انفجر راسي

[مشكلتي]

السلام عليكم ورحمة الله تعالى وبركاته
اتمنى ان تكونوا بخير
لدي مشكلة ارقتني جدا واثقلت كاهلي وصرت اري الدنيا مسودة في نظري
انا اعانى من عدم انتظام الدورة الشهرية يعنى لا تاتيني الا اذا شربت الدواء منذ بلوغي الي يومنا هذا وانا في سن 22 زرت العديد والعديد من الاطبة لكن لا شيء تغير لم اكن ابالي بالامر كثيرا لكن مع اقتراب موعد زواجى بات الامر يقلقني كثيرا لان اعلم ان هذا سيؤثر في موضوع الانجاب فصرت في حيرة كبيرة هل اخبر خطيبي بالامر واخاف ان اخسره وفي نفس الوقت اقول في نفسي اذا لم اخبره هل اكون خدعته باخفاء شيء كهذا عنه والله انا في قمة الحيرة
سااااعدونى وادعوا لي من القلب بالشفاء العاجل

[amira_alger]

الله يشفيك ويعافيك أختي

[wisale02]

الله يكون في عونك انشاء الله

[Loyalty]

الله يشفيك اختي لكن ننصحك انك تصارحيه وبالنسبة انك تخافي تخسريه صدقينيةلوكان يكون يحبك صح وباغيك صحةعمرو ماةيفرط فيك

[it me]

اختي السلام نورمالمو الطبيبة تقدر تردها منتظمة بطريقة بسيطة

[nouna l maghbouna]

ماشي نورمال يا اختي زيدي شوفي طبيبة
لكن ماقلتيش الاطباء واش قالولك

ربي يشفيك
و بالنسبة لخطيبك
كي تروحي للطبيبة سقسيها اذا هذا يسبب مشكل في الانجاب لازم تقوليلو
و اذا لاالا ماتقوليلوش

ربي معاك

[maya bouharoun]

نعرف لي عندهم نفس المشكل و جابو لولاد عادي ما تكبريهاش في راسك ممكن عندك قلق دائم من قراية ولا كاش خوف ولا مشاكل دارولك هاد المشكل بكن لي نعرفو انو مع المتابعة الطبية ترتاحي بدلي الطبيبة

[islam02]

اليك هذه الوصفة تاخذين كاس ماء مغلي وتضعي فيه ملعقة من المردقوش وملعقة من المراميةاوسواك النبي وتغطيها وتتركيها مدة ربع ساعة ثم تصفى وتشرب 3 مرات في اليوم مدة ثلاثة اشهر بدون انقطاع وحاولي الابتعاد عن التوتر.وهذه الوصفة مفيدة ايضا للتخسيس.ثلاث مرات يعني 3 كوؤس

[❀ بَسْمَةْ أَمَلْ ❀]

ربي يكون معاك ويشفيك ان شاء الله

[~رآقية بأخلآقي~]

عليك بإعـــآدة الزيــآرة لطبيبة مختصة،وهي من سترشدكِ و ان شــآء الله رايحة تعطيك الإجــآبة،فمشكلتكِ هــآته شــآئعى جدا و لآ دآعي للخوف و كمــآ قالت لك نونا فيما يخص إخبــآر خطيبك،،وان شــآء الله ربي يشفيك

[sam016]

أولا : زيارة طبيب لابد منها
ثانيا : قد يكون الامر راجع لاضطراب في الهرمونات و ممكن أن تكون اعراض ثانيه لكن المهم تروحي للدكتوره تاخذ عينه دم واشعه صوتيه ببطنك علي الرحم والمبايض لازم تتاكد بان المبايض سليمه ولا تعاني نت تكيس او تليف ...
في بعض الاحيان قد يؤدي الي العقم .
أوضح لك سببين اساسيين للمشكلة ديالك
1- النضوج غير الكافي اي عدم النمو الكافي واللازم للانوثة والانجاب .
2- سوء التغذية والاهمال في سن الطفولة .
في بعض الخالات يحدث أن تنتظم بعد الزواج
كنت اتمني ان تزودينا باسم الدواء الذي تتناولينه و هل قدم لك عن طريق وصفة طبية !!!!

