عجوزتي المدللة

[مشكلتي]

ل
م اكن اريد ان اكتب عنها شيئا في يوم من الايام خاصة انني امضيت معها ليومنا هذا نصف عمري ..ولكن الشيء اذا زاد عن حده انقلب ال ضده ....تخيلوا انها تعتبر نفسها دائما ضيفة في بيت ابنها ..وتتصرف على اساس انها ليست احد افراد العائلة ...فهو لا يعنيها شىء سوى ما يهمها اويخدم مصلحتها ...وتتصرف تصرفات اراها صبيانية جدا ...وتشعرك دائما انها مسكينة ومظلومة ومهمشة ...مؤخرا لم تعد تعين في شيء مع انها بصحة جيدة نكاية في طبعا في شهر فعل الخير والاعانة عليه ...هي على فراشها تتقلب كل النها ر من قناة الى قناة ووعندما يؤذن المغرب وتفطر تتجه الى المسجد للتراويح ؟؟؟ ما رايكم يا معشر القراء هل مثل هؤلاء الحموات يستحقن التقدير والاحترام ؟ وينزلن منزلة الامهات ؟ حسبي الله ونعم الوكيل

[/زهرة عصفور الجنة/]

اختي قالك دير الخير وانساه ودير الش وتفكروا
الانسان لما يكبر يصبح كطفل صغيير مدلل
لذا نصيحتي لكي انسيها ولا تهتمي لما تفعله
انت قةمي بواجبك اتجاهها ولا تنتظري منها شيئا اعتبريها واخدا من اطفالك الصغار
وثقي ان الله سيؤجرك على ذلك اجرا كبيرا

[hakeem]

وحدة في الدنيا ما تصل منزلة الوالدة .

ربي يعاونك ... اتكلي على روحك و ما تستنيش منها أدير فيك الخير راكي مرا قادرا على شقاء و هذا مكان

المعادلة صعبة الحل

[wafa16]

اختي بصح نتي واش قلقك
لوكان تدخل للكوزينة ماتحبوش تقولي راني في داري و راهي تدخل روحها وتتحكم فيا و تزاحمني في داري
جبدت روحها قلتي راهي ادير كي الضيفة
راكي حابة تخدمي عجوزتك الشغل
هي الكبيرة و انتي الصغيرة هي تعبت بكري باش جابت الراجل اللي راكي مزوجة بيه امالا دوك من حقها ترتاح
راكي تقولي بصحتها يعني ماراهيش مريضة و انتي ترفديها و تغسليلها و تغيريلها الحفاضات كي بعض العجايز المرضى
اختي ما تخليش الشيطان يلعب بيك من جيهتها لانها ما راحش تعيش قد اللي عاشت
ربي يعينك و انتي احتسبي تعبك عند الله و ديريها كي يماك و صيبيلها الاعدار
و على سؤالك نقولك ايه و علاش ما تستحقش الاحترام و التقدير!!!!!!!!!!!!!!!

[بسمة تحدي]

يا اختي وش نقلك وسعي قلبك واصبري

عجوزتك مكان امك وتاني الصراحة بك انتي يماك تقبلي تخليها تروح تغلس لمواعن ولا تروح تسيق وووو

اكيد راح تقولي لالالا

الازم عليك تتحمليها و لكل شيء ثواب وثوابك ان صبرتي الجنة

عامليها بما يرضي الله وانتظري اجرك من الله فقط

عامليها بالاحترام والمحبه والتقدير والرحمة

تفكري الدنيا دوراة

راج يجي يوم وتكوني عجوزي ديري الخير تلقاي الخير

وكما تدين تدان

[bibimoto6]

لولاها لما كنت زوجة لابنها هي اختارتك لتكون اما لاحفادها
اريد ان افهم
الشيطان مصفد في رمضان و اش بيكم يا نساء
هذه معناها النفس الحسودة
ان اطعتيها فانها امك و اطعت زوجك
هي امك قبل ان تكون ام زوجك قلتيها قضيت معها نصف عمرك
الله يبارك
و الله و الله و الله ان اطعتيها سترين السعادة و الله
الانسان بطبيعته كلما كبر كلما صغر عقله
و تذكري كلما تدين تدان
يوما ما ستكونين حماة و ستقول زوجة ابنك و ما تقولين الان
انتظري و سترين

