الوالدين و مستقبلي

[مشكلتي]

السلام عليكم

انا فتاة تخرجت من الجامعة هذه السنة و الحمد لله
من عائلة محترمة انعم الله علي بنعمة الجمال و الاخلاق و الحمد لله
مشكلتي مع عائلتي خاصة والدي ووالدتي حيث انه منذ بعض الاشهر تقدم الي شاب عن طريق عائلته طالبا يدي للزواج منه وهو في الحقيقة عامل ذو مستوى جامعي من عائلة رائعة ومحترمة و جميعهم اطارات واساتذة وجامعيين و قد حاول والدي اقناعي به ولكنني رفضت

قد تتساءلون لماذا ؟ فالسبب انني اثناء فترة الدراسة في الجامعة كان احد اقاربنا يحاول التقرب مني وابدى اعجابه بي وقال بانه يريدني زوجة له وهو عامل في الشرطة وفي الحقيقة جاء الي في الجامعة في العديد من المرات ورغم رفضي للحديث معه الا انه اصر على محادثتي واقناعي وبعد مدة قبلت وكان شرطي ان يتقدم الي .... لكن للاسف رفضه والدي لانه بين عائلتينا سوء تفاهم قديم ومقاطعة منذ الماضي لاسباب قد يطول ذكرها ..... المهم انه اصر على مواصلة طلب يدي وفي كل مرة كان يتم رفضه ..... وفي الكواليس كان يواصل مهاتفتي وارسال رسائل عن طريق الهاتف ليعبر عن تمسكه بي ....وفي الحقيقة انا الاخرى صرت متعلقة به وبادلته نفس الشعور .....
لهذا السبب رفضت الخاطب الاول الذي حاول والدي ووالدتي مرارا اقناعي به خاصة وانهم من عائلة يشهد الجميع بصلاحها ولكنني رفضت تماما ...
وانا الان في حيرة هل ابقي على تواصل مع الشخص الذي يعرفني واواصل تمسكي به عسى ان يقبل والدي زواجنا ام ان اطيع والدي واتزوج من ارتضاه لي ....انا في حيرة وخائفة من عواقب اصراري على مخالفة رأي والدي الكريمين اللذين لم يبخلا علي بشئ طوال حياتهما ولم اواجه معهما مشكلة كما اواجه اليوم هذه المشكلة ...

كما اذكركم ان الخاطب الاول الذي تقدم الي بصفة تقليدية لا يعلم بانني على علاقة بشخص ما فهل بذلك اظلمه ان قبلت به وهل يمكنني اذا تزوجت به ان انسى من احببت وهل انه اذا علم يوما بالقصة كيف سيكون رد فعله ...

ارجوكم ساعدوني واجيبو عن استفساراتي وانشغالاتي وانصحوني هل اطيع والدي ام اوافق قلبي ومشاعري ....
وهل عواقب مخالفة الوالدين خطيرة ...
وشكرا لكم مسبقا

[مشطوب]

أنعم الله عليك بالأخلاق

وأنت تقيمين علاقة غير شرعية ..........

؟؟؟؟؟؟؟

[بسمة تحدي]

نقلك حاجة يا اختي اقطعي علاقتك بهذا قريبك بما انه اهلك رفضوه يبقى خلاص

حبيتي تديري حاجة ميحبوهاش ولديك وممبعد ميرضاوش عليك

وراهي صعيبة كيما يرضاش عليك ولديك متربحي ومتشوفي الربح بعينيك

اختي رضا ولديك همااااااااا الصح

شوكن يضمن تتزوجي بقريبك هذا وراح تعيشي معاه سعيدة ولو كان تتزوجيه ومبعد يحدث مشاكل ماشي يقولك باباك

هذا رايك شوفي وين وصلتي

بما ان اهلك مقبلوش يعني هنا تحبس وخاصة كي قلتي كاين مشاكل مابين العائلتين

كوني عاقلة واسمعي هدرتك ولديك هما يحبولك الخير والله

واقطعي علاقتك بهذا قريبك ومع الوقت راح تنسايه

ومتضيعيش الفرض

ربي قدملك الخير

[biks]

السلام عليكم

نصيحة من القلب : خذي راي والديك تربحي و تسلكي على خير و زيدي صلي صلاة إستخارة

[4shabab]

نِــعم الأخلاق

[4shabab]

مع أني أحترم رأيك ولكني في نفس الوقت أعجب له ..يا أختي الكريمة هل يعقل أنها تعصي الله بعلاقة غير شرعية ، ثم بدل أن تأتي أنت وتنصحينها بترك المعصية ..تقولين لها صلي صلاة الإستخارة ،أليس في ذلك تناقض

