مساعدة في مشوك حلوةالترك

[randa&chahda]

السلام عليكم و رحمة الله وبركاته صح رمضانكم يا الفحلات راني حابة نخدم مشوك حلوة الترك ومعنديش الوصفة تاعو من فضلكم اللي عندها الوصفة تمدهالي و صح فطوركم

[أسية24]

أحني هاذي طريقتي
250غ زبدة +2 صفار بيض+ حبة فرماج ومانديرش الملح+غبرة الكوكاو المقلي إلي نستعمله في التزيين كي نطحنه نغربله وندير الغبرة في العجينة يجي مرمل وما نطحنهش في الروبو يلصق مع بعضه نطحنه في تاع الخضرة إلي يجي عنها درج +فرينة + كيس خميرة الحلويات والفانيليا+ مغرف مايزينةوحلوة الترك 50غ ونشكله كور ونرمده في بياض البيض والكوكاو ونديره في الكيسات وممكن تديري فيه حبة لوز من الفق وندخله للفرن كي يحمار نسقيه بالعسل

[lahna moka]

هذه طريقتي :
250غ مرغرين اضربيها مع نصف كأس سكر ناعم و أضيفي 2 صفار بيض و رشة فانيلا و نصف كأس كاوكاو مرحي و اخلطي ثم أضيفي نصف كأس حلوة الترك + نصف كأس نشاء و 1 خميرة و اجمعي الكل بالفرينة ثم شكلي كرات مرريها عبر البياض ثم في الكاوكاو المرحي خشن و ضعيها في حاويات ورقية ثم اخبزيها و بعد النضج اسقيها بالعسل

[عماني نور]

شوفي هاذي طريقتي انا ،، ان شاء الله تعجبك

http://www.djelfa.info/vb/showthread.php?t=1379769

[randa&chahda]

شكرا لكن جميعا