مشكلة صعبة مع أبي حول تقرير مستقبلي

[Noah_23]

بسم الله الرحمن الرحيم
أنا شاب جزائري من الشرق أبلغ 20 سنة من العمر تحصلت على شهادة الباكلوريا لكنني قررت عدم الدراسة في الجامعة بل الإلتحاق بصفوف الجيش الوطني الشعبي (القوات البحرية) لكن عند طرح هذه الفكرة على أبي رفضها رفضا تاما و قال لي إذا أردت الذهاب فاذهب لكنك لن تدخل البيت مجددا بينما أمي قالت لي أنت حر و إذا أردت الذهاب فلا بأس فهذا مستقبلك و لكنها لم تعلم أبي بذلك لأنه سوف يتهمها بالتحيز ضده
أرجو منكم رأيا حول حالتي هذه هل أذهب للجيش أم لا ؟ ؟
علما أنه لم تعد لدي رغبة بالدراسة لأنني في وضع اجتماعي معقد ؟

[مشطوب]

نحكيلك حكايتي

وأنت كي تقرأها إن كنت فطنا فستختار الطريق الصحيح

أنا دخلت للجيش بستوى البكالوريا

اصبت بمرض عقلي

خرجت بعجز غير منسوب للخدمة

أي مرض عقلي

لا شفاء منه

أضف ليست لدي أي حقوق

وأنت قرر ؟؟؟؟؟؟

ماذا تريد

هل تريد افنظمام لمنظمة كهذه أم لا؟؟؟؟؟؟

[amine0007]

مدام هادا رأي الوالد نتاعك فاكيد عندو السبب اللي منعو مندلك وزيد المقاجية ميش ساهلة .انت اقرى ومبعد هو اكيدد رايح يعاونك فالشغل.

[رشيد32]

وما الذي يعجبك في الجيش ؟
انصحك بالابتعاد عن الجيش جرب حظك في الشرطو او الحماية

وكمل قرايتك حتى يرسلولك وحدا منهم

[k-001]

بسم الله الرحمن الرحيم
أنا شاب جزائري من الشرق أبلغ 20 سنة من العمر تحصلت على شهادة الباكلوريا لكنني قررت عدم الدراسة في الجامعة بل الإلتحاق بصفوف الجيش الوطني الشعبي (القوات البحرية) لكن عند طرح هذه الفكرة على أبي رفضها رفضا تاما و قال لي إذا أردت الذهاب فاذهب لكنك لن تدخل البيت مجددا بينما أمي قالت لي أنت حر و إذا أردت الذهاب فلا بأس فهذا مستقبلك و لكنها لم تعلم أبي بذلك لأنه سوف يتهمها بالتحيز ضده
أرجو منكم رأيا حول حالتي هذه هل أذهب للجيش أم لا ؟ ؟
علما أنه لم تعد لدي رغبة بالدراسة لأنني في وضع اجتماعي معقد ؟




ايها الاخ الفرصة لا تأتي كل يوم ولكن اذا أتت لا نحسن استغلالها

اخـــــــــــي اجلس مع اباك وحاوره في الموضوع بحكمة وجدية ولا تتقلق او تتفاعل
فهمو مليح مليح وحتى اذا كان متمسك بقرارو نوض وسلم على راسو ويديه و اخبره بانه مستقبلك وستفعل ما يجب عليك فعله
وحتى اذا عاتبك اباك لن يطول الحال و تلقاه هو لي يعيطلك ويسقسي عليك
فقط لانه خائف عليك



و في الاخير هذا القرار يرجع لك انت لا احد :mh31:


وفقك الله اخي بالتوفيق ان شاء الله :19:

[hicham132]

واحد مايحشيلك
والله غير نصدقك القول
شوف ياخويا كل واحد مكتوبو ماتقول ندخل نهبل ....هدا كدب في كدب
ناقش ابوك و حاول الضغط عاليه وشوف علاش ماراهش حاب
وكتكمل صلي صلاة الإستخارة و الله متندم

[k-001]

واحد مايحشيلك
والله غير نصدقك القول
شوف ياخويا كل واحد مكتوبو ماتقول ندخل نهبل ....هدا كدب في كدب
ناقش ابوك و حاول الضغط عاليه وشوف علاش ماراهش حاب
وكتكمل صلي صلاة الإستخارة و الله متندم




صلاة الاستخارة احسنت قولا هشام :19:

[لعريبي(28)]

انت ناقش باباك مليح وموباعد قرر
دير في بالك حاجة وحدة انك ماتدي غير الكاتبة

[amine0007]

وربي وصى على طاعة الوالدين

[k-001]

