نادمة

[مشكلتي]

السلام عليكم و رحمة الله تعالى و بركاته

ساحكي لكم قصتي ورجاءا ردو علي بدون تجريح اللي في يكفيني

لما كنت في الثانوية كنت مع واحد دايما مع بعض و دائما كنت نحس بالذنب

و عارفة بلي الشي اللي راني ندير فيه حرام ، كنت نخلق المشاكل دايما بآه نتفرقو

و كنت نقولو بلي علاقنا حرام في حرام في كل مرة نبعد عليه يرجع كرهت بزاف

و دعيت ربي باه يبعدني عليه و الحمد لله ربي استجاب لي ايه الحمد لله لكني فقدت اهم شيئ

فقدت ثقة أخي و أهلي ، لانو وحد النهآر كنت معاه و شافني خويا معاه و زعف علي بزاف

و خبر قاع دارنا ما عدا أبي منكدبش عليكم خآوتي كرهت الدنيا وليت نحس روحي رخيسة و ما نستهال والو

المهم فاتو الأيام و رجعت علاقتي مع دارنا عادية نوعا ما و ووعدت عايلتي بلي تموت و منزيدش نخرج مع واحد و

الحمد لله ما زلت عند وعدي لكن كل ما نتذكر هداك

الموقف نبكي بز اف ف بزاف و نكره كل شي

و مشكلتي الان هي خويا لانو مزال يشك في و راه يكرهني بزاف كل مانقول حاجة ينويها حاجة

اخرى و يسكتني و زيد راني مقبلة على الدراسة في الجامعة في ولاية اخرى و راني خايفة بزاف من الشك نتاعو

مقدرتش نستحمل الشك و هاد المعاملة علابالي نستهال بصح خلاص انا تبت و ندمت ما دام هو مزال منساش

انا كيفاه ننسى قوليلي كل ليلة دموعي متحبسش واش ندير معاه انا ضوكا ؟؟؟؟ في كل يوم راني نموت الف مرة

مقدرتش و الله خلاص راني حابة نموت بالقهر

[~~نهال~~]

اختي انتي عارفة خطاك و اعترفتي بيه و ماانكرتي والو
اللي فات مات
اول حاجا تذكري بلي وش تمنيتيه حجث و هو تتهناي من شخص
اما عن اخوك دوائو النسيان يكبر و ينسا
كيما نساو الباقي ينسا حتا هو الصبر فقط
اما عن دراستكخافي من الله قبل ماتخافي من شك خوك
المهم نتي ماتعاوديش الغلطة و ربي يغفرلكو و يطيب قلب خوك

[fatma2012]

حاولي ان لاتغضبي من اخوك فهو معذور ممكن ذنبه الوحيد انه يخاف عليك من الوقوع في الخطا لذلك تحمليه مهما كانت معاملته لكي وكوني مع الله صادقة ولايهمك امر غيرك وسترين كيف سترتاحين وتريحين

[الشاعرة الناعمة]

أختي استعيني بالله ربي يبعد جميع المؤمنات عن علاقات الحرام ادعي ربي و ضعي ثقتك بنفسك بلي ماراكيش رايحة تعاودي تولي لهاداك الشي ربي يزين العلاقة بينك و بين الأخ ديالك

[*أمة الله*]

Rabi yahdina ajma3in

[AMINA.Z]

شيء طبيعي و نتيجة متوقعة

لا عليك سوى بتقبل واقعك الجديد و الصبر على نتائج افعالك

اختي الندم عندو معنى عند ربي سبحانو اما امام البشر فقليل من يقدره

لذلك لا تتاملي كثيرا

الان انت اصبحت مستقيمة دعي افعالك تعبر عنك و مع الوقت ان شاء الله تبرا الجراح

[أبوعبد الرحمن39]

من تاب تاب الله عليه وعليك بالاستغفار

[بلسم غرام2018]

حاولي ان لاتغضبي من اخوك فهو معذور ممكن ذنبه الوحيد انه يخاف عليك من الوقوع في الخطا لذلك تحمليه مهما كانت معاملته لكي وكوني مع الله صادقة ولايهمك امر غيرك وسترين كيف سترتاحين وتريحين

[باسم40]

أمكثي في بيتك فالإقامة الجامعية أصبحت مكان للرذيلة

[حبيبة زوجها]

