شي من عندي كادو ولازم نديه منهنا من داري ما نقدرش نخدمو عندهم اي في بيت اهلي مازال ما نروح
نحتاج نصائحكم الليلة باش غدوة ان شاء الله نبدا واش رايكم ولا مازال الحال ؟ لاني راح نخدم وحدي مكانش اللي يساعدني ف لازم ندير حسابي في كل شي من الان
كما العادة نعرفكم كامل فحلات وتعطوني راي مليح

أنا انظن كتري من المقروط، فهو أحسن الحلويات على الاطلاق. :1: :1: :1:

[ام نسمة]

http://www.alm5zn.com/upfiles/H9T03210.jpg
اسمو حريم السلطان
اللي تعرفو بليييييييييز ضروري تعطيني الوصفة

[fahima fifi]

aljiljlaaaaaaaaan

[ام نسمة]

شكرا لكل ن ساعدتني وراني واصلة هنا
كملت مقروض وكملت قاطو قلوب الجلجلان وسنيوة بحلاوة كمونديتها واجدة ماعنديش وقت وغدا نعمل تاع النواد كوكو وغربية الكاوكاو والصابلي ان شاء الله
ودوركا اعطوني رايكم
http://www.alm5zn.com/upfiles/WFB79583.jpg

http://www.alm5zn.com/upfiles/5U379583.jpg

http://www.alm5zn.com/upfiles/Kyq79583.jpg

[ام نسمة]

http://www.alm5zn.com/upfiles/OyM61817.jpg
http://www.alm5zn.com/upfiles/FuY61818.jpg
http://www.alm5zn.com/upfiles/aKq61817.jpg