الى الاخت صفاء وكل الاعضاء

[كريمة 118]

السلام عليكم وصح عيدكم وكل عام وانتم بخير
منين نبدا كل حاجة مغلوقة في وجهي عييت وكرهت شوفي يااختي تتواصل القصة مع خالي الظالم
نهار الثلاثاء سيقت الصالة وغلقتها باه الدراري ميوسخوهاش مع العيد راكي تعرفي النسا والبارح كي رحت رقدت ونظت صبت مرتوا فتحت الصالة وخلات الدراري لبزوا القش وزيد رماوا فيها الاوساخ وهي خملت شمبرتها وسيقتها ورمات قشها لحوفها في الصالة قلت معليش لعشيا خرجت انا وماما نشروا شوية حوايج قالتلي اغلقي الصالة واتي المفتاح ندسوا اوكي رحنا نحوسوا وكي رجعنا زوجتوا قعدت غير تقول الصالة علاه غلقتوها قالتلها ماما دراري حاجة ماخلاوهاش وزيد هي تسيق غير شمبرتها والرقاد حتى لمنتصف النهار والتسياق والتخمال عليا وزيد ظهري ظارني اسكت ومبغيتش ندخل معاها في الهدرة ووصلت لراجلها الهدرة بلي انا غلقت الصالة واعطيت المفتاح لماما كي جينا نفطروا قلها راكم تبلعوا علينا في الديار غير خرجينا من الدار وكي قعدنا حنا النسا نفطروا قلتلها هادي ماهيش هدرة خلاص نخرجوه من الدار هادي هدرة نتاع دراري وكنت نهدر مع ماما دخلت روحها مرتوا وقالتلي علاه راكي تقوليلوا هكدا قلتلها انت لي روحتي توصليلوا في الهدرة وانا الصالة غلقتها على جال المصلحة شنفت وراحت لشمبرتها ولحقها زوجها شيطناتوا عليا وخرج قال لماما هذي بنت شارع قالها بالعامية نتاعنا ..ف... وبزقلي في وجهي وجا ضربني حتى سلكني خالي لاخر من يدوا وقعدت غير نبكي انا كرهت هاد لمعيشة كرهت قولولي واش ندير في رايكم انسان في عمرو 34 سنة واعي ومسؤول يقول هاديك الكلمة والله غير غاضتني هاديك الكلمة اكثر من الضرب علاش هاد الظلم وانا واش ذنبي انا جبت روحي وجيت عندهم ياك هوما جابوني وقالوا انا ختهم وبنتهم ومبعد يرجعوا يهينوك بالكلام ويدعسوا كرامتك وزيد يقلولك اصبري المكتوب وهل المكتوب يجبرك على تحمل ناس عدميين الظميير والاحساس راني مجروحة لا اله الا الله

حسبي الله وحده نعم الوكيل
حسبي الله وحده نعم الوكيل
الله اكفيني شره ورده عني

[صفــاء]

عيدك مبارك ياغالية ان شاء الله يكون فال خير عليك

وان شاء العام الجاى في مثل هدا الوقت يكون ربي فرج عليك

اختى الحبيبة خديها نصيحة منى وعتبرنى اختك

حبوبتى اخطيـــــــــــــــك منهم وبعــــــــــدى عنهم هو و زوجتـــــــه والبقية

بمعنى اجبدى روحك على كل شيئ في الدار متدخليش روحك في حتى حاجة ومتخلهمش يشبعوا منك

فرغى راسك تماما منهم واهتمى غير بقرايتك وتجنبيهم قدر المستطع ومتمديش رايك في حتى امر

اعتربى روحك ضييفة حبيبتى وكامل رانا ضياف في دار اهالينا ويجي نهار ونروحوا

و واحد ما رهو مرتاح في هدي الدنيا

ادا جداك اللى هي ماماك طلبت منك ديري لها حاجة او طلبت منك طلب لبيها لها

ونفس الشيء مع جدك

ودا هوما قالوا لك ديري لنا حاجة عادى ديرها لهم

ادا غسلتى لماعن ولا طيبتى العشاء ولا غسلتى القش وهى جات كلات ماشي معناها خلات

بالعكس اعتبريها فرصة تتعلمى

وعمرها الخدمة لقتلت حبوبتى بالعكس العيب فيها وماشي فيك


وغير دالك اجبدي روحك ومتكثريش الهدرة معهم لا هوما ولا ولادهم ادا وسخو وادا سيحوا ميهمكش اتحكمى في روحك


