شوفو القاطو اللي خدمتو وانصحوني

[فاطمة الزهراء.]

حبيباتي شوفوا هاد القاطو وقولولي واش اللي ناقصو

[ام رزيقة]

اختي راه يبان شباب بصحتكم وصح عيدكم

[فاطمة الزهراء.]

الله يسلمك اختي مرررررسي على الرد

[Anazed]

yaetik essaha

[فاطمة الزهراء.]

الله يسلمك ختيتوووو

[oum radja]

http://www.djelfa.info/vb/attachment.php?attachmentid=63537&d=1375427606
انا نقولك خواتاتك راهم غالطين يعطيك الصحة كامل شابين

[فاطمة الزهراء.]

مرررررررررررررررسي

[biba-lola]

يعطيك الصحة الصورة بعيدة شوية لكن يبان شباب
عندي ملاحظات
بالنسبة لحلوة المخدة الظفيرة ما راهيش في الوسط و الحبة تزين بالورد من الفوق
و الحلوة المربعة المغلفة بالشكولاطة الخطوط البيضاء خشينة شوية
المهم الصح في الدوق و يعطيك الصحة على المجهود

[الحب و الوفاء]

الله يبارك ماعندو مايزيد يعطيك الصحة

[فاطمة الزهراء.]

شكرااااااااااا اختي بيبا

[yara djoumana]

يعطيك الصحة و صحة عيدكم مسبقا

[همة عالية]

قاطو هايل لنا صنعت القاطو وما بغيتش ندير التزيين قلت حتى اليومين الاخيرين وانت ما خفتيش التزيين يخسرلك مثلا ييبس او يذوب

[فاطمة الزهراء.]

قاطو هايل لنا صنعت القاطو وما بغيتش ندير التزيين قلت حتى اليومين الاخيرين وانت ما خفتيش التزيين يخسرلك مثلا ييبس او يذوب

لالا اختي ماخدمتوش كامل

[radia rara]

راااااااااااااائع ++جميل بالتوفيق للافضل

[(الانسان الوفي)]

السلام عليكم ........جميل أختي العزيزة سلمت الأنامل ....لكن متنسايش حقي ههههه

[djazia87holi]

اختي حلوى نتاعك شابة ويعطيك الصحة اما على الخطوط الرفيعة انا ندير بقرعة عندها انبوب طويل تشبه قرعة الاكسيد نتاع صبيغة الخارج وتشبه قرعة زيت ماكينة الخياطة تتباع عند الحلواني وهادي تساعدك احسن من السيرانق ومليحة ديري فيها كمية مليحة تكفيك لحبات الحلوة لعندك وتمنع دخول الهوى ماتيبسش لا الشيكولا او القلاصاج وفي الشيكولا تقدري كل ما تزيني وتخافي الشوكو تنشف دخلي القرعة في اناء فيه ماء شبه سخون وخطوطها رفيعةترسمي
واش حبيتي وادا ملقيتيهاش استخدمي قرعة زيت ماكنة الخياطة تكون مغسولة مليح ومتعرضة للهواء والشمس لازالة راءحة الزيت وخليها دايما للتزين وراح تشوفي النتيجة انشاء الله وتعيدو بالصحة والهناء انشاء الله

[فاطمة الزهراء.]

مرسي حبيبتي اوك فهمتك عندي قرعة تاع مايونيز هههههههههه نغسلها ونخدم بيها
يعطيك الصحة مرسي

[فاطمة الزهراء.]

السلام عليكم ........جميل أختي العزيزة سلمت الأنامل ....لكن متنسايش حقي ههههه


ههههههههه مرسي خويا
وحقك نبعتولك هنا ماتخاممش عليه تاكلو بالصحة والهنا

[سهيلة2013]

حبيباتي شوفوا القاطو اللي خدمت وقولولي واش اللي ناقصو في الفينيسيو باسكو خواتاتي قالولي البنة شابة بصح الشكل ماكش جايباتيه نيشان
اعطوني رايكم بصراحة باش نعرف اخطائي ونعاودو
اختي القاطو راه يبان شباب
الله يعطيك الصحة

[فاطمة الزهراء.]

الله يسلمك حنونة مرسي

[همسة مشاعر]

مليح اختي اكي جربتي وجاك مليح
صحى عيدكم

[(الانسان الوفي)]

ليس هنا ...آتي للمنزل وآكله .......... خلاص اتفقنا ...

