؟

[مشكلتي]

مشكلتي هي ان هناك فتاة تتبعني وين نروح حتى جعلتني في شراكها
و ما حيرني ان الفتاة جلبابية و تمدحني كثيرا و تخضع بالقول
و انا راني نية حسيتها دارت الجلباب متربية و اذا بي اكتشفت انها دايرة الجلباب
باش تتزوج برك
و قال الله و قال الرسول بالقول و الفعل حدث و لا حرج
قلت خليني نتعرف بيها تعرفت بيها --------------------- و قرات مع
صاحبي يعني لبرومو نتاعو
قالي كانت دايرة الفي و من باعد كي لقات جماعة----------------- حجاب سانبل و جلباب دارتو
شكليا لانو دخلت بلا حجاب و كانوو يحسبوها تقرا موسيقى ماهيش -----------------
هنا عرفت بلي صح تحوس تزوج و دور بيا و انا كنت نقرا في -------------------
الحاصول ضروك راني معاها في الفيس بوك
الصراحة خطرات نقول نحبها و خطرات نقول نكرهها متناقضة لا خاطر كيفاه وحدى
جلبابية دردش مع راجل
ايا فهموني يا الخاوة ؟

//////////////////
للمشرفين بجاه ربي حطو مشكلتي باش نعرف الصح من لغلط,,,,,,,,,,,,,,,,,,,,,,,,,, و تشكراتي لكم يا ايها المشرفين

[samirovich]

ياخويا ممكن انها كانت طايشة شوية فالليسي وهداها ربي ولبست جلباب على اقتناع
أنت وصاحبك علاه تشككوا فيها؟؟

وزيد أول مرة نسمع بحكاية (لابسة جلباب باش تتزوج) الأمور ولات تمشي بالعكس ولاكيفاش ؟؟؟ روح سقسي أي طفلة تقولك اللي كانت تدير الفي هي اللي تـتزوج قبل البنات.....وواحد مايسقسي على تاريخها... أنت راك راجل وتعرف باللي الغالبية تع الرجال تشوف المظهر قبل كلشي

أنا رأيي تنسى هدرة صاحبك وتتكل على ربي وتخطب...
اما حكاية الفايسبوك فاعتبرها زلة يا اخي.......
أنت تحسب أن كل جلبابية لازم تكون ملاك؟؟؟
راها صغيرة وتغلط وتتعلم
أنت ثاني راك غلطت كي دردشت مع بنات

[❀ بَسْمَةْ أَمَلْ ❀]

عجـــــــــــــــــب لوقت لي وصلنا ليه ????

[z.abdo]

اخطيك منها .....................

[sara2012]

السلام عليكم
شوف خويا نتا علابالي حاير كفاه راها تحكي معاك في الفيس بصح نتا ثاني راك تحكي يسمى راكم كيف كيف
اذا راك تاع زواج ما تبقاش تحكي معاها برك اعرف عقليتها و صقصي عللى اخلاقها اذا لقيتها تاع علاقات و كانت مع فلان و رجعت لفلان و درك راهي معاك غير اخطيك بيسك نكره هاد النوع
اذا لقيتها ناس ملاح و قصدت الخير معاك اتقي مولاك و روح لدار والديها و اخطبها باه من بعد الخطبة الشرعية تقدر تحكي معاها
نتا شخصيا اذا عجباتك و المهنة نتاعها مناسبة ليك و علاه تحير فيها خير ان شاء الله
بصح ما تنساش و نأكدلك صقصي عليها مليييييييييييح مليييييييييح و نقدر نقولك جربها مثلا مد رقم الهاتف تاعها لواحد من صحابك تثيق فيه مليح و نكرر تثيق فيه و قولو احكي معاها على اساس راك بغيتها تراه واش دير و هاد الشي راه مجرب من واحد من العائلة كي بغا يخطب .........مجرد راي قادر يكون خاطئ و نزيد نقولك اذا كانت نيتك صافية و تدعي ربي سبحانو باه يجيبلك لي فيها الخير غير توكل و ما تخافش

[kheiro didine]

نوصيك بعد عليها !

