خطيب صديقتي

[مشكلتي]

سلام
يا خاوتي راني في مشكل كبير وحابة تعاونوني وش ندير
عندي صاحبتي نعرفها مليح وقرينا مع بعض في الثانوية والجامعة اتخطبت وفرحتلها من كل قلبي وحضرت الخطوبة وكلشي كان لاباس حتى جا هداك اليوم
كانت حابة تخرج تشري شوي حوايج وقاتلي روحي معايا نخيروا مع بعض انا قبلت منبعد حبت تقول لخطيبها راهي خرجة باه اذا شافها برامايقولهاش ماقلتليش وماكانش عندها unité عطيتها بورطابلي وعيطتلو وقالها ايه
المهم رحنا وشرينا وخيرت وش حبت وكي جينا مروحين تلاقينا بيه بالصدفة المهم ما هدرنا معاه ماهدر معانا
كي روحت وفي الليل عيطلي انا ماكاش عندي رقمو ماهزيتش ولغدوا بعتلي ميساج قالي انا ...وحط اسم صاحبتي انا ردفت لقيتو هو وبدا يهدر معايا انا قتلو وش تسحق كي عيطتلك لبارح كان تاعي ماش تاعها ماعندهاش علابيها ماعيطتلكش بتاعها قاليايه علابالي وحاب نهدر معاك راكي عجبتيني وحاب نشوفك
انا لتما سكرت وتشوكيت وماعرفتش وش ندير قعدت نخمم نقولها ولالا منبعد هي عيطتلي وبدات تعيط وتبكي ولد الحرام راح قالها صاحبتك اللي عيطتيلي بالرقم تاعها راهي عيطتلي وقاعدة تهدر عليك بلش ماكيش مليحة والعيوب كامل فيك وهي صدقت وقاطعتني وقاتلي انا وش درتلك باه ديري معايا هكدا وانا وثقت فيك ودرتك كي اختي وانتي خذلتيني
قولولي برك كيفاه ندير لوكان زربت وقلتها يعني دركا هي ماش حتصدقني وهاد مازالو باين يلعب انا مافهمتش مدام خطبها يعني خلاص والله رح نهبل وهي ماهي تهز عليا وماهي تصدق فيا
كيفاه نديييييييير؟؟؟

[~~نهال~~]

روحيلها و عيطيلو قدامها دير haute voix باش تسمع وش قاعد يقول و فرات

[leila ben]

بما أن هاذ الخطيب كذب عليك وصديقتك مصدقاتكش أجبدي روحك عليهم ومتزيديش تحوسي عليهم واللي بداها بالخدع دوك مينساش عوايدو وكي يتحكم تماك تفيق أنها ظلماتك .

[Yasmina Salah]

السلام عليكم

أختي روحي عند صاحبتك و أدي البورطابل نتاعك
و حكيلها على كلش و وريلها البورطابل خاطرش المكالمات الواردة يجيو باينين و المكالمات الصادرة تاني باينين
و وريلها الساعة و كاملل
يعني يكون عندك برهـااان

نتمنى نتحل مشكلتك و تتخلص صاحبتك من هاذ الخطيب، راه يبان ما عندهش حسن نية

[اناناسة]

السلام عليكم، شوفي اختي حاولي تروحي عندها و تفهميها واش صرا بالضبط اذا فهمت الحمد لله أما اذا ما حبتش انتي درتي اللي عليك ... قولها انا صحبتك سبعين عام و حنا معا بعض تم تم كذبتيني و هو مدت الخطبه فقط خلاتك ديري فيه لمان ؟ حاولي تقنعيها بصح اذا هي ما حبتش ساعتها ما عندك غير تقولي حسبي الله و نعم الوكيل و تخليها للزمن هو اللي يوريها اي نوع هو هذا الرجل

[داعي الله ياسين]

هدا أوّلا قبل كل شيء حتى صديقتك لا تستحقّه كخطيب
عليها مراجعة حساباتها والله

الخيانة من الأساس فأين البناء وما يليه ؟؟

[بسمة تحدي]

