الي يلجلأ ليكم ماتخيبوهش ؟؟ عاااونوني تعيييشو يا مبدعات المنتدى

[عماني نور]

السلام عليكم و رحمة الله و بركاته =) إن شاء الله كااااااااااامل تكونو ملاح ،، و تكونو فرحانات بنتائج الحلوى لي درتوها ^^

و بما أنّي أثق فيكم والله غير راني معجبة بيكم كااااااااااااااااااااااااااااااااااامل

سلكوني تربحو فيا ثواب :(

شوفو من الآخر باش ماتضحكوش عليا ،، " أنا اعتبروني من مبتدئة للتحت " ،، صح نعرف ندير شوية وصفات بصح كي شفت القاطو الي درتوه انتوما اتأكدت بلي انا نعرف ندير خردوات ماشي وصفات :confused: :confused: :confused:

انا في عمري 21 سنة ،، و ملّي نشفى على روحي ،، كي يلحق العيد نشرو القاطو ،، مانخدموهش فالدار ،، بحكم أنو ماما تخدم ،، و ماعندهاش الوقت ،، و ماكانتش تخليني نجرب نخدم (( كانت تقولي تخسريه :( ،، قوليلي واش راكي حابة نشروه و ماتديريليش فوضى فالدار )) .... يتسمى خرجت قد الشحطة مانعرف ندير والو :/

حتى اتخطبت ،، باش بدات تخليني نتعلم ،، و طبعا بهاذاك الزعاف و الحرقة بديت نجرب أي حاجة ،، و بما انو ماعنديش خبرة ،، شحال من مرة يتقاس :( و واحد ماياكلو (( بيناتنا يخرج عجب :o ))

و من عجااائب الدنيا ،، أني لقيت عجوزتي تاني تشري القاطو ،، و ماتخدموش فالدار بحكم أنها تاني خدامة و ماعندهاش البنات

و طبعا متفاهمين هي و ماما ،، و بقيت انا فالوسط ،، غير نغلط يعايروني :(

على هذا راني حابة وصفات تكون مضمونة النجاح ،، و نوريلهم الشطارة تع الصح :cool: :cool:

انا مانعرفش بزااف وصفات ،، و مانقدرش ندير وصفات صعيييبة (( قتلكم حااابة حاجة مضمووونة )) و يكون بعيد على الزيت برحمة الوالدين :( .... سييت درت المقروط صباعتيا قريب خليتهم فالمقلة :'( :'(

تعييييشو خواتاتي ورولي وصفات نااااجحة ،، و راكم ضامنينها انتوما ،، و مجربينها ،، تكون طرية ،، و سهلة و تحمر الوجه قدام زوج عجايز أشرار :mad:

راني نستنى إبداعاتكم ،، وواثقة بلي ماتحشمونيش :)

يعطيييكم الصحة مسبقا ،، و شكرا لاهتمامكم (( خصوصا أم نجم الي فاجأتني برسالة خاصة تعاوني فيها ،، والله فرحت :) يعطيييك الصحة حبيبتي ،، و ربي يفرح قلبك و قلوبكم كااامل ان شاء الله ))

راني نستنى فيكم

تحييييييييييييييييياتي :rolleyes:

[عماني نور]

شوفو انا معولة ندير ان شاء الله : مشوك معسل (( هذا يخرجلي رووعة الحمد لله ))
لي صابلي (( نعرف نديرو بصح الشكل هو هو ،، حابة شكل مبتكر ،، حاجة جديدة و شااابة واش رايكم ؟؟ ))
بوسو لا تمسو شفتو هنا في المنتدى و عجبني ،، قالوو بلي يخرج طري ،، alr راني معولة نسييه ان شاء الله
تشاراك البيمو
بنيون

زييييدو اعطوني اقتراحاتكم :(

[عماني نور]

http://www.djelfa.info/vb/showthread.php?t=1327784

هذا عجبني بزاااف تاني ،، بصح النيسلي جاامي خدمت بيها ،، و مانعرفهااش :(

نقدر نستبدلها بحاجة اخرى ؟؟ زعما شوكولا ،، ولاّ بالنيسلي تجي خير ؟؟

و هي هنا ماحطاتهاش اطيب كيما شفت عند الباقي ،، يحطوها فالكوكوطا 45 د

تقدي تستخدميه بلا ماتديري هاذ الخطوة ؟؟

[أم هنيدة]

