من اسباب التعاسة الزوجية 2

[ام نسمة]

السلام عليكم ساتحدث عن احد اهم الاسباب التي تشعل الفتيل بين الزوجين فيتعسا في حياتهما
وحتى اكون عادلة اليوم ايضا المرءة هي المتهم رقم1 كما في الموضوع السابق حتى لااشن هجوووووووووم على الرجال
المهم المشكلة اليوم هي تقمص الزوجة دور محامي الدفاع للزوج ضد اهله
نعم هاته حقيقة يجب ان نقف عندها
ارى الكثير من الزوجات تدافع عن زوجها بشراسة ضد اهله امه او اخوه او اخته ...الخ وحتى انا في وقت من الاوقات طحت في هاذ الفخ عن جهالة كنت اظن انه سيفرح لاني احبه ادافع عنه ضد اهله لكن النتيجة ......................................نتيجة عكسية تماما
كلامي اليوم ايضا موجه بالدرجة اولى للنساء وخاصة حديثات الزواج
اياك ان تحشري نفسك بين زوجك واهله حتى ولو رءيته مظلوم تاكدي لن يروقه ابدا تدخلك في شؤنه العائلية مع اسرته
وهذا سيخلق جو من التوتر الكبير بينه وبين اهله وبينك وبين اهله وبالتالي بينه وبينك
اود من خلال هذا الموضوع ان تطرحو تجاربكم
واتمنى من الاعضاء الرجال ان تبدو رئيكم لو تدخلت زوجاتكم في مشاكلكم الاسرية بينكم وبين اهاليكم
وهذا حتى تستفيد كل زوجة خاصة الحديثات وتعرف ان الزوج لن يقبل تصرفها ابدا .......وان غلبية الرجال ان لم نقل كلهم ضد هذا التصرف اللذ=ي ربما تعتبره الزوجة تعبيرا عن مدى حبها لزوجها
واعطونا حلول وطرق نصح للزوجات حتى لايقمن بهذا دون ان تجرح مشاعرها او تحسسها انها غريبة فيجب ان تعلمها انه ليس لانك لم تسمح لها بالتدخل معناه انك لا تحبها او تعتبرها غريبة عن العائلة ولا يحق لها التدخل
صح سحوركم وانتظر ردودكم المفيدة كالعادة

[imene12]

شكرا على الموضوع الواقعي .. بصراحة أنا دائما أقولها و أكررها " ما عندو ما دخلني بيناتهم" أفضل أن أكون عضو ملاحظ فقط معهم.

[ام نسمة]

شكرا على الموضوع الواقعي .. بصراحة أنا دائما أقولها و أكررها " ما عندو ما دخلني بيناتهم" أفضل أن أكون عضو ملاحظ فقط معهم.
مرحبا ايمان
عندك الحق اكتفي فقط بالملاحظة وعندما ينقهر الزوج من تصرفات اهله معه ان كان مظلوم اكيد سيشكي لك
اكتفي ايضا بلاستماع ولا تحرضيه ولا تقفي الى جانبه حتى ولو كان مظلوم حاولي تهدئته بدل شحنه عليهم لان الغضب يزول والعين عمرها ماتعلى على الحاجب والدم عمره ما يرجع ماء واللي دخلت روحها تربح غير العيب ويحقد عليها من بعد كي يتفكر انو زوجتو عمراتو ضد اهلو والعكس ان لم تتدخل بل وسعت الى تهدئته عليهم دون علمهم يعني فقط هي وهو ستكبر كثيرا في عينه وتصبح رزينة
عن نفسي لوكان نشوفهم متضارين بالعصا ماندخلش روحي الله يسهل اللي يدخل روحه بين البصلة وقشرتها ما ينوبه كان غير ريحتها

[leila ben]

الزوج كي يكون مظلوم ولا مقلق من أهلو يحتاج الدعم من زوجته لكن الدعم يتمثل في
هاذو يبقاو أهلك ولا تقعدي تعطيلهم في الأعذار ولا تقوليلو بينك وبينهم ماشي توقفي ضدهم وتشعلي النار
كيما المثل اللي يقول خويا نضربو بصح منحبش اللي يضربو
مثلا بالنسبة ليا إذا تجرأت نحكي على أهلي رغم أني منديرهاش ومستحيل نديرها منقبلش على راجلي يحكي عليهم بأي سوء
لذا على كل إمرأة أن تحذر من هذه الأمووووووور
بوركت على طرحك يا أختي

