هل انا ابالغ ؟

[مشكلتي]

السلام عليكم اخواتي في الله
انا مشكلتي عدم الرضا و مقنوطة طول الشهر و السنين
انا مهندسة و لكن للاسف ماعنديش الزهر
من الي تخرجت واالله الغظيم من اليوم الي عطاوني الديبلوم و انا نبحث عن عمل كل يوم نخرج و نبحث لاني مؤمنة بانو ربي يقول اسعى يا عبدي و انا نعطيك
حتان لقيت استخلاف و كملت عام كامل فيه و الحمد الله خلصوني في 10 ملايين حق هداك العام
و مبعد حكمتني الخلعة و قولت يا ربي رجعت لشوماج مرة ثانية و الحمدوالله ربي فتحها و لقيت عمل كسكرتيرة ب 2 ملايين لشهر
في مكتب يشبه لزريبة الحيوانات لا توجد لا نافذة و لا مدفاة و لا أي شي
و بسسب هذا المكتب الغير مناسب للعباد بل للحيوانات اكرمكم الله مرضت
و صار عندي ضيق في التنفس و من طبيب لطبيب
و هنا بديت نحس بعدم الرضا وليت نحس بلي علاش قريت و علاش عييت في الجامعة باش نهايتي تكون هاك
كل يوم نبكي و ندعي في ربي باش يعطيني عمل يناسبني و يناسب قرايتي
وبعد سنة شغل عند هدا المكتب و في يوم قنطني مدير عملي فخرجت من العمل و انا نبكي و نقول رجعت لشوماج
و دورت على عمل جديد و لقيت و لكن كان امر من الي قبلو
الشهرية كريدي يعني تخلص مرة في ماكاش عارف وقتاش
قالي نديرلك 2 ملايين مي ما تغاصبينيش ممكن نخلصك في شهر ممكن في شهريت ممكن في 3 اشهر و الخدامين كامل معذبين معاه
انا كي دخلت الي تقولي نسالو شهر و الي يقواي نسالو 5 شهر
و انسان حقار و الله العظيم كي يهدر معايا تقول يهدر معا حيوان
و يطلب منا حما البنات انو نظفو غرف المكاتب كل خميس الارضية و طل شيء
سبحان الله قرينا هندسة باش نخدمو عمال نظافة و ب 2 ملايين لشهر
كل يوم نبكي و نقول يا ربي وقتاش تعطيني خدمة تليق بيا في الشهرية و في التعامل
هل انا ابالغ ؟
و كايبنة حاجة
انا مخطوبة لواحد الي تمنيت انو نتزوجو و نقعد في الدار و نتهنى
و لكن هو رافض اني نقعد في الدار بحجة اني لازم نساعدو و صراحة عدنا 4 سنين مخطوبين و مازال ما وجدش هو مع انو عملو رائع يشتغل في اكبر شركات الجزائر و مكان عمل نظيف و مليء بلكونفور
و لكن الي غايضتني انو ماهوش مساعدني يعني عمرو ما بحث معايا على عمل و لا هو حاط معايا في هدا المجال .
و الادهى و الامر هو الشيء الي راني راح نحكيه
الشي الي نحيهولو يروح من بين يديا , لا الله الا الله
مش طبيعي يعني مرة كان عدنا ورث و حكيتلو وتلو راني رايحة ظركا للمحامي باش نمضي الورث و نجيبو
و الله غير رحت و ظهرت حاجة كامل جديدة
كنت دايرة ادماج و لما كنت نجري على العقد ما حبيتش نقولو ختشي عارفة بلي الحاجة الي نقولهالو تروح فعلا كي وجدت عقدي و مضيت اول بونتاج ليا حكيتهالو
الغدوة من ذاك طردني مول العمل
عاودو عيطولي في حكاية الورث و كي قوتهالو رحت للمحامي و خرجت حاجة جديدة في اخر مرة قلت و الله ما نحكيلو حتان تصدق و فعلا ما حكيتلو والو و فرات صح و الدراهم دخلت للبنك
كي دخلت للبنك و تاكدت انها ولات في الحساب تاعي حكيتهالو
يمالا كي جيت نخرج في الورث الي هو 40 مليون
البنك حبسهالي و قالي من اين لكي هذا و طلبو مني ملف كبير باش نبرهن بلي ورث
كي نجي ندير كونكور راني لازم نقولو
يروح الكونكور
يعني بكل بساطة الحاجة الي نحكيهالو تروح من بين يديا و هو
يحكي كولش لدارهم يعني انا قبا ما ندير أي خطوة كنت نحكيهالو هو يحكيها لدلرهم و تشيع قبل ما تصرا و ما تصدقش
قولولي يا ناش واش ندير مانيش حابة نولي نخبي عليه و في نفس الوقت الي نقولهالو طير من بين يديا