ومن اليوم والفوق لا تغلقى الباب و لا يهمك ادا توسخت الصالة او متوسختش

ديري اللى عليك برك وما تهدرى معهم لا بالمليحة لا بالقبيحة

هوما شفوها مزية حبوبة وراهم يحوسوا لك على السبة انت لازم تعرفى الحيلة حبوبة

خاطر في وقتنا لازم الحيلة وكيما يقولوا الحيلة والنية يمشوا مع بعض

وديما شوفى لوجه جدااك اكيد اللى راهى تعانى لمعناتك حبيبتى

اما الكلمة اللى قالها لك متزديش تخمى فيها ومتزديش ديري هدرتو في بالك

ربي يهيده لازم تشفقى عليه وماشي تحقدي عليه اختى

وديما احمدى رب راكى صغيرة عليه بصح اعقل منــــــــو

وكامل حبوبة نسمعوا في كلام ماشي مليح ونبلعوها ونسكتوااا خاصة ادا كانت من اشخاص عندنا معهم مصلحة

ومتنسيش دراستك حبيبتى والدعاء لله

صدقينى حتى لو طالت الاستجابة الا انك راح تحسى براحة نفسية

قلبى معك حبيبتى وربي يفرج عليك قريبا وربي يرزقك الزوج الصالح ويوفقك في دراستك وينجحك فيها

اكيد فرحة النجاح راح تنسيك الهموم

علبالى راكى حاسة بضغط شديد لكن هدى هي الدنيا حبوبة وكاين اللى اكثر منك

ابدا متيأسيش ومتستلميش

لازم توقفى في وجه الصعاب والمشاكل وتبقى ديما صامدة ربي ابدا ميتخلى عن احد

ياريت لو قدرت نراسلك ونخفف عليك

علبالى انت قوية وصبورة والله مارح يضيعك وانت مزلتى صغيرة والدنيا مزالت طويلة

والدنيا دوارة يجي نهار هو اللى راح يطلبوا منك السماح كي اليوم

وتكفى كلمة حسبى الله ونعم الوكيل لما تخرج من القلب

[كريمة 118]

اختي صفاء ممكن نراسلك والله غير هدرتك دواء حابة وحدة توقف معايا

[بنت الرضى]

السلام عليكم
ربي يكون في عونك
وما تتقلقيش على خاطر
تصرى هاذ لحوايج
وتقيضك لكن بمرور الزمن رايحة تنسايها
عليك بقراءة القرآن راكي رايحة تحسي روحك أفضل
وصلي صلاة الاستخارة واستغفري ربي
وهو أكيد امتحان دايرو ليك
فعليك بالصبر
وربي يفرجها عليك
ان شاء الله

[khawlita.dz]

السلام عليكم وصح عيدكم وكل عام وانتم بخير
منين نبدا كل حاجة مغلوقة في وجهي عييت وكرهت شوفي يااختي تتواصل القصة مع خالي الظالم
نهار الثلاثاء سيقت الصالة وغلقتها باه الدراري ميوسخوهاش مع العيد راكي تعرفي النسا والبارح كي رحت رقدت ونظت صبت مرتوا فتحت الصالة وخلات الدراري لبزوا القش وزيد رماوا فيها الاوساخ وهي خملت شمبرتها وسيقتها ورمات قشها لحوفها في الصالة قلت معليش لعشيا خرجت انا وماما نشروا شوية حوايج قالتلي اغلقي الصالة واتي المفتاح ندسوا اوكي رحنا نحوسوا وكي رجعنا زوجتوا قعدت غير تقول الصالة علاه غلقتوها قالتلها ماما دراري حاجة ماخلاوهاش وزيد هي تسيق غير شمبرتها والرقاد حتى لمنتصف النهار والتسياق والتخمال عليا وزيد ظهري ظارني اسكت ومبغيتش ندخل معاها في الهدرة ووصلت لراجلها الهدرة بلي انا غلقت الصالة واعطيت المفتاح لماما كي جينا نفطروا قلها راكم تبلعوا علينا في الديار غير خرجينا من الدار وكي قعدنا حنا النسا نفطروا قلتلها هادي ماهيش هدرة خلاص نخرجوه من الدار هادي هدرة نتاع دراري وكنت نهدر مع ماما دخلت روحها مرتوا وقالتلي علاه راكي تقوليلوا هكدا قلتلها انت لي روحتي توصليلوا في الهدرة وانا الصالة غلقتها على جال المصلحة شنفت وراحت لشمبرتها ولحقها زوجها شيطناتوا عليا وخرج قال لماما هذي بنت شارع قالها بالعامية نتاعنا ..ف... وبزقلي في وجهي وجا ضربني حتى سلكني خالي لاخر من يدوا وقعدت غير نبكي انا كرهت هاد لمعيشة كرهت قولولي واش ندير في رايكم انسان في عمرو 34 سنة واعي ومسؤول يقول هاديك الكلمة والله غير غاضتني هاديك الكلمة اكثر من الضرب علاش هاد الظلم وانا واش ذنبي انا جبت روحي وجيت عندهم ياك هوما جابوني وقالوا انا ختهم وبنتهم ومبعد يرجعوا يهينوك بالكلام ويدعسوا كرامتك وزيد يقلولك اصبري المكتوب وهل المكتوب يجبرك على تحمل ناس عدميين الظميير والاحساس راني مجروحة لا اله الا الله

