شكون يصراله هكدا وماهو الحل

[ام نسمة]

مرحبا
مشكلتي التي ساطرحها هي كما ترون الساعة كم وانا لم انعس بعد راني من23 احاول النوم ولم اقدر
ونزيدكم نضت على 9 صباح بعد مارقدت بعد صلاة الفجر وعاودت رقدت مع الظهر ساعتين وفقت ومن تماك راني نايضة وماجانيش النعاس خلاص
عييت كيفاش ندير نستغفر ونحاول انام والو وعندما يهرب مني النعاس تنفتح امامي كل دفاتر الماضي ربما نبدا من الطفولة ونجي طالعة
الله غالب ومع العلم خلال النهار لا اتكاسل ابدا نغسل نطيب ندير الميناج كملت قاطو العيد مع كل هذا التعب وماعييت ما نعست علاش غير انا ولا كاين كما انا
وماهو الحل

[biberse1192]

علاخاطرش نتي راكي تخمي بلي مارقدتيش + عادي ريتم نتاع رقاد قاع يتبدل في رمضان + تخمييي بزاااف انا تاني راني نعاني درك مور العيد يتسقم رقادك

[ام نسمة]

علاخاطرش نتي راكي تخمي بلي مارقدتيش + عادي ريتم نتاع رقاد قاع يتبدل في رمضان + تخمييي بزاااف انا تاني راني نعاني درك مور العيد يتسقم رقادك

مرحبا حتى انا قلت هكدا لكن اصبح الامر يزعجني كثيرا اذاني انام ساعات قليلة قد لا تتعدى 4 ساعات في 24ساعة
بزاااااااااااااااااااااااااااااااااااااااااااااااا اااااف
انا تاني راني نستنى قلت بلاك بعد العيد نرجع كما كنت مع اني حتى فيالايام العادية مدمنة سهر

[biberse1192]

لا هادي sur و ماتخميش بلي مارقتيش علاخاطرش كان ترفدي الغبينة نتاع ماقديتيش ترقدي تتعشش في عقلك بلي ماترقديش و كان قاع يجيك نعاس ما تقديش ترقدي علاخاطرش سايي عقلك مابغاش انا هادي صراتلي مشي في رمضان كنت وضغوطة واحد الوقت كنت راح نسوتني و زيد مرضت عيني ما قعدتش تتغمض و نزيد نبكر روح نقرى حتى مرضت و قعدو يديرولي ليباري باه نغفل هاديك الساعة ، شي لنوصيك بيه حاولي ما تخميش بزاااف و كي بجيك هاداك التخممام و الهدرة في عقلك حاولي تلفيها قري قرآن و لا تفرجي خاجة و لا ديري موسيقى المهم التهي باش ما تخميش و حاولي ديري الكالم في الغرفة لي ترقدي فيها و ربي يفتح عليك انشاء الله ماتقلقيش

[ام نسمة]

لا هادي sur و ماتخميش بلي مارقتيش علاخاطرش كان ترفدي الغبينة نتاع ماقديتيش ترقدي تتعشش في عقلك بلي ماترقديش و كان قاع يجيك نعاس ما تقديش ترقدي علاخاطرش سايي عقلك مابغاش انا هادي صراتلي مشي في رمضان كنت وضغوطة واحد الوقت كنت راح نسوتني و زيد مرضت عيني ما قعدتش تتغمض و نزيد نبكر روح نقرى حتى مرضت و قعدو يديرولي ليباري باه نغفل هاديك الساعة ، شي لنوصيك بيه حاولي ما تخميش بزاااف و كي بجيك هاداك التخممام و الهدرة في عقلك حاولي تلفيها قري قرآن و لا تفرجي خاجة و لا ديري موسيقى المهم التهي باش ما تخميش و حاولي ديري الكالم في الغرفة لي ترقدي فيها و ربي يفتح عليك انشاء الله ماتقلقيش
شكرا للاهتمام
وزيد راها السخانة وكي نرقد في الغرفة اللي فيها المكيف راسي يوجعني منو بزاف بلاك عندي البرد في راسي من النفاس زوجي وولادي يرقدو تماك وانا خرجت حتى الكمبيوتر جبتو في غرفتي باش مانبقاش تحت المكيف
ومع هذا تاني السخانة ما حملتهاش خطراتش نحط مخدة ونرقد على الارض ههههههه
وانا دوركا نوض نصلي الفجر وندير اذاعة القرأن بلاك نقدر نحط راسي شوية قبل ما يطلع الباح كنت سمعت قالو العيد الخميس امالي غدوة نهار طويل ميناج وتحميم الصغار ونروح للحفافة ونجي ندير الفطور وعععععععععععع بزااااااااااف
كي نتفكر هكا نزيد نصحصح مليح ماشي ننعس