روحيلها و عيطيلو قدامها دير haute voix باش تسمع وش قاعد يقول و فرات

عجبتني هذي العفسة

هذا الانسان ماشي صالح خلاص


وزيدي يدير فالنميمة


افضحيه قدام خطيبتو بش تعرف من نوع الي راح تتزوجو

[~~نهال~~]

نعم اقل حاجا روحيلها قولها اسمعي وش راه يهدر حتى لو عيطيلو نتي مش مشكل

[algeroi16000]

موضوع مبهم كثيرا و فيه نوع الغموض، و مضمونه يشتم فيه رائحة المكيدة المركبة

ربي يهدي

[العهد الرائع]

بكل بساطة روحي لصاحبتك و ريلها الميساج الي قالك فيه بلي هو خطيبتو و هي فرات

[محمد جديدي التبسي]

هذا يخدم في خدمة تاع نساء وما يستاهلش بنت الناس ربي يهديه
أنت عليك أن تعذري صديقتك وابق معها حتى تقنعيها ربي يسر أموركم

[بلسم غرام2018]

السلام عليكم

أختي روحي عند صاحبتك و أدي البورطابل نتاعك
و حكيلها على كلش و وريلها البورطابل خاطرش المكالمات الواردة يجيو باينين و المكالمات الصادرة تاني باينين
و وريلها الساعة و كاملل
يعني يكون عندك برهـااان

نتمنى نتحل مشكلتك و تتخلص صاحبتك من هاذ الخطيب، راه يبان ما عندهش حسن نية
نعم الراي ونزيدك
انتي بيبيلوا ولا عيطيلوا وخدير البرلو وخليها تسمع وش يقول وهك راح تصدق بلي كذاب
وربي يهدي

[dr.sirine]

sbhan allah hada zwaj wla tmskir rabi ykwn lkhair

[أم حمزة]

صديقتك أكيد تكون في مرحلة حرجة درك ,,, وزيد أكيد راه كلشي مخلط عليها كل شيء ,,,, لكن انتي ما دمتي على الحق، ما تخافيش ، كيما قالولك الاخوة والأخوات ... ادي الهاتف و روحيلها .... وبيني ليها الحق... وان شاء الله ينصرك الله مادمت على الحق,,,,,, وادعي الله تفرج عليكما ,,,, راهي تبان اتبان,,,,,,,,,, ربي يعينك

[khawlita.dz]

سلام
يا خاوتي راني في مشكل كبير وحابة تعاونوني وش ندير
عندي صاحبتي نعرفها مليح وقرينا مع بعض في الثانوية والجامعة اتخطبت وفرحتلها من كل قلبي وحضرت الخطوبة وكلشي كان لاباس حتى جا هداك اليوم
كانت حابة تخرج تشري شوي حوايج وقاتلي روحي معايا نخيروا مع بعض انا قبلت منبعد حبت تقول لخطيبها راهي خرجة باه اذا شافها برامايقولهاش ماقلتليش وماكانش عندها unité عطيتها بورطابلي وعيطتلو وقالها ايه
المهم رحنا وشرينا وخيرت وش حبت وكي جينا مروحين تلاقينا بيه بالصدفة المهم ما هدرنا معاه ماهدر معانا
كي روحت وفي الليل عيطلي انا ماكاش عندي رقمو ماهزيتش ولغدوا بعتلي ميساج قالي انا ...وحط اسم صاحبتي انا ردفت لقيتو هو وبدا يهدر معايا انا قتلو وش تسحق كي عيطتلك لبارح كان تاعي ماش تاعها ماعندهاش علابيها ماعيطتلكش بتاعها قاليايه علابالي وحاب نهدر معاك راكي عجبتيني وحاب نشوفك
انا لتما سكرت وتشوكيت وماعرفتش وش ندير قعدت نخمم نقولها ولالا منبعد هي عيطتلي وبدات تعيط وتبكي ولد الحرام راح قالها صاحبتك اللي عيطتيلي بالرقم تاعها راهي عيطتلي وقاعدة تهدر عليك بلش ماكيش مليحة والعيوب كامل فيك وهي صدقت وقاطعتني وقاتلي انا وش درتلك باه ديري معايا هكدا وانا وثقت فيك ودرتك كي اختي وانتي خذلتيني
قولولي برك كيفاه ندير لوكان زربت وقلتها يعني دركا هي ماش حتصدقني وهاد مازالو باين يلعب انا مافهمتش مدام خطبها يعني خلاص والله رح نهبل وهي ماهي تهز عليا وماهي تصدق فيا
كيفاه نديييييييير؟؟؟
اوكى و الميساج اللى بعثهولك مسحتيه ?
ادا مامسحتيهش راهو دليل بحد داتو على صدق كلامك
وانا نقول مادام هو خطيبها يعنى اهلها يعرفو روحى احكى مع امها و لا مع اختها و فهميها واش دار حبت تصدق فبها و نعمة ما حبتش راح يجى اليوم لى تبان فيه الحقيقة

