واش ندير معاه

[مشكلتي]

السلام عليكم و رحمة الله ترددت كثير قبل ما نكتب لحساسية الموضوع لكن المواضيع هنا شجعتني باش نفتح قلبي و نحكي المشكل ديالي و شفت بلي ما رانيش غير انا لي نعاني منو المهم انا مزوجة من 6 سنوات رجل كنت دايرة فيه الثقة العمياء يعاملني مليح و متفاهمين حتى اكتشفت بلي عندو علاقات فالمواقع الاجتماعية حسبتهاتحبس تم و قلت نسكت و خلاص بصح مؤخرا اكتشفت بلي راه مع علاقة بامراة تسكن في نفس المنطقة و يتلاقا بيها و يصرف عليها كهدرت معاه ضربني و انكر و قالي كيفاه تحوسي فاغراضي على جال الاولاد ما حبيتش نخبر اهلي بالضرب و بعد 5 ايام جا طلب السماح و سمحتلو و حسبت خلاص ولا للطريق لكن الكارثة انو مازالو معاها همال جاتني فكرة و انصحوني الا مليحة او لا قلت فالعيد كنروح لدارنا 3يوم نخليلو رسالة فالميكرو و نكوبيلو كامل لي ميساج لي صبتهم بالاك يحس بيا خفت نواجهو مباشرة يضربني ولا تكبربيناتنا للعلم انا نحب زوجي و راني حايرة في امري و الامراة هادي ما تخافش ربي وصلت حتى وين دخلت داري في غيابي يعني المشكل راه كبير ماشي غير تيليفونات و ميساجات اسمحولي الا طولت بصح غير انتوما لي قدرت نسركم بسري و ادعولي ربي يفرج همي و يهدي زوجي.

[/زهرة عصفور الجنة/]

اختي وصل به الامر لحد خيانتك وانت صابرة وصامتة
الا تخافين ان ينقل لكي الامراض المعدية
اختي صارحي زوجكي وخاطبيه بالادلة وحاولي انقاذ حياتك الزوجية
ربي يهدي راجلك

[sam016]

ربي يهديه
نصيحتي لك ان تواجهي الزوج ديالك و تحطيه فالأمر الواقع لأن السكوت ديالك هو لي لحقوا يدخلها لدارك
أتكلمي معاه ان شاء الله يفهمك
و ربي يهدي هاطو لبنات لي يتقربوا من راجل متزوج
ربي يتسرنا

[sabra2009]

سلام أختي
لكان قدرتي أحكمي عليه أدلة ديري نسخ لكلش تحتاجيها روحي لدار أهلك و شوفي إيدرولك حل قادر ينقلك مرض خطير

[bibimoto6]

علاش تخلعوا فيها
روحي لاقرب امام عندكم و احكيلو هو يرشدك وا ش تديري
و ماتنسايش ادعي الله و صلي اولا

[loulou02]

أخبري أهلك بكل ما يقوم به وهم سيساعدونك في إتخاد القرار الصائب .

[كائن اخضر]

اخية مادام راكي متمسكة بالزوج ديالك شوفي شخص قريب ليه بزاف يحكي معاه واحد من العائلة نتاعو ولا نتاعك نتي ويواجهو بالامر الواقع وبلي راكي على علم لعل وعسى يهديه ربي ويترك هذه الفاجرة ربي يفرج عليك اخية في هده العواشر

[وسيمツ]

السلام1
السكوت لن يزيد الطين إلا بلة

صارحيــــــه و تكلمي عن كل شيئ مرة واحدة و بثقة

يجب أن يكون موقفك صارما و قويا حتى يحس بحجم

ما يفعله، وذكريه بالله فإن الذكرى تنفع المؤمنين

و لا حول ولا قوة إلا بالله العظيم
الخاتمة1

[أم معاذ أم معاذ]