[حقائب فرح]

يا اختنا الفاضلة احمدي الله حمد كثيرا واشكري الله على هذه النعمة لو ترين ما تفعله باقي امهات الازواج لحمدت الله ليلا نهار وكم قالت لك ام يحي العجائز في مثل هذا السن يصبحون كالاطفال واقولها احمد الله انها تحكم الشاشة كبري قلبك اختاه حتى هي تعبت وربت وتنتظر من يرد لها الجميل اتوقع قولك وبناتها اقول لك اجعلي نيتك لله وستنا لين الاجر من عند الله ان شاء الله اجعلى هذه الدنيا وسيلة وليست غاية ولا تحاسبي وانتظري من يحاسبك لا تجزعي اختاه من كلامي والله ما اقوله الا من تجارب اناس اراهم في حياتي تقبل الله منا صالح الاعمال..............وفي الاخير اقول لك عسى ان تكرهوا شيئ وهو خير لكم
تخيلي لو اتي عليك زمان واصبحت مثلها بل واكثر ما سيكون رد الفعل ذهبت يوما عند طبيب وجدت هنا ك امراة تقول كما عاملت عجوزتي اتتني عروستي وهي تحمد الله

[imene12]

هذا هو وقتها كي ترتاح و تتدلل .. لو كانت والدتك لكنت تقبلين رأسها حتى ترتاح و لا تجهد نفسها.

[Loyalty]

ياخي عبد واحد اعتبريها مكانش ولي يديرلك حاجة يديرلك زوج ولي يغسلك صحن يغسل زوج زيد راكي تربحي فالاجر

وزادت كبيرة يعني تستاهل الراحة

[ملكة في بيتي]

اختي الفاضلة دائما عندما تعملين شيئا لحماتك اولاي احد في الدنيا اعمليه لوجه الله ليكون لك كل الاجر ولا تنتظري من الاخرين ان يردوا لك الجميل واحمدي ربك ان حماتك لا تنكد عليك عيشتك بلسانها السليط او انها تحرض زوجك عليك او تسعى للتفريق بينك وبين زوجك صدقيني ان هناك من الحماوات من يصعب جدا العيش معهن لذا انظري الى ايجابياتها واحسني اليها وسترين بركة ذلك في حياتك وفي اولادك مستقبلا

[بيزة الشاوية]

أنت على الآقل حماتك فقط لوكان تشوفي أنا عجوزتي وبناتها وحدة في عمرها 22 سنة و الآخرى مطلقة 38 سنة الرفاد والماكلة و التوساخ و مايهزو شئ مايغسلو شيء واش تقولي علما عجوزتي في زيادة 54

[كريمة 118]

السلام عيكم والله غير ربي يهديك احمدي ربي أنوا عجوزتك متدخلش روحها وحدة نعرفها مشيبتها عجودتها العجب مايعجبهاش من الاكل وزيد دير ليكوش و مريضة وباه تتحرك لازم ساعة وانتي معاها وما على الشغل احسبي روحك راكي وحدك وخليها راهي حابة ترتاح بعد العناء في صغرها والأولاد كيما أنا نكون في الدار منحي ماما دير معاذا والوا نغسل و نطيب و و و عامليها كيما يماك والحاجة الي تهمك رضى ربي و زوجك قدرك الله على فعل الخير *

[soulami sousou]

اختي تفكري ان كما تدين تدان فكري فيالمستقبل انتي في دار ابنك
وتاكدي ان الله معاك واصبري لان الله مع الصابيرين واتق الله
وان الله سيجازيك خيراان شاء الله فلا تكبري الموضوع .متزعفيش منا رانا كامل غير نساعد في اختنا العزيزة اللي حابينها تتدخل الجنة

[evaevalle]

