استفسار عن الإقامة الجامعية العالية للإناث باب الزوار [الأرشيف]

sawsen bouguern

2013-07-28, 06:48

السلام عليكم
رجاء أفيدوني بكل ما يمكن من معلومات عن الإقامة الجامعية العالية للإناث باب الزوار بالتفصيل من فضلكم , و عن إمكانية و كيفية تغيير الإقامة حيث تم قبولي بالمدرسة العليا للإعلام الألي و أرسلت هناك لكني أفضل إقامة الرويسو و شكرا

سندريلا SF

2013-07-28, 15:46

السلام عليكم
اختي العزيزة انا مقيمة في اقامة العالية للبنات
شوفي اختي و الله مليحه ولاباس بيها نظيفة و زاد يعدلو فيها و فيها مساحات خضراء رائعة تنقصلك الضغط حتى الطاولات موجودة على هذه المساحات لتسهيل الدراسة
و المديرة نتعها منفهمة و تلبيلك طلباتك
الماء متواجد بوفرة ما نعنيوش بزاف كيما هاد العام انقطع الماء مرة واحدة فقط و ما تخميش عندنا منين نجيبوه
كاين حانوت داخل الاقامة وحدو و كاين الفوايي وحدو الاول يبيع مواد غذائية و التاني التاي و القهوة و القاطو ..... و فيه تلفزيون و يديرو نشاطات ثقافية رائعة و كاين سيبار مستقل هو تاني تكوناكتي باطل ما تخميش هههههههههه و كاين الوفي ادا عندك pc
شوفي ختي انا شفت اقامة الرويسو هي صح مليحة و طل على البحر بصح صدقيني هاديك النهار طلعنا للطابق 15 على رجلينا لان المصعد دائما معطل و الماء باه يجيبوه حتى يهبطو للتحت في الدروج و زيد ما عندهمش ساحة كبيرة لبرا ما عندهمش وين يتحركو
عندك الحاجة السلبية في العالية بعاد علينا شوي المحلات مي معليش تمشي مشية 15 دقيقة و ادا غلبتي كاين bus ما كانش مشكل
و اختي اي استفسار راني هنا كي اختك ماذا بيا نزيد نفيدك بلي قدرت