[بلسم غرام2018]

ياخويا ممكن انها كانت طايشة شوية فالليسي وهداها ربي ولبست جلباب على اقتناع
أنت وصاحبك علاه تشككوا فيها؟؟

وزيد أول مرة نسمع بحكاية (لابسة جلباب باش تتزوج) الأمور ولات تمشي بالعكس ولاكيفاش ؟؟؟ روح سقسي أي طفلة تقولك اللي كانت تدير الفي هي اللي تـتزوج قبل البنات.....وواحد مايسقسي على تاريخها... أنت راك راجل وتعرف باللي الغالبية تع الرجال تشوف المظهر قبل كلشي

أنا رأيي تنسى هدرة صاحبك وتتكل على ربي وتخطب...
اما حكاية الفايسبوك فاعتبرها زلة يا اخي.......
أنت تحسب أن كل جلبابية لازم تكون ملاك؟؟؟
راها صغيرة وتغلط وتتعلم
أنت ثاني راك غلطت كي دردشت مع بنات


معك حق
اضيف اخي صلي استخارة وتوكل على المولى عز وجل

[leila ben]

يا أخي إذا راك تحوس تتزوج بيها سقسي عليها دوك كيفاش راهي وإذا لقيتها رتبت قلها خلينا من الفايس بوك وأخطبها وهني راسك أما إذا راك شاك فيها ولا راك حاب تخليها على جال حكات معاك في الفايس بوك نقولك الجمل مشافش عرورتو شاف عرورة صاحبو راكم كيف كيف ولا أنت معليش كي حكيت في الفايس بوك بالنسبة للجلبابية مراهيش معصومة من الخطأ الجلباب مكمل لأخلاق البنت ماشي هو اللي يحدد أخلاقها وإذا هداها ربي ربي يكملها واش اللي قلقك دارتو باش تتزوج ياك مدرتوش باش تدير عفايش ماشي ملاح خليها إذا إكتشفت أنها تبوجي بزاف وخارجة طريق
في الأخير وشبيك موسوس كل حاجة باينة سقسي عليها وصلي الإستخارة واتكل على ربي

[mohaa47]

أنت و هي في نفس المستوى................لا تنه على خلق و تأتي مثله .................عار عليك إذا فعلت عظيم

[wawaa]

بعض ممن يرتدينا الجلباب يفعلن افاعيل يندى لها الجبين ؟؟؟و يلبسن الجلباب
كمظهر كي يقال فلانة ترتدي الجلباب و فلانة تابت و فلانة متدينة و حين تخالطها
تجدها تغتاب و تكذب و تتزين و تهاتف هذا و ذاك

في حين توجد فتياة صحيح يلبسن الجلباب و يقتدين به فلا تخالط و لا تجالط
و لا تحادث اجنبي و لا تلاطفه و لا تدردش في النت

مثلما تتصرف في الواقع تتصرف في الافتراضي

و هذه الفتاة لو كانت صالحة بالفعل لما تصرفت هكذا تصرف

و المشكل فيك اخي لانك قلت انها تتبعك فحينما عرفت انها تتبعك لماذا اعطيت لها وجه كما انك لو تزوجت بها ستعايرها و تنكد عيشها

نصيحتي ابتعد عنها و تزوج من الواقع لا الافتراضي و استقم انت ايضا

هي فيسبوكية و انت فيسبوكي و تجيبو اولاد اسمهم ياهو و قوقل و تويتر

افق من سباتك يا هذا و الزواج له اصول و ليس كل من قال قول في الانترنيت يقتدي به تلك وجهة نظر و ليس الشخصية كاملة

ممكن المختصين في علم النفس يكتشفون زلات القلم و يعرفون من يرد لكن العامة لا اظن ذلك

بئس المجتمع المعاش

[جمعي البشاري]

الحاصول ضروك راني معاها في الفيس بوك
++++++++
عجبتني هدي هههههههه
ياخويا اخطيك من العلاقات المحرمة وانصحك بتغيير كل وسائل الاتصال وتوب لله
ادا نوي الحلال سقسي عليها وادا عجباتك روح لدارهم
والله المستعان

[نوسة النموسة]

وين عمبالك بليك درت الجلباب بش تتزوج دخلت في نيتها

صلي استخارة ومتزيدش تهدر معاها

[أيادي الأمل]

---------------------:)

السلام عليكم

ليس الجلباب من يلام بل صاحبته ،
و ليس للجلباب او الحجاب اي ذنب ،

و مشي واحدة تلبس جلباب و تسيء الى سمعته معناها انو كل من يرتدين الجلباب مشي ملاح ،
لا داعي للتعميم !

