هل أعود لطليقي وابو ابني بعد زواجه باخرى؟

[noriamib]

انا مطلقة منذ 6 سنوات ولدي طفل طليقي يكلمني هاتفيا دائما لكنه تزوج منذ سنتين كان يريد ارجاعي قبل زواجه ولكن لم يتقدم لي والان بعد ما تزوج يريد ارجاعي كزوجة ثانية في بيت مستقل هل اقبل العودة اليه لانني خائفة من ان يكون طامعا فقط في راتبي او ان يكون غير مقتنع بي وكيف اقنع والدي بقبول رجوعي لانه لن يقبل ان اكون زوجة ثانية
أرجو من لديه نصائح وارشادات ان ينصحني ويفيدني
علما أن طليقي وابو ابني لا يعمل بل ساعتمد على راتبي في عيشي كذلك زوجته يقول انها لن تمانع اذا اعادني
الان مشكلتي مع ابي كيف اقنعه؟؟؟

[أبوعبد الرحمن39]

السلام عليكم أولا: الكلام في الهاتف أمر غيرجائز لانه أجنبي
تانيا : انا انصحك بالرجوع اذاكان طلقك طلقتين واطلبي منه ان يتصل بوالدك
ثالثا : والرجوع فيه خير ويتربى ابنك مع والديه وأنا لدي صديق ارجعها بعد 5سنوات ولديها طفل مع عقد جديد والله الموفق

[minocha_star]

السلام اختي
انا ننصحك ارجعي لراجلك في خاطر وليدك بالدرجة الاولى ,وزيد لوكان ميحبش عليك راو ميبقاش موراكي ويرجعك كيما اتقولي حتى قبل زواجو حب يرجعك ,وشهريتك راهي ليك وبأمنك خدامة راح تصرفي على الدار ولاكن بالقدر المعقول ,واهلك اقنعيهم على خاطر وليدك وزيد راجل اتكملي معاه حياتك ,وربي يكون معاك تقبلي مروري

[djamal2806]

في الحقيقة أود أن أبدي رأئي والله أعلم
أظن أن الله لم يبح شيئا وفي ضرر،فاباحة الله للتعدد لا غبار عليها يبقى جزء من الصبر لعل الحاجة في العفاف والابن يهوننان من ذالك
أما أنه قد يطمع في راتبك فهو أمر في الحقيقة وارد ولعل التفاهم قدالدخول يحل هذه المشكل
والجانب الايجابي أنه في منزل مستقل،ولعلك موافقة وبذالك يسهل أمر والدك سواء بوضعه أمام أمر الواقع(حاب نهنيك ونطمنك على حفيدك وجاهزة لهذي المهمة.....)، ولا يجب اضاعة الفرصة لعل فيها خير واللي تعرفو خير من اللي ما تعرفوش
لا يفوتني أن أضم صوتي لأبو عبد الرحمان حول التكالم بالهاتف فهو أجنبي الان والله اعلم

يبقى بعد الاستشارت أختاه الاستخارة وسيكون كل شيئ يخير
والله أعلم

[نواار]

عليك باتباع الجانب الشرعي اسالي امام المسجد لان طلاقك ربما بائن .

[ملكة في بيتي]

لماذا تريدين العيش مع رجل لا يعمل فهو لا يصلح ان يكون زوجا .هذا هو الاشكال الذي يجب التفكير فيه رجل لا يعمل من المفروض لايفتح بيتا واحدا ناهيك عن بيتين هل تريدين ان تكوني رجل البيت وهو يستمتع فقط وكيف سيفتح بيتا مستقلا وهو لايعمل . واذا رفض ابوك رجوعك اليه فله كل الحق .واذا كنت تريدين الرجوع فليثبت انه يريد ان يحفظك ويقوم بشؤونك واول شيء ايجاد عمل .ثانيا لماذا تكلمين رجلا غريبا عنك حتى لو كان ابا لابنك بالحرام اصبري ليرزقك الله بالحلال اسفة ان كان ردي قاسيا لاني لا اريدك ان تكوني ضعيفة ولاتندمي على قرار في لحظة ضعف

[imene12]

مجرد فكرة أن يتربى إبنك مع والده فكرة راااائعة ... لكن فكري جيدا .. يعني أنت تعلمين أنه لا يعمل فكيف سيوفر لك سكن مستقل طيلة فترة العيش معه؟؟؟ و كيف سينفق عليكم؟؟؟ و هل هذا الموضةع لن يخلق مشاكل جديدة بينكما؟؟

[ولد حمد الباتني]

هذا باين حاب يرجعك عل جال دراهمك وشهريتك
مادامو بطال
كيفاه بطال مايخدمش وحاب يتعدد بزوج زوجات ؟؟؟؟؟؟؟؟؟؟
باين فيها غاية

[l'étoile]

من جانب الرجوع من أجل ابنك أمر جيد
لنك بما انو ماشي خدام صعيبة شوية ربما صح راهو طامع في مراتبك و خاصة ان الزوجة الاخرى راهي قابلة ربما راح تكوني المنجية لهما من الافلاس
صلي صلاة الاستخارة

