هادا واش بقالي من اطباقي الرمضانية

[ريم الفلى]

البسملة1
اليوم جبتلكم بقايا الصور بعد ما كنت نوجد فيهم وميتة بالفرحة :D حتى دخلي فيروس للكارت ميمموار وفسدهالي :mad: والحمد لله كانت هذه الصور في الميموار تاع التفلون
:rolleyes::rolleyes::rolleyes:
اولا: زرودية مقلية بالدجاج والزيتون الأسود
http://im41.gulfup.com/cGG9V.jpg
وهاذي السلطة:
http://im41.gulfup.com/UtleO.jpg
وهادي شربة فريك
http://im41.gulfup.com/Orsiq.jpg
وهادا فلان بطبقتين الشكولا من تحت والفراز من فوق اممممممممممم
http://im41.gulfup.com/wwIdT.jpg
وزينته هكدا شكل فرازة :D:D:D:
http://im41.gulfup.com/2XOIL.jpg
وهادي اول حبة طابت من المعقودة المحشية بالفرماج والدجاج جاااااااااااات :19:
http://im41.gulfup.com/B922q.jpg
ومن جهة أقرب:
http://im41.gulfup.com/YDir5.jpg
وهادي سلطة بالخيار
http://im41.gulfup.com/UtZUF.jpg
وهادو لي سكالوب بطريقتي مازال ما حطيتهمش في صحن التقديم هذا وين طابوا
http://im41.gulfup.com/d4hb9.jpg
وهادي في النصفية شخشوخة هااااايلة
وخلينا الرشة لليلة 27 ان شاء الله
http://im41.gulfup.com/Fw4NK.jpg
وهادا قلب اللوز تاعي جاء بنيييييييييين بزاف
http://im37.gulfup.com/AGvp5.jpg
ومن جهة أخرى:
http://im37.gulfup.com/Ao9Z3.jpg
وهادي سلطة الوردة بالبيطراف:
http://im37.gulfup.com/8ga22.jpg
وهادا زيتون في كيس الشواء بطريقة أم أنوس
http://im37.gulfup.com/itwqM.jpg
وهنا حكي حطيتو صحولكم غير الجوانح حشومة ههههههههههه
http://im37.gulfup.com/J4pde.jpg
وهاد البوراك بلي زابا روج تاع درت برك الكبدة تاع الجاج هههههههه
http://im37.gulfup.com/b7bVA.jpg
وهادا وهادي تارتة خفيفة محشية بالدجاج والفرماج والكاشير وكل حاجة بنينة هههههههه
http://im37.gulfup.com/HF5lu.jpg
وهادي من جهة اخرى
http://im37.gulfup.com/ADbIn.jpg
وهادي سلطة فواكه رائعة بالقارص والياوورت فاني وصلصة الخوخ
http://im37.gulfup.com/wFDXQ.jpg
وهاهي مزاللها برج ورقة نعناع
http://im37.gulfup.com/ZFt0G.jpg
وهادا بطاطا بالباذنجان في كيس الشواء
http://im32.gulfup.com/CaxgP.jpg
جات فووووووووووووووور في البنة لا تقاوم:
http://im32.gulfup.com/eMgU1.jpg
وهادا فلان بطبقتين فاني وفراز:
http://im32.gulfup.com/rdXpj.jpg
وهادا حلوى المغارف تجي بالفرينة والكوكاو المحمص والمرحي
http://im32.gulfup.com/a8rN5.jpg
وهادي ملعقة بنينة على الكيف:
http://im32.gulfup.com/ytXph.jpg
هادا واش بقالي لا تبخلو علي بردودكم المشجعة كالعادة اوةكي
صح فطوركم وصح سحوركم

[zineb 4am]

امممممممممممممم

شهيتيني

[صابرة2013]

ما شاء الله يعطيك الصحة
اللهم ادمها نعمة

[yara djoumana]

مع ان الصور لم تظهرلي ولم ارى شيئ هذا لا يمنع ان اقول لكي بصحتكم و بارك الله فيك

[sekoura]

bsahetkoum khti !habit taatili la recette taa batata badenjal fe les sacs de cuisson t3ichi tbane tchahi

[crystale49]

http://www5.0zz0.com/2013/07/31/21/725429235.gif

[امونة الشاوية]

يعطيك الصحة اطباااااااااااااااااااااااااااق مشهية

[أم ماجد]

الله يبارك
عجبني كل شئ خاصة الفلان تاع القلوب واوووووووووووووووووووووويهبل غدا نحضره بطريقتك سخفت

[zif76]

بصحتكم 44444444444444

[ريم الفلى]

bsahetkoum khti !habit taatili la recette taa batata badenjal fe les sacs de cuisson t3ichi tbane tchahi


