الاغاني التراثية المتداولة في الاعراس

[*نآدرة~]

السلام عليكم ورحمة الله تعالى بركاته

معروف اننا في موسم الأعراس،والأعراس الجزائرية معروفة بعاداتها وتقاليدها المميزة،ولعل أغلب ما يميزها الاغاني التي تغنيها النسوة في الاعراس،وأكيد أن هذه الاغاني تختلف من منطقة الى منطقة لذلك أحببت ان اعرف كلمات بغض الاغاني التراثية المشهورة عندكم والتي تغنيها النسوة باستعمال الدربوكة،هل تحفظونها ياترى؟؟وهل ترددونها اثناء الاعراس؟؟أم أنها تلاشت واضمحلت وحلت محلها الاغاني المتداولة حاليا؟؟

انا أحفظ القليل من الاغاني وسأطلعكم على اثنين منهما

الأولى:
طيرو يا طيور السما طيرو من قدامي وفلان(ونذكر اسمه)بخواتاته ما هوشي وحداني
نفس الكلمات تتردد مع تغيير كلمة خواتاته ب خالاته،عماته،.....الخ
الثانية:
هذا عرسك يافلان(ونذكر اسمه)هذا عرسك ياالزين هذا عرسك يافلان في ساعة الوالدين
جيب البرنوس يافلان جيب البرنوس يالزين جيب البرنوس يافلان في ساعة الوالدين
نفس الكلمات بتغيير كلمة البرنوس الى الساعة،الخاتم،........


ترى هل تعرفون هاته الاغاني؟؟؟
ان كنتم تحفظون بعضها فاكتبوا كلماتها هنا
وشكرا لكم

[*نآدرة~]

هذي أغنية مي مش حافظها مليح
عمي حم جاب مرا ألالالا جابها عجوزة نقراشة ألالالا سكنها تحت الشجرة ألالالا
شكرا لك،لا اعرف هذه الاغنية ولم اسمع بها من قبل
لكن شكرا لمشاركتك
ليتك كنت تحفظها كلها

[*نآدرة~]

كأن الموضوع لا يعجب اليس كذلك؟؟:rolleyes::rolleyes::rolleyes::rolleyes:

[رانيا3]

ههههههههههه اختي والله طليتي على قلبي
نمووت على هادي الاغاني التراتية
عندي عمتي ساكنه في منطقة عراساتهم كامل يغنو لبنات فيها و يعدواا زهوا خير من الاعراس تاعنا
و تالمون كي نروح فالصيف يعجبوني درك نتفكر و نحطهملك ;)
مشكورة على الموضوووووع الراااائع

[رانيا3]

الأولى : كي يدخلو لعروسة للدار هيا تقعد و هوما يغنو :
فلان ( دكر الاسم) يا فلاااناا .... فولان ويا الزهواااني .. الناس تعيط آ فلاااان و انايا نعيط آ غزالي اااا
والله نسيت الزء الاخر من هاد الاغنية كي نتفكر نكملهولك

و كاينا وحدا اخرى كي يخرج لعريس من الداار و هو لابس الكوستيم باش يحني مع صحابووو ينوضو خواتاتو يغنو عليه هكدا
و يا لعريس ويا خووياا صحا كوستيمكااا و صحا كوستيمكا تللبسو بالهنااا و تلقى خالاتكااا وت لقاا خالااتكااا
و يعيدوها مع تغيير خالاتك بعماتك و نسا خوالك و نسا عمومك :) و اللحن روووعه

[رانيا3]