[ام نسمة]

لا انصحك بالرجوع اليه ابدا
خلاص ماكنتوش متفاهمين وزيد مدة طويلة على طلاقكم وزيد خدامة وهو بطال زيد تزوج مرة اخرى وحابة ترجعيلو ؟
اذا رجعتي ذنوبك على نفسك واذا داسك برجلو تستاهلي انتي حبيتي كاين نسا عايشين في الذل لو كان جا عندها غير ربع شهرية لوكان اطلقت ومارضاتش بالذل وانتي بخدمتك ووليدك وحابة ترجعيلو اذا راكي عارفة راح يرجعك على جال شهريتك
ننصحك روحي اتزوجي رجل اخر ماعندوش واصرفي عليه بلاك يكون صالح ويحبك ويقدرك وتماك راح يستاهل عينيك مش غير راتبك يا ختي جربي الجديد والرجال ما كملوش حوسي تلقي سيرتو كي عدتي خدامة تلقي تلقي لان الشباب اصبحو يخطبون الراتب مش صاحبة الراتب
اسفة ان جرحك كلامي لكنه حقيقة عليكي استيعابها وابوك عنده حق كي رفض

[AMINA.Z]

اغلب الشباب في البلاد لم يتزوجوا الا بسبب البطالة

و عندنا الاخ حاب يعدد الزوجات و هو بطال !!!!!!!

اختي حافطي على كرامتك و كرامة اهلك
ا
ما ابنك الاحسن يبقى بعيد على اب اذا كان هاد الاب ما يكونش قدوة حسنة ليه

[hakeem]

هذا وجهو صحيح....و انت تعرفيه خير منا و إذا كان لك أمل فيه فعليك أن تشترطي عليه أن يتقدم لخطبتك من عند والدك و ليضع له والدك الشروط التي أنت ترينها تحفظ لك كرامتك و كرامة إبنك ثم إذا سهل ربي فلا تكوني متسامحة معه نهائيا و عليك ان تكوني صارمة في إطار العقل ....

[samira135]

انا رايحة نرد بصراااااااحة ....... وكان جيت منك والله مانرجعلو و زيد طلقك وتزوج وتهدري معاااه !!!!!!!!

وزايد يسقسي في مرتو ولالة رضات ..........وينها كرامتك يا مرااا وماتقوليليش رايحة نرجع على جال ابني ديجا باين مش هذا السبب

اسمحيلي على صراحتي ......ربي يوفقك حنونتي

[ياسمين20]

لا اعتقد انها فركة جيدة

[مومي23]

اظن لو كان يريدك لارجك قبل زواجه
انت ادرى بهذا الرجل و مدى صدقه

[oum tesnime]

الآن حابك تخدمي على زوجته ...والله مليحة هادي

وهو وش يدير ؟؟؟؟ يعرف برك يعدد ؟؟

أنا لو مكانك نعيش وحدي مع وليدي عيشة هانيا أحسن من العيش مع أناس انتهازيين عيني عينك

ما تتقلقيش يا ختي الدنيا فرص وتخليش روحك فرصة ناس كيما هادو

[مناد بوفلجة]

السلام عليكم

نصيحتي لك هو أن تعيشين مع زوجك و أب إبنك أحسن من أن تعيشي لوحدك
فوالدك لن يدوم لك مدى الحياة

و تنمية أسرتك بالتعاون أفضل

و هو يطلبك للحلال

عودي له و توكلي على الله

[السي محمد]

لا انصح بذلك و الله أعلم

[naamane3]

هذا باين حاب يرجعك عل جال دراهمك وشهريتك
مادامو بطال
كيفاه بطال مايخدمش وحاب يتعدد بزوج زوجات ؟؟؟؟؟؟؟؟؟؟
باين فيها غاية

بارك الله فيك
وأنا أأيدك الرأي
ركزي جيدا على هذا الجانب
قبل أن تتخذي أي خطوة

[شمس 15]

رجوعك ليه لمصلحته كيفاش هذا ترجعيلو و تصرفي على روحك براتبك؟؟؟؟؟؟؟؟؟؟

[oum tesnime]

زعمة كي ما يصرف عليك علاه حاب يرجعك ؟؟؟

باش ياخد حقه الشرعي وبس ؟؟؟

عجيب

خمي مليح أختي أحسن ما تعاودي تكتبي موضوع في قسم مشكلتي

[عبد الله 22]

السلام عليكم بمت ـن لديك الخبرة والمعرفة بظروف الزوج و أسباب الطلاق ماعليك لإ إستخدامها في حالة الرجوع إن شاء الله الرجوع خير، المهم حاولي أ ن يسفيد من الامور السابقة من أجل حماية حقوق وحقوق إبنك وترميم ماتكسر بالتوفيق وإن شاء الله يحالفك النجاح

[أسومة المتفائلة]

