شكون سجل في جامعة الحاج لخضر؟ [الأرشيف] - منتديات الجلفة لكل الجزائريين و العرب

Flora Gucci

2013-07-28, 21:14

السلام عليكم و رحمة الله
صح فطوركم ، تقبل الله منا و منكم الصيام و القيام
ــــــــــــــــــ
استفسار ، جزاكم الله خيرا ، لكل من قام بالتسجيل في جامعة الحاج لخضر يقولي على الوثائق اللازمة ، جزاكم الله خيرا
هل اكتفيم بالتسجيل الاداري فقط ، ام سجلتم في ملف الاقامة ، ان كان كذلك ما هي الوثائق المطلوبة؟
لم استخرج الى الان اي وثيقة و لم يتبق الا يومان
ــــــــــــــــــــــــــ
في انتظار الرد منكم بارك الله فيكم

✗ ┋ وَړْﮃَةُ آلـﭴَزآئـړْ ┋ ✗

2013-07-28, 21:40

أنا رحت اليوم مع أخي الأصغر سجل في شعبة علوم الأرض والكون

التنظيم كان رائع بالنسبة لكل التخصصات

الوثائق المطلوبة :
شهادة التوجيه
كشف النقاط الأصلي
4 صور شمسية
شهادة ميلاد رقم 12
ظرفان بريديان عليهما الطابع ومعنونان

Flora Gucci

2013-07-28, 23:42

أنا رحت اليوم مع أخي الأصغر سجل في شعبة علوم الأرض والكون

التنظيم كان رائع بالنسبة لكل التخصصات

الوثائق المطلوبة :
شهادة التوجيه
كشف النقاط الأصلي
4 صور شمسية
شهادة ميلاد رقم 12
ظرفان بريديان عليهما الطابع ومعنونان

الف مبروك لاخوك ، عقبال الدكتوراه ان شاء الله
جيد جدا ، اذا سيكون كل شيء سهل بإذن الله
اختي وردة ماذا عن ملف الاقامة ؟ اعلم انك مقيمة بالمعذر لهذا لن تحتاجي لذلك لكن هل لديك فكرة ؟
جزيل الشكر بارك الله فيك

لن أركع إلا لله

2013-07-29, 00:29

وعليكم السلام ورحمة الله تعالى وبركاته
لأختي ششوفي في هذيك الوثييقهة الي مدوها راهم طلبوا وثائق محددةة بصصح مبعد يطلبوآ الزيادةة
ديري فوتوكووبي بزااااااااااااف على شهادة البكالوريا وكشف النقاطط تسحقيييهم ^^
..
على فكرة انا من باتنة لكنني اخترت جامعة قسنطيينة ..
مارأيككم في جامعة باتنةة؟؟

Flora Gucci

2013-07-29, 02:02

وعليكم السلام ورحمة الله تعالى وبركاته
لأختي ششوفي في هذيك الوثييقهة الي مدوها راهم طلبوا وثائق محددةة بصصح مبعد يطلبوآ الزيادةة
ديري فوتوكووبي بزااااااااااااف على شهادة البكالوريا وكشف النقاطط تسحقيييهم ^^
..
على فكرة انا من باتنة لكنني اخترت جامعة قسنطيينة ..
مارأيككم في جامعة باتنةة؟؟

اهلا
نعم اختي اطلعت عليها لكن اعتقد انهم يطلبون اوراق اضافية
انا المشكل نسيت على خاطر عندي عامين ملي سجلت في الحاج لخضر ، شفيت برك بللي كنت ديما نروح و نرجع علاجالت الاوراق :confused:
عادي جامعة باتنة ككل الجامعات الجزائرية ، حددي اكثر اختي لكي استطيع الاجابة على سؤالك
شكراا على المرور بارك الله فيك