[اصيل الشرق]

اصبري اختي ان شاء الله ياتي الفرج الاكيد هو ابتلاء فقط

[SKYALGERIA]

لم يخطيء حبيبنا محمد عليه الصلاة و السلام عندما قال : اقضوا حوائجكم سرا . عليك بكثرة الأستغفار و الدعاء و عندما تريدين القيام بأيء شيء قومي به سرا لكن بعد صلاة الأستخارة طبعا و الله الموفق .

[naamane3]

امرك محير والسبب في كل هذا انك بعيدة عن الدين
لا اقول بعيدة عن الصلاة او الحجاب او الامور الاخرى
لكنك بعيدة عن الاذكار و الدعاء والاستغفار
حاولي ادخالهم في حياتك وسيتحسن الامر ان شاء الله

[العهد الرائع]

لا حول و لا قوة الا بااله اصبري يا اختي كاين الي ماصابش اصلا خدمة
اهلي دايما ينصحوني و يقولولي ما تخميش خدمة ماشي في مستواك حتى و ان متي بالجوع لان قيمتك طيح
ممكن اهلي غالطين و لكن انا نقلك ادعي ربي و الا على خطيبك هدا وجودو مثل عدمو على حساب واش راكي تحكي

لم يخطيء حبيبنا محمد عليه الصلاة و السلام عندما قال : اقضوا حوائجكم سرا . عليك بكثرة الأستغفار و الدعاء و عندما تريدين القيام بأيء شيء قومي به سرا لكن بعد صلاة الأستخارة طبعا و الله الموفق .



يا اخي كيفاش دير المراة حاجة بلا ما تعلم الراجل تاعها حتى و ادا كان خطيبها و كون يسمعها من الناس واش يصير
و بزيادة هدا راح يكون راجلها يعني خرجتها و مكان تواجدها راح لانم يكون يعرفو
هادا عيان (يضرب بالعين )و الله اعلم

[souso30]

خكيبك و سمحلي رجل تاع نحس وما يربحش عليك خطيك منه واش 4 سنوات واش راكي تسناي يا اختي دبري على خدمة و متخبريهش و عيشي حياتك و ربي يع وض ما احسن منه متغيركش خدمته لانه باين واحد بخيل بزاف و يحب غير المادة

[صقر الشرق]