وعليكم السلام ورحمة الله وبركاته

جربي بوتي فور رائع لاختنا ام رامي مجرب وموفقة ان شاء الله


http://www.djelfa.info/vb/showthread.php?t=1126902

[أم هنيدة]

http://www.djelfa.info/vb/showthread.php?t=1327784

هذا عجبني بزاااف تاني ،، بصح النيسلي جاامي خدمت بيها ،، و مانعرفهااش :(

نقدر نستبدلها بحاجة اخرى ؟؟ زعما شوكولا ،، ولاّ بالنيسلي تجي خير ؟؟

و هي هنا ماحطاتهاش اطيب كيما شفت عند الباقي ،، يحطوها فالكوكوطا 45 د

تقدي تستخدميه بلا ماتديري هاذ الخطوة ؟؟


نستلي احسن وراهو يتباع نستلي كراميل واجد بدون ما تحطيه في الكوكوطة

[عماني نور]

هااااااايلة ^^

يعطيك الصحة حبييبتي أم هنيدة ،، ربي يفرحك في ولادك ان شاء الله

[عماني نور]

نستلي احسن وراهو يتباع نستلي كراميل واجد بدون ما تحطيه في الكوكوطة

أوووووووووك

يعطيك الصحة :) للمرة مابعد البليار ^^

[أم ماجد]

ابداي دائما بالسهل ومن بعد روحي للصعب تدريجيا
ماتخافيش وهاذي غلطة الام مهما كان كان لازم تخليك تتعلمي معليه تفسدي واش كاين ؟
راني غضبانة منها



اي طلب مساعدة انا بجانبك ماكانش كيما خدمة اليدين يا بنتي

هذه الوصفات على ضمانتي
كي تحطي تطبيقهم نزيد نضمنلك مجموعة اخرى


http://www.djelfa.info/vb/showthread.php?t=1177667


http://www.djelfa.info/vb/showthread.php?t=1325380

http://www.djelfa.info/vb/showthread.php?t=1173855

[متمنية]

السلام عليكم ورحمة الله راني نشوف فيك حايرة نقولك حاجة قاع لي يزور منتدى الجلفة يصبح شاف غي ماتخافيش أكثر الوصفات مضمونة فيه أنا بعدا قدام لا نعرف منتدى الجلفة كنت غي مرة ضرك راني بفضل الله ثم بفضل منتدى الجلفة مرة ونص واصبح عندي هاذ المنتدى كالمخذرات لوكان ماندخلهش نحس راه ناقصني حوايج بزاف ربي يوفقك وعيدكم مبارك سعيد وان شاء الله توريلنا واش خدمتي في العيد

[ساندي 28]

اهلا حبيبتى نور لا شكر على واجب فكرتيني بنفسي انا تاني تعلمت القاطو كيما تخطبت علاجال زوجي لانو يحب بزاف القاطو وكنت كلما نخدم لازم يكون حقو حاضر بقوة وكنت ندير بزاف انواع والحمد لله ينجحولى علا خاطر كنت نحب نفاجئو ونفرحو بيه والحمد لله حتى هو يشكر فيا هههههه
علاهادي حاسه بيك شوفي ديري نتاع ام اياد مضمون 100/100
http://www.djelfa.info/vb/showthread.php?t=1330658&referrerid=459802
وحلويات ام اماني 77 كلها روعه ومضمونه شوفي نتاع قلوب الشكولا هايل

[عماني نور]

ابداي دائما بالسهل ومن بعد روحي للصعب تدريجيا
ماتخافيش وهاذي غلطة الام مهما كان كان لازم تخليك تتعلمي معليه تفسدي واش كاين ؟
راني غضبانة منها



اي طلب مساعدة انا بجانبك ماكانش كيما خدمة اليدين يا بنتي

هذه الوصفات على ضمانتي
كي تحطي تطبيقهم نزيد نضمنلك مجموعة اخرى


http://www.djelfa.info/vb/showthread.php?t=1177667


http://www.djelfa.info/vb/showthread.php?t=1325380

http://www.djelfa.info/vb/showthread.php?t=1173855

مام انا راني غضبانة منها :mad: أسكتي برك :mad::mad:

يعطيييك الصحة حبيبتي ،، يبانو هااايلين ،، surtt هاذا http://www.djelfa.info/vb/showthread.php?t=1325380
بزااااف عجبتني ،، قوليلي كيفاش درتي الطلية :( و نوعدك نجربها ،،

ظوكا راني ندير فالصابلي ،، كي نكمل نبدا فيه ان شاء الله

[عماني نور]