ديــــم ْ

2013-07-29, 02:11

السّلام عليكم و صحّا فطوركم كامل ^^
أختي بخصوص الوثائق الخاصة بملف التسجيل فقد أجابتكِ الأخت وردة الجزائر ،، أما ملف الإقامة فقد قمت بدفعه اليوم أيضا على أن يتم استلام مفتاح الغرفة في 16 سبتمبر و الأوراق اللازمة لملف الإقامة هي
-نسخة طبق الأصل للتسجيل الجامعي مصادق عليها
-نسخة طبق الاصل لشهادة البكالوريا مصادق عليها
-شهادة الميلاد + نسخة طبق الأصل لبطاقة التعريف الوطني مصادق عليها
-شهادة الإقامة
-شهادة طبية صدرية و عامة
-02 أظرفة بريدية معنونة+طوابع بريدية
-04 صور شمسية
-وصل كهرباء أو بطاقة الناخب باسم الأب أو المعني للطلبة أقل من المسافة القانونية ( عين التوتة ، المعذر ، عين ياقوت ، تيمقاد ، سريانة ، تازولت )

هذه هي أختي نقلتها لك من الورقة التي سلّمت لي ..
موفّقة و الجميع و صحّا سحوركم ^^

Flora Gucci

2013-07-29, 02:30

السّلام عليكم و صحّا فطوركم كامل ^^
أختي بخصوص الوثائق الخاصة بملف التسجيل فقد أجابتكِ الأخت وردة الجزائر ،، أما ملف الإقامة فقد قمت بدفعه اليوم أيضا على أن يتم استلام مفتاح الغرفة في 16 سبتمبر و الأوراق اللازمة لملف الإقامة هي
-نسخة طبق الأصل للتسجيل الجامعي مصادق عليها
-نسخة طبق الاصل لشهادة البكالوريا مصادق عليها
-شهادة الميلاد + نسخة طبق الأصل لبطاقة التعريف الوطني مصادق عليها
-شهادة الإقامة
-شهادة طبية صدرية و عامة
-02 أظرفة بريدية معنونة+طوابع بريدية
-04 صور شمسية
-وصل كهرباء أو بطاقة الناخب باسم الأب أو المعني للطلبة أقل من المسافة القانونية ( عين التوتة ، المعذر ، عين ياقوت ، تيمقاد ، سريانة ، تازولت )

هذه هي أختي نقلتها لك من الورقة التي سلّمت لي ..
موفّقة و الجميع و صحّا سحوركم ^^

السلام عليكم
الف شكر لك اختي يعطيك الصحة
الف مبروك تهنيتي من التسجيل ، لعقوبة لينا
ممكن سؤال ؟ واش وجهوك اختي ؟ و الى اي اقامة؟

ديــــم ْ

2013-07-29, 02:39

السلام عليكم
الف شكر لك اختي يعطيك الصحة
الف مبروك تهنيتي من التسجيل ، لعقوبة لينا
ممكن سؤال ؟ واش وجهوك اختي ؟ و الى اي اقامة؟

يبارك فيك أختي لعزيزة و مبروك عليك نتي ثاني و إن شاء الله تتهناي
في أقرب وقت ..
وجهوني طب أختي و الإقامة في الإخوة أوجرة ، صراحة نعرفها
باسم la nouvelle و لكن هذا هو الإسم الي موجود في التعهد الخاص بالإقامة
موفّقة أختي ^^

malek 34

2013-07-29, 02:41

السلام عليكم
أنا وجهوني نظافة وأمن صناعي وين نسجل في الحاج لخضر ولا فيسديس ؟؟؟

Flora Gucci

2013-07-29, 02:46

يبارك فيك أختي لعزيزة و مبروك عليك نتي ثاني و إن شاء الله تتهناي
في أقرب وقت ..
وجهوني طب أختي و الإقامة في الإخوة أوجرة ، صراحة نعرفها
باسم la nouvelle و لكن هذا هو الإسم الي موجود في التعهد الخاص بالإقامة
موفّقة أختي ^^

ممتاز مالا نتلاقاو ان شاء الله
انا ثاني وجهت طب و الاقامة اكيد لانوفال على خاطر لاصقة في الـism
اداريا مسمينها الاخوة اوجرة
متشرفين اختي
كل التوفيق و التميز في مسيرتك الطبية

