المساعد الشخصي الرقمي

مشاهدة النسخة كاملة : مشكلتي عدم انجاب الاطفال


nari21
2013-08-09, 14:44
السلام عليكم
انا صحبت موضوع ماساتي والحمد لله
بعد ان بريت من مرضي وبديت نرفد روحي وربي عالم واش قاسيت وبسيف باش نسيت واش عقب عليا اصبحوا عائلة زوجي يضيقوني كثيرا والله راني خايفة نتعقد وكن نحبهوم وعزاز عليا بصح منكدبش عليكم بدايت نكراهوم
المهم كي روحت عند عجوزتي نقعد يامات عندها طفلة 28 في عمرها مجبالهاش ربي مكتوبها قعدة تبكي لخاطر مسكينة ندها الحب في وجها والي يجي يخطب متعجبوش اي نطقت عجوزتي وقالتلها علاه راكي تبكي شوفي مرة خوك لا دارية لا والو وارهو شدها خوك على شطارتها وزينها كي سمعتها قلبي تقطع وقالت الله يهديها مهما كان الحال يمه
وكاينة عمتو كل متعيطالي ولا نتلقو تقعد تجبدالي في السوجي تقوالي وانتي متخليش الطفل يتزوج وارح تكملي حياتك بلا دارري ودارك فارغة وشوفي لعندهوم الدارري وتقعد فلانة راهي اونسات وفلانة والدت والله غير الله يهديهم راح يهبلوني وراجلي راضي بوش عطه ربي وقالي منتزوجش هدي حاجة تع ربي
اريد اراءكم من فضلكم واش اندير

بسمة تحدي
2013-08-09, 16:23
يا اختي اغلقي وذنيك والله

مسمعيش لحتى وحد ومعمريش قلبك لانه انتي الخاسرة فالاخير

بما انه رجلك شاد فيك يبقى الحمد الله

وووووووووووووووووسعي قلبك

واكثري من الاستغفااااااااااااااااار

وربي يرزقك

محمد منير علي
2013-08-09, 16:37
نصيحتي لك يا اختي الكريمة بالصبر ثم الصبر ثم الصبر وبوركت على حسن تربيتك فأمه أمك
وأنصحك بصلاة الليل أنت وزوجك وان تدعيا بهذا الدعاء *** رب لا تذرني فردا و أنت خير الوارثين**
وسترزقون باذن المولى الجواد الكريم

مريم الصابرة
2013-08-09, 17:55
السلام عليكم اختي
اولا ربي يرزقك الذرية الصالحة يا رب ويعمر حجرك ودارك بالأولاد ماكانش حاجة بعيدة على ربي إنت كثري الدعوة
بالنسبة لأهل زوجك معليش كوني مليحة مع ربي باه يرزقك ما تكرهيهمش إنت خمي إنو هي ام وعليها تقول هكذاك واما عمتو معليش فوتي في وجه راجلك
اختي كبري بالك عارفة الهدرة تضرك وما حقش عليهم يسمعوك الهدرة هذي لكن معليش خمي في زوجك هو راه قابل وراضي بحكم الله ولما يكثرو الهدرة كوني هانية راح يوقفهم عند حدهم امهم إنت دواء هكذا حالات التجاهل ولو تكون تحرق في قلبك لكن عادي إضكي وتبسمي وراحين يعياو ويا رب يا رب تفرحي وتحملي وتجي تفرحينا إن شاء الله

naamane3
2013-08-09, 19:08
سمعت درسا لعبد الحميد كشك يقول فيه
من كانت لا تنجب أوكان لا ينجب
يقول في سجوده وهو يصلي
رب لا تذرني فردا و أنت خير الوارثين
قولي هدا الدعاء في سجودك وعلميه لزوجك
وان شاء الله يرزقكما بالذرية الصالحة