حسبي الله وحده نعم الوكيل
حسبي الله وحده نعم الوكيل
الله اكفيني شره ورده عني
يا اختى والله اكثر ما اكرهه فى حياتى هده الفتنة بين النساء والانسان فى دارو يولى يحس روحو غريب
من الافضل ان يدخل شخص له كلمته فى العائلة و تحطوا النقاط على الحروف
كل فرد فى العائلة عندو حقوق و واجبات و الاحترام مفروض بين كل افراد العائلة
يا اختى حاولى تجنبها و تجنب المشاكل و لما تلقاى فرصة عاودى افتحى الموضوع و بينى و جهة نظرك
و الاحسن ماتكثريش الكلام لا معاها لا مع زوجها
الله يحسن الاحوال انشاء الله تفرج

[كريمة 118]

شكرا لكم وبارك الله لكم لنصائحكم

[امونة الشاوية]

والله يا اختي ربي يكون في عونك المعيشة عند الاخوال ولا الاعمام صعيبة
ان شاء الله ربي يفرج عليك وتتزوجي ولا تروحي تقراي وتتهناي
انت حاولي ما تخطالطيش بيهم تفاديا للمشاكل

[basma09]

صحا عيدك حنونة
قريت كامل المواضيع تاعك اللي فيهم مشاكلك معا ه واش نقلك حنونة الله يفرج عليك و يهنيك و يبعدك عليهم ان شاء الله عاجلا غير اجلا و الله غير القصة نتاعك فعلا محزنة
هاذا خوك او خالك صح جايح و عقلو صغير بزااااااااااااااااا ف علي العمر تاعو وزيد باين عليه بلي انسان غير مسؤول
هو باين العقلية تاعو هاكذا تاع ذراري مع كامل الغاشي ومن كلامك فهمت بلي حتي مع يماه و باباه يحكي معاهم بنفس الطريقة
بصح لوكان جا شوية فاهم انت راكي في موقف يعني قاعدة في دار ماشي داركم وكلش و هو يحسس فيك بلي راكي عالة عليهم و هاذا لوكان جا هو يصرف عليك يستعبدك نورمال الله يهديه برك ماكانش حل معاه علي كل حال ان شاء الله ربي يجيبلك مكتوب يعوضك كامل واش راه داير فيك عن قريب
و كيما قالو الاخوة اجبدي روحك من كلش و حاولي ما تدخلي معاه و لا معا مرتو فحتي نقاش و ماتجاوبيهمش و قتليهم غير بالقدر بالاك تنفع معاهم هاذي الطريقة
راني ندعيلك حنونة معايا و خبرينا الجديد كل مرة

[sali-sali]

لو كان اخاك ابن امك وابيك ممكن يرحمك شويا
اختي نصيحة مني ارجعي لامك..علاش عايشة عند خوالك
يا اختي يضربني خويا الحقيقي تجي عليه..مي هدااااااااا كون انا يخلصها غالية

ربي يصلح الاحوال

[leroi1]

44444444444444444444

[كريمة 118]

44444444444444444444


واش راك تقصد ب 444444444444444444

[كريمة 118]

والله يااخواتي غير عييت ساكتة راني في عشريين سنة والضغط يولد الانفجار وزيد هو كي سبني والله غير ظلمني وزيد البارح زوجتوا كي شيطناتوا كفرت بالرب عليا وقعدت غير تسب واليوم الصباح داها لدارهم وقاعدة تشوف فيا من تحت لتحت ماديتهاش فيها ومهدرتش معها ني هي ني هو وزيد عيطلي اخي الحقيقي باش يهنيني بالعيد حتى اطرطقت بالبكاء مكنتش حابة نقلوا مي لح عليا وقلتلوا قالي انا نقبل نطلب بصح بيقلك بنت شارع يعني بالعامية نتعنا ف.......هاذي منقبلهاش وقلي راني هنا والحاجة الي خصاتك نديرهالك ودار باباك مفتوحة قلتلوا انا باش نرجع لناس تخلاو عليا هاذي لا ونفضل نطلب ومنرجعش عند ناس بالاسبابهم تحطمت احلامي وذكرياتي وووو قالي ايه زيدي هدرت عشرين سنة خرجتها فيه في ساعة وقعد غير يبكي وانا نبكي قلتلوا اسمحلي غاضني بزاف قلتلوا مشي انت السبب وقلي انا راني حامل المزيرية مستعد ندير واش تبغي على جالك الا انو تنهاني ويقلوا من قيمتك وانا انت اختي ومهما يكن وحاب يعيطلوا باه يهدر معاه ويتفاهم معاه وانا مخليتوش لانو بابا راه مريض ومبعد عيط لكامل خاوتي واحد في فرنسا وواحد في الخدمة العسكرية وواحد في الدار هدروا معايا وقالولي اعتبرينا مشي رجال الا احنا اسمحنا في اختنا مي المكتوب كان هكا اكتفي بهذا القدر راني نكتب ونبكي...........