Flora Gucci

2013-07-29, 02:49

السلام عليكم
أنا وجهوني نظافة وأمن صناعي وين نسجل في الحاج لخضر ولا فيسديس ؟؟؟

كل التسجيلات بجميع الفروع تتم على مستوى مجمع الحاج لخضر
بالنسبة لـhsi الدراسة و كذا الاقامة ستكون في القطب لجامعي الجديد بفسديس
بالتوفيق

ديــــم ْ

2013-07-29, 02:52

ممتاز مالا نتلاقاو ان شاء الله
انا ثاني وجهت طب و الاقامة اكيد لانوفال على خاطر لاصقة في الـism
اداريا مسمينها الاخوة اوجرة
متشرفين اختي
كل التوفيق و التميز في مسيرتك الطبية

لي الشّرف أختي و إن شاء الله ملتقانا هناك .. و لكِ أيضا كلّ التوفيق
متأكدة أنّك ستبدعين في الطب حسب واش قريت في مشاركاتك الطبّ
حلمك و الحمد لله تحقق ^^
صحّا سحورك و ليلة سعيدة *

malek 34

2013-07-29, 02:53

كل التسجيلات بجميع الفروع تتم على مستوى مجمع الحاج لخضر
بالنسبة لـhsi الدراسة و كذا الاقامة ستكون في القطب لجامعي الجديد بفسديس
بالتوفيق

بارك الله فيك هل هي توجيه جيد لأني انا سأغير التوجيه ؟؟؟؟

Flora Gucci

2013-07-29, 03:01

بارك الله فيك هل هي توجيه جيد لأني انا سأغير التوجيه ؟؟؟؟

و الله الناس كامل يشكرو فيها خصوصا انه المعهد الوحيد على المستوى الوطني و يقولو خدمتها في الصحراء او حتى في بعض الوحدات الصناعية في الشمال لكن الجانب المادي ، في الصحرا ء احسن
صلي استخارة خويا قبل ما تتسرع في التحويل مازالك الوقت لسبتمبر
بالتوفيق

malek 34

2013-07-29, 03:03

شكرا على الإفادة
هل تعرفين طلاب يدرسون في هذا التخصص ممكن أن نتعرف بهم ؟؟

Flora Gucci

2013-07-29, 03:12

للاسف لا املك اي اتصال بهم حاليا

Flora Gucci

2013-07-29, 08:45

السّلام عليكم و صحّا فطوركم كامل ^^
أختي بخصوص الوثائق الخاصة بملف التسجيل فقد أجابتكِ الأخت وردة الجزائر ،، أما ملف الإقامة فقد قمت بدفعه اليوم أيضا على أن يتم استلام مفتاح الغرفة في 16 سبتمبر و الأوراق اللازمة لملف الإقامة هي
-نسخة طبق الأصل للتسجيل الجامعي مصادق عليها
-نسخة طبق الاصل لشهادة البكالوريا مصادق عليها
-شهادة الميلاد + نسخة طبق الأصل لبطاقة التعريف الوطني مصادق عليها
-شهادة الإقامة
-شهادة طبية صدرية و عامة
-02 أظرفة بريدية معنونة+طوابع بريدية
-04 صور شمسية
-وصل كهرباء أو بطاقة الناخب باسم الأب أو المعني للطلبة أقل من المسافة القانونية ( عين التوتة ، المعذر ، عين ياقوت ، تيمقاد ، سريانة ، تازولت )

هذه هي أختي نقلتها لك من الورقة التي سلّمت لي ..
موفّقة و الجميع و صحّا سحوركم ^^

السلام عليكم
اختي سؤال
معندكش فكرة اذا يقبلولي الملف ناقص من شهادة طبية صدرية و عامة+وصل الكهرباء؟؟
انت دفعتي كل الاوراق الي كتبتيها ؟؟

مـــاهـــر

2013-07-29, 09:55

وعليكم السلام
انا رحت البارح مي خرجت غير ورقة التسجيل .
مبعد رحت لاقامة نتاع بن فليس على 2.00
قالولي بلعت غدوة ان شاء الله
--