[بسمة تحدي]

ومنكي نستفيد دوماااا يا اختي

بارك الله فيك

[ام نسمة]

الزوج كي يكون مظلوم ولا مقلق من أهلو يحتاج الدعم من زوجته لكن الدعم يتمثل في
هاذو يبقاو أهلك ولا تقعدي تعطيلهم في الأعذار ولا تقوليلو بينك وبينهم ماشي توقفي ضدهم وتشعلي النار
كيما المثل اللي يقول خويا نضربو بصح منحبش اللي يضربو
مثلا بالنسبة ليا إذا تجرأت نحكي على أهلي رغم أني منديرهاش ومستحيل نديرها منقبلش على راجلي يحكي عليهم بأي سوء
لذا على كل إمرأة أن تحذر من هذه الأمووووووور
بوركت على طرحك يا أختي
مرحبا شكرا لمرورك نعم نعم الزوجة هي التي هدء الاوضاع ولا تستغل الظروف وتصطاد في المياه العكرة

ومنكي نستفيد دوماااا يا اختي

بارك الله فيك

مرحبا شكرا لمرورك الكريم
ونحن ايضا نستفيد من افكارك الناضجة لطالما لمست فيك رزانة من خلال ردودك التي عندما اصادفها في اي موضوع اقرءها للنهاية

[(الانسان الوفي)]

السلام عليكم ....أنا لم أتزوج بعد ...لكن من حكم تجارب أخوتي ...لم يحدث أن تدخل أحد في شؤون الآخر ..كل واحد شاد سابعو ...حتى أمي وأبي لا يتدخلا حتى في الاختيار ...كل واحد يتحمل المسؤولية في كل شيء من الابرة للصاروخ ...الأمر فيه ايجابية ولكن فيه سلبية كذلك ...شكرا أختي

[ام نسمة]

السلام عليكم ....أنا لم أتزوج بعد ...لكن من حكم تجارب أخوتي ...لم يحدث أن تدخل أحد في شؤون الآخر ..كل واحد شاد سابعو ...حتى أمي وأبي لا يتدخلا حتى في الاختيار ...كل واحد يتحمل المسؤولية في كل شيء من الابرة للصاروخ ...الأمر فيه ايجابية ولكن فيه سلبية كذلك ...شكرا أختي


مرحبا شكرا على التدخل لكن اظنك لم تفهم الموضوع جيدا انا لااتكلم عن تدخل الاهل في اختيار ابنائهم او في حياتهم انا اتحدث عن تدخل الزوجة في مشاكل زوجها مع اهله وتقف بجانبه ضدهم

[(الانسان الوفي)]

السلام عليكم ...هذا من ذاك أختي ..ان وجدت الزوجة أن أهل زوجها لا يتدخل أحد في شؤون الآخر فأكيد هي كذلك لن تتدخل في شؤون زوجها ....وبالنسبة لنظرة الزوج فأنت محقة فالرجل لا يرضى أن تتدخل زوجته في مشاكله مع عائلته ...ولو وقفت لجانبه ...هذا يحدث كثيرا في حالة الميراث ..فهي تدافع عن حق زوجها وأولادها من بعده ...يعني كل شيء راجع في الأخير لمصلحتها هي ...شكرا

[أنور الزناتي]

أوافقك الراي أختي زهور فيما تقولين.
فأن شخصيا لا أحب أن تتدخل زوجتي بيني و بين أهلي مهما كانت الظروف. فأنا لا أرغب في تصعيد الأمور معهم، و لا أرغب في أن تأخذ علاقتي بهم منعرجا آخر. غير أنها قد تفعل هي إن تدخّلت في الأمر، حتى و إن كان ذلك عن غير قصد. إنها لا و لن ترعى في دفاعها تلك الخصوصية التي تطبع علاقتي بهم. فهم في الأول و الأخير أهلي. أم أنني مخطئ؟ إنني أخشى أن تلحق بي لعنة دفاعها ما حييت.لأنهم حتما سيناصبونها العداء و حتما ستتغير نظرتهم إليّ عما كانت عليه في السابق. إنهم سنظرون إليّ بنظرة احتقار و إذلال لأننهم سيعتقدون حتما بأنني ضعيف و لا أقوى على الدفاع عن نفسي، و أنّ زوجتي "مسترجلة" لا تتواني عن لعب دور الدفاع عن زوجها "المسكين". فلتعلم زوجتي أنني أنا الأقدر على الدفاع عن نفسي و بالطريقة التي أراها صائبة للحيلولة دون قطع حبال الوصال مع أهلي.
سأعود ربما للموضوع غن سنحت لي الفرصة حتى أناقش هذا الموضوع الهام.
بوركت أختي زهور على إثارة هذه النقطة الحساسة جدا في العلاقة الزوجية. رمضانك كريم