[soso sirin]

صح عيدك و كل عام و انتي بالف خير و ان شاء الله العيد الجاي تكون احوالك تصلحت.نقلك حاجة انا تبانلي خالك هذا المشاكل كامل راه يدير فيهم في جال تخرجي من الدار لانو المادام ماشي حاملاتك الله غالب كاين ناس مرضى نفسيين يبغو يعيشو في المشاكل .انا منك ارجعي لداركم ماتكبريش الحالة كثر من هكا و خاوتك راهم يبغوك الله غالب الظروف ممكن هي الي خلات امك تخليك عند جدك مي مانكذبوش وقت الصح ماتنفع غير دار باباك و ماينفعو غير الوالدين .انتي راكي حاسة روحك محقورة و جدك مازالو عايش و واقف و غدوة بعد عمر ظويل ربي يدي امانتو كيفاش يصرالك.نقلك حاجة اختي حالتك كانت عايشتها وحدا من لافامي تاعي و في التالي كان عمرها 18 سنة راحت عند باباها ديجا وضعك احسن من وضعها هي باباها و يماها مطلقين معنتها راحت سكنت مع مرة باباها و جاتها صعيبة و سوفرات في الاول لانو 18 سنة تعيشي مع ناس جدد ماشي ساهلة و راحت من ولاية لولاية مي كي فات الوقت تعرفي واش قالتنا حتى و باباك يكون ظالم مي عز الاب حاجة وخدخرا .على هكا شوفي كيفاش تولفي روحك و رجعي لداركم تم اذا باباك ضربك راه باباك .كون جا هذا خالك خوك تاع الصح والله ماتتحسسي من الموضوع لهذا الدرجة مي لانو خالك شفتيها كي جاتك صعيبة و ماتقدريش تفوتيها .ارجعي لداركم و اقعدي طلي على جدك و جداتك مي داركم و والديك هوما الي ينفعوك.ربي يفرج عليك ان شاء الله

[z.abdo]

والله يااخواتي غير عييت ساكتة راني في عشريين سنة والضغط يولد الانفجار وزيد هو كي سبني والله غير ظلمني وزيد البارح زوجتوا كي شيطناتوا كفرت بالرب عليا وقعدت غير تسب واليوم الصباح داها لدارهم وقاعدة تشوف فيا من تحت لتحت ماديتهاش فيها ومهدرتش معها ني هي ني هو وزيد عيطلي اخي الحقيقي باش يهنيني بالعيد حتى اطرطقت بالبكاء مكنتش حابة نقلوا مي لح عليا وقلتلوا قالي انا نقبل نطلب بصح بيقلك بنت شارع يعني بالعامية نتعنا ف.......هاذي منقبلهاش وقلي راني هنا والحاجة الي خصاتك نديرهالك ودار باباك مفتوحة قلتلوا انا باش نرجع لناس تخلاو عليا هاذي لا ونفضل نطلب ومنرجعش عند ناس بالاسبابهم تحطمت احلامي وذكرياتي وووو قالي ايه زيدي هدرت عشرين سنة خرجتها فيه في ساعة وقعد غير يبكي وانا نبكي قلتلوا اسمحلي غاضني بزاف قلتلوا مشي انت السبب وقلي انا راني حامل المزيرية مستعد ندير واش تبغي على جالك الا انو تنهاني ويقلوا من قيمتك وانا انت اختي ومهما يكن وحاب يعيطلوا باه يهدر معاه ويتفاهم معاه وانا مخليتوش لانو بابا راه مريض ومبعد عيط لكامل خاوتي واحد في فرنسا وواحد في الخدمة العسكرية وواحد في الدار هدروا معايا وقالولي اعتبرينا مشي رجال الا احنا اسمحنا في اختنا مي المكتوب كان هكا اكتفي بهذا القدر راني نكتب ونبكي...........
السلام عليكم اختي .........حسب ما فهمت من كلامك انه لك خيار ان ترجعي لاخوتك الأصلين لكنك انت لا تريدي

