ما الحل

[مشكلتي]

سلام الله عليكم
قبل مدة حوالي 3 اشهر تعرفت على انسان عبر الفيس بوك كنا في نفس المجموعة للولاية وبعد مدة قمت باضافة للاشخاص الي في المجمةعة كان على ما اضن الشاب الوحيد الي اضفتو بقينا حولي 10 ايام محكيناش
بعد مدة حكينا وتعرفنا فقط كل واحد يحكي على حياتو تاثرت بيه بزااااااااااااف يتيم الابوين وتربى هو واخوه وعاشو حيات قاسية وهو اليوم بصدد تحضير رسالة الدكتوراه ربي يبارك عليه وانا ولله الحمد طالبة بكلية الصيدلة المهم حكينا مدة صغيرة مش كبيرة شفت صورو وانا كنت حاطة صورتي مع العائلة شافها قالي نتمنى توافقي على طلبي نتقدملك كان قلب مقبوض وك حكيت لماما قاتلي يخي قاري ومتربي حسب وش قلتلها يصلي قاتلي نزيدو نسقسو بعث خالتو ومرت خالو وجاء خالو لبابا ورغم انو والله عمرو مكلمني في الهاتف يبعثلي رسائل فقط شافني وعجبت كل عائلتو
اليوم وانا نحكي معاه عبر الفيس بوك انا بقلي عام نكمل قرايتي ومازلنا مدرنا حتى حاجة رسمي كنا ناويين في سبتمبر سقسيتو على الخدمة العسكرية قالي انا عندي عفو قتلو مليح تهنيت قالي كي وليت مؤيض قتلو مريض ؟؟؟؟؟؟؟؟؟؟ قالي يخي شفت الصور قتلو لا قالي ركزي ركزت مشفت والو بعتلي صور واضحة من ذوي الاحتياجات الخاصة يد ورجل رجلو اليمنى ويد اليمنى انا نعرف هدا ابتلاء من عند ربي وقادر يصرالي كتر من هكا لكن والله كي شفتو حسيت الضغط ارتفع مقاليش من قبل مستحيل نقبل منضغطش على نفسي وش نقلو نجرح؟؟؟؟ هو انسان شاف الويل في حياتو وتعدب وعاش يتيم ونزيد نكمل عيه ما الحل منقدرش ننسحب بدون سبب شورو عليا راني في حيرة من امري
من فضلكم الي يبدا يهدر بديتو حرام وحكيتو عبر الفيس بوك والي يبدا يفتي عليا مريض ومصاب هدو كامل نعرفهم ومنيش حابة نسمع فتاوي الي فيا يكفيني كلامكم شدوه ليكم اوكي
البنات تعيشو كون جيتو في بلاصتي وش ديرو ؟؟؟؟؟؟؟؟؟ والرجال ؟؟؟؟ ما الحل راني في ضيقة كبيرة

[معرف للتغيير6]

الأمر بسيط جدا

المرة القادمة

قولي له جملة واحدة ليس بيننا مكتوب

متزيدش تعيطلي

وأغلقي الهاتف وأحذفيه من القائمة

هذا الأمر ليس صعبا

[سهيلة2013]

اختي شوفي انت واش راكي تحسي من جيهتوا
ادا تحبيه ماتهمكش اعاقته
والله اعلم صلي صلاة الاستخارة وشوفي

[ولد حمد الباتني]

ماتخليش العاطفة تتحكم فيك وتغلبك وتتزوجي شفقة عليه من بعد ماتسعديش معاه

[imi02i]

دعي العاطفة جانبا وفكري بعقلك ستصلين إلى القرار الأخير لا محالة
رب ييسر لك

[algerienne fidelle]

emmmmmm khti balak aw ysseyi fik n9oulek 9oulilou netla9aw whadik sa3a sar7ih madam darkoum ga3 3labalhaa ou allah a3lam

[بسمة تحدي]

بما انك عارفة بليك حرام وميجوزش لازم تتوبي لانك ارتكبتي خطأ

اما عن الزواج انانقلك نصيحة متتزوجيش اي حد لشفقة

لخطرش تولي يتولد في نفسك كبر وتولي تحسبي روحك عليك

تولي تنقصي من شخصيتو

استخير وادعي ربي سبحانو

[sandy belle]

اختي خمي مليح والزواج ماهوش لعبة راهو مستقبل وعمر واذا انت عندك القوة والاستعداد انك توقفي بجنبه تزوجيه واذا انت مترددة صارحيه لانك انت تاني من حقك تعيشي حياتك ... والله المستعان ... موقفك صعب جدا

[ابنة الاسلام]

اختي شوفي لاعاقة الدين او العقلية .......

وزيد استخيري ربي ..ماتعرفيش خيرتك وين راهي ...تقدري تعيشي مع معاق حياة هنيئئة ومع ممكن واحد عادي في تعاسة ....