السلام عليكم بمت ـن لديك الخبرة والمعرفة بظروف الزوج و أسباب الطلاق ماعليك لإ إستخدامها في حالة الرجوع إن شاء الله الرجوع خير، المهم حاولي أ ن يسفيد من الامور السابقة من أجل حماية حقوق وحقوق إبنك وترميم ماتكسر بالتوفيق وإن شاء الله يحالفك النجاح

رايى من رايك
كان راجلك وتعرفيه مليح اكثر مننا خممي مليح وقررى لى يخرج عليك
وربي يوفقك فى طريقك

[بيزة الشاوية]

هذا طماع هو و زوجته في شهريتك كي جاعو ولاو يخططوا كيفاه يشبعو ولاقاو بهلولة سامحيني اذا قلت عليك كما هكا و الله حاس بيك mais باش تكون الحجة ترجعي على جال ابنك نقولك ربي ابنك اصبري باللي قسمهولك ربي خير ماترجعي و يشربو لك المرار هو مرتو لآنها لوكان جات مرا ما ترضى يرجع مرتو باش يصرف عليها

[wafa16]

كي حابة تولي علاش طلقتي من الاول
و مايخدمش تاني يعني تعيشيه و تعيشي مرتو الجديدة معاه
يعني تولي نتي راجل الدار
و المصاريف كلها طايحة عليك و معاك الضرة و كيما يقولو الضرة مرة
علاش ما رجعكش قبل ما يتزوج و الا حس روحو ماشي لاحق قال يرجعك تعاونيه في المصروف
اختي خممي الف خطرة قبل ما ترجعي لانو الوضع هاد المرة اسوء من المرة الاولى لانو هاد المرة متزوج
ما قدرتيش تصبري مع الاول كيفاش تصبري دوك

[libelle]

لا تنساقي لتوسلاته او دموعه وكوني بنيفك باين طماع حتى لو حلفلك بالكدب انفصي عليك الزبالة وابداي حياتك مع اخر واستخيري لتتبيني امرك

[مريم الصابرة]

السلام عليكم اختي
الآن إنت تعرفيه قلت كان حاب يرجعك من الاول قبل زواجو معناها طلقك وندم والآن محال ياه يطلق الثانية ويرجعك إنت خمم يرجعك ويخلي مرتو الأخرى انا من هذي الزواية نظن الأمر عادي لو نخمو من حقو عادي
من جهة أخلاقو وعقليتو كان حاب يردك على جال شهريتك او لا إنت عشت معاه وإنت تعرفيه انا نظن جربيه قوليلو لو نرجع راحا نبطل الخدمة مجرد كطلام جربيه كان شفتيه رفض وقالك لالا تخدمي أعرفي راه طامع فيك وهنا نظن اقعدي تخدمي على وليدك خير من إنك تخدمي وتصرفي وهو علاش تحمليه بمرتو علاه عليك
أما كان قالك اقدعي فالدار وانا ندير راسي تعرفيه حاب يردك ويكبر وليدو قدامو وهنا حرام عليك تحرميه يكبر فحضن باباك وإنت متزوجة ولا إسم مطلقة هذا رأي إنت جربيه وشوفي موفقة

[fatma2012]

ارجعي من اجل ابنك ولكن بشروطك انتي وايضا اذا ضمنت ان تعيشي حياة كريمة وان كنت قادرة على التحمل فعودي من اجل ابنك فقط هذا ماانصحك به

[بلسم غرام2018]

استخيري الله سبحانه وتعالى
وكما قالت الاخت ابوك يشرط عليه وش يحب

[وفاء...]

كيف لرجل ان يفتح بيتين دون مصدر دخل معلوم ؟؟؟؟؟؟؟؟؟؟؟؟؟ غادي يعيشكم بالهوا يبانلي
انا من رايي جربيه و قوليلوا بلي غادية ترجعيلوا لكن حابة تحبسي الخدمة و غادي يكون هو المسؤول عليك وعلا وليدك و شوفي واش يقول
انا من رايي بعدي على تكسار الراس راكي خدامة و قايمة ب وليدك و منضنش بلي تحتاجي تكوني مسؤولة على زوج بطاااااااااااااااااااااال و ضرة ايضا

[أسطورة الخريف]

يا خيتي انتي دايرة في المهنة تاعك معلّمة ..
يعني تقدري تربي ابنك بدراهمك وتقريه أنتي ف الدار وحدك وحدك وحدك وبدون اي مساعدة خارجية
معندك مديري براجل طلقككْ وفوق هذا ميخدمش ! وكيفاه ترضاي تجي زوجة ثانية ؟ -_-
إذا خايفة على ولَيْدك لي راح يتربا بلا اب و ناقص حنان أبْ ، خليهـ يشوفو كل يوم عادي نورمالـ، بصّح انتي ثاني عوضيه على حنان بيو لي منضنش حيلقاهـ كي ترجعو -_-
هذا رايي أنا .. وربي يقدملك لي فيها الخير ;)