كاين حكاية أم بسمة للدكتورة ناعمة الهاشمي أقرايها ممكن تستفادي منها
و واثقة أنك راح تستفيدي
المواجهة ليست دائما هي الحل

[AMINA.Z]

ضرب + خيانة

اختي الحنانة هاديك و الخوف انسايه و واجهيه بالحق
و اذا قدرتي روحي افضحي هاديك قدام دارهم
خبري عايلتك باه يعاونوك

ما تبقايش تتفرجي و تسناي للعيد بزاف

[نورسين سوف]

انا نقولك ربي يفرج علييييييك ....ويهدي زووووووووووووجك

[z.abdo]

لا تخربي دارك بيدك ولا تتسرعي اختي

نعم هو اخطأ لكن .........عليك بالصبر بعدها واجهيه لكن ليس بعنف لأنه ممكن يضربك مرة اخرى او يفعل شيء اخر

كذالك لا انصحك ان تخبري اهلك مهما يحصل بينكم حتى ولو ذهبت إلى بيت اهلك مضروبة وغضبانة فلا تخبريهم عن السبب الحقيقي

لأنه سيكبر المشكل


كذالك دري في بالك حاجة ......إذا تركت بيتك وزوزجك سـاخذه منك هذه المرأة فأنصحك ان تتريثي في اتخاذ اي قرار

كذالم عليك بالعداء خصوصا في هذه الأيام المباركة

[naamane3]

حلك هنا في هذا الدعاء ردديه كثيرا
((آللهم إني استودعك ديني وامانتي
وذريتي وزوجي وقلبي وقلب ذريتي
وقلب زوجي وسمعهم وابصارهم وفروجهم وجميع جوارحهم))

[صقر الشرق]

السلام عليكم و رحمة الله ترددت كثير قبل ما نكتب لحساسية الموضوع لكن المواضيع هنا شجعتني باش نفتح قلبي و نحكي المشكل ديالي و شفت بلي ما رانيش غير انا لي نعاني منو المهم انا مزوجة من 6 سنوات رجل كنت دايرة فيه الثقة العمياء يعاملني مليح و متفاهمين حتى اكتشفت بلي عندو علاقات فالمواقع الاجتماعية حسبتهاتحبس تم و قلت نسكت و خلاص بصح مؤخرا اكتشفت بلي راه مع علاقة بامراة تسكن في نفس المنطقة و يتلاقا بيها و يصرف عليها كهدرت معاه ضربني و انكر و قالي كيفاه تحوسي فاغراضي على جال الاولاد ما حبيتش نخبر اهلي بالضرب و بعد 5 ايام جا طلب السماح و سمحتلو و حسبت خلاص ولا للطريق لكن الكارثة انو مازالو معاها همال جاتني فكرة و انصحوني الا مليحة او لا قلت فالعيد كنروح لدارنا 3يوم نخليلو رسالة فالميكرو و نكوبيلو كامل لي ميساج لي صبتهم بالاك يحس بيا خفت نواجهو مباشرة يضربني ولا تكبربيناتنا للعلم انا نحب زوجي و راني حايرة في امري و الامراة هادي ما تخافش ربي وصلت حتى وين دخلت داري في غيابي يعني المشكل راه كبير ماشي غير تيليفونات و ميساجات اسمحولي الا طولت بصح غير انتوما لي قدرت نسركم بسري و ادعولي ربي يفرج همي و يهدي زوجي.
أختي الكريمة الله يعينك على هذه البلوة وإن شاء الله يرجع زوجك لعقلو...............أوافق الإخوة في مسألة ضبط الأدلة. أحكمي عليه أدة وواجهيه بالحكاية كي يزيد ينفي الموضوع شوفي واحد من أهلك خوك ولا باباك يواجهو بالأمر ويحاول يتفاهم معاه. ولاراكي تعرفي المرأة هذه أحكي معاها قوليلها راه بابا ولاد وعيب لي تعملي فيه بالاك يهديها ربي وتجبد روحها. المشكل الكبير في زوجك قد تتركه هذه المرأة لكن المصيبة أن يعرف نساء أخريات. حاولي أن تعالجي المشكلة بتروي وبحكمة بعيدا عن أجواء الشجار والصراخ لأن ذلك لا يزيد الطين إلا بلة. أكثري من الدعاء وقراءة القرآن والإستغفار لعل زوجك يرجع لصوابه ......آمل أن تكون نزوة عابرة فقط. الله يهديه.

