تسجيل الدخول

مشاهدة النسخة كاملة : الطول مشكلتي

مشكلتي
2013-07-30, 14:07
اليوم حيبت نفرغلكم قلبي


اييه انا تعقدت من طولي .. صدقوني وليت موسوسة من طولي

أنا عمري 19 سنة و طولي 170 م راني حاسة راني طوييييلة بزااف خصوصا و البنات لي حولي وصحاباتي اقصر مني

ديما نحس باحراج فالثانوية و درك راني رايحة الجامعة

ما تضحكوش عليا انا ساعات نشوف روحي نقول الله يبارك عليا طولي متناسب مع وزني و تعجبني روحي فالدار


مي كي نخرج برا الناس غير يهدروا ما يراعيوش شعور الآخرين . مثلا صحاباتي ديما يقولولي انت طويييلة بزااااف

و يقولوهالي بطريقة تعجب و كاني طولي زوج ميترات ماش غير الطول حتى الوزن يقولولي انت رقيييييقة بزااف

و الله نشحم ما نلقاش واش نقول من الحشمة مع انو وزني 60 يعني راه متناسب مع طولي بشكل كبير



ما تصوروش كيفاه خلاوني موسوسة عدت نحس في روحي انا العملاقة في هذا المجتمع لي طويل علاه و لي قصير علاه

عقدوووني من طولي

قوليلي انا طويلة لهذي الدرجة يعني البنت اذا كان طولها 170 راهي طويلة بزااااف:confused::confused::confused:

الله يخليكم هذا امر جدي ما تقصروش و لي حاب يستهزا غير ما يردش
أمة الله 12
2013-07-30, 20:55
ما تقلقيش روحك, تاع الليسي مازالو صغار شوي في العقلية

كي تطلعي للجامعة ضرك يولي كلشي عادي,

ثمة كاين الطويل خلاص , القصير و المتوسط, الناس الكل عايشة مع بعضاها نورمال خلاص

انتي قولي الحمد لله راكي في الليسي, عندي بنت خالي ف المتوسطة, وقيلة طولها 180 سم ولا أكثر شوي

مسكينة راح يهبلوها

صح فطورك
مشطوب
2013-07-30, 20:59
بصراحة من سمات الجمال

الطول

والكثير يفضلون الطويلة

راهم غايرين منك برك
hakeem
2013-07-30, 21:17
طولك طبيعي جدا مع العلم ان كل من ينتقدك في الظاهر تجدينه يتمنى ان يكون مثلك في باطنه ثم إنك في مرحلة نمو متسارع ثم سوف يتوقف قريبا .... أقراي قرايتك و أخطيك من الغاشي الراشي فإرضاء الناس غاية لا تدرك


