المساعد الشخصي الرقمي

مشاهدة النسخة كاملة : سبتمبر 2013 بركات الهربة

badi09
2013-08-02, 23:45
السلام عليكم
خلاص يا خاوتي راني كرهت من الهربة خريج 2011 عامين وانا هارب رحت الاسبوع الماضي لمكتب الخدمة الوطنية وقالوي استنا سبتمبر راه تلحقك ordre d'apelle وانا قررت باش نركب خلاص بزاف الهربة يا خاوتي
ان شاء الله نفوتوها بخير وخلاص
سليماني18
2013-08-03, 00:55
و الله غير تتهنا
amine eco
2013-08-03, 01:06
بالتوفيق و ربي معاك اخي
bilel0522
2013-08-03, 01:23
المشكل كون يجيكش الإستدعاء تشوف كيفاه أنا تاني حبيت نتهنى كيما نتا في مارس الي فات لكن محبوش يمدولي الإستدعاء بحجة أنهم ملقاوهش و راني قاعد من هذاك الوقت ليومنا هذا في رايك نزيد نحوس عليهم محال
hamza bba kouki
2013-08-03, 01:28
تتهانا يا خويييا ربي معاااك
badis senfour
2013-08-03, 02:43
إن شاء الله ربي يوفقك انا تاني راني لاحق في سبتمبر ادا
TAREKCH34
2013-08-03, 07:02
يا ربي برك يلحقنا الاستدعاء ، أنا ثاني عزمت إن شاء الله نروح ، الهربة ما هيش حل ربي يفتح على الجميع

ما بقاش أسابيع قليلة ويجي الاستدعاء ونشوفو الوجهة
عبد المجيد تيارت
2013-08-03, 11:28
بالتوفيق إخوتي ... ديروو شوية كوراج برك وغمض عينيك واركب
وكلشي يفوت

النهار لي تحط فيها رجلك تلقى الوقت يفوت .. و الخدمة الوطنية ماهيش صعبة لدرجة أنك تخاف ومانقدرش نقول سهلة


إن شاء الله كي نرجع المرة الجاية نلقاكم معيطين لاككككككككككيييييييييي
badi09
2013-08-03, 14:32
ان شاء الله
badis senfour
2013-08-03, 15:06
إن شاء الله عبد المجيد
djsamzazi
2013-08-03, 18:45
و الله أنا كنت في مدرسة الأغواط جوزت تما 40 يوم و مبعد خرجونا الحمد الله لبست الكومبا و دربت و كلش ومبعد عفاو علينا وخايد جا الفايض و الله يا خويا نقولك إذا فوت الشهر الأول تبدا المور تسهال خلاص زيد الأفضل تروحح في دفعة سبتمبر ماكاش بزاف التعب زيييييد قبل نهاية السنة سوف تشهد تطةر كبير في الأكل
خيرالدين أبو انس
2013-08-03, 18:56
يا اخي انا ماوصلتنيش في مارس رحت جبتها وحدي ورحت لبجاية
والحمد لله ديت الاعفاء
ماتسناش اخي الكريم روح جيبها سواء تدي اعفاء ولا تجوزها بلا الورقة تاع العسكر ماتدير والو في هاد البلاد يا اخي
أخوكم الصادق
2013-08-04, 01:42
ربي يسهلكم اخواني، عليك بالالحاح لدى الدرك حتى يبحثو لك عليها مع الأسف تحب تروح ويصعبوهالك، ربي يوفقكم ويهنيكم منها ان شاء الله.
REOO
2013-08-04, 06:28
السلام عليكم

أنا خريج سنة 2010 بسبب الخدمة الوطنية مادرت والو لا ادماج لا كونوكرات ماقدرتش ندفع في مسابقات الضباط الشرطة وغيرها ... 3 سنين راحت باطل والله حاجة مادرتها وندمت على الأيام اللي فاتت و مارحتش نفوتها لانو مادام راهي حاجز قدامك لازم تنحيه وتتهنى هذا هو الحل بربي ان شاء الله سبتمبر نروح نفوتها.