[صقر الشرق]

تريثي أختي ولا تتسرعي في أي قرار قد تندمين عليه فقط عالجي الأمر بحكمة وروية..........وتأكدي أن العديد من النساء عانت ولازالت تعاني من هذا المشكل. لكن المرأة الذكية والفحلة كيما نقولوا حنا هي لي تعرف كيفاه ترجع راجلها ليها دون أية مشاكل. تحلي بالصبر والدعاء وربي معاك

[نجوى لحلوة]

شوفي حنونتي راني حاسة بيك اكثر وحدة مناه حتى حنا في دارنا عندنا نفس المشكل بصح مع بابا ربي يهديه انا في عمري 25 سنة يعني راني كبيرة نفهم واش راهو يصرا حكمناه شحال من مرة وصراو مشاكل في الادار كبار وانا برك لي عندي الجراة في خوتي كامل لاني اكبرهم ماما مسكينة عاقلة بصح تعرفي بلي رانا ملي نوضو وحنا نقولولها انتي لوكان ما سكتيلوش في الاول ما كبرتش الحكاية هكا وكون راهو حشم شوية وما قدرش يتمادي هكا مالا حبيبتي ما تسكتيش وما تحسسيهش بلي ما عندكش الكتاف مناه راح يستضعفك ويدير رايو فيك مالا لاكان قالك نروح قوليلو بالسلامة بلاما تسبيه والا طيحيلو قدرو بصح قوليلو نحمل كلش غير الحرام ربي اقوى من الجميع وهو اعلم وخليه حنا بابا يروح ويولي نورمال يقولك بالاك يخافو والا بصح كيما يلقانا ماناش سامعين بيه يولي

ربي يفك ضيقتك مناه امنيني انا حاسة بيك الرقاد ما رانيش نرقد فيه مناه فاطنة نتخيل بابا مع كاش خامجة واذا رقدت نامو تاني الموضوع هذا ماثر فيا بزاف

[اناناسة]

السلام عليكم ، انا شخصيا لا اقبل أبدا بوضعك فأما انا و أما المرأه الأخرى التي يحدثها هذا هو الحل بالنسبه لي أما مسألة الضرب فلا ادري لما تصبرين عليه هذا انسان تخافين حتى ان تواجهيه خوفا من العنف الذي قد يعاملك به اين الحب يا اختى اذا رفع انسان علي يده لم يعد للحب مكان ... قد يكون رأيي لا يعجب البعض لكن هل سيصبر هو عليك ان كان الموقف معاكس لا ... أكيد لا لذا يا اختي هذيك العلاّقه تاع اطفالي و يترباو حدا بيهم خلاص ماعادش تهز أطفالك اذا باغياتيهم يقوموا ناس ملاح و دون عقد نفسيه احفظيهم من مشاهد عنف أبيهم نحوك . آسفه لكن هذا رأيي ،

[islam02]