[فاطمة الزهراء.]

ليس هنا ...آتي للمنزل وآكله .......... خلاص اتفقنا ...

اهلا وسهلا خويا

[ghaza_01]

هاااااايل ااختي

[(الانسان الوفي)]

سآتي فلا تخافي ........ان لم يكن في العيد ..ففي يوم ما ....

[فاطمة الزهراء.]

سآتي فلا تخافي ........ان لم يكن في العيد ..ففي يوم ما ....

:mh92::mh92::mh92::mh92::mh92::mh92:

[ريحانتي]

تبارك الله عليك روووووعةةة

[فاطمة الزهراء.]

الله يبارك فيك زينونة مرسي

[لميس اميرة]

يعطيك الصحة اختي


فيما يخص النزيين

قاطو البابيون ما تعمليلوش الوردي ما خرجش عليه

من الاحسن اعمليلو خطوط شكولا و الوسط ادهنيه بعسل و لصقيلو كوكاو مرحي او لوز

الخطوط البيضاء في القاطو المربع خشينة بزاف

ذوبي شكولا بيضاء في حمام مائي و هي سخونة فرغيها في الاكياس البيضاء او الصفراء الصغار ديري ثقبة صغيرة جدا بسنتك رح تخرجلك خطوط رقيقة هايلة و اذا ما صلحتلكش الشكولا البيضاء استعملي قلاساج سكر احسن شوية شربات و نقاط زيت و شيحي بالسكر الرطب


الوردة البني زيدي فوقها وردة اصغر لونها ابيض و حبة فضية يجي روعة

و القاطو الدائرة حاولي تعمليلو ديكور آخر

و ملاحظة اختي الشكولا حاولي تخففيها بشوية حليب او قهوة حتى ما تجيكش خشينة فالسمك لما ينشف القاطو

[zarra duff]

اختي الله يبارك عليك هايلين

[.1....2....1.]

ما شاء الله والله من دون مجاملة هااااااااااااايلين يعطاك الصحة
انا مع الاخت الاي قالتلك على قاطو البابيون الشكولاطة احسن تخرج عليهم
متنسيش في الاخير تديريلهم اللماع اكيد راح يعطيهم جمااااال ويخليهم باهيين

[فاطمة الزهراء.]

مررررررررررررررررررسي

[biba-lola]

شكرا لك كنت اظن انني انتقدتك كثيرا لكن بعد الرد ارتحت
بالنسبة للخطوط انا نخدمهم بكيس الحليب فارغ و يجيوني هايلين المهم كي نخدم الحلوة نحط الصور و تشفيها
بالنسبة للمخدة تقدري تظفري الخطوط 2 بي 2 يجيولك مربعات و شكل اخر
و سمحلي اختي

[fatma81]

اعطيك الصحة والله كلهم باهيين
يصحتكم اختي

[فاطمة الزهراء.]

شكرا لك كنت اظن انني انتقدتك كثيرا لكن بعد الرد ارتحت
بالنسبة للخطوط انا نخدمهم بكيس الحليب فارغ و يجيوني هايلين المهم كي نخدم الحلوة نحط الصور و تشفيها
بالنسبة للمخدة تقدري تظفري الخطوط 2 بي 2 يجيولك مربعات و شكل اخر
و سمحلي اختي

مرررررررررسي

[فاطمة الزهراء.]

اعطيك الصحة والله كلهم باهيين
يصحتكم اختي

الله يسلمك

[لميس اميرة]

عندي قرعة تاع مايوناز راني غسلتها وحطيتها تنشف نخدم بيها الخطوط هههه
بالعكس يااختي علاش تطلبي السماح انا مادابيا تنصحوني وهكا نولي كل صبع بصنعة هههههههههه

مرسي حبوبتي


لا لا اختي القرعة تاع المايونيز يجوك الخطوط خشان

ديري كيما قاتلك الاخت شكارة نضيفة تاع حليب او استعملي الاكياس الصوفر الصغار و اثقبيها ثقبة صغيرة بسنيك او بواسطة ابرة كبيرة

[فاطمة الزهراء.]