اثبتي لاخوك بانك ابتعدت على هاد الشي بافعالك وتصرفاتك واذا قدرت تهدري معاه وتقوليلوا بلي تبدلت ومستحيل تعاودي وتعملي هاد الشي اكيد راه يحس بالتغيير لي فيك و متنسايش الدعاء بالفرج وترجع ثقته فيك وربي ميخيبكش ان شاء الله

[amelhope]

عزيزتي جميعنا نقع في الأخطاء لأننا نتبع أهوائنا التي تعصب أعيننا عن التفريق بين الخطأ و الصواب لقد ارتكبت خطأ عندما دست على ثقة أهلك بك و خنتها لذلك أنت مجبرة على تحمل العقاب الذي فرض عليك لكن لا تقلقي عليك ان تعرفي كيف تعاودي كسب ثقت أخيك بك فو فعل هلا لأنه خائف عليك ليس إلا .
حاولي أن تسترجعي الثقة التي خربتها بنفسك إفعلي كل ما يرضيه و أثبتي له أنك محل ثقة من جديد.
أتمنى لك التوفيق

[حقائب فرح]

أمكثي في بيتك فالإقامة الجامعية أصبحت مكان للرذيلة


السلام عليكم ورحمة الله وبركاته
الشيئ الذي اردت ان انبهك عليه ليس الندم كتوبة مطلقا ولو كان الندم كتوبة لما كان في قصة قابيل وهابيل عبرة اختاه لا تنزعجي من كلامي ولكن اخاك له كل الحق ولو كنت مكانه لعارضت بشدة ذهابك لدراسة في ولاية اخري ما اقوله لك توبي الى الله توبة نصوح واقلعي عن الذنب الشيئ الذي جعلني انبهك هو عنوانك نادمة اختاه اقتربي من الله وتعلمي امور دينك لا ننكر ان الشيطان له مكايده والنفس مجبولة على شهوة ولكن الانسان يجب ان يصحح مساره ما اقوله لك حكمة احبها ارضاء الناس غاية لا تدرك ارضي الله ولا تهتمي لمن كرهك او احبك

د.عمر عبد الكافي |

إنها لرحمة عظيمة، فالناس يعصون ربهم وهو يرزقهم، وإذا عاد العبد إلى ربه لا يعاتبه على ما مضى ..

فكأن العبد يقول: يا رب! لقد أذنبت
فيقول الله: عبدي وأنا قد علمت.

فيقول: يا رب! أنا قد تبت.
فيقول له: وأنا قد قبلت.

فيقول: يا رب! لن أعود،
فيقول: وأنا سوف أشد عضدك في طاعتي لكي لا تعود.

يروى أن رجلاً قال لموسى عليه السلام: يا موسى ! عبدت الله عشرين سنة، وعصيته عشرين سنة، وأريد أرجع، فهل ينفع ذلك؟
فقال الله له: يا موسى ! قل له: أطعتنا فأثبناك، وعصيتنا فأمهلناك، وتركتنا فما تركناك، ولو عدت إلينا على ما كان منك قبلناك !!
اما ماقاله اخينا في الاقتباس فلا داعي منه حصني نفسك بالله لن يضرك شيئ

[sstolga]

شيء طبيعي و نتيجة متوقعة
من تاب تاب الله عليه وعليك بالاستغفار
حاولي ان لاتغضبي من اخوك فهو معذور ممكن ذنبه الوحيد انه يخاف عليك من الوقوع في الخطا

[naamane3]

اذا كنت فعلا قد ندمتي ونويتي عدم الرجوع للمعصية
اجلسي جلسة اخوة مع اخيك واخبريه بما كان منك مع ذلك الشاب
ثم اكدي له انك لم تقعي معه في ما حرم الله
ثم قمي له وعدا بانك تبتي ولن ترجعي الى تلك الافعال مهما حصل
واخبريه انك اذا وقعت في مشكل انه اول من سيعلم واستسمحيه على ما كان منك
واقبلي كل ما كان منه ضرب او شتم او اهانهة واخبريه انه على حق
واكثري من الاستغفار واعزمي عل ان لاتعودي لهذه المنكرات مرة أخرى
والله المستعان

[سوسو92]

اختي انت تب وان شاء الله تقبل توبتك من الاحسن انك تهدري مع يماك باش نهدر مع خوك وتقولوا اختك راهي نادمة بزاف وراهي اصحلت من امرها وراهي خايفة من شعورك اتجاها
شغل غير من عند يماك
وربي يقدر الخير