مـــاهـــر

2013-07-29, 09:58

وين نقاليزيوو الورق نتاع التسجيل في البلدبة ولا عندهم تما في الجامعة ؟
---------------------------------------------------------------------
http://im40.gulfup.com/XsGeB.jpg

Flora Gucci

2013-07-29, 10:07

وين نقاليزيوو الورق نتاع التسجيل في البلدبة ولا عندهم تما في الجامعة ؟
---------------------------------------------------------------------
http://im40.gulfup.com/XsGeB.jpg

السلام عليكم
شكرا على الرد بارك الله فيك اخي
الاوراق يصادق عليها في البلدية ، حنا كي كنّا نرونوvليو يقاليزيو الاوراق في بلدية باتنة او فسديس
ـــــــــــــــــــــــــــ
اخي هل يقبلون ملف دون شهادة طبية صدرية و عامة ؟

مـــاهـــر

2013-07-29, 10:13

اامممممممممم راك مناكدة رلي يقاليزيو في البلدية ؟
انا سمعت واحد هدر بلي يلزم تقالبزبها تما في الجامعة والله اعلم
...................
يلزم تخرجي شهادة صدرية وعامة باش ميرجعوكش
راهي تخرج تم تم مطولش خرجيها احسن ..

souhmed

2013-07-29, 12:26

السلام عليكم ورحمة الله
بخصوص اوراق التسجيل هي كما ذكرها الاخ chouaib 02 بارك الله فيه
بالنسبة لملفي الاقامة و المنحة نقدروا ناجلوهم حتى لسبتمبر ؟
موفقون ان شاء الله

بالمناسبة مبروك عليك الطب اختي floura هاهو حلمك يتحقق مزيدا من التفوق ان شاء الله

ديــــم ْ

2013-07-29, 15:30

السلام عليكم
اختي سؤال
معندكش فكرة اذا يقبلولي الملف ناقص من شهادة طبية صدرية و عامة+وصل الكهرباء؟؟
انت دفعتي كل الاوراق الي كتبتيها ؟؟

و عليكم السّلام ^^
وصل الكهرباء أختي أنا مدفعتوش بصراحة نسيتو فالدار و قالولي عادي ،، أمّا الشهادة الطبية فدفعتها و تبالي لازم و الله أعلم
على فكرة سهلة جدا في استخراجها أنا مرحتش أصلا ، بابا دّا لاكارت نتاعي و جابها بكلّ بساطة و أنصحك أختي أنّك ديريها أحسن ما يروح تعبك في الباطل و الوقت ضيّق كيما علابالك ..
ربّي يسهلّك أمورك إن شاء الله ..

ديــــم ْ

2013-07-29, 15:33

اامممممممممم راك مناكدة رلي يقاليزيو في البلدية ؟
انا سمعت واحد هدر بلي يلزم تقالبزبها تما في الجامعة والله اعلم
...................
يلزم تخرجي شهادة صدرية وعامة باش ميرجعوكش
راهي تخرج تم تم مطولش خرجيها احسن ..

السّلام عليكم ..
أنا درت في البلديّة أخي و أوراقي مشات عادي ..
موفّق ..

ديــــم ْ

2013-07-29, 15:34

السلام عليكم ورحمة الله
بخصوص اوراق التسجيل هي كما ذكرها الاخ chouaib 02 بارك الله فيه
بالنسبة لملفي الاقامة و المنحة نقدروا ناجلوهم حتى لسبتمبر ؟
موفقون ان شاء الله

بالمناسبة مبروك عليك الطب اختي floura هاهو حلمك يتحقق مزيدا من التفوق ان شاء الله

ملف المنحة أخي يمكن تأجيله لكن ملف الإقامة يجب دفعه مع ملف التسجيل أي في هذه الفترة .. أما في سبتمبر فيتم استلام مفاتيح الغرف فقط .. موفّق

Flora Gucci

2013-07-29, 22:27

ملف المنحة أخي يمكن تأجيله لكن ملف الإقامة يجب دفعه مع ملف التسجيل أي في هذه الفترة .. أما في سبتمبر فيتم استلام مفاتيح الغرف فقط .. موفّق
اختي في سبتمبر يطلبو منا التحاليل الطبية + بعض الوثائق نسيتهم ،
بالتوفيق