مع من ستعيشي لو رجعت لداركم الأصلية ؟؟؟

[basma09]

والله يااخواتي غير عييت ساكتة راني في عشريين سنة والضغط يولد الانفجار وزيد هو كي سبني والله غير ظلمني وزيد البارح زوجتوا كي شيطناتوا كفرت بالرب عليا وقعدت غير تسب واليوم الصباح داها لدارهم وقاعدة تشوف فيا من تحت لتحت ماديتهاش فيها ومهدرتش معها ني هي ني هو وزيد عيطلي اخي الحقيقي باش يهنيني بالعيد حتى اطرطقت بالبكاء مكنتش حابة نقلوا مي لح عليا وقلتلوا قالي انا نقبل نطلب بصح بيقلك بنت شارع يعني بالعامية نتعنا ف.......هاذي منقبلهاش وقلي راني هنا والحاجة الي خصاتك نديرهالك ودار باباك مفتوحة قلتلوا انا باش نرجع لناس تخلاو عليا هاذي لا ونفضل نطلب ومنرجعش عند ناس بالاسبابهم تحطمت احلامي وذكرياتي وووو قالي ايه زيدي هدرت عشرين سنة خرجتها فيه في ساعة وقعد غير يبكي وانا نبكي قلتلوا اسمحلي غاضني بزاف قلتلوا مشي انت السبب وقلي انا راني حامل المزيرية مستعد ندير واش تبغي على جالك الا انو تنهاني ويقلوا من قيمتك وانا انت اختي ومهما يكن وحاب يعيطلوا باه يهدر معاه ويتفاهم معاه وانا مخليتوش لانو بابا راه مريض ومبعد عيط لكامل خاوتي واحد في فرنسا وواحد في الخدمة العسكرية وواحد في الدار هدروا معايا وقالولي اعتبرينا مشي رجال الا احنا اسمحنا في اختنا مي المكتوب كان هكا اكتفي بهذا القدر راني نكتب ونبكي...........

يا ختي و الله غير راني حاسة بيك و غدتيني بزاف وو الله غير الدمعة جاتني
بصح انتي راكي ضرك تقنطي في روحك هاكذا وهو راهو مهني و يزيد غير ينشع فيك
علابالك لازم يا اما تولي عند باباك و يا لوكان من فوق قلبك مي و الله خير من تقعدي عندهم الاعمار بيد الله بصح جدك راهو كبير و هاذا ماراحش يرحمك لوكان جدك يموت
ولا قولي لخاوتك يديرولك حل خلاف لاخاطر راهم مسؤولين عليك حتي هوماا
وربي ان شاء الله ورانا فالعيد يفرج عليك كربتك وكي ليوم جي تقولينا تهنيت امييييييييين

[amina2688]

عيد سعيد وكل عام وانت بخير وان شاء الله تتحسن امورك من الاحسن فالاحسن باذن الله,ويتعاد عليك وعلينا بالخير والفرح والسرور
اختي الغالية حبيت نسالط فقط علاه ما تغيريش تروحي تقعدي ايمات عند باباك الحقيقي او امك الحقيقية او دار جدك من جهة باباك؟؟من اجل تغير الجو واذا وجتي الحياة افضل عند احدهم تستقري عندو؟؟
واين تسكن اختك الاخرى 19 سنة ؟؟لانوا لوكنت مع بعضاكم تتعاونوا من جميع النواحي؟؟؟
قلت لك هذا من قبل ولم تعيري كلامي اي اهتمام...
وكان الله في عونك

[غربة أهل السنّة]

السّلام عليكم و رحمة الله و بركاته

أسال الله أن يرزقك زوجا صالحا يسترك و يحسن معاملتك و يرفق بك
آمين

إصبري يا أختاه

[jiji_"]

صحا عيدك اختي
واش نقولك اختيتي راني قريت قصتك
و الله تاثرت بزاف خاصة مع مناسبة العيد
حسيت بيك كي شغل راكي وحدك
و هذا خالك الله يهديه يشبه للرجال برك
و عملتي مليح كي حكيتي لخوك خاطر
تعياي تخبي متقدريش و باش تحطي خاوتك
فالصورة و ثاني كل حاجة
عندها حد يضربك و .... و تزيد مرتو
ثاني وين رايحين بهذا العقلية مستوى واحد
انا نقولك حاجة كامل الناس عندهم
مشاكل و انت راكي صغيرة و من
هذا الظروف راكي تتعلمي الحياة صعيبة
بصح شوفي لايجابيات اخرى جداتك
و جدك الي رباوك عندك خاوتك قرايتك
الي لازم تركزي عليها مليح لازم
و نحبك تكوني قوية اخدمي باباك و يماك
و خالك و مرتو بعدي عليهم قيس ماتقدري
خليهم فالدار يتوحشوك ماشي متحكيش معاهم لالا
و متعمريش راسك بزاف بيهم و الا حب يتبلاك
مترجعيلوش الهدرة خليه كي مايصيبش باش يحكمك
يتكالما وحدو كبير بصح عقلو صغير معليش

