عاجل

[مشكلتي]

اريد خطبة فتاة لكنني بعدما استخرت وجدتها مدمنة انترنيت حوالي 16 ساعة في العطلة
و ماحيرني انني حين تحدثت معها قالت لي انا اطبخ انا اغسل انا اعرف كل شيئ و حين واجهتها قالت لي الميكرو في الكوزينة
هل اخطبها ؟

[z.abdo]

ايه على بنات الانترنت حتى الميكرو في الكوزينة بلاك دايرة قسم الطبخ نتاع المنتدى وتتعلم هههههههههه


بصراحة لا افضل البنت مدمنة الانترنت

[بلسم غرام2018]

اريد خطبة فتاة لكنني بعدما استخرت وجدتها مدمنة انترنيت حوالي 16 ساعة في العطلة
و ماحيرني انني حين تحدثت معها قالت لي انا اطبخ انا اغسل انا اعرف كل شيئ و حين واجهتها قالت لي الميكرو في الكوزينة
هل اخطبها ؟



اخي هل من الاستخارة تبين لك هذا
هذي تاني حاله من المنتدى نسمع بلي شاف حوايج هك كصلى استخارة
لاحول ولا قوة الا بالله
اما عن النت ليست مشكله
تطبخ تغسل دير كلش زكتحب تدخل النت تدخل وتوفق في كلش
كما تعلم المراه تعمل الكثير من الاشياء في ان واحد
واضيف حين صليت الاستخارة هل ارتحت لها

[leila ben]

يا أخي بلاك راهي دايرة تجنيد عسكري باش كي تلحق ليك تخلعك بجديد الطبخ وأنت راك تتفلسف ياك إلا إذا كانت في مواقع الدردشة ولا أعتقد ذلك مدامها مخطوبة
والله أنتم شعب موسوس ماشي مليح اللي يصارحكم

[مناد بوفلجة]

السلام عليكم

عاود صلي الإستخارة ربما ستكتشف أن الميكروا
لي دايراتوا في الكوزينة ما فيهش خيط النت

[mohaa47]

يا اخانا ابتعد عن مدمنة الأنترنت..........................ترتاح من صداع الرأس..................

[نوسة النموسة]

اذا كانت ذات اخلاق ودين عادي

كي تتزوجها نحيلها الانترنات

[wawaa]

ماهذه المشاكل شر البلية ما يضحك
16 ساعة في اليوم او الشهر او السنة ؟؟؟؟؟؟؟؟؟؟
ههه عادي حين تحتاج اكل ستتصل بقوقل و تلبي طلبك فورا هههههههههه كوبي كولي و المطبخ يبقى نظيف ؟؟؟؟؟؟؟؟
هل سالتها انها مدمنة افلام تركية ستكون الكارثة حينها و تستطيع ان تضيف الساعات

خو علاه تحبو لعوج كي تكون باينة الحكاية باينة انتم تانيت تحبو المرا نتاع لمشاكل

[اناناسة]

السلام عليكم، آسفه إخوتي لكني ألاحظ أنكم تستهزؤون بالفتاه التي يتحدث عنها الشاب . هل تعرفونها هل رايتموها ؟ و هل عيب ان تجلس ألفتاه لمده طويله على الحاسوب ؟ كي تجي في الراجل كلش حلال و في البنت لا لا ... و الله عجيب أمر هذه الأحكام .... انا لا أرى في ذلك اي مشكله ، لماذا نرى الجانب السيء من الامور دائماً ؟ و الله غير نصف ما نعرفه من أشياء حول الطبخ و الأعمال الفنية المنزلية مصدره الإنترنت و المنتديات هل ينكر أحد ان الإنترنت أصبحت مثل التيار الكهربائي في البيت ؟ أكيد لا ... انا أرى بانها ليس فيها عيب مادام اهتماماتها في الحاسوب من الناحيه الإيجابية . كالتعليم و الفائدة ....

[abdel02]

المشكلة ليست في كم تقعد أمام الكمبيوتر.
السؤال اللي لازم تجاوب عليه: واش تدير
في هذا ال16 ساعة...

