عندي باطة تاع نستلي واش ندير بيه

[soulami sousou]

اللام عليكم من العنوان راكم عرفتواعنديباطة تاع نستلي صغيرة قدمة تعود اقل من العام واش ندير بيه

[amina bourennane]

ديري بيها حلوة النستله و لا شوكولا محشية بالنستله حنونة

[soulami sousou]

اعطيني لاروسات بصح متكونش صعيبة لخاطر راني غير نتعلم وللعلم عندي غير باطة واحدة تاع حليب نستلي

[amina bourennane]

داكور كي عادت عندك باطة صغيرة ديري بيها الشوكلا المحشيةراهي ساهلة و فوووووووووور هاي ليك حنونة
دوبي شوكولا نوار و طيبي النستله في الكوكوط 3 سوايع باه يتقال و يوليلك كيما الكراميل و جيبي مول السيليكوم تع الشوكولا او يتباع تحبي اي شكل قلب او وردة وتدهني المول ببانسو تع سيليكوم وادهني هادوك لي مول بحيث تغطي ومتخلي حتى فرااااغ خليها تنشف وماتحطيهاش في الثلاجة باسكو تتكسرلك وبعدما تنشف حطي مغرف صغيرة تاع نستله فيها وشوية كوكاو و ديري نص مغرف شوكولا وسوي السطح تاعها وخليهم ينشفو ومبعد نحيهم بالشوي وبالصحة والهنا و صحة عيدك حنونة والصور توضحلك اكتر
http://im33.gulfup.com/0Sk6n.gif
http://im33.gulfup.com/AOPcd.gif

http://im33.gulfup.com/i31HM.gif

http://im33.gulfup.com/kwwdd.gif

http://im33.gulfup.com/EHWdn.gif

[نبيلة 81]

تقدري ثاني تذوبي الشوكولا و جيبي ليكيسات صغار ( قلاصي كيما تاع البقلاوة ) و حطي مغرفة صغيرة شوكولا و زيدي وحدة نيستلي و زيدي شوكولا و زيدي نيستلي و زيدي شوكولا وزيني من فوق حسب ذوقك وخلي يجمد

[عبير ORAN]

http://www.djelfa.info/vb/showthread.php?t=1327784&highlight=%DE%C7%D8%E6+%C7%E1%CF%E3%DA%C9

[soulami sousou]

جزاكم الله خيرا اخواتي