يسر الله أمرك اختي

ســـــــــــــلام

[yamyonita]

عندك الصح يا اختي الامر صعيب و الحل قوليلو انو انسان مليح ...........واذكي الامور الايجابية فيه و قوليلو انك lمتقدريش تتحملي مسؤوليتو
هذا واش قدرت نخمم

[kmilya]

اذا كنتي تحبيه ومقتنعة بيه اقبلي

[رحمة من المولى]

حذار تجرحيه فكري في أي طريقة استخيري المولى عز وجل
لكن اياك و جرحه
حنووووووونة ممكن تراسليني؟

[بسمة تحدي]

اذا كنتي تحبيه ومقتنعة بيه اقبلي

لو كان جات تحبو ومقتنعة بيه يلي مجيش قع تسقسينا


عمبالك يا صاحبة الوضوع لو كان انا منقدرش قع

نرفضو نقبل بيه كيما جه وخلاص


هذي دنيا شكون يضمن حنا مراح نتعوقو


استخيري

واذا اخلاقو عالية ومليح ونسان مدين توكلي ع ربي

بصح متتزوجيهش شفقة

لازم بقناعة تاااامة

[اناناسة]

السلام عليكم ، اختي انا نشوف بلي مدام هذا الامر حيرك و خلاك تفكري من جديد في قرار ارتباطك بيه فانا أظن انه الأفضل ان لا تستمري معه (ما تزعفيش مني لو كان أحببته صح ماتفكريش و لو للحظه )... بالنسبه لي لو كنت مكانك قصدي تبدل رايي فيه ،فانسحب دون اي مبررات و ذلك لعدم جرح مشاعره أما بالنسبه لخوفك من رده فعله فلا تقلقي لو كان الامر معكوس فاغلب الرجال ينسحبون بكل بساطه ( غير حنا اللي نكترو لحسابات الرجالة عندهم عجبتني صحا معجبتنيش مكانش مكتوب و مديريش في بالك يبقى حزين عليك الراجل عندو ساهله ينسى مش كما المرأه تلقايها بسيف تنسى ..الله يوفقك الى ما يحب و يرضى .

[جواد رامي]

السلام عليكم أختي الكريمة
اشاطر راي العضو الذي قال لك قولي له ليس هناك مكتوب بيننا وهذا لا حرج . لان هذا الشخص لم يصارح في بداية علاقتك معه . وانا اعلم علم اليقين انه لو علمتي بإعاقته وكان صريح معك لأنتهى المشكل بأقل الاضرار . لأن اساس أي علاقة ناجحة هو الصدق والصراحة.

[sali bouzid]

ربي يكون في عونك يا أختي والله القرار صعب ومسؤوليته في الحالتين أصعب
ولكن استخيري فما خاب من استخار

[امة الله نور]

اختي مدام ولد فميلة و متربي و قاري ممكن هذا هو الانسان الي يسعدك في حياتك
هو انسان معاق لكن ما شاء الله قاري
انا من راي تقبلي بيه
بالتوفيق

[المنديل الابيض]

موقف صعيب ربي يكون في عونك
اذا ماراكيش قابلة بيه ما تقبليش لكن اختاري طريقة ما تجرحيش مشاعرو بيها






ملاحظة فقط " الحب تضحية و تقبل الاخر كما هو وانتي في اول امتحان تخليتي عن من تسميه حبيبك من فظلك المرة القادمة حاولي الا تتسرعي و يجب ان تعرفي الشعرة الفاصلة بين الحب و الاعجاب حتى لا تتسببي في الالم للآخرين "

[وسيمツ]

بما انك عارفة بليك حرام وميجوزش لازم تتوبي لانك ارتكبتي خطأ

اما عن الزواج انانقلك نصيحة متتزوجيش اي حد لشفقة

لخطرش تولي يتولد في نفسك كبر وتولي تحسبي روحك عليك

تولي تنقصي من شخصيتو

استخير وادعي ربي سبحانو


بارك الله فيك أستاذة المادة الرائعة

[فاطمة فؤاد]

السلام عليكم ، اختي انا نشوف بلي مدام هذا الامر حيرك و خلاك تفكري من جديد في قرار ارتباطك بيه فانا أظن انه الأفضل ان لا تستمري معه (ما تزعفيش مني لو كان أحببته صح ماتفكريش و لو للحظه )... بالنسبه لي لو كنت مكانك قصدي تبدل رايي فيه ،فانسحب دون اي مبررات و ذلك لعدم جرح مشاعره أما بالنسبه لخوفك من رده فعله فلا تقلقي لو كان الامر معكوس فاغلب الرجال ينسحبون بكل بساطه ( غير حنا اللي نكترو لحسابات الرجالة عندهم عجبتني صحا معجبتنيش مكانش مكتوب و مديريش في بالك يبقى حزين عليك الراجل عندو ساهله ينسى مش كما المرأه تلقايها بسيف تنسى ..الله يوفقك الى ما يحب و يرضى .

انا مع هذا الرأي لو كنت تحبيه متشوفيش ابدا الاعاقة نتاعو
أخطيه وربي يعطيك في جهة اخرى وهو ربي يعطيه واحدة لتحبو و تسعدو

[samira135]

مكانش سبب باش ترفضيه إيجابيته أكثر من سلبياته

الصراحة وكان جيت في بلاصتك والله غير نكمل معاه رايحة تعيشي سعيدة معاه لانو إعاقته مش رايحة تأثر على حياتك و هذا غير أجرك عند الله

[بلسم غرام2018]

دعي العاطفة جانبا وفكري بعقلك ستصلين إلى القرار الأخير لا محالة
رب ييسر لك


نعم كما قالت الاخت ايمي
ولاتنسي صلاه استخارة

[amine9mm]

تزعقوا بالعباد بصح ربي وكيلكم انت الخطا نتعك من وليتي تحكي معاه بصح هو غادي يوكل عليك ربي علاه مسكين ماتخافيش ربي تزعقي بالراجل مسكين