واش طيبو نهار العيد

[استبرق4]

السلام عليكم
حبيت نهدرو على نهارالعيد وكل واحد واش يطيب فطور العيد
وكل بلاطة وعاداتها
انا في دارنا قبل نطيبو طبخة ديال فول تجي فوووووور:mh31:
هذيك هي فطورنا مع القاطو
ودرك تاني في دار راجلي ندير عادات دارنا
وانتم شاركونا واش طيبو نهار العيد

[تنهينان12]

السلام عليكم
احنا نهار العيد نفطرو عادي بالقهوة والحليب والحلوة ومن بعد في الغدا نديرو طعام بالمرقة

[ام طيري الجنة]

احنا عادي الصباح القاطو مع القهوة بالحليب اما الفطور او الغدا الطعام بالمرقة
صح عيدكم جميعا

[سامية حكيم]

صحة فطوركم وصحة عيدكم كل عام وانتم بخير احنا نفطرو الصباح حليب وقاطو وفي الغداء نديرو شخشوخة حارة

[samira135]

طعام بالمرقة

[evaevalle]

صينية القهوة و الحليب و القطوات خاصة المقروط

و صينية اخرى قهوة و حلويات للاستقبال

و في الغداء شخشوخة و سلطة
وقهوة لعصر
و لعشاء ما كانش خاطر نكونوا شبعنا

ربي اهنينا اجمعين

http://www2.0zz0.com/2013/08/01/21/124603476.gif

[نسيم الإيمان]

الغدا بربوشة بالمرقة

[شروق-الأمل]

الصباح قهوة عادية بالقاطو و كل انواعو ههه
و في الغداء بركوكس ههه
و صح عيدكمــ

[inaas]

صح عيدكم اولا وكل عام وانتم بخير ، اولا الصباح مع لفطور و القاطو و من بعد مع اللمة نتغداو شخشوخة فطير اممممم. صح عيدكم مرة اخرى

[أم هيثم محمد]

أنا علمية أي من العلمة لكن متزوجة في سطيف يعيش بعادتي نعمل النهار الاول الشخشوخة فطير ( الرقاق او المسمن ) مع المرقة الله الله والنهار الثاني ككل الناس الربوشة ( الطعام )

[ام نسمة]

بلاكم على ليسطومة اتاعكم تشوكوها نهار العيد بالقاطويات والمراقي ههههههههههههههه
انا نهار العيد من حبة وحدة تاع قاطو مع كاس صغير تاع قهوة حليب مانزيد ناكل والو وعلى الوحدة نحط الفطور اللي هو كسكس بالحليب انا نحط معاه بيض مغلي وزبيب ودلاع وعنب وعصير لكن انا نخاف مانكلش بزاف ديجا ماكلتي قليلة بزاف غير لقمة تشبعني
وفي العشية باينة واليلي نسخن واش بقى من اكل اخر ليلة من رمضان ما نرميش الاكل اللي بقى لي
ومع هكا مانكلش بزاف ههههههههههه انا لوكان ماشي راجلي وولادي نطيب على جالهم ماندير والو وما ناكل والو نهار العيد كاس قهوة وحبة قاطو بزاف عليا والعشية ناكل سلطة خفيفة وانا شبعت وحافظت على صحتي

[البوسعادية]

مرحبا بكم
الله الله على بنات بلادي ما شاء الله كل منطقه وكيفاش ..ما شاء الله
احنا في بوسعاده اغلب العائلات اذا مقلتش كامل الصباح عادي حليب قهوة وقاطو
والغداء شخشوخه ..
وصح عيدكم وكل عام وانتم بخير

[♥♥enrique♥♥]

بما ان العيد اقترب و كثرة الحلويات ففي الصباح نشرب القهوة بالحليب مع الحلويات و بعدها في الفطور ناكل الطعام مع المرقة و اللحم و شكرا و صح عيدكم

[Angleeyes]

شخشوخةةةةةةةةة

[ميرة31]

كسكس,,,,,,,,,,,,,,,,,,,,,و http://www8.0zz0.com/2013/08/06/12/356967859.gif

[rafik-12]

بركوكش اممممممممممممم حار يهبل

[lahna moka]

حنا في بجاية الصباح نشربو القهوة و الحليب بالقاطو و خاصة بالسفنج (الخفاف)
و نتغداو : لحم مقلي(ستاك) + فريت+ سلطة فلفل +سلطة عادية و الفواكه
و نتعشاو الكسكس مع المرقة باللحم

[maya 25]

نفطرو بالالقاطو و القهوة و نتغداو بالطعام و لا الشخشوخة امممم نموت عليها

[الحب و الوفاء]

احنا الصباح م]ع الحليب ناكلو خبز الدار و مبعد كي يجيو من الصلاة نحطو السينية تاع العيد مع المشروبات و الغداء نديرو بربوشة بمرقة بيضاء بالدجاج وفي النهار التاني نديرو شخشوخة تاع الظفر

[عطر و مطر]

احنا نفطرو بالقهو و الحليب مع خبز الدار من بعد نحطو الصينية تاع القاطو
والغدا نديرو كسكس باللحم او شخشوخة

[دموع تائبة]

احنا نفطرو الصباح حليب بالقاطو
وفي الغداء نديرو شخشوخة
صح عيدكم وكل عام وانتم بخير

[ابنة الاسلام]

اللسلام عليكم

احنا ولاية أدرار نفطروا بالحليب والقهوة والقاطو

نتغداو بالكسكس الذي ليس له مثيييييل اممممممممممم والشلاطة والفوااكه

[biks]

السلام عليكم

الفطور : قهوة + حليب و لازم يكون خبز الدار حاضر :d

و الغداء شخشوخة

صح عيد الجميع

[زرابة]

راني زعفانة كي خلاص رمضان انا مع المغرب في العيد نقنط اتمى لو كل الدنيا رمضان

[clairefontaine]

صح عيدكم حنا نفطرو بالقاطو والقهوة اما الغداء فبربوشة او شخشوخة ولان عجوزتي من الحضنة فاحيانا نديرو عاداتهم يعني الشواط

[امال ق]

لفطور عادي عصير او قهوة وحليب مع الحلويات
اما من العادات في بيت والدي نحضروا البغرير
انا ما نعملوش اولادي ما ياكلوهمش
صح عيدكم

[سوسو92]

حنا في الصباح تمرولبن وقهوة حبة قاطووا في الغداء نديروا الطعام بالمرقة بصح انا مانكل والوا حى النهار الثاني من داك

[sali bouzid]

شخشوخة تاع فطير حااااااااااااااااااارة