انصحوني جزاكم الله خير

[اروى الحلا]

البسملة1
السلام1
انا راني في حيرة لا توصف
المهم انا امرأة متزوجة عندي8 اشهر من اول نهار زواجي و انا في المشاكل لان زوجي وليد يماه اسمحولي بهذه العبارة
لكن بلغ السيل الزبى المهم بعد 5 اشهر من زواجي حملت والحمد لله لكن كي عرفت يماه بلي راني بالحمل جن جنونها
لدرجة انها طردتني من الدار و قالت للزوج طلقها مع العلم زوجي خدام سوناطراك يعني شهر عندو وشهر عند دار بابا و هي تطلب هكا
المهم بعد ما تحوزت و جا راجلي من الخدمة كرالي دار قيسنا و ما قالها كانه مازال خدام في الصحراء المهم بعد ما عشن هداك شهر كيفكيف و الله في نعمة كي كونا وحدنا راه قالها بلي انا مرتي ما انطلقهاش و تم شاايد فيا و الان قاتلو رجعها للدار انهار العيد تولي كيما كانت مع العلم انو راجلي يمدلها لا باي و كي خرجنا ما مدلهاش يعني رجعاتو من اجل لا باي و الان رتني 4 اشهر من حملي و لا تصلت فيا و لا سقسات عليا و راجلي قالي تولي
مذابيكم انصحوني انولي و لا واش اندير مع العلم انها ماتحبنيش لكوني عربية وهي قبائلية ة هي قاتلي هكذا ان امنحبكش يالوكان تتخلطي مع العسل دبرو عليا واش اندير و العيد الحق و اسمحولي هبلتكم جزاكم الله خير

[ام نسمة]

لالا ماترجعيش احسن مادام راجلك خدام ولا باس بيه ماترجعيش افرضي روحك بهدوء ورزانة وابتعدي عن اثارة المشاكل تمسكي بما تردين لكن برقي واحترام مش بالمهاوشة والعياط تحدثي مع زوجك بصراحة وواجهيه بمشاعرك ونفسيتك كيفاش تكون تماك عند يماه
شوفي قولي لو هاديك يماك وانا ما نمنعكش عليها ابدا اذا حبيت تروحلها صباح وعشية لكن انا خليني بعيدة وحتى يماه اذا حابة الشهرية ماعليش ديرولها نصيب او حتى يعطيها لها ماعليش كي تولدي تتغير الامور بالنسبة ليه بلاما تقولي انتيا
انا تبانلي تخسري الشهرية وماتخسريش راحة بالك والسكن المستقل

[samira135]

رايحة ننصحك من خلال تجربة بنت خالتي مرت بنفس المشكل نتاعك

ردي بـــــــــــــالك ترجعي من حقك ديري دار و حدك و خصوصا انو زوجك قادر و عجوزتك مش مليحة معاك بلاك ديرلك حاجة مش مليحة

حتى تولدي بسلامة ومن بعد قري تشوفيها و لالا مي ننصحك في فترة حملك ماتقعديش معاها وحدك و الله غير بنت خالتي غير ضربتها عجوزتها و سقطتلها الحمل

[diyaa-alger]

أختي ماذا اقول لك أولا أصبري وثانيا أنت البيت مأجر يعني حتى لو رجعتي البيت مزال مأجر اللي فهمتو أربع أشهر وأنت بالحمل ولم تسأل عنك يعني البيت ربما مازل إيحاره نصف سنة على الأقل، أنت جربي وأرجعي ولو حصل مشكل أرجعي للبيت اللي أجرتوه، هذا الأمر الأول الأمر الثاني بدون زعل مني أختي لو كان زوجك وليد يماه كما تقولين لكان طلقك الأن، ولكن أنا أرى أن زوجك لا يريد أن يخسر أمه ولا يريد في نفس الوقت أن يخسر زوجته يعني هو أكثر واحد فيكم نازل عليه الضغط، لهذا حاولي أن تساعديه بسمع كلامه وأرجعي معه لو حصل مشكل أمسكيه فيما بينك وبينه وأخبريه وأطلبي منه أن يردك للسكن واحدك، أما أمر أنه يعطي المال لأمه فهذا ليس عيب أختي فهي أمهوليست صديقته أسمحيلي على هذا التعبير، المهم أنه لا يلحق بك الضرر ولا يلحقه بأمه ما استطاع وشكرا أختي

[لحن الفرح]

السلام عليكم
اختي انصحك بالرجوع وعامليها معاملة حسنة ولو غلطت معاك اسكتي كوني ثقيلة ورزينة وزوجك لا تضغطي عليه الضغط يولد الانفجار .
وابتعدي عن التوتر لأنه يهلك الجنين. اختي عيشي مع زوجك رومنسية وحب وخلي علاقتكما حب فقط بدون مشاكل .
اشريلها هدية تحبها واديها معاك يوم العيد .

[ياسمين20]

لا ترجعي هذي مريض نفسيا وسوف تفتعل معك مشاكل

[naamane3]

رايحة ننصحك من خلال تجربة بنت خالتي مرت بنفس المشكل نتاعك

ردي بـــــــــــــالك ترجعي من حقك ديري دار و حدك و خصوصا انو زوجك قادر و عجوزتك مش مليحة معاك بلاك ديرلك حاجة مش مليحة

حتى تولدي بسلامة ومن بعد قري تشوفيها و لالا مي ننصحك في فترة حملك ماتقعديش معاها وحدك و الله غير بنت خالتي غير ضربتها عجوزتها و سقطتلها الحمل
بارك الله فيك
هذه فكرة صائبة
بعد الولادة وشوفي واش تقدري تديري

[شمس 15]

لا لا مترجعيش ركي عرفتي السبب حبت الدراهم أعطولها و خلاص و إذا رجعتي مستحيل تولي تخرجي بصح هذا كل لازم تحققيه بفطنة و ذكاء بدون متعرف هي مراكيش حابة ترجعي.....

