عندى مشكل مكرهلى حياتى و هو الدبان

[tokio hotel]

السلام عليكم و رحمة الله تعالى و بركاته من العنوان اعرفتو مشكلتى انا كنت نسكن فى مكان رحمة ربى ما عندى حتى حشرة ادور فى الدار و بعد ما ارحلت لمنطقة اخرى اغزانى الدبان و غير فى الصيف تصورو اسخانة و الدبان :sdf: ياريت الى عندها الحل تلحقنى بيه و راح ندعيلها من قلبى فى هاد العواشر و شكرا

[simsim.zoo]

صباح الخير اختي و صح رمضانك الدبان راهوا مشكلة اي وحدة فينا خصوصا كي تجي طيبي الفطور انا شخصيا الصباح نكمل شغلي بكري و مبعد نغلق كلشي و ندير مبيد الحشرات و نخلي الكليماتيزور يمشي اما العشية كي نكمل نحط الفطور يطيب و مبعد نمسح كل شيئ بالجافيل هكا ينقص خلاص و ان شاء الله نكون افدتك.

[صابرة2013]

ما عليك غير بالجافيل امسحي مكان تواجده سواء البوتاجي أو الطابلا
وكذالك رشي الأرضية بالجافيل

[rafik-12]

اختي الذبان مشكلة موش غير عندك راو كي يلقى الضو وريحة الماكلة يزيد يكثر انتي ازربي طيبي وظلمي البيوت والجافيل امسحي بيه

[tokio hotel]

شكرااخواتى على الردود لكن واقيلا الدبان الى عندى سامط ما نفع فيه لا جافل و لا مبيد

[وردة سو]

ان تاني عندي الدبان جربت وحد لي ساشي تاع الدبان ام سغار وتينى حطيهم في سحن فيه الماء الدبان كامل يتلم عليه علكيف جربيها وماتندميش أختي

[rimane mery]

اختي لبنات راهم نصحوك ربي يجازيهم المهم انا نقولك حاجه كي نكونو ناكلوا صح الدبان يهبل راح نمدلك واحد الحاجه ديريها فوق الطابله الدبان كامل مايزيدش يدور بيك و هادي تان في المطاعم المهم تجيبي حبه قارص و و دخلي فيها حبات قرنفل دبانه لاله انشاء الله نكون افدتك

[fadilasor]

يااختي كاين واحد الدوا يتباع عند العشاب يجي شكل ساش صغيرة تحطيه في لتر ما وتحطي اناء في الارض كي مايكون هندك حتى شغل في الكوزينة طبعا بعدما تمسحي بالجافيل تفرغي شويا سائل فيه تعرفي عندو واش يقتل

[djazia87holi]

اختي الذبان مصيبةَانا نعمر قرعة ماء وجافال في قارورة الرش وكي نكمل قضية البيوت نرشهم بالجافال والماء لي في القرعة ليه ليه يهرب او استعملي اللصاق ديال الذبان