[bibimoto6]

خاصة وانهم من عائلة يشهد الجميع بصلاحها ولكنني رفضت تماما

هذا من خلقك ؟؟؟؟؟

اذا جاءكم من ترضون دينه و خلقه فزوجوه

نقولك حاجة باين عليك معقدة

[AMINA.Z]

انساي الاول بويسك الوالدين ماشكيتش راح يرضاو عليه

و ماكالاه تظلمي ولاد الناس الاخرين معاك

اعطي لروحك الوقت باه تنسايه و توبي من هاد الغلطة و من بعد ربي يرزقك اللي فيه الخير

ختي العزيزة العلاقة مع اي شاب حتى و لو كان الهدف منها الزواج ما تخرجش للخير

خممي برك كون يفيقو والديك واش يديرو فيك هنا تعرفي روحك بلي غالطة

اجري على روحك الموت راهي دور

[wisale02]

هذه علاقة غير شرعية فارضي بما رضي به والديك تدي دعوة الخير او ربي يرضى عليك

[kmilya]

انا اسفة ولاكن رايي يناقض ارائكم بطبيعة الحال والديك عزاز عليك ويبقاو ديما عزاز ولازم يتفهموك ادي لي حب قلبك ومدام يحبك وناويلك الحلال وعلاش لالا هذا راهو زواااااج قادرة تزوجيه متحبيهش قادرة يسمع بالحكاية بعد زواج يصراو مشاكل متدريش راهي حياتك متنسايش
قرري لي تحبي نتي ماشي لي يحبو غيرك والديك والديك بصح هاذي حياتك تقريها نتي حتى رسول قال لا تكرهوهن

[اسماء الشريفة]

اولا انا لا اوافق بعض الاخوة في ردودهم القاسية واقول بان الانسان يخطئ وليس معصوما من الخطأ ولكن عليك بالتوبة والرجوع عن ما قمتي به ةعسى ان تحبي شيئا وهو شر لك ورضا الوالدين من رضا الله اي معناه ان الانسان عليه ان يلتمس دائما رضا والديه حتى يوفقه الله الى خير الامور ....كما ان والديك اكثر خبرة ومعرفة بامور الدنيا ويعرفون معنى الزواج ومعنى النسب و الحب هو في الاول والاخير شعلة تنطفأ مع مرور الايام ولا يبقى سوى الصح '' فأما الزبد فيذهب جفاء وأما ما ينفع الناس فيمكث في الأرض '' صدق الله العظيم ....

انصحك وبما انه م يفت الاوان بان تراجعي موقفك وفي رأي ان الشخص الاول الذي ارتضاه لك والديك هو الاصلح و الاسلم لك اما الثاني حتى اذا تزوجتيه فتأكدي ان والديك مهما اظهرا رضاهما فانهما في قلبهما لن يرضيا عنك وخلاصة القول عسى ان تحبي شيئا وهو شر لك وعسى ان تكرهي شيئا وهو خير لك .....اما مسألة الحب فهو يأتي بعد الزواج والله يبارك فيه ....ارجو ان تتقبلي نصيحتي وحكمي عقلك بدلا من قلبك فهو اتباع للهوى والنزوات وشكرا

[اسماء الشريفة]

انا اسفة ولاكن رايي يناقض ارائكم بطبيعة الحال والديك عزاز عليك ويبقاو ديما عزاز ولازم يتفهموك ادي لي حب قلبك ومدام يحبك وناويلك الحلال وعلاش لالا هذا راهو زواااااج قادرة تزوجيه متحبيهش قادرة يسمع بالحكاية بعد زواج يصراو مشاكل متدريش راهي حياتك متنسايش
قرري لي تحبي نتي ماشي لي يحبو غيرك والديك والديك بصح هاذي حياتك تقريها نتي حتى رسول قال لا تكرهوهن
ان لا اوافقك في هذا الراي فعلى اي فتاة في قضية الزواج ان تتمسك بشرف عائلتها وتبقى وقورة في بيتها حتى يأتيها مكتوبها ويأتيها الخاطبون يطرقون باب بيتها طالبين يدها من ولي امرها معززة مكرمة كأي بنت من عائلة محترمة ....وليس ان تعمد الى العلاقات الغرامية بهدف الزواج وبعدها تبقى ذليلة ومصيرها بيد من تحب ويحبها وهو اهانة لشرف العائلة واذلال لها ...... فخير زواج هو الزواج التقليدي دون تعارف وعلاقات سابقة ومكالمات هاتفية لان الله يبارك فيه ويصلح فيه ......اما مابني على باطل فهو باطل .....فعلى الفتاة ان تحكم عقلها وليس ان تتبع نزوات قلبها فتخسر والديها وعائلتها وشرفها لتجري وراء وهم الحب ......تقبلي مروري ورايي وشكرا

[mohaa47]

الله يهديك ...........................طاعة الوالدين قبل كل شيء..............