و كبري قلبك بزاف و ان شاء الله نسمعو عليك اخبار حلوة

[كريمة 118]

عيد سعيد وكل عام وانت بخير وان شاء الله تتحسن امورك من الاحسن فالاحسن باذن الله,ويتعاد عليك وعلينا بالخير والفرح والسرور
اختي الغالية حبيت نسالط فقط علاه ما تغيريش تروحي تقعدي ايمات عند باباك الحقيقي او امك الحقيقية او دار جدك من جهة باباك؟؟من اجل تغير الجو واذا وجتي الحياة افضل عند احدهم تستقري عندو؟؟
واين تسكن اختك الاخرى 19 سنة ؟؟لانوا لوكنت مع بعضاكم تتعاونوا من جميع النواحي؟؟؟
قلت لك هذا من قبل ولم تعيري كلامي اي اهتمام...
وكان الله في عونك


شوفي اختي انا منقدرش نروح لانو غايضتني كي عطاتني امي الحقيقية رغم اي سبب او ظروف مانقدرش نسمح لاني نجرحت ونظريت واختي الاخرى ساكنة مع امي الحقيقية يعني انو امي وابي واخواني الحقيقيين ساكنيين كامل مع بعض غير انا الي مدوني
واسمحيلي اختي كلامك على الراس والعين
اسمحيلي انا متكبرتش على كلامك ونصايحك

[كريمة 118]

السلام عليكم اختي .........حسب ما فهمت من كلامك انه لك خيار ان ترجعي لاخوتك الأصلين لكنك انت لا تريدي

مع من ستعيشي لو رجعت لداركم الأصلية ؟؟؟


يعني ساعيش مع امي وابي واخوتي الحقيقيين

[كريمة 118]

اشكر الاخت رحمة من المولى على نصايحها والله غير منزعف منك كومام راكي اختي الكبيرة بارك الله فيك

[صفــاء]

سلام اختى الغالية

اكيد راح نكون سعيدة بمراسلتك

لكن كلينا لا نملك القدر الكافى من المشاركات التى تسمح لنا بمراسلة بعضنا

اختى الأن فهمت قليل من قصتك

يعنى امك وابوك مدوك لجداك وجدك باه يربيوك

ممكن لظروف معينة وممكن انه اغلب ولادهم تغربوا فمدوك لهم باه تونسيهم هكذا؟؟

اختى متترديش ارجعى لداركم على الأقل هذيك راهى داركم

و والديك حتى كون متتصرفيش معهم بطريقة مليحة يقدرو يتحملوك لانهم مستحيل يسمحوا فيك

اختى روحى لوالديك وخاوتك مستحيل يسمحوا فيك على الاقل في داركم تقدري تهدري على حقك ودافعى عن نفسك

دون أى عقدة

وربي يكون معك خيتو

[amina2688]

شوفي اختي انا منقدرش نروح لانو غايضتني كي عطاتني امي الحقيقية رغم اي سبب او ظروف مانقدرش نسمح لاني نجرحت ونظريت واختي الاخرى ساكنة مع امي الحقيقية يعني انو امي وابي واخواني الحقيقيين ساكنيين كامل مع بعض غير انا الي مدوني
واسمحيلي اختي كلامك على الراس والعين
اسمحيلي انا متكبرتش على كلامك ونصايحك


اه يعني انت الكتكوتة الصغيرة داتك جداتك توانسيها {لانها تحبك}

وامك ما قدرتش تعز فلذة قلبها على امها....مشي لانها تكرهك

وعلى كل كان الله معك,وربي يعطيك ما تتمني

{انا كنت اظن انهم مطلقين وكل واحد في جيهة}

سلامي واحتراماتي

[مريم الصابرة]