السلام عليكم اخواتي في الله
انا مشكلتي عدم الرضا و مقنوطة طول الشهر و السنين
انا مهندسة و لكن للاسف ماعنديش الزهر
من الي تخرجت واالله الغظيم من اليوم الي عطاوني الديبلوم و انا نبحث عن عمل كل يوم نخرج و نبحث لاني مؤمنة بانو ربي يقول اسعى يا عبدي و انا نعطيك
حتان لقيت استخلاف و كملت عام كامل فيه و الحمد الله خلصوني في 10 ملايين حق هداك العام
و مبعد حكمتني الخلعة و قولت يا ربي رجعت لشوماج مرة ثانية و الحمدوالله ربي فتحها و لقيت عمل كسكرتيرة ب 2 ملايين لشهر
في مكتب يشبه لزريبة الحيوانات لا توجد لا نافذة و لا مدفاة و لا أي شي
و بسسب هذا المكتب الغير مناسب للعباد بل للحيوانات اكرمكم الله مرضت
و صار عندي ضيق في التنفس و من طبيب لطبيب
و هنا بديت نحس بعدم الرضا وليت نحس بلي علاش قريت و علاش عييت في الجامعة باش نهايتي تكون هاك
كل يوم نبكي و ندعي في ربي باش يعطيني عمل يناسبني و يناسب قرايتي
وبعد سنة شغل عند هدا المكتب و في يوم قنطني مدير عملي فخرجت من العمل و انا نبكي و نقول رجعت لشوماج
و دورت على عمل جديد و لقيت و لكن كان امر من الي قبلو
الشهرية كريدي يعني تخلص مرة في ماكاش عارف وقتاش
قالي نديرلك 2 ملايين مي ما تغاصبينيش ممكن نخلصك في شهر ممكن في شهريت ممكن في 3 اشهر و الخدامين كامل معذبين معاه
انا كي دخلت الي تقولي نسالو شهر و الي يقواي نسالو 5 شهر
و انسان حقار و الله العظيم كي يهدر معايا تقول يهدر معا حيوان
و يطلب منا حما البنات انو نظفو غرف المكاتب كل خميس الارضية و طل شيء
سبحان الله قرينا هندسة باش نخدمو عمال نظافة و ب 2 ملايين لشهر
كل يوم نبكي و نقول يا ربي وقتاش تعطيني خدمة تليق بيا في الشهرية و في التعامل
هل انا ابالغ ؟
و كايبنة حاجة
انا مخطوبة لواحد الي تمنيت انو نتزوجو و نقعد في الدار و نتهنى
و لكن هو رافض اني نقعد في الدار بحجة اني لازم نساعدو و صراحة عدنا 4 سنين مخطوبين و مازال ما وجدش هو مع انو عملو رائع يشتغل في اكبر شركات الجزائر و مكان عمل نظيف و مليء بلكونفور
و لكن الي غايضتني انو ماهوش مساعدني يعني عمرو ما بحث معايا على عمل و لا هو حاط معايا في هدا المجال .
و الادهى و الامر هو الشيء الي راني راح نحكيه
الشي الي نحيهولو يروح من بين يديا , لا الله الا الله
مش طبيعي يعني مرة كان عدنا ورث و حكيتلو وتلو راني رايحة ظركا للمحامي باش نمضي الورث و نجيبو
و الله غير رحت و ظهرت حاجة كامل جديدة
كنت دايرة ادماج و لما كنت نجري على العقد ما حبيتش نقولو ختشي عارفة بلي الحاجة الي نقولهالو تروح فعلا كي وجدت عقدي و مضيت اول بونتاج ليا حكيتهالو
الغدوة من ذاك طردني مول العمل
عاودو عيطولي في حكاية الورث و كي قوتهالو رحت للمحامي و خرجت حاجة جديدة في اخر مرة قلت و الله ما نحكيلو حتان تصدق و فعلا ما حكيتلو والو و فرات صح و الدراهم دخلت للبنك
كي دخلت للبنك و تاكدت انها ولات في الحساب تاعي حكيتهالو
يمالا كي جيت نخرج في الورث الي هو 40 مليون
البنك حبسهالي و قالي من اين لكي هذا و طلبو مني ملف كبير باش نبرهن بلي ورث
كي نجي ندير كونكور راني لازم نقولو
يروح الكونكور
يعني بكل بساطة الحاجة الي نحكيهالو تروح من بين يديا و هو
يحكي كولش لدارهم يعني انا قبا ما ندير أي خطوة كنت نحكيهالو هو يحكيها لدلرهم و تشيع قبل ما تصرا و ما تصدقش
قولولي يا ناش واش ندير مانيش حابة نولي نخبي عليه و في نفس الوقت الي نقولهالو طير من بين يديا
قوي إيمانك بربي...............قل لن يصيبنا إلا ما كتب الله لنا. كل حاجة تصيبك تأكدي أنها مكتوب ربي ولا علاقة له بها راكي قارية الله يبارك نورمالمو ماتخميش بهذه الطريقة. وإقتنعي يا أختي الكريمة برزقك والله كاين ناس عندهم سنوات ملي تخرجوا ولذرك ماصحتش ليهم كونترا حتى عند الخواص الي يستعبدوا العمال كيما راكي تحكي وكاين بنات قراو ووصلوا ويأسو من البحث عن عمل ولاو يتمنوا في زوج صالح برك يكملوا معاه حياتهم أنتي الله يبارك جربتي الخدمة وراكي مخطوبة لإنسان متقي لا تضلميه وتجعليه سبب لسوء حظك كل شيء مكتوب يا أختي. إحمدي الله على نعمه قد لا تعرفين قيمتها إلا بعدما تزول.............أسأل الله لنا ولك الهداية وربي يسهلك ويسهل لكامل المسلمين والمسلمات.