[سهيلة2013]

اخي الانترنيت ماشي مشكل لي قافزة حتى حاجة ماتجي في طريقها

[tinza]

تزوجها و حبس عليها الأنترنيت

[راية الاسلام1]

السلااام عليكم

لم أكن أنو الرد على الموضوع ولكن بصراااحة ردود بعض الاعضاااء وجعتلي قلبي

الرجل جدي في سؤاااله وانتم تستهزئووون به؟؟؟؟

أخي أعد الاستخاارة مرة واثنان وثلااثة ... وان شاااء الله لن تندم

اسألها ماهي المواقع التي تزورها ... أنا أعرف صديقات لي مشتركااا ت في دورات تنمية بشرية جل وقتهم يقضينه على الحواسيب

وكدلك المشرفااات

أغخي ان بعض الظن اثم ... وادا قدر الله وجمع بينكما اقطع عنها الانترنت

موفق

[ندى الصبح]

السلام عليكم
اخي والله هذي ليست مشكله
اختي الصغرى تطبخ بمهاره عاليه ..وعاليه جدا......:d. تنظف وتغسل الاواني وهي مع هذا مدمنه انترنيت ونزيدك حاجه وحدوخرا مدمنه تلفاز ايضا
والله مانزيد عليك حرف
اذا هي عاجباتك وارتحت معها بعد الاستخاره ما عندك ما تستنى

[صالح القسنطيني]

السلام عليكم

و يبقى قلبك دليلك

و قولي لك ابتعد عنها و ابحث عن الخير في غيرها

[biosinoussa1]

salam khouya ila kanet kayna haja ma tgoulekch wela ta3tilekch ga3 l wakt bach tagbadha connecté 16h rahi m3ak b niyet ha saksiha les site tawa3ha
ana srali problem fi fatrat khoutouba radi nahkilek kan 3andi e mail b lmon nom et mon prénom w kount étudiante min housn niyti li yajoutini ndir ok f hotmail goult maradi yajoutini rit li ana 3titelhoum mon mail w marra dkhal khatibi w chaf lka 2 e mail ta3 des homme mana3rafhoumch w srat mouchkila
w g3adna 5 mois mahkinach w houwa mchenef 3liya malgré fahamtah beli mana3refhoumch
men ba3d welina min ma na3rafhoumch je les est supprimé w rana metzawjin darwek hamdoulilah w wela binatna confiance w yji w yelkani halla internet w l micro 3aya f cousina nchouf tyab wela nahdar m3a familti f ***** wela shabati normal hamdoulilah

[imen cherif]

ان كنت تريدها فعلا..... واكتشفت الامر...ز تاكدت منه...فحاول ان تعالج الامر بروية....علها تقلل من ساعات جلوسها على النت.....

[wafa16]

بالاك مين داك تضرب طلة
كيما انا نخدم شغلي و الميكرو شاعل مين داك نكونيكتي اللي يشوفني يقول تضل في الميكرو
اما ادا كنت تقصد الدردشة 16 سا انا نضنها حالة مرضية

[rafik__87]

فكرتني يا خويا في واحد صاحبي
كان خاطب وحدة تاني مدمنة انترنت تصور حتى تلكيديه باش تروح للفايس بوك ديما الطفلة في الفايس بوك في الخدمة والا في الدار ومن يطل عليها في البيرو يلقاها مدايرة فايس بوك
المهم ديما تخبي عليه ودارت موبيكونكت كي زير عليها وفاق بيها بصح في لخر تفارقوا مقدرش
صعيب باش تنحي لواحد ادمان الانترنت وخصوصا الفيس بوك واكيد رايحة تقصر معاك في امور البيت وتربية الاولاد ودرك مجاتش تعرف تطيب ومتعرفش جات انو عندها وقت ليك والا وقتها كامل للفايس بوك حتى وتكون متعرفش تطيب وتهتم بيك وتحس روحك بلي راك من اولوياتها خير من تعرف تطيب وتدير شغل الدار ونتا في المرتبة الثانية بعد الفايس بوك

[joulia31]

16 ساعة بزاف

لكن غير بالشوية عليها فهمها بلي لازم عليها تبطل من النت وخليها هي تختار

عليك بالاستخارة

[الجواهر]

اقسم بالله ان الموضوع لم يضحكني بقدر الردود هه هه هه
و انا فكرت مثلهم هل صلاة الاستخارة هي التي دلتك ام هي التي اخبرتك ؟؟
حين قلت 16 ساعة استغربت فوجدت انها تنام 8 ساعات و لا تقوم باي عمل آخر و هذا مستحيل من الناحية الفعلية لان اغلب البنات يقمن باشغال البيت على الاقل ساعتين في الصباح و ساعتين في المساء و الحاجة الثانية ربما تبقى متصلة بالنت لمشاهدة فيلم او مسلسل او .........

[ZAKl]

جميل ان نجد في هذا الوقت شاب يقوم بالإستخارة في وقت قل فيه من يصلي فريضته اصلا,
بارك الله فيك
اما فيما يخص مشكلتك اخي ,فيبدو انك تبحث عن الفتاة التي تطهي و تغسل و و و يعني امراة منزل و انت تعلم فتيات هذا الوقت,كما ان حيرتك في كونها مدمتةانترنت,و مدمن الانترنت ياصديقي مثله مثل اي مدمت
والحل في رايي هو ان تقطع عنها الانترنت عندما تالي الى بيتك كون الامر يزعجك
وفق الله فيما تحب و ترضى