[naamane3]

ما رايك لو تتصلي بها وتطلبي منها ان تأتي اليك لتطلبي منها السماح
اكيد رايحا تتصل بخطيبها باش تقولو باللي جاية عندك
واكيد خطيبها راح يرفض وبشدة لانه يخاف من كشف الحقيقة
وانت اصري على حضورها واصري على ان تعرف سبب رفض خطيبها
لقائها بك وفي الاخير ستأتي بلا اذنه وعندعا اخبيرها بالحقيقة المرة
وان شاء الله ستصدقك

[بلسم غرام2018]

ما رايك لو تتصلي بها وتطلبي منها ان تأتي اليك لتطلبي منها السماخ
اكيد رايحا تتصل بخطيبها باش تقولو باللي جاية عندك
واكيد خطيبها راح يرفض وبشدة لانه يخاف من كشف الحقيقة
وانت اصري على حضورها واصري على ان تعرف سبب رفض خطيبها
لقائها بك وفي الاخير ستأتي بلا اذنه وعندعا اخبيرها بالحقيقة المرة
وان شاء الله ستصدقك

لال ما اظنه ياتي ونقلكط هكاك راح دير مشكل لروحا

[مناد بوفلجة]

قولي لها الصراحة

إذا ما صدقتش ، جبدي روحك عليها

و دعي الأيام تكشف ما خفى

[dida rida]

روحيلها وبينيلها الميساج الي بعثهولك هذا اكبر دليل

[الجواهر]

طلبت مني زميلتي في العمل ان تتحدث بهاتفي دقيقة واحدة فاعطيتها الهاتف و بعد شهرين رن الهاتف فقال لي انا.....صديق فلانة
ذهلت و تسمرت في مكاني يبس لساني و لم استطع تحريك شفاهي بقيت ساكتة مدة فقال لي انه تشاجر معها و يريد ان اصلح بينهما فقلت له من اين لك الرقم ؟ فقال لي انها اتصلت به ثم تذكرت تلك الدقيقة قلت له هي ليست صديقة هي مجرد زميلة و لا يمكن ان اتدخل في شؤونها الخاصة و انهيت المكاملة لم اخبرها مثلك لاني سادخل في دوامة من المشاكل التي لن تنتهي و لكني عاهدت نفسي الا اعطي هاتفي لاي كان فاغلب الرجال خداعون كيف يحتفظ برقم زميلة في العمل ؟ نواياه خبيثة
اذا لم تمح سجل المكالمات الواردة و الصادرة فييمكنك ان تريها الهاتف و ان محيتها فتاكدي انها لن تصدقك مهما حلفت

[حكاية منسية]

عيطيلو و سجلي هدرتو و خليه يهدر فيها بالسوء
و امبعد روحي ليها و خليها تسمع كلشي