أنت على الآقل حماتك فقط لوكان تشوفي أنا عجوزتي وبناتها وحدة في عمرها 22 سنة و الآخرى مطلقة 38 سنة الرفاد والماكلة و التوساخ و مايهزو شئ مايغسلو شيء واش تقولي علما عجوزتي في عمرها 54



زعم عجوزتك ولدت سلفتك على 12 سنة

عجب

[التوليب الجميلة]

pffffffffffff grave samhli 3ib tastanay man 3jouztek tnoud takhdam 3lik c bon kabretlak wlidha c le moment tkhadmi 3liha nti en plus hiya khlas 3yat kabret rajel lik ntiya w n9olek raki t9ouli tatsaref kima les bébés ma3labalakch lwahad koul mayakbar koul ma ywali tfal donc nkolek tkadriha w tahtarmiha w tkhadmi 3liha pk yamat rajlek rahi kima yamek nti li t3ayi machi hiya w 3ib tdiri prblm kima hada pk ahamdi rabi kayan nsa msakan chab3in rokhs w rahoum saktin

[evaevalle]

ل

م اكن اريد ان اكتب عنها شيئا في يوم من الايام خاصة انني امضيت معها ليومنا هذا نصف عمري ..ولكن الشيء اذا زاد عن حده انقلب ال ضده ....تخيلوا انها تعتبر نفسها دائما ضيفة في بيت ابنها ..وتتصرف على اساس انها ليست احد افراد العائلة ...فهو لا يعنيها شىء سوى ما يهمها اويخدم مصلحتها ...وتتصرف تصرفات اراها صبيانية جدا ...وتشعرك دائما انها مسكينة ومظلومة ومهمشة ...مؤخرا لم تعد تعين في شيء مع انها بصحة جيدة نكاية في طبعا في شهر فعل الخير والاعانة عليه ...هي على فراشها تتقلب كل النها ر من قناة الى قناة ووعندما يؤذن المغرب وتفطر تتجه الى المسجد للتراويح ؟؟؟ ما رايكم يا معشر القراء هل مثل هؤلاء الحموات يستحقن التقدير والاحترام ؟ وينزلن منزلة الامهات ؟ حسبي الله ونعم الوكيل





اختي انا قريت مشكلتك وحسيت بيك

صح اذا انا نتعب و نشقى و ما نلقاش كلمة تقدير من اي واحد صعيبة

بصح احمدي ربك انها تقعد وما ديرلكش مشاكل و تطلب الاهتمام ممكن انت جاك كبير

بصح خليها تقعد ياك لقمتها ما هيش بزاف و غسيل الملابسها ياك الغسالة

و الدار تسيقيها بيها او بلا بيها

وعلاه تقلقي بالعكس تقبلي الموضوع و ما تحرقيش اعصابك

من حيث انها تستاهل الاحترام و التقدير تستاهل

خاطر ما هيش انتاع مشاكل و مصائب

الحمد لله على كل حال

[AMINA.Z]

اختي كون تبقاي تعسي اللي خدم و اللي ما خدمش ما تتهنايش حياتك كاملة

انا الوالدة تاعي و ما ادراك كي كبرت و وليت قادرة على شقايا

تعول عليا في كلش و هي ما دير والو

تقولي لازم تتعلمي تخدمي كلش وحدك باه من بعد ما تسناي معونة من حتى وحدة

عجوزتك و لا سلفتك

النساء كامل يلحق وقت وين يكرهو الخدمة تاع الدار و يحوس على اللي يخدم عليهم

و حنا يحجي نهار وين نرجعو كيفهم

يعني واش راكي عايشة عادي و راهو سنة الحياة

كاين اللي فيه الخير واكاين اللي ما فيهش

انتي انوي خدمةك تكون صدقة بالاك تلقايها عند ربي و خلاص

[bibimoto6]

ديري نقابة ثم اضراب

[مريم الصابرة]