دكتورة بإذن الله
2013-08-09, 20:14
السلام عليكم
انا صحبت موضوع ماساتي والحمد لله
بعد ان بريت من مرضي وبديت نرفد روحي وربي عالم واش قاسيت وبسيف باش نسيت واش عقب عليا اصبحوا عائلة زوجي يضيقوني كثيرا والله راني خايفة نتعقد وكن نحبهوم وعزاز عليا بصح منكدبش عليكم بدايت نكراهوم
المهم كي روحت عند عجوزتي نقعد يامات عندها طفلة 28 في عمرها مجبالهاش ربي مكتوبها قعدة تبكي لخاطر مسكينة ندها الحب في وجها والي يجي يخطب متعجبوش اي نطقت عجوزتي وقالتلها علاه راكي تبكي شوفي مرة خوك لا دارية لا والو وارهو شدها خوك على شطارتها وزينها كي سمعتها قلبي تقطع وقالت الله يهديها مهما كان الحال يمه
وكاينة عمتو كل متعيطالي ولا نتلقو تقعد تجبدالي في السوجي تقوالي وانتي متخليش الطفل يتزوج وارح تكملي حياتك بلا دارري ودارك فارغة وشوفي لعندهوم الدارري وتقعد فلانة راهي اونسات وفلانة والدت والله غير الله يهديهم راح يهبلوني وراجلي راضي بوش عطه ربي وقالي منتزوجش هدي حاجة تع ربي
اريد اراءكم من فضلكم واش اندير
و عليكم السلام و رحمة الله و بركاته
يظهرلي ان حماتك لم تكن تقصد جرحك او ماشابه
بل كانت توضح لابنتها ان كل شخص يعاني في هاته الدنيا فالمتزوجة تعاني من تاخر الانجاب و العازبة تعاني من تاخر الزواج و ووووو
تخيلي انك ذهبت لبيت اهلك ووجدت جارتك تبكي لوالدتك انها لم تتزوج و تاخر زواجها رغم انه لا ينقصها شيء
ستقول لها امك يا بنيتي الارزاق بيد الله فانظري لابنتي متزوجة و ليس لها اولاد
فهل امك هنا تريد ان تقلل من شأنك؟
طبعا لا فامك في هاته الحالة ضربت مثل بك لمن تشكو لها همهابتاخر زواجها كي تخفف عنها .. فهل فهمت ما كانت تقصده حماتك ..
فلو كانت تريد الاساءة لما قالت انك شاطرة و جميلة و ابنها متمسك بك بل ستقول اشياء اخرى ..
فلاداعي لاخذ اي موضوع بحساسية و خصوصا ان كان يتعلق بالانجاب و الذرية و الاطفال ... بل انظري له بانه
عادي و طبيعي كي لا تتضرري نفسيا و يؤثر عليك شخصيا و اجتماعيا
و اعلمي ان الرزق بيد الله تعالى و هو الرزاق فتوجي له بالدعاء ..
هذا راي و الله ادرى و اعلم ..

السحابة
2013-08-09, 20:22
اسجدي لله الواحد الاحد وهو الرزاق .يرزقك من حيث لايشاء.والصابر ينال

rebaoui
2013-08-09, 20:34
اربحي زوجك

ام نسمة
2013-08-09, 20:58
احسن حل انك تتبني طفل ماراكي لا اولى ولا الاخيرة
كاين بزاف حالات كما انت
وكما يقولو رب ولد لم تنجبه بطنك

عبد الله 22
2013-08-09, 21:05
السلام عليكم المهم انك إسترجعتي عافيتك أول ومشكلة الانجاب توجه الكثير كل واحد حسب ظروفه حاولي تفتح موضوع التبني مع الوقت بطريقة تريها مناسبة تربحي دنيتك وأخرتك ربي صبرك على كل حال أما كما اشار أحد المتدخلين على أم زوجك أعتقد أنها مدحتك بصافتك المتاصلة فيك لكن قد تعذريها فهي أكيد تحتاج وقت للتتقبل ماأصابك. أما الانجاب فاكثير من روزق بالعديد لكن لم يعش له واحد وكثير من كان موته أو عذابه على أيدهم، في الاخير يجب أن تترزني مع الضغوط التي ساكون من العديد من الاطرف بقصد أو بغير قصد الله المستعان وصبرا جميل

احمد بغداد
2013-08-09, 21:09
يا اختي اغلقي وذنيك

ناصرالدين الجزائري
2013-08-09, 22:42
عليك بالاستغفار

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

(الانسان الوفي)
2013-08-10, 00:19
السلام عليكم...اختي ربي يرزقك بالذرية الصالحة ...ثم هذا ابتلاء من الله ..وعليك الصبر ..لكن لم نعرف المدة بالضبط ؟

والله كان لنا لاجرا لم ينجب لمدة 10 سنوات حتى اصبحت حكايته سيرة ...وبعدها تخيلي انجبت زوجته 3 ذكور ..والآن كلهم اعمارهم 20 سنة ما شاء الله ...