السلام عليكم ورحمة الله راني نشوف فيك حايرة نقولك حاجة قاع لي يزور منتدى الجلفة يصبح شاف غي ماتخافيش أكثر الوصفات مضمونة فيه أنا بعدا قدام لا نعرف منتدى الجلفة كنت غي مرة ضرك راني بفضل الله ثم بفضل منتدى الجلفة مرة ونص واصبح عندي هاذ المنتدى كالمخذرات لوكان ماندخلهش نحس راه ناقصني حوايج بزاف ربي يوفقك وعيدكم مبارك سعيد وان شاء الله توريلنا واش خدمتي في العيد

والله غير صح ،، مام انا عجبني بزااااااااااااااااااف المنتدى و حسيت بلي كاين جو عائلي فيه والله :( حااااااااااااالة :19:

كااامل يعرفو بعضاهم ،، يعاونو بعضاهم ،،

أنا جديدة فالمنتدى بصح بلخف دخلوني في وسطهم ،، و عاونوني ،، يعني صح ماشاء الله

دارو معايا و واش مادرتش ماما :(

و نبقى هنا حتى نتعلم كل ان شاء الله ،، و نولي حتى انا مرة و نص :cool:

[zineb_saib]

كلشي ساهل حبوبة ومتتقلقيش كي تخسرلك وصفة راكي تتعلمي من الفشل اكثر ماتتعلمي من النجاح والله عن تجربة انا كنت 0 في الحلويات وكي بديت نتعلم كلشي يخسرلي بصح كانت عندي عزيمة نتعلم باسكو علابالي يجي النهار اللي نتزوج ومنلقى غير يديا
ودوكا الحمد لله نخدم قاطوات شابين يقعد خطيبي غير يشكر فيهم ياكل ويعاود ويقلي ابعثيلي بزاف علاه شحيحة حاسبتلو راني قاعدة قعاد القاطو ههه

[عماني نور]

اهلا حبيبتى نور لا شكر على واجب فكرتيني بنفسي انا تاني تعلمت القاطو كيما تخطبت علاجال زوجي لانو يحب بزاف القاطو وكنت كلما نخدم لازم يكون حقو حاضر بقوة وكنت ندير بزاف انواع والحمد لله ينجحولى علا خاطر كنت نحب نفاجئو ونفرحو بيه والحمد لله حتى هو يشكر فيا هههههه
علاهادي حاسه بيك شوفي ديري نتاع ام اياد مضمون 100/100
http://www.djelfa.info/vb/showthread.php?t=1330658&referrerid=459802
وحلويات ام اماني 77 كلها روعه ومضمونه شوفي نتاع قلوب الشكولا هايل

هههههههه كاااااينة ،، انا تاني راني نتعلم على جالو والله ،، تعجبني بزاااااااف هاذيك االنظرة كي ندير حاجة و تعجبو ،، إعجااب ،، حب ،، ماعلاباليش ،، المهم بزاااف نحبها

و مام هو يظل يشجع فيا ،، و يقولي ماعليش ،، ديري الي تقدري عليه ،، و تتعلمي بالشوية :rolleyes: :rolleyes:

بصح حابة هاذ العيد يتخلع :p ييشوف المرة الي رايح يديها ان شاء الله واش تقدر تدير :cool: (( راني نشجع في روحي :1: ))

أم أماني القاطو تاعها حااساتو حاجة كبييييييييييييييييييييييييييرة ،، تع هو وييين و انا وين :/

اصبري ندرّب شويا اومبعد :o

و على الحلوى الي فالقوالب ،، رووووعة ، و أروع من الروعة ،، كاينة وحدوخرا تاني لقيتها محشية بالنيسلي ،، تاني عجبتني ،، نروح نشري هاذ القوالب ان شاء الله pcq ماعنديش :( ،، و نشري الناسلي و النوتيلا ان شاء الله
و نويرلك الشطارة :p


يااااااااااااااااااااااااربي كيما راكم تعاونو فيا ،، تلقاو الي يعاونكم في كل شدة و حصلة ،، و يوقفلكم ولاد لحلال كيما تقول ماني ^^

[عماني نور]

كلشي ساهل حبوبة ومتتقلقيش كي تخسرلك وصفة راكي تتعلمي من الفشل اكثر ماتتعلمي من النجاح والله عن تجربة انا كنت 0 في الحلويات وكي بديت نتعلم كلشي يخسرلي بصح كانت عندي عزيمة نتعلم باسكو علابالي يجي النهار اللي نتزوج ومنلقى غير يديا
ودوكا الحمد لله نخدم قاطوات شابين يقعد خطيبي غير يشكر فيهم ياكل ويعاود ويقلي ابعثيلي بزاف علاه شحيحة حاسبتلو راني قاعدة قعاد القاطو ههه

هههههههههه بصحتو ،، و انتِ زيديلو شويا :p

شكرا على التشجيع حبيبتي ،، ربي يعيشك ^^