[أمة الله 12]

لا لا ما ترجعيش, و اذا تحتمت يعطيها و ليدها قيمة من لاباي و هاذي هي,

بصح انتم ديما ديرو معاها المليح, زوروها و سقسوا عليها

ان شاء الله ربي يحنن القلوب

[وفية زاد]

رب يفرج عليك
انا نظن ما ترجعيش احسن
بصح ما تقطعيهاش
مرة على مرة زوريها
و حاولي تصلحي الامور بيناتكم

[wafa16]

تاخدي رايي ما توليش راكي لاباس بيك في دارك و راجلك من المفروض خلاصو مليح يكريلك و يقدر يمد ليماه مبلغ تع الدراهم باش يبر بيماه و هدا واجب

[l'étoile]

الله يهديها

[اروى الحلا]

لالا ماترجعيش احسن مادام راجلك خدام ولا باس بيه ماترجعيش افرضي روحك بهدوء ورزانة وابتعدي عن اثارة المشاكل تمسكي بما تردين لكن برقي واحترام مش بالمهاوشة والعياط تحدثي مع زوجك بصراحة وواجهيه بمشاعرك ونفسيتك كيفاش تكون تماك عند يماه
شوفي قولي لو هاديك يماك وانا ما نمنعكش عليها ابدا اذا حبيت تروحلها صباح وعشية لكن انا خليني بعيدة وحتى يماه اذا حابة الشهرية ماعليش ديرولها نصيب او حتى يعطيها لها ماعليش كي تولدي تتغير الامور بالنسبة ليه بلاما تقولي انتيا
انا تبانلي تخسري الشهرية وماتخسريش راحة بالك والسكن المستقل
\
صح عيدكم يا الحباب و العاقبة العام الماجي انشاله
اسمحولي درت رد مشترك ليكم جميعا
راهو شابف كلش لكن ساكت لدرجة اليوم قاتلو منسحقهاس اتجني قلت انروح انغافرها شوفي وين لحقت حتى راجلي ما جاش لعندي مالقري بيناتنا 200متر قدامي اليوم بكيت حتى شبعت ناس فرحانة و انا الله عالم بامري

[مريم الصابرة]

السلام عليكم اختي
صحا عيدك وكل عام وإنت بخير
انا نشوف كاين حل واحد راكي تقولي هي تحوس على المال من المفروض ولديها كي خرج من عندها يخليلها مبلغ راه خدام وقادر ما فيها والو كي يخصص مبلغ ليماه كل شهر يعني هو خرج ونساها وراكي تقولي في كلمة وليد يمه يعني مقرب منها بزاف انا ما نشوفش هذا عيب هذي يامه يا ناس لو إنت ما تتقربيش من بماك وشوفي كامل العجايز هكذا وسيرتو كي قلت قبايلية كاني عوائل مازالو فعادة ما ما يحبوش وحدة عربية لكن اختي إنت راحا تكوني ام خليك إنت الرزينة ولو اصر زودك ترجعي شفوي لوجهو وإصبري على جالو المهم هو مهنيك ملا تخليهش يوقف بينك وبين يماه راه ضغط كبير هي تشد إنت إرخي معليش ولي وجربي وبعدي على التقلاق وحاولي تتقربي منها وما تكرهبهاش لما تكرهها راحين توصلو لحياة مستحيلة وراجلك كيفاه يدير بيناتكم من رأي ما ديريلوش الزعاف سايريه موفقة

[اروى الحلا]

السلام عليكم اختي
صحا عيدك وكل عام وإنت بخير
انا نشوف كاين حل واحد راكي تقولي هي تحوس على المال من المفروض ولديها كي خرج من عندها يخليلها مبلغ راه خدام وقادر ما فيها والو كي يخصص مبلغ ليماه كل شهر يعني هو خرج ونساها وراكي تقولي في كلمة وليد يمه يعني مقرب منها بزاف انا ما نشوفش هذا عيب هذي يامه يا ناس لو إنت ما تتقربيش من بماك وشوفي كامل العجايز هكذا وسيرتو كي قلت قبايلية كاني عوائل مازالو فعادة ما ما يحبوش وحدة عربية لكن اختي إنت راحا تكوني ام خليك إنت الرزينة ولو اصر زودك ترجعي شفوي لوجهو وإصبري على جالو المهم هو مهنيك ملا تخليهش يوقف بينك وبين يماه راه ضغط كبير هي تشد إنت إرخي معليش ولي وجربي وبعدي على التقلاق وحاولي تتقربي منها وما تكرهبهاش لما تكرهها راحين توصلو لحياة مستحيلة وراجلك كيفاه يدير بيناتكم من رأي ما ديريلوش الزعاف سايريه موفقة


صح عيدك اختي الفاضلة
انا نارانيش ضد يعطي اليماه و لا لالا انا اصلا ماشي محتاج دراهم انا الحمد لله بلا دراهمو عايش لكن الحركة انتاع المغافرة انهار العيد هي لي كرهتني لدرجة اون ماجاش عندي انهار العيد هذا يرضيك اختي وزيد راهي دايرة عليه العسة باه مايدخل لدارنا و كي يهدر معاياا اتكون معاه هي حابة نطلقو و وليي وليدها يصرف على الدار وعلى خوه لي غير كيما تزوج و انزيد انقولك بلي انا ماتهمنيش الدراهم انا حابة انعيش مهنية مع الزوج ديالي ودعيلي اختي

[نسيم الإيمان]

ربي يفرج عليك ان شاء الله