السلام عليكم اختي
اان تبعت قصتك وكنت نظنو خوك لكن هو خالك من المفروض رباوك من صغرك راكي ختو ومش بنت ختو لكن معليش
شوفي بما إنو المشاكل هذي كلها كاينة واهلك الحقيقيين راهم ملمومين في بلاصة انا لو مكانك نروح لاهلي مسألة وقت ويالفو بيك وتتقربي منهم وأمك من كل هذا وين ما تقوليليش مدتني لالا امك تركاتك عند جداك وبزاف يصرالهم هكذا لكنك بنتها مهما كان جربتي تحكيلها واش راكي تعاني باباك يا اختي لو انا نخليلهم الدار راهي ليهم وربي يجازيهم رباوك لكن تبقاي هكذا كل مرة يديرلك هكذا هذا راه خالك ما راهش باباك باه راه مكرهلك حياتك واهلك اللي رباوك كان هوما يحبوك يوقفوه عند حدو جربي روحي يمامات عند اهلك وخليهم يفكرو يوقف عند حدو او يخرج ويروح يكري وباباك اللي مربيك لزام يدير حل وانا ندعي ربي تتزوجي ويديك راجلك بعيد عليهم كامل إصبري

[كريمة 118]

شكرا على اهتمامكم ونصايحكم
اليوم عاودت راجعت روحي وراني راضية بقضاء الله وقدرو الحمد لله هكذا ولا اكتر
قررت انوا مهما يقولولي ولا يسبوني منردش الكلام حتى وكان ظالمني وحتى ويكن كلام جارح وقاسي
سوف اعتبر نفسي ضيفة كاما قالت اختي صفاء
منزيدش اعير لاي شيء حتى ويكسروا ويخسروا ويفسدوا في الدار
منعمرش راسي باشياء وبكلامهم الفارغ لانو مايبقى غير العيب
وكل انسان يتحاسب قد فعالوا
واللي يغلط نوكلوا عليه ربي
والله يهدينا اجمعيييين
وادعولي بالزوج الصالح الي يهنيني ويحميني ويحبني
الحمد لله الحمد لله
والى كل الاعضاء الاخوة والاخوات مننساش خيركم وكون نظل نشكر فيكم مانوافيكمش حقكم لكم مني دعوة في ظهرر الغيب

[khawlita.dz]

=كريمة 118;1053909097]شوفي اختي انا منقدرش نروح لانو غايضتني كي عطاتني امي الحقيقية رغم اي سبب او ظروف مانقدرش نسمح لاني نجرحت ونظريت واختي الاخرى ساكنة مع امي الحقيقية يعني انو امي وابي واخواني الحقيقيين ساكنيين كامل مع بعض غير انا الي مدوني
واسمحيلي اختي كلامك على الراس والعين
اسمحيلي انا متكبرتش على كلامك ونصايحك


افهمك جدا و افهم شعورك
انت من جهة عزت عليك نفسك كيف تعودين الة اهلك و هم تخلو عنك
ومن جهة تتعرضين لسوء المعاملة من خالك
يا اختى لظن عليك اختيار اقل الاضرار وان تفكرى بعقلك بدل عواطفك
فاما ان تعودى الى اهلك
فراييى
لو كنت مكانك لاتجهت لامى و فاتحتها فى موضوع تركك ببيت جدتك الاسباب و الخلفيات لربما تركت لدى جدتك من باب انك تونسيها مثلما تفضلت احى العضوات لا تخليا عنك يمكنك معاتبتها و و لربما ستقنعك او انت ستقنعيها و لربما فتحت جرحا مؤلما لكن صدقينى مهما كان عليك تنظيف هدا الجرح قبل غلقه و تجاهله سيبقيك تدورين فى حلقة مفرغة
يا اختى تكلمى بصراحة مع اهلك فهم فى النهاية سيظلون اهلك افهمى منهم وان كنت ترين انك ستعيشين فى بيت اهلك الحقيقيين احسن من هده الدل طبعا سيكون الموضوع صعبا بالبداية ثم تتعودين و يتعودون حاولى ان لا تكونى حساسة جدا و عايشى الواقع فى النهاية هم اهلك و داك منزلك و اوائك اخوتك و اخواتك وحقك انت تعيشى هناك
واما ان تبقى ببيت جدتك فتتجنبين خالك وزوجته ولا تكلميهم ابدا و اجعلى لنفسك قيمة
وتهتمى و تركزى على دراستك و بناء مستقبلك فلعلك تتوظفين و تبتعدين عنهم اطول فترة ممكنة
والعلك تجدين شريك الحياة اللدى يستحقك و تتمنين فتستقرين ببيتك
وكله مكتوب
ولعل خالك يستقر بعيدا و تامنين شره
واطلبى من الله ان يهديه و يكفيك شره و شر زوجته وايضا لو كنت مكتنك لكلمت جدتى وجدى وطلبت منهم اقافه عند حده فهما تولا تربيتك وواجبهما الحفاظ على كرامتك وارى ان تختارى و قتا مناسبا و تكلميهما بكل صراحة عن ما تتعرضين اليه وطاليبيهم بان يضعوا له حدا ولا يشفولك حل معاه
كان يجبره جدك على عدم التعرض لك و التدخل فى حياتك
اعانك الله فكلا الحلين صعب لكن ارجح الحل الاول لانك ستتزوجين و تنجبين يوما ما و سيحتاج اولادك لجدهم و جدتهم و اخوالهم فالاحسن ان تنظفى الجرح ولو كان مؤلما و تتقبلى الواقع و تسامحين حتى تتمكنى من مواصلة حياتك افضل من ان تستمرى وفى قلبك غصة
و اظن ان بيت اهلك اكرم لك لانه حقك و تستطعين المطالبة به
بالتوفيق واتمنى ان ينير الله دربك و يسهل لك امرك
فلعله ابتلاء من الله ليختبر مقدار صبرك