و كاينه واحدة اخرى تغنيهالنا اخت لعريس كي نكونو حنا في حنا برك ماش ي تسمع الناس الكل خاصة اهل العروس :p
هاي ليلي لي ياااا و هاي لي لي لي يااا و كون ما لخوف لي بنها علاش تسب عليااا
قالتلو طلقهااا ما تحلبش البقرة ..و ما تحلبش البقرااا ... قاللها غير خليهاا نشريلها حليب الغبرااااا
و هاي لي لي ليااا و هاي لي لي ليااا وكون ما الخوف لي بنها .. علاش تسب علياا
و قالتلو طلقها ما تلايمش الزيتون اي ما تلايمش الزيتون ... قاللها غير خليها نشريلها لي لبيدون ..
و هاي لي لي لياا وهاي لي لي ليااا و كون ما الخوف لي بنها علاش تسب عليااا
وقالتلو طلقها وما تشيرش الحارة وما تشيرش الحااارة ... قاللها غير خليهااا و نيبلها الخدااامة
وهاي لي لي ليااا و هاي لي لي لياا وكون ما الخوف لي بنها علاش تسب علياااا
ههههههههه اختي تعجبني انا هادي بزااف وكي يغنوهاا نموت بالضحك
و مازالو واحدورخرين بصح ما حفظتهمش كب نيد نروح نكتبهم و نقولك عليهم
لي ما فعموش الغناية نقدملهم شرح بسيطط
زعما هادي عروسة جديدة و ما تعرفش حوايج بزاف ايمالا عجوزتها تقول لبنها طلقها و كل مرة تقدملوو عدر
مرة ما تعرفش تحلب البقرة ومرة ما تشيرش الحارة ومرة ما تلايمش معاهم الزيتون وهكداا
وهو مسكين يحبهااا يقولها نديرلها كلش نشريلها حليب غبرة نشريلها زيتون البيدون نيبلها خدامة غير ارضاي
بيها واقبليها معاك برك :p
كي نزيد نتفكر نحط :)

[orankawtara]

السلام عليكم ورحمة الله تعالى بركاته

معروف اننا في موسم الأعراس،والأعراس الجزائرية معروفة بعاداتها وتقاليدها المميزة،ولعل أغلب ما يميزها الاغاني التي تغنيها النسوة في الاعراس،وأكيد أن هذه الاغاني تختلف من منطقة الى منطقة لذلك أحببت ان اعرف كلمات بغض الاغاني التراثية المشهورة عندكم والتي تغنيها النسوة باستعمال الدربوكة،هل تحفظونها ياترى؟؟وهل ترددونها اثناء الاعراس؟؟أم أنها تلاشت واضمحلت وحلت محلها الاغاني المتداولة حاليا؟؟

انا أحفظ القليل من الاغاني وسأطلعكم على اثنين منهما

الأولى:
طيرو يا طيور السما طيرو من قدامي وفلان(ونذكر اسمه)بخواتاته ما هوشي وحداني
نفس الكلمات تتردد مع تغيير كلمة خواتاته ب خالاته،عماته،.....الخ
الثانية:
هذا عرسك يافلان(ونذكر اسمه)هذا عرسك ياالزين هذا عرسك يافلان في ساعة الوالدين
جيب البرنوس يافلان جيب البرنوس يالزين جيب البرنوس يافلان في ساعة الوالدين
نفس الكلمات بتغيير كلمة البرنوس الى الساعة،الخاتم،........


ترى هل تعرفون هاته الاغاني؟؟؟
ان كنتم تحفظون بعضها فاكتبوا كلماتها هنا
وشكرا لكم
أنها تلاشت واضمحلت وحلت محلها الاغاني المتداولة حاليا

[البنت الجلفاوية]

بارك الله فيك
هل من جديد لنستفيد

[سمية بنت الخياط]

اليك اغنية من تراثنا
ارواح ارواح ا خويا ارواح تشوف الزين لحواجت خط برية (رسالة ) و عيونها عيون الطير
واليك اخرى نرددها عند ذهاب الاقارب الى البقاع المقدسة
طيارة طارت بنا تمشي و الدورا هياو نزور مكة قبر الرسولا
يا حجاج المدينة ويا زيار بيت الله ساليو على نبينا وسيرو في ضمان الله
و هذه عن ميلاه صلى الله عليه وسلم
لالا يمينة 'امنة بنت وهب' خدك ينور مع طلوع النجمة زاد الرسول
وهذه عند اول دخول لبيت اهل زوج العروسة
وسعينا سعينا وسعينا المال جبناها وجينا في حياة الرجال

