تجمع الخياطات لبرايجيات

[لبرايجية]

حبذا لو اجتمعت الخياطات لبرايجيات لتتحفنا باخر موديلات الخياطة و اسعارهافي البرج وتفيدنا بعناوين الخياطات من فضلكم حبيباتي

[anissa39]

ربى يبارك يعطيك الصحة

[لبرايجية]

واشي مازلتو معيدين

[بنت سعدان الجزائر]

فكرة جيدة لكن خلوها جزائريات اوخاص بالبرارجيات هههه هه والله اريد ان اشارك معكم لايهم كل شئ مفيد تحياتى

[لبرايجية]

فكرة جيدة لكن خلوها جزائريات اوخاص بالبرارجيات هههه هه والله اريد ان اشارك معكم لايهم كل شئ مفيد تحياتى
اسفة ومرحبا بكل الجزائريات معنا

[سوسو الطموحة]

حابة تتعلمي اختي لبرايجية او تخيطي روحي عند وردة الخياطة عندها موديلات رائعة وتعلم لبنات كل وحدة واش حبت مثلا عندك موديلا وحابة تخيطيه روحي لعندها توريلك كيفاش تهزي القيس وتفصلولك وانت تخيطيه والسومة على حساب الموديل اذا كان سامبل رايح يكون رخيص واذا كان شوي معقد تطلع شوي السومة

[لبرايجية]

حابة تتعلمي اختي لبرايجية او تخيطي روحي عند وردة الخياطة عندها موديلات رائعة وتعلم لبنات كل وحدة واش حبت مثلا عندك موديلا وحابة تخيطيه روحي لعندها توريلك كيفاش تهزي القيس وتفصلولك وانت تخيطيه والسومة على حساب الموديل اذا كان سامبل رايح يكون رخيص واذا كان شوي معقد تطلع شوي السومة
الف شكر على المساعدة لكن وين جاية وردة الخياطة

[سوسو الطموحة]

جاية قدام مروانة كي توصلي سقسي عليها وروهالك جاية قريبة من الحانوت لكبير اللي يبيع العاب الاطفال ان شاء الله فهمتيني

[لبرايجية]

جاية قدام مروانة كي توصلي سقسي عليها وروهالك جاية قريبة من الحانوت لكبير اللي يبيع العاب الاطفال ان شاء الله فهمتيني
يعطيك الصحة بصح هل هي نفسها عطية الخياطة قالولي تعلم روعة

[سوسو الطموحة]

صح عطية الخياطة هذيك هي وحنا نقولولها وردة الخياطة

[لبرايجية]

صح عطية الخياطة هذيك هي وحنا نقولولها وردة الخياطة
يعطيك الصحة يا الفحلةيعطيك الصحة يا الفحلة

[بنت سعدان الجزائر]

الله اكبر شهرتيها والله بنتى سوسو غير وردة والا عطية تكبر بااااااااااااااااابها ياريت كنت قريبة شكرا طموحة

[الزهرة المضيئة]

و جمعية الارشاد و الاصلاح في لي 500 تعلم الخياطة حابة ندخل بصح ما علاباليش اذا يعلموا مليح و لالا و المدة 9 اشهر
شكرا ليك بنت بلادي

[لبرايجية]

واقيلا ماكانش خلاص لبرايجيات هنا باش يفيدونا بالجديد

[لبرايجية]

هل من مجيب حبيباتي

[RANIA 2001]

فكرة جيدة لكن خلوها جزائريات اوخاص بالبرارجيات هههه هه والله اريد ان اشارك معكم لايهم كل شئ مفيد تحياتى
اواه لازم حتى احنا نديروا تجمع للاوراسيات ههههههههههههههه

[Agro34]

حنونة رانا هنا لكن مزالو معرسين هههههه والخياطات ماهمش لاحقيين هههههههههه
وردة صح مليحة عندي اختي تتعلم عندها ما شاء الله وانا ثاني راني نحوس على الموديلات الشابين والمستورين ياك علبالكم دار الشيخ .

[لبرايجية]

راني بديت نتعلم الخياطة من جديد هذا المرة عند عطية وردة تعلم بالباترون بطريقة رائعة حقا ننصح لي حابة تتعلم تلتحق بينا

[nafoula dj]

salam khwatati ana nhawes 3la khayata t3alem fel coucha walla fi guerwach

[لبرايجية]

ارواحي عند عطية راهم يجيوها من زمورة من لغدير ومن مجانة ....تعلم روعة

["أوريانة"]

اذا حابيين تخيطو كاين وحدة بصح ما تعلمش الخياطة يعني تخيط برك
جاية في 5 Juillet في طريق bus numero 15 l'arret firma يقولولها الميقرية كاين قدامها كافيتيريا تخيط موديلات روووووووووعة و عن تجربة انا خيطت عندها شورتي كاملة
و كاين ثاني خياط جاي فلباطيمات نتاع طريق مجانة يخيط ماشاء الله و موديلات جديد في جديد كيما تقول عليه ماما فنان بصح المشكل انو يخيط برك و الديكور و الحرج عليك و هاذ الشيئ انا يساعدني بالبزاف خاطر نحب نديرهم وحدي و على ذوقي.
و ثلني كاين خياط modeliste روعة جاي فلكوشة اسمو بلفركوس جاي قدام لجامع نتاع لفراكس يعني جوايه قوارير يخيط ثاني مليح .