وربي وصى على طاعة الوالدين


امين ربي يعيشك علابلنا طاعة الوالدين ولكن عاود اقرا الفوق امــه راهي راضية ومعاه في هذا الامر :1: الوغ ؟

[SalimCRB]

سيي كمل ليسانس قبل 23 سنة وادخل قاجي ديراكت مليحة ليك
ويكدب عليك هدو بني ويوي اللي يقولك العسكر كدا وكدا راهم يسمعو هدرت الزنق برك

[khaledgtu]

بسم الله الرحمن الرحيم
أنا شاب جزائري من الشرق أبلغ 20 سنة من العمر تحصلت على شهادة الباكلوريا لكنني قررت عدم الدراسة في الجامعة بل الإلتحاق بصفوف الجيش الوطني الشعبي (القوات البحرية) لكن عند طرح هذه الفكرة على أبي رفضها رفضا تاما و قال لي إذا أردت الذهاب فاذهب لكنك لن تدخل البيت مجددا بينما أمي قالت لي أنت حر و إذا أردت الذهاب فلا بأس فهذا مستقبلك و لكنها لم تعلم أبي بذلك لأنه سوف يتهمها بالتحيز ضده
أرجو منكم رأيا حول حالتي هذه هل أذهب للجيش أم لا ؟ ؟
علما أنه لم تعد لدي رغبة بالدراسة لأنني في وضع اجتماعي معقد ؟


شوف يا اخي والله ما تلقى نصيحة كي تاعي ....أنا صراتلي نفس الحكاية تاعك ديت البكالوريا بتقدير جيد وحبيت نسجل في شرشال لكن ابي مقبليش واخوتي كذلك كان عمري 17 سنة خشيت على 5 سنين ........قنعوني وقلت نقرا مازالت الفرصة امامي نتخرج وانضم الى الشرطة او الدرك...................وبعد دراستي فالجامعة مرت 5 سنوات وتحصلت على شهادة مهندس دولة وشائت الاقدار رحت باش ندفع دوصي درك قالولي اختصاصك اعلى من المستوى المطلوب وماكانش؟؟؟؟ رحت للشرطة قالولي اختصاص تقني وغير مطلوب فالشرطة والان الجيش فتح ابوابه ونفس المشكلة لا يوجد تخخصصي؟؟؟؟ لهنا ندمت على الفرصة لي ضاعتلي ومحبيتش نستغلها لما كانت البكالوريا جديدة...............في بلادنا متصلحش تقرى والله نصيح من اخ لأخوه روح ادفع الدوسي ومتهني وشوف صحابك لي يكملو قرايتهم صباط يسخف باش يشريه....................................سلام

[عبدون جمال]

استخر الله يا اخي

[The Genius]

شوف يا اخي والله ما تلقى نصيحة كي تاعي ....أنا صراتلي نفس الحكاية تاعك ديت البكالوريا بتقدير جيد وحبيت نسجل في شرشال لكن ابي مقبليش واخوتي كذلك كان عمري 17 سنة خشيت على 5 سنين ........قنعوني وقلت نقرا مازالت الفرصة امامي نتخرج وانضم الى الشرطة او الدرك...................وبعد دراستي فالجامعة مرت 5 سنوات وتحصلت على شهادة مهندس دولة وشائت الاقدار رحت باش ندفع دوصي درك قالولي اختصاصك اعلى من المستوى المطلوب وماكانش؟؟؟؟ رحت للشرطة قالولي اختصاص تقني وغير مطلوب فالشرطة والان الجيش فتح ابوابه ونفس المشكلة لا يوجد تخخصصي؟؟؟؟ لهنا ندمت على الفرصة لي ضاعتلي ومحبيتش نستغلها لما كانت البكالوريا جديدة...............في بلادنا متصلحش تقرى والله نصيح من اخ لأخوه روح ادفع الدوسي ومتهني وشوف صحابك لي يكملو قرايتهم صباط يسخف باش يشريه....................................سلام
الاخ انا ثاني صراتلي نفس الحكاية سبحان الله و ديت الباك و انا في عمر 17 و باه نلتحق بشرشال و لا درا البيضاء قاتلي الام يا وليدي ما نسمحلكش ادا رحت و راك عارف الوالدين ماركش راح ترفضلهم الطلب و اليوم بعد 5 سنين مهندس دولة مريح شاد الحيط وين ما نروح ندفع يقولك التخصص نتاعك غير مقبول و هذه هي حكايتي رانا تقارعو في مكتوب ربي .. اللي خلق ما يضيع انشاء الله

[مانقراش]