[jasmine 7]

متعرفوش كلمات من اغنيه
يانا ويانا ويانا سايسو مولات الخانه

[نوريات]

وعليكِ السلام و رحمة الله

حبّيت الموضوع لأنه ذكّرني بأغنية جميلة جدًّا نُغنِّيها -نحن- بنات العايلة بالدُّف في ليلة الحنة :)
هي أغنية غير مألوفة ( من تنظيم ابنة خالتي هههه ) ، خرجت غير عام 2012 في عرسها هههه

تقول كلمات الأغنية :) :

يا الجَبْري للي حبو قلبي ........ يا الجَبْري للي حبو قلبي
قُلتْ للجبري واش نفطر؟ ........ قالِّي بربوشة سُكَّر
قلت للبَلْدي واش نفطر؟ ........ قالي مقروط معسَّل
يا يمَّا على زواج الجبري ........ يا يمَّا على زواج الجبري
و الجبري للي حبُّو قلبي
قلت للجبري وش نتوسَّد ؟ ........ قالي اتْوسّدي مسود
قلت للبلدي وش نتوسد؟ ........ قالي ذراعي مسند
يا يما على زواج الجبري ........ و الجبري للي حبُّو قلبي

قلت للجبري راني نحبّك ........ قالي حبة في فمّك :1:
قلت للبلدي راني نحبّك ........ قالي قلبي على قلبك :cool:
يا يمَّا على زواج الجبري ....... و الجبري للي حبو قلبي
قلت للجبري نقص شعري ........ قالي اخرجي من داري
قلت للبلدي نقص شعري ....... قااالي تواتيك الكاري :1:
و يا يمَّا على زواج الجبري ، هههه

----------------------

المرة الجاية نغنيلك زوج اُخرين من مألوفنا الشعبي :p

[مسلمة0]

موضوع مهم وجميل، نرجو إثراءه!

[صبرينة لوتس]

كنت أحفظ الكثير من الأغاني التراثية للأسف نسيت الكثير منها


إليك هذه مثلا :


يا بلارج يا طويل القايمة *** يالي ساكن في بحر لثنين
ما ترعاشي في بحيرة لالا *** مولات الخلخال بو رسلين
يما يما شوشتي مظفورة ***هادو سبع سنين ما صليتش
كي جيت نصلي نسيت سورة *** اتفكرت ميمتي وبكيت


وهذه تغنى بمناسبة قدوم الحجاج من البقاع المقدسة :


يا حجاج المدينة مبروك عليكم كي جيتو
مبروك عليكم كي جيتو
لابسين برانس المية في جبل عرافا صليتو
ونسيت الباقي


في الشرق الجزائري نسميها التسباح وتؤدى جماعيا بضرب الأرجل على الأرض يؤديها الرجال عادة .

[مسلمة0]

اليك اغنية من تراثنا
ارواح ارواح ا خويا ارواح تشوف الزين لحواجت خط برية (رسالة ) و عيونها عيون الطير
واليك اخرى نرددها عند ذهاب الاقارب الى البقاع المقدسة
طيارة طارت بنا تمشي و الدورا هياو نزور مكة قبر الرسولا
يا حجاج المدينة ويا زيار بيت الله ساليو على نبينا وسيرو في ضمان الله
و هذه عن ميلاه صلى الله عليه وسلم
لالا يمينة 'امنة بنت وهب' خدك ينور مع طلوع النجمة زاد الرسول
وهذه عند اول دخول لبيت اهل زوج العروسة
وسعينا سعينا وسعينا المال جبناها وجينا في حياة الرجال

هل ممكن كلمات هذه الأغاني:
ارواح ارواح ا خويا ارواح تشوف الزين لحواجت خط برية و عيونها عيون الطير
وسعينا سعينا وسعينا المال جبناها وجينا في حياة الرجال

[مسلمة0]

أبحث عن كلمات أغنية "حدة لالة"
وشكرا مسبقا

[djamilalgerie]

يا ريت الناس يعاودو يرجعو لهاذو الأمور الهايلين