و المظاهر دايمن خداعة لازم الواحد يزيد يسقسي .

[abdel02]

هذه علامة من علامات الساعة...
يشتركان في الذنب ثم يستفتي الناس من منهم المذنب..
كالذي يزني بإمرأة ويقول أنها هي من بدأت.
والله المستعان.

[samira135]

مادخلتليش لراسي هذي لحكاية .............سلام

[tinza]

خطيك منها و لا تتبع هواك

[راية الاسلام1]

السلاام عليكم

أخي غير ماتكسرش راااسك

الطيبون للطيبات والطيبات للطيبين والخبيثون للخبيثات والخبيثات للخبيثين

انتهى

[biosinoussa1]

balak rabi hdaha w haba testebyet nsa son passé w choufha darwek ki rahi w akhlakha w soum3et 3ayletha
balak nta tzid tahdiha w tetzewjou w t3ichou bien testiha w chouf 3aynek mizanek rabi yjib li fih lkhir

[imen cherif]

اتق الله في نفسك... وبها...

[ناصرالدين الجزائري]

هي تريد الزواج .. و أنت ماذا تريد ؟

أنتما في الأفعال سواء .. فكلاكما يتحدث من الأجانب و عليكما نفس الوزر
ربما هي تظن أنك مهتم بها للزواج لكن ماذا تنتظر أنت ؟
النفس البشرية ضعيفة .. و لا يثبت إلا من ثبته الله تعالى .. فلا تكن سبب في انحراف البنت و تعينها على المعاصي ثم تتظاهر أنك مندهش ..

من حسن اسلام المرء تركه ما لا يعنيه

[~~ أغيلاس ~~]

السلام عليكم،

تعجبت من قولك كانت تلبس الفيزو ثم لبست الجلباب،

يا اخي الهداية من عند الله،

و هل المتبرجة حرام عليها لبس الجلباب ؟

هناك فتيات دخلن للدراسة في الجامعة تخصص العلوم الشرعية بالسراويل و الشعر المكشوف ( متبرجات )، اخترن تخصص العلوم الشرعية و لما دخلن الجامعة لبسن الجلباب،

هل هذا حرام ؟؟؟؟؟؟

ـــــــــــــــــــــــــــــ

أقول لك شيئا :

ليست كل فتاة متجلببة ملمة بالأحكام الشرعية، بمعنى تعرف الأحكام الشرعية،

لعلها أحبت لبس الحجاب الشرعي ( شيء جميل ) لكنها لم تغير عاداتها القديمة ( العادات المحرمة طبعا )،

و هل تعتقد أن الفتيات المتجلببات هن فقط من يتزوجن ؟

كلا،

المتبرجات و شديدات التبرج يتزوجن أيضا، بل إن بعض شباب اليوم يختار الزواج من المتبرجة و لا يتزوج المحجبة،
ــــــــــــــــــــــ

ثم هي تكلمك في الفيسبوك ( محرم شرعا طبعا )،

لكنك أنت ايضا تكلمها ( محرم أيضا )،

أنتما تشتركان في الإثم،

ـــــــــــــــــــــــــــــــــــــــــــ

إن كنت تريد الفتاة للزواج فلها وليّ شرعي و باب الدار معروف،

إن رأيت فيها ما يدعوك لنكاحها فصلّ صلاة الاستخارة و كفاكم دردشة و كسبا للسيئات،

أما إن كنت لا ترى هذه الفتاة مناسبة لك فأظننك تعرف ما تفعل،

تدردشون مع الفتيات و تضحكون معهم و لما يتعلقن بكم تقولون : الفتيات يلاحقننا، الفتيات يردن الزواج بنا،

درسنا في الاختلاط و نعمل في الاختلاط، و نعيش الاختلاط بكل معنى الكلمة لكننا لا نرى الفتيات يلاحقننا أو ينظرن إلينا حتى، بل من تتجرأ تتكلم معك مرة لكنها بمجرد أن ترى طريقة تعاملك تعرف قدرها و تلزم حدودها،

ــــــــــــــــــــــــــــــــــــــــــــــــــ ـــ

ملاحظة : لا أدفع عن الفتاة .