أخي أنا أعيش حاليا تجربة عكس تجربتك;)
كان أبي يريد من الالتحاق بالأمن السري ... و الحمد لله أقنعته بأنه milieu صعيب بزاف
و زاد استفسر عن الأمر ادا و تم اقناعه من طرف مجربين بنفس ما أنا قلت له
... هده الأيام أبي يريد مني الالتحاق بالتكوين الخاص ...تجنيد على أساس الشهادة
لكن الحمد لله... جار لنا أقنعه بأنه سوف يقدم على خطوة يندم عليها
هدا الجار هو جينيرال في البحرية ... قاله له : خليه يفوت le service militaire
أفظل أن يرمي مستقبله في مكان لا مستقبل له تكتر فيه الرشوة و الحقرة
أخي صدقني الجنيرال الدي أنا أحكي عليه لدي أولاد 1 منهم مازال ينهي دراسته في كندا:mh31::34:
أما الاخر فتحصل على البكالوريا و هو الان ينهي دراسته :34:
و لا أحد من أولاده هو الان في الجيش .
و أدكر جيداا عندما صادفت شخصاا في الجامعة يريد تسجيل نفسه للدراسة سنة 2010
و حكى لي همه انه ندم للالتحاق بالبحرية..قال لي أنه عاش عامين الأسوأ من حياته
و الدنيا هده مكاتيب أخي و زيد خمم و ادا راك باغي الشقا ...هاديك حاجة واحد أخرى:34::1:

[billel tipaza]

ya akhi hata ana habit nanshak
ana ki counte terminal counte hab nadkhol ngagi , mon pérekanat 3andou chwia ma3rifa bech ydakhalni , w w3adni ki ndjib ll bac ychoufli bech nadkhol
ki djebt l bac 9ali akhtik w machi mliha w w w......... alors dkhalt lel djami3a , w wlit n9oul n9oul 3andou l ha9 mon pére , kifech ndaya3 yamat ta3 liberté kima hadou , surtout ki cheft s7abi li gajaw w nadmou , w ki kamalt kanate 3andi la chance bech nsayi fi les gendarme , mais ana madartch psk walaft la liberté
mais n9oulek wa9tech tfi9 ?? ki tkamal mel djami3a ........... l tama tal9a l'armé yastana fik wel khadma ghir nsa li yadakhlou ykhadmou , w ykoune fatek l wa9t bech tgagi , l tama twali t9oul loukane 3raft haka sécurité militaire w nakhdame
w ya khouya mana9rach , matcomparich rouhek m3a wlid générale , hata ana na3raf colonel khchine dakhal wlidou l cherchel 3am w houwa ya9ra fiha omba3d rah khardjou , 9alou machi mliha .......... rani n9oulek matcomparich rouhek m3ahoum psk hadouk machi kima ana w nta , hadouk may3agbouch l'armé w l khadma rak ta3raf kifech ,loukane marahouch damanlou men djiha okhra may9oulou hakdek , w la preuve rak t9oul wlidou ya9ra fi canada ..... nta tsahlek ta9ra fi canada ?? alors
al mouhim ya khouya noah , adiha men 3and wahed mdjareb w kbir 3lik w lakbir rabi sobhanou , ida 9dart t9ana3 babek w sahatlek bech tedkhol matchoufch kamel wrak ... w ydji nhar tefhame mlih nasiha ta3i
w rabi ywafe9

[khaledgtu]

الاخ انا ثاني صراتلي نفس الحكاية سبحان الله و ديت الباك و انا في عمر 17 و باه نلتحق بشرشال و لا درا البيضاء قاتلي الام يا وليدي ما نسمحلكش ادا رحت و راك عارف الوالدين ماركش راح ترفضلهم الطلب و اليوم بعد 5 سنين مهندس دولة مريح شاد الحيط وين ما نروح ندفع يقولك التخصص نتاعك غير مقبول و هذه هي حكايتي رانا تقارعو في مكتوب ربي .. اللي خلق ما يضيع انشاء الله

المكتوب يا أخي ربي يرزقنا ............................ندمت أنني قريت لكن الشدة في ربي وربي يفرجها ان شاء الله

[walid_ha]

السلام عليكم
افهم يا أخي جيدا أن بر الوالدين في الأمور التي تخصهما وهذا لا يخصهما و أنت سيد قرارك و هذا ليس من بر الوالدين
و بالطبع أي والد يريد من ابنه أن يكون دكتورا أو مهندسا من أجل الافتخار أمام الناس دون مراعاة لميوله و اختياراته
اجلس مع أبيك و حاول شرح ظروفك و هو لم يقبل لأنه يحبك و يحرص عليك و بالتالي سيرضخ للأمر الواقع لا محالة
شوية صبر و إصرار برك