[هشام 12]

راك تقولي انا مخطوبة لواحد الي تمنيت انو نتزوجو و نقعد في الدار و نتهنى
و لكن هو رافض اني نقعد في الدار بحجة اني لازم نساعدو

واش من راجل هذا اللي يقولك لازم تخدمي ربي يهديه

شوفي اختي احسن حاجة اقعدي في دارك وادعي ربي يرزقك برجل حقيقي يصونك

[مناد بوفلجة]

قصتك مؤثرة جدا و غريبة

ربي يفرج عليك

توكلي على الله و ديريه بين عينيك

[SKYALGERIA]

لا حول و لا قوة الا بااله اصبري يا اختي كاين الي ماصابش اصلا خدمة
اهلي دايما ينصحوني و يقولولي ما تخميش خدمة ماشي في مستواك حتى و ان متي بالجوع لان قيمتك طيح
ممكن اهلي غالطين و لكن انا نقلك ادعي ربي و الا على خطيبك هدا وجودو مثل عدمو على حساب واش راكي تحكي



يا اخي كيفاش دير المراة حاجة بلا ما تعلم الراجل تاعها حتى و ادا كان خطيبها و كون يسمعها من الناس واش يصير
و بزيادة هدا راح يكون راجلها يعني خرجتها و مكان تواجدها راح لانم يكون يعرفو
هادا عيان (يضرب بالعين )و الله اعلم

هذا خطيبها و لم يصبح زوجها بعد و مازالت أجنبية عنه حتى يتم العقد الشرعي .

[abdoubem]

الصبر مفتاح الفرج
من يتقي و يصبر فان الله لا يضيع اجر المحسنين

[bibimoto6]

اكثروا من السجود يا عباد الله

[loulou02]

راك تقولي انا مخطوبة لواحد الي تمنيت انو نتزوجو و نقعد في الدار و نتهنى
و لكن هو رافض اني نقعد في الدار بحجة اني لازم نساعدو

واش من راجل هذا اللي يقولك لازم تخدمي ربي يهديه

شوفي اختي احسن حاجة اقعدي في دارك وادعي ربي يرزقك برجل حقيقي يصونك
بارك الله فيك . نعم الرد:19:

[وسيمツ]

السلام1
فرج الله همك
الخاتمة1

[kawtar koukou]

استعيني بالصبر والدعاء خاصة في هذا الشهر الفضيل
موفقة

[~أمة الله~]