[biberse1192]

هههههههه الله يكون في عونك حبيبة و يقولو للام شاراكي ديري يا ودي ما يحس بالجمرة غي لي كواته الله يقدرك اختي و يكون في عونك و عيدك مبارك

[sabra2009]

عندك مشاكل وهموم أختي الفاضلة، عقلك يخدم بزاف يبحث عن الحلول، عقلك مشوش وغير مرتاح يبني ويهدم... أنا نفس الشئ
الله يفرج علينا ويهدينا...

[ام نسمة]

شكرا اختي صابرة انا مخي يخدم بزاف وكي مانخممش في مشاكلي نعود نخمم في مشاكل اهلي ههههههههههههه
يعني مخي شغال 24 ساعة
شكرا وصح عيدك
ايه المرا تحسن عونها غير مرا كيفها لوما الراجل كي يكثر يخسر عليك كلمة ويقولك علاش انتي شاراكي اتديري
الله يهديهم ويهدينا ويفرج علينا ويغفرلنا يارب

[أم ماجد]

زهور حتى انا اليوم ماقدرتش نرقد واقيلا فرحة العيد ههههههههههههههه

[ام نسمة]

زهور حتى انا اليوم ماقدرتش نرقد واقيلا فرحة العيد ههههههههههههههه
ههههههههههههههههههههه ام ماجد راكي هنا ...............شاراكي تديري حتى لدوركا ياحي عليا حسبت روحي غير وحدي
ضحكتيني تفكرت كي كنت صغيرة ليلة العيد نبات شادة حوايج العيد في يدي ونشوف في التاقة نستنى غير وقتاش يبان الضو
ههههههههههههههههههههههههه
باش نوض ماما تطيب لي القهوة
صباحك فل يا اختي الغالية
ايا روحي نوضي ماجد يصلي

[*نآدرة~]

ساعتنا البيولوجية انقلبت،الله يستر رانا كامل كيف كيف،انا راني نوض جوايه 12 تاع النهار ومن ثم ما نعرفش طعم النوم حتى بعد ما نصلي الفجر ونتمنى لوكان نقدر نرقد بالصح الله غالب انا نغمض عينيا وهما يتفتحوحتى انا وليت نستغفر ونذكر بلافايدة الرقاد معاديني:o:o
المشكل انو هاذ التعب رايح يدور علينا كامل بعد رمضان،ايا معليش ربي ورحمته مزية مرانيش غير انا حتى انا كنت حايرة في روحي
ايا انا نزيد غير شوية ونروح نرقد تصبحي بخير:1::1::1:

[ياسمين20]

حتي انا راني نعاني من قلت نوم من بداية رمضان

مشكل هو في توقيت جربي ما ترقديش حتي لليل

[ام نسمة]

مرحبا
يتسمى مش غير انا عندي هاد المشكل رانا كامل كيف كيف
انا راح نحاول ندعل مواقيتي ابتداء من الغد ان شاء الله
مع انو خاطيني القهاوي والاتايات بعد الفطور
كما اليوم رقدت بعد الفجر بساعة وكي اداتني عيني جاري سودار فتح وبدا يخدم ههههههههههه
غير شغل الالة اتاعه نضت مفزوعة كنت ناقصاته
ايا ماعليش انا كنت خايفة راني غير وحدي هكا مين طلعتو بزاف امالا رانا كامل كيف كيف

[(الانسان الوفي)]

السلام عليكم .........هذا من حظ زوجك ...الله يبارك نشاط وحيوية ...اتمنى القى زوجة مثلك نشيطة ......حتى انا مثلك انام ربما 4 ساعات فقط مع رمضان ....اظن امر ععادي خصوصا معك .....ههههههههههههههه

[saadi-2008]

https://fbcdn-sphotos-g-a.akamaihd.net/hphotos-ak-frc1/q71/1002350_216534341836502_1427265456_n.jpg

[وفية زاد]

اختي هذا شيء عادي
مرات اوقات النوم تتخلط علينا
و زيد مع التخمام يطير النعاس

[زينوبة 45]

يا ختي بالنسبةليا شيئ عادي في رمضان كل المواقيت تتقلب انا تاني مانرقدش حتى نصلي الفجر ونوض خطرات 7 و خطرات 8 اغلب الأوقات 9 المهم ما،فوتشهاش العشية نرقد ساعة و لا زوج