ربي يهديك الناس راهي تبكي على الطول تاعك و انت تشكي منو و أديري على بعض البنات قتلتهم الغيرة و قتلهم الجهل و التخلف
hakeem
2013-07-30, 21:18
170 الله يبــــارك
ميرة2009
2013-07-30, 21:34
نورمال أختي بالعكس طول من سمات الجمال
أمّ عبد الله
2013-07-30, 21:35
الله يبارك اختي
طولك رائع ........ تاع وجهي جيت اطويلة كيما انت
احمدي ربي و لا تهتمي بالتعليقات ...................هدا لي قالك الي مايلحقش العنب يقول قارص
اللهم صل و سلم على نبينا محمد
يسرى ياسين
2013-07-30, 21:53
tolak machalah 3zizti madirich 3la ryarin w khli tekatek fi nafsak kbira
l'étoile
2013-07-30, 22:06
بالعكس عندك طول عارضات الازياء الي كل واحدة تتمنى يكون عندها هد الطول و زيد ما راكيش طويلة بزاف عادي
wafa1404
2013-07-30, 22:08
الله غالب العالم الثالث مديريش عليهم الله يهديهم طولك متناسب مع وزنك الله يبارك لوكان غير جيت كيفك
نورة مروان
2013-07-30, 22:12
عادي اختي انا طويلة كيما انت و عمري ما عقدني هدا الشي بالعكس نحمد ربي
متقلقيش روحك و تعمري راسك بالناس اللي تخمامهم ضيق
امونة الشاوية
2013-07-30, 22:16
يا اختي الله يبارك شكون اللي عندو هاذ لاطاي الطول والجسم الرشيق اللي يعلق قوليلي اطلعلي لاكان وصلت وخليهم
ما ديريش على العباد قلال العقل من كيفك نتمنى تخرج بنتي مثلك
مبروكة الصحراء
2013-07-30, 22:41
السلام عليكم
راكي طبيعية جدا و طولك رائع يفتقده الكثيرون
احمدي الله صباح و عشية هاذا ماديري
safia2
2013-07-30, 22:46
normal ana tani touli 1.69
w sna 1er f jami3a normal jat ghir 3la toul na3raf nass mchewha ga3 men wjouhoum w hamdin rabi khti
ma fiha walou
blessful
2013-07-30, 22:48
هههههههه انا اطول منك و كانو الرجال يتقاتلو عليا هههههههه و درك ديت راجل تاني طويل كي نخرج معاه صحابو يغيرو منو و يقولي عندي الزهر اللي ديت وحدة طويلة وكي نكون في الاعراس اللي نلبسها تجي عليا تسخف و انا تاني قريت في الجامعة و بالعكس ما حسيتش بهاد الاحساس بصح كي كنت في الليسي شوي حسيت كيفك بصح تروحي للجامعة و تشوفي قاع الي تاي
nesrine16
2013-07-30, 22:49
والله دخلت على جالك حنونة شوفي انا كيما انتي في العمر والطول برك الوزن اقل منك 49 اخطيك حنونة والله غيورين انا معقدني الوزن جربي نسمنو شوية وشوفي نولو فووور
khawlita.dz
2013-07-30, 22:53
اليوم حيبت نفرغلكم قلبي


اييه انا تعقدت من طولي .. صدقوني وليت موسوسة من طولي

أنا عمري 19 سنة و طولي 170 م راني حاسة راني طوييييلة بزااف خصوصا و البنات لي حولي وصحاباتي اقصر مني

ديما نحس باحراج فالثانوية و درك راني رايحة الجامعة

ما تضحكوش عليا انا ساعات نشوف روحي نقول الله يبارك عليا طولي متناسب مع وزني و تعجبني روحي فالدار


مي كي نخرج برا الناس غير يهدروا ما يراعيوش شعور الآخرين . مثلا صحاباتي ديما يقولولي انت طويييلة بزااااف

و يقولوهالي بطريقة تعجب و كاني طولي زوج ميترات ماش غير الطول حتى الوزن يقولولي انت رقيييييقة بزااف

و الله نشحم ما نلقاش واش نقول من الحشمة مع انو وزني 60 يعني راه متناسب مع طولي بشكل كبير



ما تصوروش كيفاه خلاوني موسوسة عدت نحس في روحي انا العملاقة في هذا المجتمع لي طويل علاه و لي قصير علاه

عقدوووني من طولي

قوليلي انا طويلة لهذي الدرجة يعني البنت اذا كان طولها 170 راهي طويلة بزااااف:confused::confused::confused:

الله يخليكم هذا امر جدي ما تقصروش و لي حاب يستهزا غير ما يردش

هههههههههههههههههههههههههههههه قلت لا تضحكوا لكن اسفة اضحكتنى
يا اختى الناس تفتش على الطول وانت تتكبرى
انا اتمنى ان اطول ببضع سنتيمترات اخرى
اختى ليس مشكل ابدا وانما هدا كلام اطفال و ستتاكدين حينما تلجين الجامعة فيها الكثير من الطلبة و الطالبات وفيهم الطويا و القصير شىء عادى
بالتوفيق
sali-sali
2013-07-30, 22:57
نقولو ما شاء الله عليك
الاهم هيا الاخلاق الفاضلة
samira135
2013-07-30, 22:59
بالعكس الطول نتاع ر999999عة ياريــــــــت كنت طويلة كما انتي
~~نهال~~
2013-07-30, 23:00
نتي لازم تسمعي لهدرتهم
يديرو وش يحبو كون تدخلي لقلبهم تلقايهم يقولو علاه مانيش طويلة علاه وزني هكا
ام كامل حاكمين في قلوبهم
اخطاك من التوهم هذا
ربي عطاك الطول
و مالا كون جيتي قصيرة 130 م وش تقولي؟؟
الحمد لله على كل شيء
اريج السلام
2013-07-30, 23:03
انا كذلك لدي نفس طولك و مع هذا أحس نفسي قصيرةةةةة لانه يوجد من أطول مني بكثير أنهم يغارون منك لا تهتمي
3ab2ou
2013-07-30, 23:10
خخخخخخخخخخخخخخخخخخخخخخخخخ يا خي مجتمع ياخ وحد المرة شفت موضوع هنا يقول راني قصيرة بزااف و اليوم موضوع يقول راني طويلة يزااف مفهمتش واشبيكم ,,,بالنسبة ليا انا نديها طويلة
جلة نور
2013-07-30, 23:16
بالعكس طولك جد جد مميز ورائع ومناسب لعمرك انا اقل منك بعام وبفنس طولك وصديقاتي في نفس الطول ايضا بالعكس الطول من سمات الجمال ووزنك ايضا رائع جدا
في اوروبا الفتاة اذا زاد وزنها عن 65 لا تعتبر انثى
ماشاء الله قوامك جد رائع لا تستمعي لكلام الغيورات والتافهات لم يجدن موضوعا ينشغلن به ففتحن هذا
asmamatmour
2013-07-30, 23:37
السلام عليكم
اختي انا نقولك ارضاء الناس غاية لا تدرك
هدي سموها الغيرة و ديجا الطول من سمات الجمال
و نقولك انا تاني طولي 170 م و نوزن 57 كغ حتى انا صحباتي يعيطولي طويلة كي كنت في الليسي و درك راني في الجامعة و شفت لي تاي كامل الطويل و القصير ،الضعيف و السمين و نورمال ،و ننصحك الحاجة هادي جامي تحطيها مشكل
و نحمدو ربي ع نعمه
سرور
2013-07-30, 23:43
انا طولي 169وعمري20سنة وانا طول بين صحاباتي عادي طول راح من صفات الجمال
wafa16
2013-07-30, 23:48
هههههههه ضحكتيني اختي انا راني طويلة عليك و نحس روحي نورمال لاني ما اعتدتش نشوف اللي تحتي نشوف غير مع روحي
و حاطة روحي انا هي المقياس هههههههه اللي طويل عليا طويل و اللي قصير عليا قصير و زيدي عائلتي كلهم طوال رجال و نساء يعني عمري ماحسيت بالانزعاج
ديري كيما انا
شوفي اختي في الابتدائي كانو زميلاتي يقلقوني لاني كنت في الطول قد البروف هههه يعني 10 سنوات كنت طويلة(و الا لبروف قصيرة)
امبعد رحت للمتوسطة نساوني شوية ............ بصح غير لحقت للثانوية الامور تغيرت اللي معايا عادو يحسدوني على الطول و يبينولي اللي تقولي حابة نطوال و اللي تقولي هاد اللبسة اجي مع وحدة طويلة و اللي تقولي صحا فيك
يعني كبرنا شويا و عدنا نتبعو لامود ههههههههه
بصح في الجامعة واحد ما سامع بواحد و ادا كاش ما سمعتي يكون اطراء يعني يقولولي صراحة راهم يخطبوك على جال الطول تاعك
و استنتجت انو الناس كلهم كانو يتمناو الطول ديالي لكن اللي نفسو مريضة هو اللي يحاول يكرهك في واش عندك
و قد ما كنتي طويلة كاين اللي طوال عليك
لازم توثقي في روحك شوية و كي تكبري تعودي تضحكي على روحك و على عقلية الصغر
بسمة تحدي
2013-07-30, 23:50
لالالا راكي هااااااااااااااايلة يا اختي

