الايام كي تدور وربي مع المظلوم

[كريمة 118]

السلام عليكم

عمري 20سنة قبل عامين اعجب بي شخص كان يدرس معي تحدثت معه باعتباره زميل لي فكان كلامنا بحدود وقال انه يريد ان يتقدم لي لكن يجب ان احادثه في الهاتف مثل هادو لبنات لكن انا رفضت وقلتوا الا تجي للدار راني قابلة مي على حساب غضب ربي وخيانة اهلي لا والف لا وهو دا عليا موقف انو انا انسانة مادية بحكم ظروفوا بقى متبع اخباري من بعيد ثم بحث عن رقم الهاتف الخاص بي وبعثلي رسالة فيه انوا انا خداعة كذابة لي عدة وجوه وحجابي غير باه نخدع الناس وووو وانا وكلت ربي وكتبتلوا حسبي الله وحده وانت انسان تحب الي تخرج وتهدر معاك بصح انسانة عفيفة وطاهرة متحبوهاش وانسانة خاينة ووو وكانت بنت تقرا معانا كانت حاطا عينها على اخي مي كيما داتوش رجعت تقيس عليا في الهدرة حتى اصبت بانهيار عصبي وكان هو يهدر مع البنات ماهي وحدة ماهي زوج ستة ولا سبعة مدورهم بيه وقاعدين يهدروا فيا ودارت الايام وعند دخولي الجامعة قال لوحد البنت انا نعرفها قلها تسمحلي قلتلها فعلوا مع مولاه انا خلاص طاح من عيني رغم اني احبه ووالان راه يقول حاب يجي يخطبني لانوا راه خدام وانا قلتلها لا الانسان مادارش فيا ثقة وقاس عليا هدرة وزيد يظل يهدر مع لبنات منسحقوش وانتوما انصحوني ارجوكم

[شخصية نرجسية]

دعك منه و لا تقدريه ابدا فهو لا يستحقك بل يستحق عابثة مثله كرامتك أعلى

[Angleeyes]

هذا لي يتبع في البنات و يهدر معاهم على عرض بنات اخرين اسمحيلي ماهوش راجل زيدي صلي استخارة و قرري بالاك راه تبدل؟؟؟

[ام محمد تقي الدين]

ابنتي الكريمة احسنتي عندما صددته ومن افعاله يظهر انه ذئب يريد ان يظهر نفسه على انه حمل فاحذره واحذري من على شكيلته فرزقك وزواجك عند الله لاعند البشر فاصبري وان شاء الله يرزقك زوجا صالحا و الذي يريدك بسال عنك وياتي للبيت لا ان يعيش على هواه كانه ليس هناك رقيب والعياذ بالله وافعال هذا الشخص افعال نساء لا افعال رجال فدعك منه

[l'étoile]

لوكان صح يحبك ما يتكلمش عنك ....... هد النوع يحبوا غير التسخير و زيد ربما ولى ليك باش ينتقم كي رفضته ن الاول ...

[همسة مشاعر]

السلام عليكم ورجمة الله وبركاته
اختي نقلك حاجة اسمعهيها مني ان شاء الله متزديش تتحيري
اخطيكي منو تجنبيه بلاك راهو يكيد ليك وزيد انتي باين بنت فاميليا تستاهلي راجل صح صح

[nouna l maghbouna]

هذا ماشي راجل
خليك منو

[مريم الصابرة]

السلام عليكم
يا اختي واش من رجال يدير الهدرة كالنسا يدي يجيب فيها أخطيك منو ما تهدريش معاه هدرة زايدة لكن لو صح ناويك ولو يتقدم للدار ممكن ندم يتفضل وخمي مليح اام لو شفتيه نتاع نسا من رأي ما تقبليش ولو اني نحي نمد الفرص مديلو فرصة وشوفي موفقة

[imene12]

بالاك تنخدعي بإعتذاره ليك .. أظنه يحاول إيقاعك في فخه بكل الطرق.

[naamane3]

عندنا مثل شعبي يقول
اللي راح وولا يعني رجع واش من بنة خلا
راكي على صواب واصلي على موقفك وراح
يرزقك ربي اللي خير منو
والله المستعان

[**د لا ل**]

لا توافقي عليه
وربي يعوضك باحسن منه بالف مرة

[AMINA.Z]

ما يسواش دورو

ما تزيديش تعبريه خلاص

[كريمة 118]

بارك الله فيكم ومن اليوم افتح صفحة جديدة شكرا على نصائحكم والله لم تكون عندي اسرة لكن وجدتكم انتم اسرتي والله غير كي نتفكر وقوفكم معاي في اصعب المواقف غير نبكي
لكم مني دعوة في ظهر الغيب

[ssoul25]

بارك الله فيك اختي والله يرحم والديك الي رباوك احسن التربية

[ام نسمة]

احذري ربما كان فخ منه يريد ان يحاول مرة اخرى الايقاع بك
لا كاين رجال يوصلو يتراهنو على الفتيات الملتزمات باش يجبدوهم وهكا يعمل المستحيل وقادر حتى يخطبك ومن بعد يدور عليك

[hakeem]

الموضوع غير قـــابل للنقاش إلى ان يطرق باب داركم و يتحدث مع اهلك .... أختي من حق البنت ان ياتي الرجل إلى بيت اهلها و أن تأخذ كامل الوقت للتفكير و التشاور مع أقرب الناس لها و ما عدا هذا فكله كلام لا يسمن و لا يغني من جوع و أعتقد انك غير ملزمة بإتخاذ أي قرار أو إجراء ..... بإختصار ما تبنيش على الريح

[كريمة 118]

الموضوع غير قـــابل للنقاش إلى ان يطرق باب داركم و يتحدث مع اهلك .... أختي من حق البنت ان ياتي الرجل إلى بيت اهلها و أن تأخذ كامل الوقت للتفكير و التشاور مع أقرب الناس لها و ما عدا هذا فكله كلام لا يسمن و لا يغني من جوع و أعتقد انك غير ملزمة بإتخاذ أي قرار أو إجراء ..... بإختصار ما تبنيش على الريح


اكيد اخي انا اصلا راني جابدة روحي ورفضت حتى الكلام معاه لا اريد اغضاب ربي وزيد انا وحدة جات قالتلي انه يريد ان يتقدم لخطبتي وانا رفضت ولم اتخذ اي قرار او اجراء ومرانيش نبني على الريح غير حبيت انتوما اخواني تشاركوني برك
شكرا لك اخي نصائحك من ذهب

[hakeem]

أرجوا أن تكون وجهة نظرك تجاه الناس وفق أفعالهم وليس أقوالهم فما أكثر من يقولون و القول راهو باطل و ما أكثر المعجبين و لكل واحد منهم غاية ما و يوجد انواع من الإعجاب فإعجاب لغرض الزواج و غعجاب لغرض المتعة المؤقتة ووووووو

و أعتقد انك واعية و اعلابالك واش راكي أديري ... ربي يوفقك و أرجوا ان لا تتخلي عن مبادئك

[أسير الطموح]

أعتقد انه لا يستحقك !!!!!