[sali-sali]

بارك الله فيك غاليتي

وان شاء الله تكون مفاهمة بين كل الازواج حتى لا تحدث مشاكل

[ام نسمة]

بارك الله فيك غاليتي

وان شاء الله تكون مفاهمة بين كل الازواج حتى لا تحدث مشاكل
صح فطورك صديقتي العزيزة
وشكرا على مرورك العطر

[ام نسمة]

أوافقك الراي أختي زهور فيما تقولين.
فأن شخصيا لا أحب أن تتدخل زوجتي بيني و بين أهلي مهما كانت الظروف. فأنا لا أرغب في تصعيد الأمور معهم، و لا أرغب في أن تأخذ علاقتي بهم منعرجا آخر. غير أنها قد تفعل هي إن تدخّلت في الأمر، حتى و إن كان ذلك عن غير قصد. إنها لا و لن ترعى في دفاعها تلك الخصوصية التي تطبع علاقتي بهم. فهم في الأول و الأخير أهلي. أم أنني مخطئ؟ إنني أخشى أن تلحق بي لعنة دفاعها ما حييت.لأنهم حتما سيناصبونها العداء و حتما ستتغير نظرتهم إليّ عما كانت عليه في السابق. إنهم سنظرون إليّ بنظرة احتقار و إذلال لأننهم سيعتقدون حتما بأنني ضعيف و لا أقوى على الدفاع عن نفسي، و أنّ زوجتي "مسترجلة" لا تتواني عن لعب دور الدفاع عن زوجها "المسكين". فلتعلم زوجتي أنني أنا الأقدر على الدفاع عن نفسي و بالطريقة التي أراها صائبة للحيلولة دون قطع حبال الوصال مع أهلي.
سأعود ربما للموضوع غن سنحت لي الفرصة حتى أناقش هذا الموضوع الهام.
بوركت أختي زهور على إثارة هذه النقطة الحساسة جدا في العلاقة الزوجية. رمضانك كريم




مرحبا مداخلة قيمة فعلا
اتمنى من كل العضوات والمتزوجات حديثا قراءتها بتمعن لان رءيك هذا اجزم انه سيكون رءي كل الرجال بدون استثناء بارك الله فيك اثريت الموضوع بطريقة رائعة
واتمنى ان تعرج مرة اخرى على الموضوع




سمعتو يا محاميات الدفاع ؟ موكليكم اللذين وكلتن انفسكن محاميات عليهم )=بالسيف =)
راهم مايحبوش خلاص دفاعكن عليهم واذا تمردتم وواصلتم راح يدفعولكم اتعابكم تعاسة ربما قد تكون مدى الحياة
عليكن وعليهم هذا ان لم ينقطع الحبل تماما

[(الانسان الوفي)]

السلام عليكم ........تقبل الله منا ومنك أختنا الكريمة .......

[ام نسمة]

السلام عليكم ........تقبل الله منا ومنك أختنا الكريمة .......

مرحبا صح فطوركم
اللهم امين يارب يتقبل منا الصلاة والصيام والدعاء وصالح الاعمال
يارب ويغفر لنا ذنوبنا ويكفر عنا سيئاتنا صيام مقبول وذنب مغفور

[spremshoot]

على الزوجة أن تتدخل بين أهل زوجها - الذين هم أهلها - للاصلاح و فيما يرضي الله تعالى
و إلا تلزم الحياد بدل نشر الفتنة

[ام نسمة]

على الزوجة أن تتدخل بين أهل زوجها - الذين هم أهلها - للاصلاح و فيما يرضي الله تعالى
و إلا تلزم الحياد بدل نشر الفتنة

مرحبا صح فطورك
اظن من الافضل عدم التدخل اساسا

[spremshoot]

مرحبا صح فطورك
اظن من الافضل عدم التدخل اساسا

صح فطورك
و تبق لكل فرد وجهة نظرته الخاصة حسب الوسط الذي يعيش فيه
شكرا على الموضوع الرائع