اصبري اختي خصوصا ان زوجك صابر ...شكرا


كما لا تنسي الرقية الشرعية ...

نسائم الهدى
2013-08-10, 02:32
سلام اختي
معليش كلنا فالهوا سوا
مي انا لوكان نطول ما نجيبش دراري نخليه و نطلب الطلاق
ويتزوج بوحدة تاخرى تجيبلو اولاد
مستحيل نقدر نحرمو من نعمة الولد
وخاصة كلمة بابا
هو صح ديما يقولي لوكان تروحي وتخليني نهبل
مي كي تولي في مصلحتو أكيييييد يسامحني و ينساني
و زيد انت ما زالك صغيرة الله يبارك
21 سننه ماشي بزاف
انا عندي 30 سنه في عمري
يعني في دستور المجتمع الجةائري قريب نعجز
ربي يكون معانا اختي و يرزقنا بالدرية الصالحة
سلام
21

راجي الصّمدِ
2013-08-10, 15:06
انا عندي 30 سنه في عمري
يعني في دستور المجتمع الجةائري قريب نعجز
ربي يكون معانا اختي و يرزقنا بالدرية الصالحة


السّلام عليكم ورحمة الله وبركاته
عيدكم مباركٌ أختي تقبّل الله منّا ومنكم وغفر الله لنا ولكم
ذلك في دّستور المجتمع الجزائري الذي يضعه في ذهنه إنسان قاصرٌ من
كلّ الوجوه أمّا في دستور الله تعالى ربّ العالمين وأرحم الرّاحمين
فليس ذلك عليه بعزيز ، لأنّه الرّزاق ذو القوّة المتين
الّذي ( يهب لمن يشاءُ إناثاً ويهبُ لمن يشاء الذّكور
أو يزوّجهم ذكراناً وإناثاً ويجعل من يشاء عقيماً )
وهو أرحم بنا من أمّهاتنا وآباءنا فقط علينا بالإكثار من الدّعاء
والإلحاح فيه وانتظار فرج الله تعالى الّذي وعد به من دعاه
وأحسن الالتجاء إليه والصّبر الصّبر فالله لا يضيع أجر المحسنين
وكم من إنسان قطّع حبل الأمل يوماً أن يسمع كلمة " أبِي "
فإذا بفرج الله تعالى يأتيه بعد صبرٍ ومصابرةٍ ولله الحمد والمنّة
نسأل الله تعالى أن يهب كلّ طالبٍ ذريّةٍ ذريّةً طيّبةً مباركةً صالحةً
تكون قرّة عينٍ له تسعده وتفرحه و تدعوا له من بعد مماته
وتلحق به في الجنّة آمين آمين آمين يا ربّ
حفظكم الله ورعاكم ورزقكم على حسب نيّاتكم
...

باك 2013
2013-08-10, 17:27
أختي المهم زوجك لا تنصتي لما يقولونه ومهما سمعت حاولي ان تنسي ما قالوه دعي ربي يهديهم دائماً
المهم ان تعيشي سعيدة مع زوجك

بشـرى
2013-08-10, 17:32
ya okhti nass matarhamch w hadrathoum ma tadi ma jib
el mohim nti 3aycha m3a zawjek mhaniya w hada howa sa7
w rabi yfar7ak yaaaaaaa rab

dida rida
2013-08-10, 19:02
انتي لا يهمك رأي اي شخص إلا زوجك فأذ كان يحبك لن يتتخلى عنكي لانكي لم تنجبي

nari21
2013-08-10, 20:43
الف شكر لكم جميعا وجعله الله في ميزان حسناتكم كيان لي مفهموش انا كي والدت ملاتلي تالبيبي ونحوالي الولادة سمى منزيدش نرفد غير بمعجزة وراني حابة نتبنى طفل ونزيد طفل وطفلة من بعد والله مني فاقدة الامل في ربي سبحانو