السلام عليكم اختي
إسمحيلي ممكن ردي يققك
تخدميه وتزيدي علاه على جال ربي أولا وهي كي كانت تربي في وليدها وتكبر فيه إنت كنت في داركم ربات وكبرت باه تنال إسمحيلي ديري الخير وقومي بها وراهي مرا كبيرة وخليها تدلل لو نسقسيك لو يماك دير هكا هل تجي تطتبي عليها اكدي لا تلحقيلها كل شي عند رجليها وتقولي قليل
راك تقليلي هذيك يمى هو ثاني يماه ربي دار الجنة تحت رجليها
اختي إربحي مع ربي معليش باه ربي يمدلك صحتك ويباركلك فيك اولادك ما ديريش هذي النية معليش إعتبريها ضيفة وصح هي ضيفة وتروح وتخليلك دعوة خير ربي يهديك وإسمحيلي كان كلامي قلقك برك حبيتك تربحي مع ربي شكرا

[بيزة الشاوية]

زعم عجوزتك ولدت سلفتك على 12 سنة

عجب

عفوا عجوزتي زيادة 54 و الله ماخلونا

[النجمة القطبية]

طامعة فى العجوزة تخدملك الشغل ياك راكى سمتيها عجوزة يعنى كبيرة يعنى صحتها على قدها
وتحبي الصح بيناتنا لو كان مماك تقولى عليها هكا قاعدة وتتقلب يا ودى راهي فى دار وليدها فاش غبناتك
اذا ناضت اللهم بارك اذا قعدت خليها على راحتها تقرا قران ولا تشوف التلفزيون كامل العجايز هكا
حنا رانا صغار وتعبنا مع السخانة كيفاه حابة عجوزة متتعبش
شوفى نقولك الصراحة اذا تعبتي ريحي من حقك نوغمال بشوي بشوي حتى تكملي وقسمي وقتك الوقت طويل ريحي شويا واخدمي شويا اما العجوزة خليها على راحتها وخلاص ديريها كي يماك مدام هي وحدها اللي معاك متغبنش وتدي دعوة الخير
اما حسبي الله ونعم الوكيل مفهمتش علاه راكي تحسبنى بالاك مفهمتش المشكلة مليح
دارتلك مشاكل مثلا ولا قبيحة ولا دارت بينك وبين راجلك
ساعفي وربي معاك اوك
وربي يوفقك فى حياتك ويهنيم مع عجوزتك

[madoucha]

يا اختي خليها تدلل من حقها
نورمالمون قاع العجايز راهم يدلو وما يخدمو والو
ماتنسايش راهي عانت وهي صغيرة في تربية ابنها لي هو زوجك

[nouna l maghbouna]

ل
م اكن اريد ان اكتب عنها شيئا في يوم من الايام خاصة انني امضيت معها ليومنا هذا نصف عمري ..ولكن الشيء اذا زاد عن حده انقلب ال ضده ....تخيلوا انها تعتبر نفسها دائما ضيفة في بيت ابنها ..وتتصرف على اساس انها ليست احد افراد العائلة ...فهو لا يعنيها شىء سوى ما يهمها اويخدم مصلحتها ...وتتصرف تصرفات اراها صبيانية جدا ...وتشعرك دائما انها مسكينة ومظلومة ومهمشة ...مؤخرا لم تعد تعين في شيء مع انها بصحة جيدة نكاية في طبعا في شهر فعل الخير والاعانة عليه ...هي على فراشها تتقلب كل النها ر من قناة الى قناة ووعندما يؤذن المغرب وتفطر تتجه الى المسجد للتراويح ؟؟؟ ما رايكم يا معشر القراء هل مثل هؤلاء الحموات يستحقن التقدير والاحترام ؟ وينزلن منزلة الامهات ؟ حسبي الله ونعم الوكيل


اصبري اختي
اصلا انتي برك راكي تكبري في المشكل
ياخي راهي خاطياتك ماديرلكش المشاكل ......الخ
ديريها كي يماك


هل مثل هؤلاء الحموات يستحقن التقدير والاحترام ربي يهديك علاه وش راهي ديرلك اصلا من التربية ماتتكليش على عجوزة تعاونك في الشغل
normalement انتي اللي تقوليلها روحي انا ندير كلش

شغل البيت يخلاص في دقيقة علاه عليك هاد الحالة

و اخيرا نقلك ديرري الخير على وجه ربي اولا و زوجك ثانيا

ربي معاك