اممال انا وش نقول على روحي

اختي خيك واااثقة من نفسك

راكي عندك taille mannequin
dina.labelle
2013-07-30, 23:55
اختي الله يهديك راكي تشوفي في روحك طويلة؟؟؟؟؟؟؟ظ
اناعمري 19 سنة قدك و طولي 171 ونشوف في روحي قصيرة
رغم ان وزني في الستينات كيما نت تانيك
moha75
2013-07-31, 00:03
أول مرة نصادف مشكلة وهي نعمة،
الطول نعمة أنعم الله بها عليك،
فلا تقنطي من رحمة الله،
إرضاء الناس غاية لا تدرك،
وأنت ما شاء الله متعلمة ومثقفة،
متخليش الناس يلعبوا بتفكيرك ومشاعرك،
بالعكس قابليهم بضحكة وقوليلهم هكذا خلقني ربي،
أنو الإعتراض عن خلق الله كفر بنعمه،
كاين اللي تتمنى وتعمل المستحيل باش تكون طويلة،
ركزي على قرايتك وأجعلي النجاح والتفوق نصب عينيك،
مشكلتك الحقيقة ليست في طولك ابداااا،
بل في سماعك لكلام الناس،
كلام الناس يدمر اي إنسان مهما كان،
اللي طويل علاش طويل، والقصير علاش قصير،
السمين ثاني .........إلخ،

نزيد نقولك باللي عندي بنت خالتي كانت من صغرها طويلة،
وفي الثانوية كانت تبان طويلة بزااااف ،
راحت للجامعة ولات متوسطة الطول بين رفيقاتها،
والآن بعدما تخرجت ولات تبان قصيرة وما تبانش مع خواتاتها،
يعني الطول هذا يزيد في مرحلة ويصير ملفت للإنتباه،
لكن راح يحبس في سن معينة،
متخافييييش طولك راح يحبس،
ومن بعد تولي تشوفي روحك الأقصر ،
لهذا نصيحتي أرمي كلام الناس وراك،
وشوفي دائما للأهم و المفيد في حياتك،
ربي يوفقك في دراستك،
ويبعد عنك عيون الحساد.
شكرااا لك.
رنيم23
2013-07-31, 00:09
أختي أنا كيما نتي فطول و فالميزان وma taille تعجبي على خاطرش واش نلبس يولمني لازم تكون كندك ثقة في نفسك و دري في بالك لولا جمال الطويله لما اخترع الكعب العالي
soulami sousou
2013-07-31, 00:11
1.70 الله يبارك انا 1.67 وبلعكس راني رايحة نهبل حابا نطوال بلعكس البنات راه ماكلتهم الغيرة حنا فالليسي البنات يتزعبلوا بالطول تاعهم اختي ادا كان كشما عندك وصفة باش نطوال قوليلي
سهيلة2013
2013-07-31, 00:16
يا خواتاتي انا شا نقول 1.30 في عمري 27
نقتل روحي .....لالا راني عايشة الحمد لله برك الهدرة تاع الناس بصح ماعندي ماندير لهم خليهم يهدروا
أم رمزي
2013-07-31, 00:22
الله يبارك عليك حبيبتي ’ و مبروك عليك الباك هادو غارو منك , ماكانش كيما المرأة الطويلة, سيرتو كي تكون باهية و زينة


واش خصك كي تعود عندك الزين ولطاي
imene12
2013-07-31, 00:27
انا تاني طولي 1.70 و عااااادي جدا بالعكس تعجبني روحي الحمد لله ... و جامي حسيت روحي غريبة و مختلفة عن الناس غير كي قريت موضوعك هذا تسائلت بيني بين روحي.. هل أنا طويلة جدا؟؟؟ راكي درتيلي سوسة هههه نضحك معاك برك أختي.
ثقي بنفسك و لا تهتمي لأحد طولك رائع و تحسدك عليه الكثيرات.