شك زوجي فرقنا

[مشكلتي]

السلام عليكم
اليوم حبيت نحكيلكم مشكلتي الي انتهت فجاة وبدون مقدمات بالرغم اني مرتاحة كي انتهت
انا كنت مخطوبة لرجل انا لي تعرفت عليه وكمل زواجي بيه بعقد شرعي فقط ودام 3 اشهر
انا كان عاجبني متدين ومثقف ومحترم وكنت نحبو بالرغم اني مزلت نحبو
انا مالي عرفتو بالرغم انو كان جاد معي وعجبتو ومقتنع بيا كن ديما يشك فيا وعلى اتفه سبب يفولي راكي عندك راجل اخر في حياتك حبيتي تبعدي عليا وتتزوجي بيه
كل مايحكي هاك نحاول نقنعو ونهديه ونبعد الشك عليه لكن الشك مستمر
وحدثت الحادثة ثاني عيد سببها الشك قررت الطلاق منو لانه طفح الكيل تعبت قتلو انت انسان شكاك كيف نعيش معك
طلقني بعدها لكن اراد ان يرجعني لكن انا رفضت نرجع ليه
واش رايكم في رجل شكاك

[ما وراء الطبيعة ؟؟؟؟]

يا أختي

أنا أسير في الشارع

واحيانا تصادفني مواقف غريبة من بعض المتزوجات أو المخطوبات وهن يمشين مع أزواجهن

بصراحة احيانا تجد الواحدة منهن لا تنزل عينها عليك رغم انك اجنبي ومعها زوجها


المرأة لازم تكون ذكية متديرش لجاست لي تخلي راجلها يشك فيها

[بلسم غرام2018]

اخيتي عليك بالاستخارة وعلى ما اظن من حقك الطلاق هذا واحد معقد معقد بمعنى الكلمة ولازموا طبيب نفسي
كانش ما واقعه حاجة ليه قبل هذاك علاه باقي غير يشك

[بلسم غرام2018]

يا أختي

أنا أسير في الشارع

واحيانا تصادفني مواقف غريبة من بعض المتزوجات أو المخطوبات وهن يمشين مع أزواجهن

بصراحة احيانا تجد الواحدة منهن لا تنزل عينها عليك رغم انك اجنبي ومعها زوجها


المرأة لازم تكون ذكية متديرش لجاسك لي تخلي راجلها يشك فيها

اخي لازم الراجل الي باه يتزوج بيها يكون حاط فيها الثقه كيما حطتها فيه
اذا حسب ما تقول ماذا نقول اذا عن الرجال الخونة الي مرتوا معاه وهو عينوا تلصلص والي بار تلفون والي والي والي
لذلك اخي مع احتراماتي الشاذ لا يقاس عليه
لانوا الصباع مش كيفكيف كيفاه عاقد علاها ويقلها بلي راكي لراجل غيري هل يعقل هذا
هذا لوكان داتوا تعيش في معتقل وزيد يهبلها تروح للعثمانيه

[حفيظة 1]

الاستخارة
الشك مرض قااااااااتل وهدام للعلاقة اوااااااااه لزم ينحيه

[naamane3]

انا من رايي ترجعي ليه عادي جدا
وفي اول مرة يقولك راكي عندك راجل خلاف قوليلو هاذ الجملة بالحرف الواحد
لوكان عيني نخونك راني خنتك من زمن ماشي من اليوم
لكنك عاجبني ومقتنعة بك ولازمني نصونك رحمة بك
وخوفا من رب العالمين وأعلم أني لن أخونك مهما حصل
فاذا كان له قلب وعقل اقتنع بكلامك و ترك شكوكه
واذا كان غير ذلك فالله المستعان
وفي كلتا الحالتين اكثري من الاستغفار ففيه خير كثير

[المنديل الابيض]

اسواء صفة في الرجل هي الشك الذي لا مبرر له
-اي طبع فيه-
انتي ادرى واعلم ان بحالته
ان كانت صفة دائمة ربي يكون في عونك

[داعي الله ياسين]

خُدي رأي الحكماء والعلماء في قضيتك هته فهي مصيرها تهديم أسرة أو بناءها لااااا تــاخدي آآآراءنا فنحن نستعمل العاطفة أكثر من الحق (كما أرى في الردود)
لِدى نصيحتي تدخّل العقلاء أفضل أختي
تصرّفي فهذا ليس لــــهواً

رب يجمعكم في الخير

[نور نسمة]

اختي استخيري و استشيري من يعرفكما و من يعرفوه...لكي لا تندمي
انت تقولي انسان مثقف و ملتزم بالاضافة الى انكما تحبان بعضحما و هده الصفات اصبحت نادرة فلا تتسرعي...ربما غيرته الزائدة عليك تحولت إلى شك....و صراحة احمدي الله على انه لايأتيك ساكرا في الليل و لا يضربك و ماله حلال و...و...،كوني دكية املئي حياته حب و فرح تفرغي له أكثر من الأول و كوني قلبك كبير و صبورة- كي قلك كلمة ماشي لازم ترجعيلو باش مايزيدش يثور- ياما تحملت والدتك من والدك و ياما تحملت نساء الدنيا من الرجال ...هده هي الدنيا على قد ماهي تافه صعيبة...هدا هو الزواج مر و حلو......ادعي له في صلاتك و بإدن الله سيتغير.