[samira135]

واش هذااااااااا حسيتكم كامل ملائكة !!!!!

يا خيتي هذي حياتك انتي لي رايحة تتزوجي مش باباك ورضاء الولدين عمرو ولا كان على حساب سعادة الابناء

باين انك مش مقتنعة بلي تقدملك ماتوافقيش احسن من ترجعي مطلقة و نصيحة حاولي بكل الطرق تقنعي باباك بولد عمك ياااااااما سمعنا حكايات مشابهة لحكايتك في الاول يرفض الاب مي من بعد يوافق اذا كان هناك إصرار من قبل البنت و المتقدم

ربي يوفقك أختي

[جمعي البشاري]

خذي راي والديك
وان شاء الله فيها خير

[nadineisraa]

واسفي على رجل خلوق لاصاحبة له يخطب من تربت في حضن اخر واحبته ومنته ...ويعتقد انها ستصبح نعم الزوجة والام والحبيبة وهي غارقة في احلامها مع الاخر ....ماذا عساي اقول ..... صرت اعذر الرجال ان لم يتزوجوا منكن ....الله المستعان الله المستعان على افعالكن وتفكيركن ... لاتغرري به ولاتظلميه ولاتقولي له ساكون لك نعم الزوجة ارجوك ...ارجوك ان تقولي له اذهب الى امراة اخرى لاني ساظلمك ......فانتي في نظري انانية تحبين مصلحتك فقط ولاتصلحين لشيء ...اتريدين ان تغرريي برجل شريف اختارك لتكوني ام اولاده؟ قولي له لااريدك وكفى ... الظلم ظلمات يوم القيامة وهذا من اكبر الظلم ...
والاخوات الي ينصحوك بالرجل الثاني اتقين الله فيه ...ماذا تفعل به وهي تحب ابن عمها؟ ام يجب ان تتزوج تقضي صالحة وخلاص؟؟؟ اتقين الله في الرجال

[ibta]

والدي الكريمين اللذين لم يبخلا علي بشئ طوال حياتهما............ايا جاوبي روحك يستاهلو وش راكي تخمي نتي شوفي اختي مرة تقدم لي شاب كل البنات كانت تتمناه و والديا رفظو فرفضت انا تاني وكل تفاجا كيفاش هاد الراجل نرفضه ياختي من بعد 3 سنوات سجن و اتضخ انه رجل سكير في الخفاء وحمدت ربي اللي سمعت لوالديا يا ختي امك وابوك معندكش منهم 2 والمكتوب يجيك يجيك

[naamane3]

انت من اوقعت نفسك في هذا المشكل لو ان هذا الشرطي تقدم
لك قبل أن تتعلقي به وتم رفضه لكان خيرا لك وله ولكنك تماديتي معه
سأقترج عليك حلا اجلسي وحدك في غرفتك ثم فكري في مشكلتك هاته
ثم أختاري ما يرضي الله أولا فأن وافق رضا الوالدين فرحمة من الله
وان لم يوافقهما فرضا الله أهم وحاولي اقناعهما بارضاء رب العالمين
والله المستعان

[kmilya]

ان لا اوافقك في هذا الراي فعلى اي فتاة في قضية الزواج ان تتمسك بشرف عائلتها وتبقى وقورة في بيتها حتى يأتيها مكتوبها ويأتيها الخاطبون يطرقون باب بيتها طالبين يدها من ولي امرها معززة مكرمة كأي بنت من عائلة محترمة ....وليس ان تعمد الى العلاقات الغرامية بهدف الزواج وبعدها تبقى ذليلة ومصيرها بيد من تحب ويحبها وهو اهانة لشرف العائلة واذلال لها ...... فخير زواج هو الزواج التقليدي دون تعارف وعلاقات سابقة ومكالمات هاتفية لان الله يبارك فيه ويصلح فيه ......اما مابني على باطل فهو باطل .....فعلى الفتاة ان تحكم عقلها وليس ان تتبع نزوات قلبها فتخسر والديها وعائلتها وشرفها لتجري وراء وهم الحب ......تقبلي مروري ورايي وشكرا