[khawlita.dz]

شكرا على اهتمامكم ونصايحكم
اليوم عاودت راجعت روحي وراني راضية بقضاء الله وقدرو الحمد لله هكذا ولا اكتر
قررت انوا مهما يقولولي ولا يسبوني منردش الكلام حتى وكان ظالمني وحتى ويكن كلام جارح وقاسي
سوف اعتبر نفسي ضيفة كاما قالت اختي صفاء
منزيدش اعير لاي شيء حتى ويكسروا ويخسروا ويفسدوا في الدار
منعمرش راسي باشياء وبكلامهم الفارغ لانو مايبقى غير العيب
وكل انسان يتحاسب قد فعالوا
واللي يغلط نوكلوا عليه ربي
والله يهدينا اجمعيييين
وادعولي بالزوج الصالح الي يهنيني ويحميني ويحبني
الحمد لله الحمد لله
والى كل الاعضاء الاخوة والاخوات مننساش خيركم وكون نظل نشكر فيكم مانوافيكمش حقكم لكم مني دعوة في ظهرر الغيب
;وهدا حل ناجح ايضا بالتفويق
وان شاء الله يسرلك امرك و يناولك ما ببالك
بالتوفيق

[wafa16]

اختي نتي ما فهمتيناش من الاول انا عمبالي والديك انفصلو و كل واحد فيهم تزوج بقيتي انتي اداوك دار جدك
كيفاش هوما ملمومين و انتي وحدك
حطاتك في دار جدك امانة نورمالمون و ادا هما ما حافظوش على الامانة لازم تولي لداركم
لكن
هاد الهدرة كنتي تحكيها من بكري ليماك و الا نقولك لباباك خيرلانو وليد الناس و براني و ادا كان راجل و عندو النيف يجيبك لعندو و ما تسمعيش ديك الكلمة اللي لا تقال الا لبنات الشوارع كيفاش باباك حي و انتي عايشة عند خالك يبهدل فيك كل دقيقة و تنضربي عندهم
انا نقول هدا واش راه مقلق خالك و مرتو يقولك عندها دارهم و قاعدة عندنا
عندها باباها و احنا نصرفو عليها
يا اختي خالك ادا ماكانش حنين يخمم هاكا يقولك تروح عند باباها
احنا رانا في دار والدينا و لوكان نروحو عند دار جداتي و خوالنا و انطولو المعاملة تعهم تتبدل
لانك ماشي ختهم
نصيحتي ليك ولي لداركم عند والديك خير من الدل تع لافامي
احكي لباباك و قوليلو من المفروض يديه النيف

[samira135]

انتي لازم تهمك راااااااااحتك فقــــــــط

راحتك مالقيتيهاش عندك جداتك روحي عند باباك حبو ولا كرهو هما مسؤولين عليك و عندك الحق تزعفي منهم روحي اسكني عندهم و عيشي كالآميرة وماتهدري مع حتى واحد كولي و اشربي و اقراي و ارقدي حتى ربي يبعثلك الزوج الصالح

[فافا مينوشة]

اختي والله ما فهمت علاش راكي مازال قاعدة عندهم وعندكم داركم تعيشي فيها معزة مكرمة خمي مليح مشي من حقك تكرهي يماك مامداتكش لناس براوية مداتك ليماها لي هي جداتك
نصيحة من عندي ختي ولي لداركم ليماك وباباك وخاوتك خير من الذل هدايا والله العظيم

[رحمة من المولى]

ان شا الله ربي يفرج عليك عن قريب

[بيزة الشاوية]

أختي قولي لي خالك قداه عندو و هو متزوج هل كان حنين عليك قبل زواجو و لا مزاجه و عقليتو من بكري هكا ؟ إلا كان جوابك أنو متغير غير بعد الزواج أعرفي بلي مرت خالك اللي كنت تقولي بلي متفاهما معاه هي أساس الفتنة و الآن بانت يعني من قبل كانت تضرب بزوج وجوه ربي يهدي ويصبرك هذا مانقولك نعرف عباد كما أنت مدلين في دار جداهم وخوالهم