البسملة1
اولا صباح الخير حنونتي وصح سحورك
ثانيا ميكون غير خاطرك
هادي وصفة اقتصادية ونينة بزاف
اولا خذي حبات بطاطا نتي وعدد افراد أسرتك وحاولي يكونو قد بعضاهم باش يجي شكلهم أجمل قشريهم واغسليهم وقطعيهم ابراج بووووه باينة هههههههه
والباذنجان انا نقشرو ونغسلو ونقطعو ابراج تاني ونحاول باش يكونو من نفس حجم البطاطا ونحطهم في ماء وملح وعصير قارص باش ميحكالوش حتى نكون رايحة نقليهم لكنن بما اننا رايحين نديروهم في اكياس الشواء يعني منديروش الزيت متشمخيهمش في الماء والملح لكن ديريلهم عصير الليمون باش ميكحالوش
من بعد نحضرو صلصة فوووووووووووور
رابي حبة بصلة رقيقة جدا مع 4 او 5 فصوص ثوم انا نحبو بزاف وزيديلهو حبة صغيرة طماطم ورشة ملح وفلفل اسود و2 مغارف خل و2 زيت وملعقة هريسة خلطلي كلشي وحطيها بجهة
والآن اغسلي حبات فلفل حار على حساب الذوق انا نحبو شويا حار وقطعيهم دوائر والان حلي كيس الشواء ديري فيه شووووووووووووية فرينة وحركيها داخلو ثم حطي البطاطا زيدي البانجان زيدي الفلفل وزيدي الصوص ورجي الكيس جيدا باش تتخلط المكونات ثم حللي ملعقة طماطم صغيرة في كاس ماء دافي مع مكعب جومبو دجاج وفرغيه في الكيس واغلقيه واثقبيه ثلاث او اربع ثقوب بابرة الخياطة والى الفرن حتى كي تشوفيه تحمر ولاصوص نشفة وثقالت ومتفتحيش الكيس ثم ثم لانه رايح يحرقك لا سمح الله
وتاكلوه بالصحة والهنا
:19::19::19::19::19::19::19:

[غزة في عيوني]

حنونة كلش متحوف ومتقون وحبيت نسقسيك على صلصة الخوخ كيفاش تخدميها بلييييييييييز جاوبيييييييني و بصحتكم

[قطيطوشة]

كلشي يشهي اعطيك الصحة

[الأمنيات]

سلمت لنا وسلم إبداعك
وجزآكي الله خيرا على ما تقدمية
تقبلي ودي واحترامي

[enar]

الله يعطيك الصحة يبانو قاع ملاح حتى و اذا ما قدرتيش توريلنا قاع شتى طيبتي بصح لرانا عارفين باللي انتي شاطرة ....انا عجبتني التحلية تاع حلوى المغارف مون تعطيني الوصفة نتعها و يعطيك الصحة مرة اخرى

[ريم الفلى]

امممممممممممممم

شهيتيني
ربي يخليك اختي
ما شاء الله يعطيك الصحة
اللهم ادمها نعمة


اللهم امين اجمعين
مع ان الصور لم تظهرلي ولم ارى شيئ هذا لا يمنع ان اقول لكي بصحتكم و بارك الله فيك[/QUOTE
يا حنونتي ربي يخليك ان شاء الله تشوفيهم ونزيد نشوف تشجيعك]

[QUOTE=crystale49;1053812753]http://www5.0zz0.com/2013/07/31/21/725429235.gif
الله يسلم عمرك حبيبتي
يعطيك الصحة اطباااااااااااااااااااااااااااق مشهية
الله يسلمك وشكرا على تشجيعك
الله يبارك
عجبني كل شئ خاصة الفلان تاع القلوب واوووووووووووووووووووووويهبل غدا نحضره بطريقتك سخفت
ههههههههههه كيما انا مالا بالاكي تضربيه بعين يعود ينحل ونتبهدل مع المشاهدين ههههههههه ربي يحفضك صديقتي العزيزة وشكرا على مرورك
بصحتكم 44444444444444
الله يسلمك انت اللي ففففففوووووووووووووووووووووور
كلشي يشهي اعطيك الصحة
ربي يخليك حنونتي

سلمت لنا وسلم إبداعك
وجزآكي الله خيرا على ما تقدمية
تقبلي ودي واحترامي
الله يحفضك ويخليك ديما شاف ختي الغالية

[ريم الفلى]

حنونة كلش متحوف ومتقون وحبيت نسقسيك على صلصة الخوخ كيفاش تخدميها بلييييييييييز جاوبيييييييني و بصحتكم