و عليكم السّلام ^^
وصل الكهرباء أختي أنا مدفعتوش بصراحة نسيتو فالدار و قالولي عادي ،، أمّا الشهادة الطبية فدفعتها و تبالي لازم و الله أعلم
على فكرة سهلة جدا في استخراجها أنا مرحتش أصلا ، بابا دّا لاكارت نتاعي و جابها بكلّ بساطة و أنصحك أختي أنّك ديريها أحسن ما يروح تعبك في الباطل و الوقت ضيّق كيما علابالك ..
ربّي يسهلّك أمورك إن شاء الله ..

شكرا اخيتي ربي يحفظك و ينور دربك
الحمد لله اليوم الصباح راح بابا و خرجلي شهادات طبية ليا و لاختي ، كيما قلتي اختي غير بلاكارت ناسيونال ^^

السلام عليكم ورحمة الله
بخصوص اوراق التسجيل هي كما ذكرها الاخ chouaib 02 بارك الله فيه
بالنسبة لملفي الاقامة و المنحة نقدروا ناجلوهم حتى لسبتمبر ؟
موفقون ان شاء الله

بالمناسبة مبروك عليك الطب اختي floura هاهو حلمك يتحقق مزيدا من التفوق ان شاء الله

اهلا اخي صهيب ، يبارك في سلامتك خويا ربي يحفظك لعقوبة ليك يا رب
ما كان توجيهك اخي ؟
كلّ التوفيق و التميز

ديــــم ْ

2013-07-30, 01:07

شكرا اخيتي ربي يحفظك و ينور دربك
الحمد لله اليوم الصباح راح بابا و خرجلي شهادات طبية ليا و لاختي ، كيما قلتي اختي غير بلاكارت ناسيونال ^^

لا شكر على واجب أختي و الحمد لله كي سهلك ربي إن شاء الله ديما موفقة .. و شكرا على التذكير بخصوص التحاليل الطبيّة ^^
دمت بخير *

Flora Gucci

2013-07-31, 00:37

الحمد لله اليوم انهيت التسجيلات و قمت بسحب بكالوريا 2011
التنظيم رائع على مستوى الجامعة ، غلبنا رمضان برككك مع السخانة
بالتوفيق للجميع

kenza boucetta

2013-07-31, 00:48

السلام عليكم

أختاي flora gucci وديم انا تاني وجهت طب والاقمة تاعي الاخوة اجرى بصح ما نعرف حتى واحد والله :( رايحة هكاك برك ممكن نتعرف

عليكم ؟ إذا حبيتو طبعا

Flora Gucci

2013-07-31, 11:05

السلام عليكم

أختاي flora gucci وديم انا تاني وجهت طب والاقمة تاعي الاخوة اجرى بصح ما نعرف حتى واحد والله :( رايحة هكاك برك ممكن نتعرف

عليكم ؟ إذا حبيتو طبعا

السلام عليكم
اهلا و الف مبروك ولوجك عالم الطب
للاسف ختي انا ديجا تفاهمنا اانا و اختي و صحبتي باه نديرو الشومبرا كيف كيف ، بصح واش رايك لوكان نروحو في نفس اليوم باه نسجلو في غرف متجاورة :19: حاجة متخصك باذن الله ، انا عندي ديجا عامين في جامعة باتنة و هذا الثالث

* طالبة الرضى*

2013-07-31, 11:14

السلام عليكم و رحمة الله و بركاته

انا تاني مسجلة في جامعة الحاج لخضر تخصص رياضيات و إعلام ىلي مع العلم أنني أحب الرياضيات كثيرا و الحمد لله

أختي Flora Gucci قلتي بلي عندك عامين ثما في باتنة كاش معلومات حول هذا التخصص
و
هل هو تخصص مليح في باتنة؟؟؟