اوووووووووووووووووووووووووك

[kamy samia]

انا عجبوني وارجو ان تعيني الوصفات او الروابط وشكرا مسبقاااااااااااااااااااااااااااااااااااااااااااااا اااااااا

[جيجلية]

ما شاء الله شاطرة

بالنسبة للتزيين حلوة الظفيرة ما شي متحوفة مليح لازم الشرائط يكونوا لاصقين قدام بعضاهم ما يكونش الفراغ

بالنسبة للشيكولة انا نديرها في شكارة تاع الحليب ونتقبها غير شوي برك من الجانب

بارك الله فيك

[رحمة من المولى]

روووووووووووووووووووووووووووووعة

[فاطمة الزهراء.]

الدزيريات/
للعجينة
04 كيلات فرينة
01 كيلة زبدة طرية
قرصة فاني
ماء زهر لجمع العجينة
للحشو
03 كيلات كوكاو
قرفة
كيلة سكر عادي
بيض حسب الحاجة(تكون الحشوة ماشي سائلة وماشي صلبة)
عسل تعسلي بيه الدزيريات بعد مايطيبو

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
قاطو البابيو/
مقادير العجينة بالترتيب:
250غ زبدة ذائبة كالمرهم
كاس سكر
سكر فانيلا
6حبات بيض (3 صفار+3كاملين)
كاس مايزينة
الفرينة ( حتى الحصول على عجينة طرية ومتماسكة)

الحشو:
كوكاو مرحي
حلوة الترك
مربى المشمش
قاطو بيمو

بالنسبة للحشو يمكن التغير حسب الرغبة

التتزيين:
قلاصاج اللون اللي بغيتي
حلوة فضية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
صابلي/
4بيضات كاملين
250غ زبدة طرية ماشي ذايبة
1خمارة
فاني
نص كاس سكر(مادرتش كاس كامل باسكو دايرة الشوكولا بزاف باش مايكونش حلو بزاف)


حلوى ترك ومربى مشمش خلطيهم ولصقي بيهم الحبات(صابلي عادي حبة فوق حبة لصقتهم بحلوى الترك ومربى)

الزينة/
شوكولا و قرقاع

دايرتهم على شكل مربعات ودوائر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
هداك اللي فيه وردة بني من الفوق
هداك قاطو معمول عااااااااادي وانا درت الزينة من عندي
اذا ماتعرفيش la recette قوليلي نكتبهالك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــ
قاطو مخدة العروسة تلقايه فهدا الرابط
http://www.dzfemme.com/vb/dzfemme.23506/

ادا مافهمتيش حاجة نشالله نعونك ويزيدو البنات يشرحولنا اكتر

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ

[فاطمة الزهراء.]

أختي جيجلية نشالله نعود نخدمهم ونريقلهم b1
بصح تحوسي على الصراحة؟يتعب بزااااااااااااااااااف
حبة وحدة نقعد فيها ساعة ههههههههههه

[biba-lola]

السلام
اختي شكرا علي المقادير نتاع الحلويات بالنسبة ال الصابلي ضيفي كاس مايزينة يوليو يدوبو في الفم و بالنسبة الى الدزريات ما تديريش القرفة ديري لافاني و السكر اما تديري رطب او سكر عادي و ترحيه مع الكاوكاو و البيض استعملي صفار ثم حبة كاملة ثم صفار و هكدا باش تجي طرية
و شكرا علي كل الوصفات

[فاطمة الزهراء.]

السلام
اختي شكرا علي المقادير نتاع الحلويات بالنسبة ال الصابلي ضيفي كاس مايزينة يوليو يدوبو في الفم و بالنسبة الى الدزريات ما تديريش القرفة ديري لافاني و السكر اما تديري رطب او سكر عادي و ترحيه مع الكاوكاو و البيض استعملي صفار ثم حبة كاملة ثم صفار و هكدا باش تجي طرية
و شكرا علي كل الوصفات


شكراااااااااااااااا على التعديلات والنصائح

[om kheiyrour]

انا نقولك راهم يضحكوا معاك برك
الصح فالبنة و التزيين هادا يجي مع الوقت و كترة التطبيق
التزيين بالشكولاطة البيضاء الخطوط يلزم تكون رقيقة على هاك
اما الباقي ماعندي مانقول يعطيك الصحة

[meriama13]

راه يبان متحوف الله يعطيك الصحة

[فاطمة الزهراء.]

:19::19::19::19::19::19:merciiiiiiii

[ام تقوى 2009]

444444444444444

[الأمنيات]

تبارك الله ويعطيك الصحة