راهو ناويلها الحلال وجاي يخطبها وشمن شرف يضيع
انا هذا رايي تدي لي تحبو ويحبها رضا الوالدين ماهوش على حساب سعادة الابناء خاصة ماكانش عيب معين ومقنع باه يرفضوه والديها
الزواج عن حب افضل من الزواج التقليدي وهذا رايي الشخصي وماشي شرط واحد يحب يعني راهو صاي غلط وتحكمو عليه بضياعة الشرف

[اسماء الشريفة]

راهو ناويلها الحلال وجاي يخطبها وشمن شرف يضيع
انا هذا رايي تدي لي تحبو ويحبها رضا الوالدين ماهوش على حساب سعادة الابناء خاصة ماكانش عيب معين ومقنع باه يرفضوه والديها
الزواج عن حب افضل من الزواج التقليدي وهذا رايي الشخصي وماشي شرط واحد يحب يعني راهو صاي غلط وتحكمو عليه بضياعة الشرف
اولا ... لماذا دائما يتم اتهام الزواج التقليدي بانه لا يمكنه ان يوجد الحب ...بالعكس فالزواج التقليدي ينبني على طريقة شرعية صحيحة و يتولد عنه حب جميل ورائع بقلوب مطمئنة لانها متأكدة من رضا الله ورضا الوالدين لان الحب الناتج عن الزواج التقليدي شرعي وحلال .... اما علاقات الحب الغير شرعية قبل الزواج فهي علاقات قلقة وغير مطمئنة للقلوب حيث كلا الطرفين قلق وغير راضي في دواخله بما يقوم به لانه لا يرضي الله ولا يرضي المجتمع ولا يرضي الوالدين ....
ثانيا ....تصوري علاقة غير شرعية ومواعيد غرامية ولقاءات بين شاب وفتاة وهذا بطبيعة الحال دون علم الاهل والاخوة وتصوري رد فعل اخوة الفتاة لو يعلمون ان اختهم تقوم بمثل هذه الافعال دون علمهم اليس هذا ذهابا للشرف وذل ليس كمثله ذل ......
في الاخير هذه نظرتي واعتقادي اما بالنسبة للبعض اللذين تغيرت لديهم المفاهيم وصارت الحرية والتفتح هي عنوانهم وصار الاهل والاخوة يرضون بان تقيم اختهم العلاقات فهذا شأن اخر ....وكما يقال لكم دينكم ولي دين....

تقبلي تحياتي وشكرا

[الامل بالله]

مادام راكي تقولي مليح علاه متقبليش بيه و انت راكي تقولي دراكم مقبلوش بهذاك الشرطي و جا خطبك شحال من مرة و مقبلوش في رايي اقبلي بالشخص الاخر افضل حل ليك و ليه صدقيني عائلتك لوكان عينهم يقبلو بشرطي يقبلو بيه من المرة الاولى و حتى اذا قبلو سيف عليهم اعرفي بلي راكي رح تعصيهم امالا اربحي والديك و اربحي زوج صالح كيما راكي تقولي و منها متديش ذنوب كي راكي تتواصلي مع هذا في الهاتف و انت ادرى بمصلحتك

[mayada 15]

ههههههههههههههههههههه
والله ماغلطتي كي سميتي روحك مشكلتي والله صح نهار كامل وانت مشكلتي عاونوني ساعدوني ههههههه ماعليش
وهل عواقب مخالفة الوالدين خطيرة علاه مازال ما علابالكش
شوفي ختي نقولك حاجة ماتدي لا هدا لا هداك انا راني خايفة عليك ادا ديتيه وفاق بلي كنتىي على علاقة بواحد غيرو وش حيديرلك وادا فاقوا والديك
توبي لله يا ختي العزيزة انا هدا وش نقدر نقولك وماتياسيش من رحمة ربي ان خير الخطائين التوابون
وهداك البوليس ماتزيديش تهدري معاه
وربي دوك يجازيك ويتوب عليك ويبعتلك واحد تتزوجي بيه وقلبك صافي مافيه حتى حاجة
بالنسبة لوالديك لوكان يصروا عليك باش تدي هداك لي جا يخطبك ازوجي بيه مي قبل ماتوافقي صلي صلاة التوبة واستغفري مولاك وانوي بلي ماتزيديش تهدري مع لاخر خلاص وربي ادا شاف نيتك صالحة راح يعاونك

[abdelhamid24]

هذا حال اللي يدخل من الباب