ان شاء الله ربي يجيب الشفااا في أقرب وقت يعني هاذي حاجة عادية سهلة العلاج .
فيما يخص خطيبك فربي هو الرزاق المهم المحبة لي بيناتكم صارحيه وان شاء الله خير
الله المستعان

[hoohoo]

شفاك الله عز وجل
اولا تستهلي دعوة جماعية
ثانيا ربا الزواج بدل وغير الشي هذا الانه القادر على كل شي ومدام راكي تحاولي العلاج ربي يجيبو انشاء الله

[Angleeyes]

انت زدت اثرتي عليها بالقلقة بويسك القلق و التوتر يأثرو على الهرمونات و منه الدورة الشهرية اختي زيدي شوفي طبيبة و ارقي و ماتخميش فيها خلاص و ماتقلقيش روحك و ربي يشافيك

[جمعي البشاري]

ربي يكون معاك ويشفيك ان شاء الله

[samira135]

السلام عليكم ورحمة الله وبركاته

زوجة خالي كان عندها نفس المشكل نتاعك هي تزوجت كبيرة 30 سنة و من كانت صغيرة كان عندها هذا المشكل و للآسف لما تزوجت اثرت هذي المشكلة على الانجاب و ماخلاتش طبيب ما راحتش ليه و أغلب الاطباء قالولها و كان داوتي من كنتي صغيرة لانو المشكل نتاعك اثر على البويضات

نصيحة أختي مدامك صغيرة حلي هذا المشكل و روحي لأكثر من طبيب

ربي يشفيك أخيتي

[زهرة البيت]

سلام أختي شوفي أنا عندي نفس مشكلتك وقبل ما نزوج حكيت لزوجي عادي ودرك عندي 8 شهور زواج ومازال مكتبش ربي اني نحمل بصح الطبيبة قاتلي عادي بشوية دوا و وقت تحملي ان شاء الله وعندي صحاباتي معندهوم حتى مشكل وفاتو لعام باه حملو وبنفس الدواء بعد وكاين لي عنهم مشكل ومع تزوجوا حملوا أنا نقولك تبعي مع الطبيبة تاعك متقلقيش روحك كلش بيد ربي

[faty05]

اختي نصيحتي
اولا ابتعدي عن اسباب التوتر
ثانيا اقراي دايما سورة البقرة و اغتسلي بماء مرقي و اذا اقتضى الامر روحي عند الراقي و اكثري من دعاء سيدنا ايوب عليه السلام
و في النفس الوقت روحي عند الطبيبة اسأليها ان كان الامر سيؤثر على الانجاب لاحقا و هي تقولك
اذا لاباس ماكان لا تقولي لخطيبك
اذا فيه مشكل قوليلو به ما تخدعيهش يا اختي
ربي يشفيك و يبعد عليك البلاء

[اخلاص نور]

السلام عليكم
ربي يشفيك اختي ويعافيك ويسرلك زواجك

[imane bela]

ma cousine kan 3andha nafss elmochkil ta3ek tjr retard b 5mois 4mois nrml
w dorka 3andha une fille 3merha 5ans w la 2eme jaya f etrig
la39ouba lik
w rebi yechfik nchallah hanouna

[natacha.amir]

ma chérie matkhafich ana la famille ta3na preskkel andehom had problm w zawjo w jabo louled normaaaaaaal c vrais tawlo bech jabol louled et mjabouch bzef louled ya3ni chak famille talkay 2 enfants ou 3 donc normal hada machi mard hadi haja dakhla f tarkiba ta3ak nti hawli t3alji surtou b les tizanes w ba3di 3la lahwa w lbared w alabsi mlih w matemchich hafyana w achrib ke skhoun w mat3arrich bzf rohak w zid achrbi karfa rahi tjib la periode dreeee3 hhhhh w chofi ida rajlak chaftih ykhalik ida koltilo ghir matkolilouch pcq kader yatwasswess wala mayafhamch l problm mlih pcq rjal mayafahmouch mlih hwayajna w ida chaftih yhabak w ma3andouch problm kolilo w sadkini kadera tkon ta periode labas 3liha w matouldich w kadera kima haka w tarafdi mn l 1ir jr w kader rajlak mayouledch ya banti hado kel makatib

[أناييس الربيع]

اختي ابتعدي عن التوتر وتابعي.الطبيبة

ولا تنسي الرقية الشرعية

عندي بنت خالتي في عمرها 25جاتها الدورة الشهرية

مرتين منذ سن البلوغ .

ننصح بمداومة العلاج وربي يهنيك في زواجك ويرزقك

ذرية صالحة.