الجار قبل الدار

[mascara]

السلام عليكم اعضاء وعضوات
واش راكم ان شاء الله لاباس و الحمد لله
طبعا الموضوع باين من عنوانو ....معليناش المهم نبدا الموضوع
طبعا حنا الحمد لله شعب مسلم والمسلم بطبعوميقدرش يعيش وحدو منفرد وفي عزلة لازم يعيش في وسط مجتمع ومع جيران ومع صحابو وحبابو
والجار وصى عليه الحبيب المصطفى في اكثر من حديث شريف صلى الله عليه وسلم
طبعا الكل يعيش وسط جيرانو واكيد كاين الجار الزين وكاين الجار الشين
انا حطيت موضوعي هذا باش كل واحد يدخل ويحط كيفاش راه عايش مع جيرانو وكيفاه يتعامل معاهم سوا كان الجار زين ولا شين


انتظر ردودكم وتفاعلكم مع الموضوع

[le fugitif]

الحقيقة انا رزقني الله بجيران سكر وعسل لم ارى واسمع منهم الا كل خيرنعمة


http://www.moveed.com/data/thumbnails/30/934.gif

[le fugitif]

الحقيقة انا رزقني الله بجيران سكر وعسل لم ارى واسمع منهم الا كل خيرنعمة


http://www.moveed.com/data/thumbnails/30/934.gif

[yahia960]

مازلت لا املك جيرانا لأني ببساطة لا أملك بيتا

[ل..ب..ن..ى]

السلام عليكم

هادي غيبة طوييييلة ماسكارا !!

ايه موضوع اجتماعي شباب للنقاش
اما فيما يخصنا

اي يخص عائلتي اللي اعيش فيها

والله جيرانا احلى من العسل
واش نقول ؟؟ نكدب عليكم والله راهم اروع ناس في المجتمع
ووالله كامل يحبولك الخير

ربي يخلينا جوارينا


كونك لطيف تلقاك الناس بلطف

سلااااااااام

[ابوانس 22]

السلام عليكم
ويوجد مثل يقول اشتري الجار قبل الدار
ويالطيف لوكان يكون عندك ..جيران ماشي ملاح
ويسعدك اذا كانوا ملاح
ولكن المشكلة في العمارات
تلقى 8 ملاح
وواحد يفسد العمارة
وانا الحمد الله رانا عزلنا من العمارة ..

[mascara]

شكرا لكم
بالنسبة لجوارينا مساكن حنا نسكن في حي مع جوارينا منذ اكثر من 40 سنة وتعرف بكري كانت العشرة مليحة وكانو كاينين الوالدين اما الان معظم جوارينا اقصد والديهم ماتوا وما بقاو غير الاولاد وما بقاش الاحترام نتاع ولادهم ولا حتى بنتاهم وزيد منهم لي رحل وبدات الناس تلهى غير في بعضها بالرغم ان لا مشكال بيننا ولا شيئ كل واحد وداره لكن على حساب ماكانت تحكي لي الجدة الله يرحمها ان الفرق راهو كبييييييييييير كثير
واش نقولو الله يجمعنا بالخير ان شاء الله

[مارس]

والله عندنا جيران مثل العائلة او اكثر نعرفهم اكثر من أربعين عام

[إبتسامة أبي]

نحن في الأول كنا نسكن في عمارة والحمد لله كان كل جيرانينا طيبين وناس تاع خير تحطهم على الجرح يبرا
والأن نسكن في بيت ونحن على وفاق مع جيرانينا لا كن لا نراهم كثيرا وهذا بسبب موقع بيتنا
لاكن والحمد لله دائم يكون جيراننا ناس ملاح سيرتو معايا أنا لازم عليهم يكون ملاح كي فاهراهو عندهم شرف كبير نكون جارتهم هههههههههههههه

[سليم_الجزائر]

الحقيقة انا رزقني الله بجيران سكر وعسل لم ارى واسمع منهم الا كل خيرنعمة


وهذhttp://www.moveed.com/data/thumbnails/30/934.gifا ماله ماراهش عاجبه الحال :1:
الله يباركلك في جيرانك:19:

[سليم_الجزائر]

اما نحن فقصتنا قصة يعني نسكن في السنتروفيل يعني وسط مدينة اي الضجيج الصخب الحياة مع الجيران لا تتطاق يعني هما غي خمسة بصح تقول مئة يقول نديرو ونبنترو ونسقمو ومين تقول لهم كوتيزو قاع يهربو
ومن اجل ذلك ورغم انف ابي الذي يريد ان يبقى وسط المدينة درنا فوت وقررنا نشرو بيت غي حنا في حنا والله يجيب الخير مين الاخوة يصيرو جيران c'est pire

[صالح القسنطيني]

عجبتني كلمة اللمة بصح وينها اللمة، اللمة اي لهيه و حنا انا في جلفة

أما عن الجيران فقد صدق من قال: (( الجار قبل دار))

و نعمة الجار المتأدب لا يعرف قدرها إلا من ابتلي بجار سيء

و بضدها تتبين و تعرف الأشياء

و نحن سكان العمارات دائما تجد المشكلات بين الجيران

بسبب كثرة الداخل و الخارج و الرجل طالعة و الهابطة

بارك الله فيك أخي أحمد..

[dafyaaz]

الحمدلله ربي رزقنا بجوارين سكر ولكن هناك من اعرفهم يعانون بسبب الجيران تلقاهم كي القط والفار

[أمـ جيجل ــال]

السلام عليكم ورحمة الله وبركاته :

بكري قالو الجار قبل الدار بصح الآن ولات الدار قبل الجار لأن أزمة السكن ماخلات حتى إنسان يحوس إذا كان جارو مليح ولا لا المهم يسكن ويغطي راسوا وكل واحد في طريقوا إذا كان جاروا مليح يهدر معاه وإذا كان حالتو حالة يتجنبوا ومايدخلش ليه نهار تحقق الدزاير الإكتفاء في السكنات ومانظنش يصرا نوليو نخيروا ببساطة كل وقت ووقتو أما عن جيراننا عندنا الكارتي تاعنا ولي قدامنا روعة متفاهمين قبالا بصح لي ورانا ضاربهم لهبال دايما المضاربات كل صباح على ولادهم كرهونا حياتنا شكرا لك أخي على الموضوع .

[حمـ 0418 ــزة]

و عليكم السلام
نعم الجار قبل الدار و لكن للأسف
انقلبت الموازين و المفاهيم في و قتنا هذا
نحن لنا جيران ما شاء الله و جيران ربي يحظنا منهم
أختي أمل جيجل مليحة هذي " قبالا"" كلمة 100 بال 100 جيجلية
ههههههههههههههههههههه
اللهم أصلح أمورنا و صفي قلوبنا و ثبتها على دين الإسلام
سلام

[نورالدين17]

تغير الحال فبالنسبة لجيراننا أصبحنا لا نعرف عنهم شيئا بعدما كنا في زمن مضى

لا نكاد نفارقهم........................

[mascara]

شكراااااا لكم

[زهرة الجزائر 07]

السلام عليكم
حنا الحمد الله جوارينا ماشاء الله ناس مكانش منهم قاع