[قَاسِمٌ.قَاسِم]

حولي ملفك إلى ولايتك وإلا فستقعين في ما هو أعظم

[دعاء المحبوبة]

ربما سيكون كلامي قاسي جدا
لو يحدث ما حدث لك مع اختي سامنعها من الذهاب للجامعة واحرص على ان لا تملك هاتف
فالاقامة الجامعية نسبة الحرية فيها مئة بالمئة طبعا لمن تتذكر ان الله يراها ويحاسبها
وكاخت لي اريد لها الافضل لن ارسلها الى عرين الاسد ثم ابكي عليها لان الاسد اكلها



لكن كنصيحة جددي توبتك الى الله واكثري من الاستغفار لعل الله ييسر لك امرك
ولا تدرين اين الافضل لك ربما بقاؤك في البيت يكون افضل

[kheiro didine]

حرمتي على روحك حتى كي تروحي الجامعة مراحش تركزي على قرايتك
الثقة شيء صعيب سيرتو من العائلة

[fati21]

ماعليش اختي ان الله غفار الدنوب
وكنت شوي صغيرة ماتعرفيش صلاحك مليح بصح دوكا تبت والحمد لله
بالنسبة لاخوك حاولي تتجنبي الشبهات في اي حاجة في لبسك
بلعقل برك وتولي المياه الي مجاريها

[mohaa47]

تفعلوها ثم تندمون .....................الله يهديكم ................اتقوا الله .....................

[Alpa]

rabi yahdina

[أيادي الأمل]

السلام عليكم


بعض الردود قاسية !
علاه هاد الرد لي ماقادرش ينصح لاداعي يزيد الالم لصاحب المشكلة ،
البنت ندمانة و صادقة في ندمها حسب كلامها لما الواحد يزيد يوبخها !
واحد ماراه معصوم ولا سالم من الوقوع في اي نوع من الذنوب ! سبحان الله العظيم

انت يا اختي اعلم بحالك منا،
و صدقك مع الله هو الوحيد لي ينجيك ربي يعلم بحالك اذا انت صادقة في توبتك ربي يعاونك و يصلح حالك و يهديك و يثبتك،
اصدقي مع ربي برك و ادعيه بزااف

اما مسالة دراستك اقترح عليك اما تحولي ملفك الى ولايتك كما قال احدهم
او انك تكون ليك صديقات صالحات من نفس منطقتك وولايتك و عرفي اهلك عليهن و على عائلتهن حتى يطمنوا عليك معهن و مرة على مرة يجي اخوك يزورك و يطمن عليك

و مسألة الثقة الله غالب مشي بيدك و خوك يخاف عليك تعاودي تغلطي و تسوء سمعتك،
انت حاولي تكلمي امك كوساطة بينك و بين اخوك و تخبره بما تريدين و ان اراد يتاكد مرة على مرة على غفلة و يشوف حالك ،

و زيد الناس متنساش للاسف ربي يغفر و يبدل السيئات حسنات و الناس تعاود تفكرك بذنوبك و راكي عارفة ..

باش تعرفي بلي مايفيدك غير ربي، هنا لي تحسي بربي شحاال رحيم و حلييم و كرييم و واحد ما يستاهل تقدميه على ربي ،
ولا عبد مهما كان ما يتقدم على ربي

انا اعلم انو صعب كثيير انك عايشة وحاسة من بعض الناس انهم ماعادوش يثيقو فيك و شاكين فيك و هم اقرب الناس اليك ،
لكن حولي هدفك رجعي هدفك هو الله ماتشوفي حتى واحد غير ربي،
المهم يرضى عليك ، حاولي تربطي كل اعمالك و حياتك بالله ،
رايحة تحبي الله اكثر و تتقربي منو وتحسي بحلاوة و سعادة لا مثيل لها تنساي الدنيا بما فيها ولن يزعجك عندها شيء ،
راح يهون عندك كل شيء


واخيرا قولي في نفسك مادامك تبتي و ان شاء الله رايحة تغيري حياتك للافض و تستشعري الله في كل ما تفعلين،
خليه يشك انا مادامني راني على الصواب و ربي راه راضي عليا ان شاء الله و مانيش ندير حاجة حرام خليه،
يعيا يعس فيك و يشك فيك و يلقاك دايمن ان شاء الله عند حسن ظنو

و ربي يسهلك اختي و يهديكم و يهدينا للحق و الصواب