[soso sirin]

السلام عليكم و صح فطورك زهور الفل . انا راح نجاوب مي كمتفرجة لحد الان و يبقى المتفرج ماشي كيما الي في الميدان هههههه.هذا الموضوع يدير مشاكل كبار في الاسرة و خطئ كبير من الزوجة الي توكل روحها محامية الدفاع على راجلها و الخصم شكون الاهل ممكن يكون خوه او اختو و ممكن مرات تنسى روحها و تتعدى حدودها حتى قدام والدين الراجل تقول عليه قاصر و لا لسانو بالاك كلاه القط و تقلك بكل وقاحة هذا راجلي علاه انتي راجلك و ماليه لقاوه في باطة اومو يا اخي تعياي انتي تبغيه و طيري ماتبغيهش كثر من والديه لانو محتبتهم صافية بلا مقابل.حاجة وخدخرا بهذا التصرف اهل الراجل رايحين يتقلقو منك و راح تبدا المشاكل و شكون الي يبقا في الوسط الراجل و اذا قوا عليه الضغط ممكن راح يسمح فيك و راح تخسر و حتى و يشد فيها و يكريلها ماراحش يريح لانو التوتر بين ماليه و مرتو رايح يديرلو توسويس في راسو و هذا راح ياثر على حياتها بشكل كبير امالا الوحدا تقصر الشر و تشد لسانها و ماتوصل ماليه مايوصل ماليها.شوفي يا اختي الي عارفة لسانها حار و ماتشدوش كي يبداو الهدرة الزايدة و ممكن راح يولي فيها مشكل ترفد روحها و تدخل لشومبرتها ماتشوف ما ترد مايغيضها الحال و زيد حاجة خاطيتها مادخلش روحها منبعد هو يجي و يحكي واش كاين و المرا العاقلة حتا و تكون مغمومة تقولو معليش ماليك سوغتو الوالدين الواحد مايوصلهمش كيما اي وحدا ماتقبلش على والديها هو مايقبلش على والديه.و الي فيها الخير ربي يجيبها و يرزقنا وساعة الخاطر لانو القلب راه يضياق

[(الانسان الوفي)]

السلام عليكم و صح فطورك زهور الفل . انا راح نجاوب مي كمتفرجة لحد الان و يبقى المتفرج ماشي كيما الي في الميدان هههههه.هذا الموضوع يدير مشاكل كبار في الاسرة و خطئ كبير من الزوجة الي توكل روحها محامية الدفاع على راجلها و الخصم شكون الاهل ممكن يكون خوه او اختو و ممكن مرات تنسى روحها و تتعدى حدودها حتى قدام والدين الراجل تقول عليه قاصر و لا لسانو بالاك كلاه القط و تقلك بكل وقاحة هذا راجلي علاه انتي راجلك و ماليه لقاوه في باطة اومو يا اخي تعياي انتي تبغيه و طيري ماتبغيهش كثر من والديه لانو محتبتهم صافية بلا مقابل.حاجة وخدخرا بهذا التصرف اهل الراجل رايحين يتقلقو منك و راح تبدا المشاكل و شكون الي يبقا في الوسط الراجل و اذا قوا عليه الضغط ممكن راح يسمح فيك و راح تخسر و حتى و يشد فيها و يكريلها ماراحش يريح لانو التوتر بين ماليه و مرتو رايح يديرلو توسويس في راسو و هذا راح ياثر على حياتها بشكل كبير امالا الوحدا تقصر الشر و تشد لسانها و ماتوصل ماليه مايوصل ماليها.شوفي يا اختي الي عارفة لسانها حار و ماتشدوش كي يبداو الهدرة الزايدة و ممكن راح يولي فيها مشكل ترفد روحها و تدخل لشومبرتها ماتشوف ما ترد مايغيضها الحال و زيد حاجة خاطيتها مادخلش روحها منبعد هو يجي و يحكي واش كاين و المرا العاقلة حتا و تكون مغمومة تقولو معليش ماليك سوغتو الوالدين الواحد مايوصلهمش كيما اي وحدا ماتقبلش على والديها هو مايقبلش على والديه.و الي فيها الخير ربي يجيبها و يرزقنا وساعة الخاطر لانو القلب راه يضياق



السلام عليكم ...........مرة اخرى احب قراءة ردودك لكن لا استطيع قرأت سطرين ولم أستطع التكملة ..على الأقل كبري في حجم الخط لنراه ...