المواجهة في بعض الاحيان تكون بدون منفعة .لذلك بما انه اعتذر ديري نفسك انك امصدقتيه او حاولي كيفاه اترجعي راجلك الان الحرب ما راهيش بينك او بين زوجك بل الحرب راهي بينك وبين هذه المراءة .اتخيلي لو كنت غي متزوجة بهذا الشخص او حبيتيه راح تعملي المستحيل باش تخليه ايحس بيك ويحبك اوكيفاه اذا كان زوجك .اعفسي على قلبك اودري روحك ماتعرفي والو ثم ابحثي عن الاسباب الي خلات زوجك ايروح لمراة اخري اوبداي تعملي على هذا الاساس رجعيلو الحياة كلها ساعدة اهتمي بنفسك باولادك بدارك او كثري من الدعاء ثم الدعاء .وحذاري من المواجهة لان كل محضور مرغوب كي اتقوي اعليه الهدرة راح يتمسك بيها اكثر واكثر خليه يكره منها وحده ويكتشف عيوبها .هذي حاجة حاجة اخرى لما يعرف راجلك بلي راكي عارفة كل شئ هذا يدفعوا لمرحلة اخرى من العلاقة فقد يتزوجها مثلا لان الامر لم يصبح سر ا اوهكذا تخسري راجللك للابد كما انقولوا دخلي النية في الهبال اوحاربيها بسلاحها

[Angleeyes]

كيفاه قادرة تشوفي فيه و تعيشي معاه منعرف و الله غير نتقزز من امثاله و مانقدرش نتحمل الوسخ نتاعهم كيفاه يدخلها دارك و يرقد معاها في سريرك!!!؟؟؟و انت مازلتي مادرتي فيها والو؟؟؟ ماكيش خايفة يجيبلك كاش مرض ماكيش خايفة يشوفوه اولادك و تحدثلهم صدمة و بالاك مرض نفسي يا اختي لي يقدر يخون مافيهش الخير خلاص و من الاحسن تخليه على الاقل تعيشي بقدرك و كرامتك.

[kheiro didine]

السلام عليكم
اختي ماتكبريش لحكاية مع اطراف اخرى
المشكل بينك وبين راجلك يعني تقربيلو اكثر وحاولي تدخلي في الموضوع وصارحيه بلعقل
وانتي تعرفيه اكثر منا اذا كان طلب منك السماح زيدي معاه خطوة اكبر وحطو مشاكلكم في طاولة وحدة وربي يهديه ان شاءلله

[Z34]

يجب مناقشة الموضوع ووضع النقاط على الحروف بالحكمة والحوار خاصة اذا عندك ادلة فالتسامح والتريث كثيرا يصبح المشكل لاحدث ويتمادى في اخطائه . خاصة انك تريثت وسمحتيه لكن رغم ذلك ..... خاصة انها دخلت البيت في غيابك هذا مالا يجب السكوت عنه مهما كان الامر . اشعريه بحجم المشكل ومايترتب عنه من خراب . والا اخبر ذويك . ربي يكون في عونك .

[sarl02]

والله الامر صعب عشرات القصص الواقعية نشهدها يوميا في مثل حالتك ...وهذا بسبب الاستغلال السيء لتكنولوجيا الهاتف والنت...راهي دارت كوارث وخصوصا النت ان شاء الله ربي يصلح حالك يا اختي هذا ما انقولك.

[(الانسان الوفي)]

السلام عليكم .........اختي الكريمة ...أولا وقبل كل شيء صلي صلاة الحاجة وادعي الله ان يفرج همك ويوجهك للطريق الصواب ...ثانيا حاسبي نفسك ربما تكونين مقصرة في حقه ...ثالثا وهو الأهم اتصلي باعز الناس لك وحبذا لو تكون امرأة وأخبريها بالأمر ...

ان كان زوجك يصلي ويذهب للمسجد ولو بعض الصلوات فهذا انسان فيه خير ..توجهي لزوجة الامام وأخبريها بالأمر ربما يتدخل وينصحه ...وعليك بالدعاء فالله هو من يسترها معك ...

ثم اين حنان الزوجة ودلعها وذكائها ...ناقشيه بكل هدوء ليخبرك لماذا يفعل هذا ...واتمنى لك الصبر لا تطلبي الطلاق أبدا ...سينصرك الله وأكيد يرجع عن هاته الطريق ..شكرا