[rose malak]

الرجل الذى يشك في زوحجتة صعب المعاشرة فعليط توخى الحذر و لا تستسلمى للمشاعر ... اظن ان هذا الرجل عاش تجربة فاشلة مع امراه خانته او عاش ظرف او حالة في الصغر مازال مؤثر

بها ...احذرى اختى هذا النوع من الرجال قد يكون سادى يستمتع بتعذيب امراته ...اتمنى لك اتخاذ القرار الصح ...تحياتى

[amiramirna]

حرام عليك حبيبة علاش تخلي تخلي الشيطان يدخل بيناتكم و يفرقكم
حبيبة راكي تقولي راجلك متدين و المتدين يسوسلو الشيطان اكثر من الخارج طريق
ادعي ربي يهديه و ارقيلو ربما يشفى من الوسواس تاعو
و الله يهديك راهو يتهز عرش الرحمان فالطلاق يزينا من الضياع و التشتت راهو افة العصر كبار و صغار غير الطلاق الطلاق الطلاق

[samira135]

أساس العلاقة الزوجية الثـــــــــقة و الصراحة واذا ما توفروش في زوج يفشل الزواج

أنا ننصحك ما ترجعيش

[sophisimaos]

السلام عليكم
اليوم حبيت نحكيلكم مشكلتي الي انتهت فجاة وبدون مقدمات بالرغم اني مرتاحة كي انتهت
انا كنت مخطوبة لرجل انا لي تعرفت عليه وكمل زواجي بيه بعقد شرعي فقط ودام 3 اشهر
انا كان عاجبني متدين ومثقف ومحترم وكنت نحبو بالرغم اني مزلت نحبو
انا مالي عرفتو بالرغم انو كان جاد معي وعجبتو ومقتنع بيا كن ديما يشك فيا وعلى اتفه سبب يفولي راكي عندك راجل اخر في حياتك حبيتي تبعدي عليا وتتزوجي بيه
كل مايحكي هاك نحاول نقنعو ونهديه ونبعد الشك عليه لكن الشك مستمر
وحدثت الحادثة ثاني عيد سببها الشك قررت الطلاق منو لانه طفح الكيل تعبت قتلو انت انسان شكاك كيف نعيش معك
طلقني بعدها لكن اراد ان يرجعني لكن انا رفضت نرجع ليه
واش رايكم في رجل شكاك

ياو يستهل
عيب يتهم الرجل زوجته بالخيانة بدون ادنى دليل
تهنيتي منو هكدا يتعلم يتعامل مع لي جي بعدك

[tina rus]

انا في رايي ترجعي لطليقك لانو

انا اظن بلي غي مازال ماوالفتوش بالروتين تاع المتزوجين و الله شيء عظيم انكم تزوجتم عن حب فلا تضيعي فرصة ممكن انها لن تتعوض و رح تندمي عليها فيما جاي
المخم هذا راي فقط توكلي على الله و ارجعي ما خاسرا والوا ياخي هو لي ختاريتيه المرة الاولى من بين قاع الرجال و كوني دكية في التعامل اهم نقطة

[altaki]

الشك هو سم الحياة الزوجية

[abdel02]

سينتهي ذلك بعد الزواج...عندما تكوني معاه 24/24 ساعة
أما الأن فاعذريه...لأنه يحبك بجنون...أو يخاف عليك الذئاب.

[tinza]

هذا الرجل لديه تجربة سيئة قبلك و أثرت عليه سلبا

[راية الاسلام1]

السلااام عليكم

أختي أول حاجة ديري استخااارة

أنا على حسب مافهمت أن زوجك هدا كانت له علاقة سابقة مع فتاة وخانته ... فأصبح لا يثق باي فتاة أخرى

أنصحك ان لا تراجعيه لن تستطيعي تحمل شكه ... وستفترقان عاجلا أم آجلا

زوجك مريض ويلزمه طبيب نفسي .... نسأل الله له الشفاء

وتيقني أن الله لم ير لك فيه خيرا

رزقك الله الزوج الصالح

موفقة

[wafa16]

انتي قلتي انك انتي اللي تعرفتي عليه ادا كنتي تقصدي علاقة قبل الزواج ربما هدا هو السبب لهدا هو يشك فيك

[نورالهدى بيولوجيست]

انا نشوف بلي الطلاق هو اخر حل و على حساب حديثك ما شفتش امر خطير عادي حتى و يكون شكاك خلي تصرفاتك تثبت العكس انا وحدة من قريباتي راجلها شكاك فوق التصورات و صبرت عليه و شافت منو العجب و ضرك ماشالله راهم لاباس عليهم حتى هو تغير ...

اختي اذا كان هذا السبب الوحيد اللي خلاكي تطلبي الطلاق :1: اسمحيلي لوكان النساء يديرو كيفك ما تبقى حتى عايلة الكل يتهدموا اما اذا عندك اسباب اخرى استشيري عقلك و اهلك و قبلهم خالقك احسن...........والله المستعان

[جمعي البشاري]

رب يجمعكم في الخير