و ألف مبروك لك الطب و لكل الأخوات و العاقبى لنجاحات اخرى بإذن الله

Flora Gucci

2013-07-31, 11:57

السلام عليكم و رحمة الله و بركاته

انا تاني مسجلة في جامعة الحاج لخضر تخصص رياضيات و إعلام ىلي مع العلم أنني أحب الرياضيات كثيرا و الحمد لله

أختي flora gucci قلتي بلي عندك عامين ثما في باتنة كاش معلومات حول هذا التخصص
و
هل هو تخصص مليح في باتنة؟؟؟

و ألف مبروك لك الطب و لكل الأخوات و العاقبى لنجاحات اخرى بإذن الله

و عليكم السلام و رحمة الله و بركاته
الف مبروك النجاح و تحقيق رغبتك
اولا مادام قلتي انك تحبين التخصص فالاكيد انك ستبدعين و تنجحين باذن الله
تقراو سنة اولى جذع مشترك عادي في السنة الثانية تتفرعو رياضيات او اعلام الي ،
الفرع جيد و الدراسة فيه جيدة في باتنة ، الادارة جيدة مقارنة ببعض اقسام كلية العلوم
الدراسة ليست بالسهلة و لا الصعبة فقط التنظيم هو الاساس

ThE AssAssin

2013-07-31, 12:35

السلام عليكم
جماعة نسقسيكم جماعة علوم الأرض و الكون يقراو في باتنة أو في فسديس

* طالبة الرضى*

2013-07-31, 12:43

شكرا أختي على ردك وفقك الله لكل مايحب و يرضى

أخي علم الأرضو الكون يقراو في جامعة فيسديس

ديــــم ْ

2013-07-31, 16:43

الحمد لله اليوم انهيت التسجيلات و قمت بسحب بكالوريا 2011
التنظيم رائع على مستوى الجامعة ، غلبنا رمضان برككك مع السخانة
بالتوفيق للجميع

الحمد لله أختي تهنيتي .. و بخصوص التنظيم لاحظت أيضا أنو كان في المستوى ماشاء الله ..
صحّا فطورك ^^

السلام عليكم

أختاي flora gucci وديم انا تاني وجهت طب والاقمة تاعي الاخوة اجرى بصح ما نعرف حتى واحد والله :( رايحة هكاك برك ممكن نتعرف

عليكم ؟ إذا حبيتو طبعا

أكيد أختي ليّا الشرف نتعرف عليك .. والله تمنيت نعاونك لكن الغرفة رايحة ندير مع صحبتي و بنت خالتي .. لكن إذا تلاقينا ثمّا كيما قالت flora أكيد رايحين نقدرو نديرو الغرف حذا بعضانا و عن نفسي بإذن الله نقدر نعرفك على بنات صحاباتي دارو طب و ممكن يعجبوك و تتفاهمو ديرو كيفكيف .. على العموم حبيبتي ماتخميش بزّاف كامل رانا رايحين نعيشو تجربة جديدة و كامل خايفين
و إن شاء الله نتعرفو و نقدرو نعاونو بعضانا أنا والله ماذابيا ..
صحّا فطورك كنزة ^^

مـــاهـــر

2013-07-31, 17:15

فيسديس شعال بيعدة على جا معة الحاج لخضر وكاش معلومات عليها ؟

Flora Gucci

2013-07-31, 22:53

فيسديس شعال بيعدة على جامعة الحاج لخضر وكاش معلومات عليها ؟

السلام عليكم
فسديس تبعد عن مقر الجامعة بحوالي 30-40 دقيقة بالنقل في الحالة العادية
اما في ايام الثلوج و الامطار... يتعطل النقل بحوالي 10د اخرى
اغلب الطلبة الي يقراو في قسديس يسكنو فيها مايحتاجوش يديـpلاصيو ما عدا جماعة البيولوجي كي حالتنا العام الي فات عانينا الامرين مع النقل
الان اصبح متوفر بشكل جيد نوعا ما مقارنة بالاعوام السابقة
القطب الجامعي جديد ذو تصميم رائع لكن ينقصه المؤطرون و خصوصا الامن نوعا ما ناقص