مطلقة في الغربة

[Rachidamimi]

السلام عليكم و رحمت اللله و بركاته.

اريد ان احكي لكم قصة احدى قريباتي لكي أأخذ رأيكم في الموضوع هي مسكينة كانت متزوجة في الجزائر و توفى عنها زوجها و ترك لها ولد ثم جاها هنا مكتوب في فرنسا و كان السيد قابل تجيب معاها ابنها لكن لما جات مقبلوش و حاوزها من دارو خرجت و هي على وشك الولادة تنقلت من ولاية الى ولاية عند أقاربها هزوها حتان ولدت و قامو بيها لمدة شهريين لكن هذو الجماعة عندهم ظروفهم و كانو مضطرين يحبطو للبلاد طلبو منها دير حل للوضعية نتاعها.كامل طلبنا منها تشوف مع المؤسسات يمدولها دار خاصة هنا في فرنسا مايخلوش مرة مع الاولاد وحدها او ترجع للبلاد لكن هي متثاقلة و مدارتش حل و. قالي زوجي نجيبوها عندنا بصح انا صراحة مش حابة لأني على وشك الولادة و هنا لازم نبقى في المستشفى 4ايام و نضن ما يجوزش نخليها في الدار مع زوجي وحدهم. و اللله غاضتني بصح مالقيتش كيفاه نديرلها.

[ام نسمة]

حذاااااااااااااااااااااااااااااااااااااااااااااااا ااري
لا تتركيها ابدا مع زوجك وانت غائبة
يا اختي حتى لو كنت معهم لا اظن انها فكرة صائبة لانه مهما كان الايام طويلة ولبد وان يري زوجك فيها ما يفتنه ويقع مالا يحمد عقباه
واذا حبيتيها زوجيهالو وهني راسك منها تديري فيها خير منها ماتبقيش خايفة منها تونسك في غربتك
ههههههههههههههههههههههههههه
ردي بالك راني غير نقصر معاك شوفي احكي معاها صراحة وقوليلها مانقدرش نزيد نخليك عندي الله غالب ولا تتركيها تعيش معك في نفس البيت مع زوجك يا اختي لاتستهيني بهاته الامور ابدا

[sali-sali]

السلام عليكم

من المفروض ترجع للبلاد علاه راه عاجبهاالتمرميد لي راهي فيه

[تائبة الى ربها]

ديري فيها الخير يوم يومين حتى تلقى حل و كي تروحي تزيدي ديها و خليها معاك , زيد بالاك تعاونك في طفلك
وكلشي مبروك على وليدك

[sarah1424]

هي شهرين وهي عند ناس خرين وبقات تتثاقل وملقاتش حل يعني ادا جبتيها عندك يمكن تبقى على نفس الحال وميصحش تطرديها ممبعد
وش نقللك ربي يكون الي فيه الخير كون روحت للبلاد احسن عند اهلها

[Rachidamimi]

حذاااااااااااااااااااااااااااااااااااااااااااااااا ااري
لا تتركيها ابدا مع زوجك وانت غائبة
يا اختي حتى لو كنت معهم لا اظن انها فكرة صائبة لانه مهما كان الايام طويلة ولبد وان يري زوجك فيها ما يفتنه ويقع مالا يحمد عقباه
واذا حبيتيها زوجيهالو وهني راسك منها تديري فيها خير منها ماتبقيش خايفة منها تونسك في غربتك
ههههههههههههههههههههههههههه
ردي بالك راني غير نقصر معاك شوفي احكي معاها صراحة وقوليلها مانقدرش نزيد نخليك عندي الله غالب ولا تتركيها تعيش معك في نفس البيت مع زوجك يا اختي لاتستهيني بهاته الامور ابدا

هذا هو رأيي حتى كي شفنالها فندق عائلي محبتش و ترددت مع العلم انها تقدر تسلك

[oum tesnime]

أختي غير أخطيك نعرف مليح هاد النسوان حتى لو كانت صديقتك المقربة أو أختك ...أرملة و بعدين مطلقة وعلى جال وليداتها تقدر دير أي شي

إدا حبيتي تلقاي روحك من ولاية لولاية متمرمدة جيبيها لدارك ...