وأتركينا من كلمة * مي * هذه ...هههههههههه طبعا امزح ...لكن كبري في حجم الخط ...شكرا

[ام نسمة]

السلام عليكم و صح فطورك زهور الفل . انا راح نجاوب مي كمتفرجة لحد الان و يبقى المتفرج ماشي كيما الي في الميدان هههههه.هذا الموضوع يدير مشاكل كبار في الاسرة و خطئ كبير من الزوجة الي توكل روحها محامية الدفاع على راجلها و الخصم شكون الاهل ممكن يكون خوه او اختو و ممكن مرات تنسى روحها و تتعدى حدودها حتى قدام والدين الراجل تقول عليه قاصر و لا لسانو بالاك كلاه القط و تقلك بكل وقاحة هذا راجلي علاه انتي راجلك و ماليه لقاوه في باطة اومو يا اخي تعياي انتي تبغيه و طيري ماتبغيهش كثر من والديه لانو محتبتهم صافية بلا مقابل.حاجة وخدخرا بهذا التصرف اهل الراجل رايحين يتقلقو منك و راح تبدا المشاكل و شكون الي يبقا في الوسط الراجل و اذا قوا عليه الضغط ممكن راح يسمح فيك و راح تخسر و حتى و يشد فيها و يكريلها ماراحش يريح لانو التوتر بين ماليه و مرتو رايح يديرلو توسويس في راسو و هذا راح ياثر على حياتها بشكل كبير امالا الوحدا تقصر الشر و تشد لسانها و ماتوصل ماليه مايوصل ماليها.شوفي يا اختي الي عارفة لسانها حار و ماتشدوش كي يبداو الهدرة الزايدة و ممكن راح يولي فيها مشكل ترفد روحها و تدخل لشومبرتها ماتشوف ما ترد مايغيضها الحال و زيد حاجة خاطيتها مادخلش روحها منبعد هو يجي و يحكي واش كاين و المرا العاقلة حتا و تكون مغمومة تقولو معليش ماليك سوغتو الوالدين الواحد مايوصلهمش كيما اي وحدا ماتقبلش على والديها هو مايقبلش على والديه.و الي فيها الخير ربي يجيبها و يرزقنا وساعة الخاطر لانو القلب راه يضياق
مرحبا وسيلة صح فطورك
ياختي واش انقولك اذا طبقتي هاد الكلام بعد الزواج راكي تشعلي هههههههههههههههههههههه
كملي هكا يا لالة الله يكملك بعقلك انتي وسلمى والله بديت نغير منكم صغارات عليا وعقلكم يوزن بلد الله يبارك
انا كي كنت قدكم ماكنتش قاع نعرف هاد الهدرة هههههههههههههه حتى مين طحت فيها عرفت حقها انا التجارب علمتني بزاف حوايج لكن حتى ذقت المر عندي قريب 25 سنة ونص هههههههه غاضتني عمري نقول 26 عام
وراني حاسة روحي بالتجارب اللي عشتها حاسة رجع عندي 50عام
شكرا على مرورك العطر وسيلة صح سحورك

[soso sirin]

السلام عليكم ...........مرة اخرى احب قراءة ردودك لكن لا استطيع قرأت سطرين ولم أستطع التكملة ..على الأقل كبري في حجم الخط لنراه ...

وأتركينا من كلمة * مي * هذه ...هههههههههه طبعا امزح ...لكن كبري في حجم الخط ...شكرا

و عليكم السلام .لديك مشكل كبير مع العامية عليك ان تتعود لانك اصبحت احد افراد اسرة منتدى المجتمع و هنا يستعملون العامية.كيف لا تستطيع ان تقرا العامية اين تكمن الصعوبة .مي و سوغ ههههههههه .راح نولي نتعود نكتب باللغة العربية و لا نولي ندير كوكتال فصحى على عامية .شكرا على قراءة الردود

[(الانسان الوفي)]

مرحبا وسيلة صح فطورك
ياختي واش انقولك اذا طبقتي هاد الكلام بعد الزواج راكي تشعلي هههههههههههههههههههههه
كملي هكا يا لالة الله يكملك بعقلك انتي وسلمى والله بديت نغير منكم صغارات عليا وعقلكم يوزن بلد الله يبارك
انا كي كنت قدكم ماكنتش قاع نعرف هاد الهدرة هههههههههههههه حتى مين طحت فيها عرفت حقها انا التجارب علمتني بزاف حوايج لكن حتى ذقت المر عندي قريب 25 سنة ونص هههههههه غاضتني عمري نقول 26 عام
وراني حاسة روحي بالتجارب اللي عشتها حاسة رجع عندي 50عام
شكرا على مرورك العطر وسيلة صح سحورك



اختي الكريمة ...من اليوم اضعك مترجمة لما تكتب أختنا ...لكي استطيع الرد عليها .....