وعليكِ السلام ورحمةُ الله وبركاته
الله المستعان
الصراحة أخيتي ، وعلآآآآآآآآآآآش راكي تغبني في روحك هكذا والله المستعان .... على زوج دينار ، والإسلام جعلك معززة مُكرّمة ، الزمي بيتكِ أخيتي وسيأتيك رزقك إن شاء الله لعندك ، كما تقول أخت في الله لزوجها ، رزقي يأتيني عن طريقكَ.
فالزمي بيتك واشغلي نفسك بما يفيدُكِ في دنياك وأُخراك ، وليخبر وليك خطيبك بالقرار ، فأما إن لم يقتنع فعظّم الله أجركِ في مثل هذا الرجل والله المستعان
آسفة إن قسوت عليكِ بعض الشيء ولكن يجب أن تلتفتي لنفسك ،فأنتِ أتعبتِها حقا...
وفقك الله وسددك..

[جمعي البشاري]

اصبري اختي ان شاء الله ياتي الفرج الاكيد هو ابتلاء فقط

[إيمان الجزائرية]

السلام عليكم ورحمة الله تعالى وبركاته
اسمحيلي اختي على التعبير واللهجة اللي نكلمك بيها لكن صدقيني اريد لك الخير
اختي انتي لا زمك تحبسي وتديري pause شوية
راكي غير داخلتها من خدمة لخدمة والمليون وزوج ... الخدمة والدراهم ..وين رايحة اختي ؟
انا رأيي الشخصي بصراحة الراجل اللي يحتم على مرتو الخدمة ماشي قاع راجل
الراجل هو اللي يستر مرتو و يحميها وهو اللي يصرف عليها ماشي هي اللي تصرف عليه
الدنيا هاذي ما شي هوما الدراهم اللي يسعدوك ويفرحوك فيها
كاين حاجة وحدة برك .............. ربي سبحانو
وتذكري الله لم يخلقنا لنجمع الاموال لكن خلقنا لنعبده حيث قال عز وجل
وما خلقت الجن والإنس إلا ليعبدون

راجعي نفسك اختي وراجعي حساتك وهل الله راض عن عملك والأعمال التي ذكرت سابقا انك قمت بها شخصيا تعد شبهةبالنسبة لي
خصوصا السكريتيرة


دينك اولا اطلعي على شروط عمل المرأة المسلمة الشرعية التي ترضي الله عز وجل

وفقك الله

[dida rida]

قل لن يصيبنا الا ما كتبه الله لنا عليك بالصبر و الدعاء

[dida rida]

سقط رجل في بئر وبدأ يصرخ مستغيثاً .. !?!

فسمع الناس صراخهُ فقدموا لإنقاذه ورفعوهُ من البئر ..
فجاء رجل وأعطاهُ كأس لبن يشربها ويرتاح ، ثم سألوه كيف سقطت في البئر فبدأ هذا الرجل يصف لهم بالتفصيل كيف سقط ووقف على حافة البئر ليصف لهم ولكن في هذه المرة سقط ومات .. !!

يقول الشيخ المغامسي .. مُعلقاً على هذه القصة ...

أن هذا الرجل بقي من رزقه شربة لبن فلما شربها وانتهى رزقهُ الذي كُتب لهُ، سقط في نفس المكان ومات ..!!

فلا تخشوا على أرزاقكم فقط إعملوا بالأسباب و الرازق هو الله ولن تموت نفس قبل أن تستكمل رزقها .. سبحان الله وبحمده ... سبحان الرازق ... سبحانك ربي ماأعظم عدلك فينا .. ♥♥

[وفية زاد]

رب يفرج عليك
و مشكل الخدمة رانا الكل نعانو منه
عليك بالصبر و الدعاء

[السي محمد]

كون جات الدنيا دنيا
و الراجل راجل

خطيبك ما يقوللكش اخدمي و عاونيني
بالعكس يقولك ريحي فالدار

و انا نوفر اللي تحتاجيها في حدود الاستذاعة

ولكن


........... الله يجيب الخير