ما تكونيش نية حتى نتي راكي متغربة ومغبونة ...الغبينة تاع الغربة ما يحس بيها غير لي داقها

وأجدد حداااري

[salam algeria]

السلام عليكم بحكم اني مغتربة كذلك ارى انكم تحاولو توفرولها تذكرة للجزائر و اذا كانت غالية روحو لاقرب مسجد او مركز اسلامي يساعدكم و انصحوها ترجع للبلاد وش راهي تدير ثما وحدها مع زوج دراري و الله حيرتني هي و عايلتها
هنا من مدة ماتت وحدة مغربية ربي يرحمها و خلات طفل و طفيلة راجلها قرر يرجع المغرب لانو خاف على اولدو بلا امهم رغم اقتراحات كثيرة بانو يتزوج و مرتو تتكفل بيهم فما بالك مرا في بلاد الغربة بلا راجل و اكيد راهي صغيرة في السن
و انت حذاري ثم حذاري تحطي النار و الزيت قدام بعض و تقولي ربي يستر و ما تشعلش النار و الله نسمعو حكايات تشيب على هاذو لي يستقبلو نساء في ديارهم خاصة هنا في الغربة الوحدة كي تكون بلا راجل ترجع تحوس على اي واحد مسلم يسترها و خلاص حتى لو متزوج قبلها ثلاثة و عندو عشرين طفل

[علي بابا واللصوص]

لا اقصد تحريضك على شيء
لكن بما انها تملك عائلة وعندها اموال والحمد لله وتقدر تسلك طائرة او باخرة للعودة الى ديارها
يعني ولديها وولدك هههه 3 أولاد رضع في منزل واحد سيجن زوجك ولن يحتمل ذلك
هي ليست مسكينة او مقطوعة من شجرة
شهرين ولم تحرك ساكنا
عليها العودة لبلدها احسن

[Rachidamimi]

السلام عليكم بحكم اني مغتربة كذلك ارى انكم تحاولو توفرولها تذكرة للجزائر و اذا كانت غالية روحو لاقرب مسجد او مركز اسلامي يساعدكم و انصحوها ترجع للبلاد وش راهي تدير ثما وحدها مع زوج دراري و الله حيرتني هي و عايلتها
هنا من مدة ماتت وحدة مغربية ربي يرحمها و خلات طفل و طفيلة راجلها قرر يرجع المغرب لانو خاف على اولدو بلا امهم رغم اقتراحات كثيرة بانو يتزوج و مرتو تتكفل بيهم فما بالك مرا في بلاد الغربة بلا راجل و اكيد راهي صغيرة في السن
و انت حذاري ثم حذاري تحطي النار و الزيت قدام بعض و تقولي ربي يستر و ما تشعلش النار و الله نسمعو حكايات تشيب على هاذو لي يستقبلو نساء في ديارهم خاصة هنا في الغربة الوحدة كي تكون بلا راجل ترجع تحوس على اي واحد مسلم يسترها و خلاص حتى لو متزوج قبلها ثلاثة و عندو عشرين طفل

صح انا اقترحت عليها ترجع للبلاد و هي عندها أمها عايشة وحدها لكنها ماحبتش حابة تسوي وضعيتها هنا و قاتلي دراسة أولادي هنا خير ربي يسهل عليها الله اعلم بظروفها بصح نورمالمو مدام خيرت تعيش هنا تتحمل مسؤؤوليتها و مهما يكون أدعو لها ربي يستر عليها

[wissou2013]

حدااااااااري ديرولها حل مس تتقعد مع زوجك والو

[sarl02]

رجال كيدايرين وراهم اخمو ليل ونهار على اولادهم الي جابوهم فالغربة كيفاش راح يترباو ..وهذه المخلوقة راهي اتحوس اتربيهم ثم وزيد بلا راجل؟؟ مالا خلي ادبر راسها وراح اتشوف العواقب.

[أمة الله 12]

يا أختي ساعدوها في الحصول على منزل خاص و مستقر

مهما فتحتي لها بيتك سياتي يوم و تخرج, و الله اعلم كم سيسبب هذا من احراج لكم و لها

كان الله في عونكم جميعا

[AMINA.Z]

ما تخليهاش عندك في الدار

عندها حلول بزاف مي هي اللي حابة التمرميد

الله يهديها