ثم ما هذا الكلام ...زهور الفل الربيعية تقول أنها في الخمسين ؟؟ ماذا تركتي لي أنا الذي هرمت ؟؟؟

[(الانسان الوفي)]

و عليكم السلام .لديك مشكل كبير مع العامية عليك ان تتعود لانك اصبحت احد افراد اسرة منتدى المجتمع و هنا يستعملون العامية.كيف لا تستطيع ان تقرا العامية اين تكمن الصعوبة .مي و سوغ ههههههههه .راح نولي نتعود نكتب باللغة العربية و لا نولي ندير كوكتال فصحى على عامية .شكرا على قراءة الردود



السلام عليكم ...لا أنا عندما دخلت لمنتديات الجلفة سنة 2008 كنت أرى كل المشاركات والمواضيع بالفصحى ...وكنت أشارك هنا ...وبحكم رحيلي لقسم الخواطر والشعر ولم أعد أدخل كثيرا هنا ...وعندما رجعت وجدت الكل يكتب بالعامية ...والفرنسية المعربة ..

لا عليك المهم الآن كبري في حجم الخط فقط وأنا أتعلم اللهجة ...شكرا

[soso sirin]

مرحبا وسيلة صح فطورك
ياختي واش انقولك اذا طبقتي هاد الكلام بعد الزواج راكي تشعلي هههههههههههههههههههههه
كملي هكا يا لالة الله يكملك بعقلك انتي وسلمى والله بديت نغير منكم صغارات عليا وعقلكم يوزن بلد الله يبارك
انا كي كنت قدكم ماكنتش قاع نعرف هاد الهدرة هههههههههههههه حتى مين طحت فيها عرفت حقها انا التجارب علمتني بزاف حوايج لكن حتى ذقت المر عندي قريب 25 سنة ونص هههههههه غاضتني عمري نقول 26 عام
وراني حاسة روحي بالتجارب اللي عشتها حاسة رجع عندي 50عام
شكرا على مرورك العطر وسيلة صح سحورك

نتي دعيلي باه مانتبدلش مانضمنش روحي هاذي دنيا و نجي نشتكي هههههههههههههه.ربي يشدلك في ولادك و تربيهم احسن تربية ان شاء الله و مازال الطريق قدامك طويل .ربي يعطيك ماتتمني و اكثر .ربي يخليك و صح سحورك

[ام نسمة]

اختي الكريمة ...من اليوم اضعك مترجمة لما تكتب أختنا ...لكي استطيع الرد عليها .....

ثم ما هذا الكلام ...زهور الفل الربيعية تقول أنها في الخمسين ؟؟ ماذا تركتي لي أنا الذي هرمت ؟؟؟



حتى الزهور لها اوان وتذبل وتموت حتى
خاصة ان لم تجد عناية
السن بالنسبة لي لا يعد بالارقام بل يعد بالتجارب والسعادة والتعاسة
لكل احساس سن
مثلا انسان في الاربعينيات او حتى الخمسين سعيد يحس انو عندو عشرين عام لانو سعيد وفرحان بحياتو والعكس تاني صحيح

[ام نسمة]

نتي دعيلي باه مانتبدلش مانضمنش روحي هاذي دنيا و نجي نشتكي هههههههههههههه.ربي يشدلك في ولادك و تربيهم احسن تربية ان شاء الله و مازال الطريق قدامك طويل .ربي يعطيك ماتتمني و اكثر .ربي يخليك و صح سحورك
هههههههههههه وسيلة
نستناك تتزوجي ونشوف شا يخرج منك ههههههههه
امين عزيزتي على الدعوة الحلوة مثلك والله هاد الايام راني في ظروف صعبة احكي مع سلمى تقولك
وش صرالي راني ندمانة على النهار اللي زدت فيه وكرهت تاع الصح
اذا حبيتي افتحي الس ك ا ي ب نحكو شوية