مساعدة بسيطة من فضلكم

[شوشو 11]

السلام عليكم
دعوة الى الامهات المجربات حتى يساعدوني
حابة نعرف واش يعملو للولد اللي رايح يتختن
مثلا ...كاين اللي يقولو يشربوه سيرو النوم حتى مايحس بالالم
واحتياطات اخرى لكن تكون صحية
ارجو ان تفيدوني بعض من تجاربكم اخواتي.....على خاطر راح نختن لولدي وهو بسلامتو راسو خشين ويكثر العياط
انا في انتظار ردودكم اخواتي واخواني
شكككككككرا جزيلا

[ام نسمة]

مرحبا شوشو عاش من شافك ههههههههه
ماتخافي ماوالو ختنيه وخلاص وما تديريلو والو فقط اذا سخن اعطيه سيرو الحمى ولا اسبيجيك وخلاص
لكن لازم تبحثو عن ختان يكون شاطر وخلاص باش يخدمو مليح ومايعذبوش بزاف
انا ختنت وليدي في 13رمضان على ما اعتقد وعادي مادرتلو والو اداوه للبلوك طهرو طبيب مخدر خدمو مشاء الله رجع وليدي للدار يمشي وحدو وساكت مابكى ماوالو ولازم غير تجيبيه خليه ساعة ونحيلو الكومبراس اللي يحطوها له باش ما تلصقش على لحمو وديري زبدة في الحفاظة ولبسيه وديريلو الحنة ممزوجة بماء الورد او الزهر وخلي الطفل يريح طيبيلو الكبدة وغليلو البيض
هي او استطيار للماء اي حشاك اول بولة يبولها تحرقو بزااااف ويبكي ومن بعد تبدا تخف ومادرتلو لا اليوزين ولا حتى دواء فقط الزبدة وبعد اسبوع حممتو عادي وحذاري تعرضيه للهوا البارد مثل المكيف وهو دون حفاظة
واذا ماحبش الحفاظة خليه كي يرقد لبسيهالو لازم هي اللي تبريه بسرعة وماتخليهش يعطب روحه واول ليلة لازم ماترقديش لانو راح يبات ينازع ويتخلع وممكن يدي يدو لحجرو ويعطب روحو لازم تعسيه مليح واي سؤال اخر راني في الخدمة والف الف مبروووك

[شوشو 11]

ربي يفتح عليك حنونتي
دائما حاضرة مشكووورة
قالونا على طبيب جراح فالمستشفى يخدم مليح
فكرتيني .....تاني قالولي نديرلو شميعات كلوفينال تع السطر
واش رايك حنونتي

[ام نسمة]

ربي يفتح عليك حنونتي
دائما حاضرة مشكووورة
قالونا على طبيب جراح فالمستشفى يخدم مليح
فكرتيني .....تاني قالولي نديرلو شميعات كلوفينال تع السطر
واش رايك حنونتي

ماتديريلو والو لاشميعات لاوالو كما قلتلك راها عملية بسيطة جدا والحنة هي اللي تنحي الحمى وحتى اذا سخن بزاف شربيلو السيرو وخلاص

[شوشو 11]

ماتديريلو والو لاشميعات لاوالو كما قلتلك راها عملية بسيطة جدا والحنة هي اللي تنحي الحمى وحتى اذا سخن بزاف شربيلو السيرو وخلاص
اسمحيلي حنونتي كثثرت عليك
اشرحيلي الحنة وماء الورد كفاش نديرهملو

[ام نسمة]

شوشو عزيزتي دقي الحنة اشريها ورق حنا نقولولها لحنة الورقية اشريها من عند العشاب ودقيها رطبيها ورونيها او لميها بماء الزهر لانه يخفظ درجة الحرارة وخليها تتنقع ساعة وديريهالو بلاما تحزميلو خليها تنشف في الهوا تاع الغرفة اذا كان محموم راح تنشف ليه ليه وخليه يرقد واذا بعد ساعة لاحظتي انو الحن نشفت شوية جيبي كذالك ماء الزهر وغطسي صباعك واطلي الحنة
ماء الزهر اللي نعملو بيه القاطو نورمال
وراني في الخدمة ماتكسريش راسك نوريلك كل شي جامي نتقلق منك راكم خواتاتي وانا احبكم في الله انت ولبنات في قسم الدردشة

[شوشو 11]

صباح النور
واش نقول ما نكفيك شكر حبيبتي زهور
ربي يحفظك ويعطيك واش تتمناي دنيا واخرة
شكككككككككككككككرا
وادا كاش ما احتجت راني ندوخك ههههه

[ام نسمة]

صباح النور
واش نقول ما نكفيك شكر حبيبتي زهور
ربي يحفظك ويعطيك واش تتمناي دنيا واخرة
شكككككككككككككككرا
وادا كاش ما احتجت راني ندوخك ههههه

صباح الفل والياسمين ولو اننا في الظهيرةهههههههههههه
امييييييييييييييييييييييين حنونتي على الدعوة الجميلة
وراني هنا في الخدمة دوما راكي عزيز ة وتعبك راحة اي سؤال راي موجودة راني مختنة زوج ولاد وعنددي خبرة ههههههههههههه

[salam algeria]

السلام عليكم
اختي انا ختنت وليدي الكبير قبل ما نخرج من المستشفى كي ولدت يعني كان عمرو ثلاث ايام و ابني الثاني ختنتو و هو عمرو عشرين يوم بحكم انو زاد بكري و حكموه في المستشفى تقريبا شهر و في كلا الحالتين دارولهم غير الفازلين ما نعرف لكان لانهم صغار برك و لا راه مفيد حتى للي يكبرو كيما وليدك المهم حبيت نمدلك تجربتي من مستشفيات امريكية المهم الف مبروك مسبقا و لعقوبة لزواجو ان شاء الله

[شوشو 11]

شكرا حبيباتي زهور وسلام على النصيحة
راني ختنت وليدي .واليوم هو الحمد لله
اكرر شكري

[ام نسمة]

الف الف الف مبرووك وعقوبة لعرسو ان شاء الله