السلام عليكم حنونتي
بالنسبة لصلصة الخوخ هاايلة وبنينة بلا مانحكيلك على اللوك الجديد لسلطة الفواكه
اولا جيبي زوج ولا تثلاث حبات خوخ كبار وطايبين شوية وهنا على حساب كمية الفواكه المشكلة اللي عندك
قشريهم وحكيهم بالقارص باش ميكحالوش من بعد نحيلهم النواة ثم حطيهم في بلاندار او ميكسور المهم مع هم حطي 4 مغارف او اكثر اذا حبيتي سكر عادي وعصير حبة ليمون ولافاني ووريقات نعناع متكثريش باش ميتبدلش لون الخوخ الجميل للنكهة برك ثم كيما تحبي اذا عندك كرام فراش زيدي علبة من هاديك اللي تجي سائلة شوية ولا كيما انا درت ياوورت تاع القرع الصغار وحدة برك كفاتني تاع خوخ واذا لقيتي فاني ولا قارس تجي تاني مليحة وارحيهم في البلاندار مليح وهادي لازم تكون أخر مرحلة يعني حتى كي تجي تقدمي السلطة تاعك باش تديريها
انا قطعت الفواكه اللي عندي كانو التفاح والخوخ والمشماش والايجاص ثم طيبتهم شويا في كاس ماء ونصف كاس سكر وشريحة قارص مغليين مدة 5 دقائق يعني كي يبدا يغلي نحسب 5 دقائق من بعد نحط الفواكه انا خليتهم حتى ولاو طريين وقيل ربع ساعة ولا 10 دقايق من بعد قطرتهم وحطيتهم في صحن غامق من بعد حطيتلهم صلصة الخوخ وحركتهم مليح ثم درتهم في لي كوب وزينتها باوراق نعناع تاع الصورة ميش مزينة هههه زربت نصورها قبل ما ننسى

[ريم الفلى]

الله يعطيك الصحة يبانو قاع ملاح حتى و اذا ما قدرتيش توريلنا قاع شتى طيبتي بصح لرانا عارفين باللي انتي شاطرة ....انا عجبتني التحلية تاع حلوى المغارف مون تعطيني الوصفة نتعها و يعطيك الصحة مرة اخرى




البسملة1
حلوى المغارف تحلية بنينة بزاف وحلوة خاصة للتحب تبدل ماشي ديما زلابية ولا هريسة ولا بقلاوة ولا قطايف والخ من الحلويات الموجودة في الاسواق
المهم
المقادير:
هنا انت وعدد افراد اسرتك لكن في المرة الاولى خذي كيلة صغيرة غير باش تجربيها واذا صلحتلك كبري الكيلة ههههههههه
المهم
2 كيسان فرينة
كاس زبدة ذايبة احسن من السمن لكن اذا درتي بيه معليش انا ندير بمرغرين صول
كاس مكسرات محمصة في الزبدة ومهرسة خشينة شوية انا ندير برك الكوكاو
وللشاربات 2 كيسان كأس ولا اكثر على حساب الذوق كاين اللي يحبها حلوة بزاف
وعود قرفة وشريحة قارس وعصير قارس
اولا نحط في مقلاة الزبدة الذايبة من بعد نحط الفرينة المغربلة ونحمصوها في الزبدة ونحركها بالملعقة ونقلبها على ناه هادية جدا حتي تطيب يعني يولي لونها بني ولازم ميكونش فيها حبيباتلانك متقدريش تفوتيها في السيار لانها ميدمة اذا خفتي تتكور الفرينة ديري بالشوية يعني ديري شوية زبدة وشوية فرينة وحمصي حتى تخلصي كل الكمية اللي عندك
من بعد زيدي عليها كاس المكسرات المحمصة والمهرسة خشين وحركي مليح باش تتخلط وكي تكوني تقلي في الفرينة ديري الماء والسكر وعود القرفة وشريحة الليمون على النار حتى يطيب مليح وينقص حجم شويا يولي يدير فقاعات كبار هنا زيدي عصير قارس انا ندير حوالي ملعقة من بعد فرغيه مباشرة فوق الفرينة والمكسرات مباشرة من فوق النار لكن الفرينة تكوني منحيتها من فوق النار اكيد ثم حركي رايحة تتحصلي عليها جارية شوية معليش ارفديها بمغرفة وحطي في لي كوب وهذا لاه سميتها حلوى المغارف تتهز بالمغرفة وتتكل بالمغرفة
:D:D:D:D:D:D
اسم ذكي ههههههه :rolleyes::rolleyes::rolleyes::rolleyes::rolleyes:
وكي تكملي رايحة تكون تلمت شوية زينيها بانصاف كوكاو وخليها تبرد ملييييييح من بعد حطيها في الثلاجة وخليها لوقت التقديم تقدري ترشي عليها سكر رطب عند التقديم اذا ماكانتش حلوة بزاف
وشهية طيبة

[أم ماجد]

هاهي عاندت عليك بنتي :1:
http://im42.gulfup.com/Bapke.jpg



http://im42.gulfup.com/5Gh6H.jpg

[zineb 4am]

http://www.zwani.com/graphics/thank_you/images/thanksfortheadd99.gif

[ريم الفلى]

هاهي عاندت عليك بنتي :1:
http://im42.gulfup.com/bapke.jpg



http://im42.gulfup.com/5gh6h.jpg
يعطيها الصحة جات فووووووووووووور

http://www.zwani.com/graphics/thank_you/images/thanksfortheadd99.gif
بلا مزية حنونتي

[منى 22]

يعطيك الصحة اختي

اعطينا طريقة المعقودة والجزرمقلي

[souma.f]

4444444444444444444444444444 يعطيك الصحة