تسجيل الدخول

مشاهدة النسخة كاملة : واش معناتو التحقيق لونكات ..... في لي جوندارم

AHMED CRB
2013-07-26, 16:24
السلام عليكم


انا دفعت الدوسي وقالولي الاربعاء رواح تدي وصل الايداع


و جماعة قاولي كي ترجع ممكن يعطوك وصل الايداع و يديرو لونكات ولايعوطك وصل الايداع و يعيطولك بعد 15 يوم دير التحقيق لونكات


واش فيها لونكات من فضلكم ؟
جزائر حرة مستقلة
2013-07-26, 16:38
السلام عليكم وصحا رمضانكم
لونككات نورمال يا اخي وين زدت ووقتاش شكون والديك (الاب -الام) وين قريت شعال قريت فالابتدائ-فالمتوسطة-فالثانوية ووين قريت
وين تسكن ..........اشياء روتينية يا اخي

دوك يعيطولك فلبورطابل مع الصباح ويقولك جيبلي 2شهود يكونو جوارينكم يكون عندهم فوق 40 سنة وتجيبو معاكم بطاقات الهوية نتاوعكم

ماشي حاجة كبيرة خويا قاع ماتخافش بالتوفيق يا اخي الله يسهل

دعيونا معاكم يا جماعة انا تاني عندي وحد الهدة انشاء الله

صحا فطوركم
amine0007
2013-07-26, 16:40
حاجة عادية لونكات تدي معاك زوج شهود فوق 40 سنة ومايكونوش من عايلتك.يسقسوهم عليك ونتا يسقسوك بعض الاسئلة عليك وعلى خاوتك ووالديك مثلا اين يدرسون +هل ليدك مثلا حزب سياسي معين تتبعونه+هل اجريت عملية جراحية .........................................
AHMED CRB
2013-07-26, 16:41
امالا خويا وزوج جيرانك لازم تديهم للغروبمو تاع الولاية و لا في اقرب لابريغاد ؟
gofast99
2013-07-26, 16:45
kima lalek zemil hzadouk zouje chouhoud ossi pour 3ouzoubiya ta3ek ylik tkoun celibataire pendant le stage
جزائر حرة مستقلة
2013-07-26, 16:50
لا يا اخي لا بريقاد يعيتولك ويقولولك وين تروح مداك هوما يخدمو بالسيكتور والقروبمو خاطي
wahidservice
2013-07-26, 17:15
اخي حاب نسقسيك هل اللونكات يعملوها بعد ان يتم قبولك للعمل معهم ام قبل ذلك
gofast99
2013-07-26, 17:17
ydirouha avant car kader fe stage ykharjouk tkamel stage sayi tahbesse lanquete takder tetzewej ect ect...
جزائر حرة مستقلة
2013-07-26, 17:21
الاخ وحيد لونكات هيا اول حاجة ديرها منبعد ماتحط الدوسي ومنبع يعتيوك كونفوكاسيون تروح لمركز الفحص الطبي ومن بعد ستاج 2سنين ومن بعد عادا تدخل تخدم
جزائر حرة مستقلة
2013-07-26, 17:24
ولوكان تنجح فافحص الطبي انشاء الله لونكات تبقى تمشي بوندون 6شهر
wahidservice
2013-07-26, 17:26
ydirouha avant car kader fe stage ykharjouk tkamel stage sayi tahbesse lanquete takder tetzewej ect ect...

............ربي يحفظك
wahidservice
2013-07-26, 17:28
الاخ وحيد لونكات هيا اول حاجة ديرها منبعد ماتحط الدوسي ومنبع يعتيوك كونفوكاسيون تروح لمركز الفحص الطبي ومن بعد ستاج 2سنين ومن بعد عادا تدخل تخدم

زيد فهمني يا اخي العزيز هل اللونكات فقط للاشخاص المقبولين ام لكل المترشحين
amine0007
2013-07-26, 17:41
زيد فهمني يا اخي العزيز هل اللونكات فقط للاشخاص المقبولين ام لكل المترشحين

لونكات يديروها لكامل المترشحين لانهم كون يعود واحد من عايلتك داخل الحبس ولا دار مشكلة كبيرة رايحين يرفضوك ..............................
wahidservice
2013-07-26, 17:48
لونكات يديروها لكامل المترشحين لانهم كون يعود واحد من عايلتك داخل الحبس ولا دار مشكلة كبيرة رايحين يرفضوك ..............................

سمحلي بلاك كثرت عليك بزاف بصح لو نفترض ان عدد المناصب 111 و12000 شخص وضعو ملفاتهم هل 12000 شخص يديرولهم لونكات
جزائر حرة مستقلة
2013-07-26, 18:07
ههههههههههه ايييييه يا اخيييي فالجزائر كي يكون متوفر 12000 منصب عمل دير في بالك كاين 1200000000 مترشح

كيما قالك الاخ amine0007 قاع المترشحين الي يخسر يخسر والي يربح يروح يدير ستاج ولونكات مازالها تمشي 6شهر
ayoubzira
2013-07-26, 19:29
راهم يبعثو للرابريقاد اسقسو عليك في الحي
samies
2013-07-27, 02:46
وعلاش مذة 6 اشهر كاملة علاه لونكات ياك يشوفو الملف تاعك و يسقسو عليك .. حبيت نستفسر برك هذه مذة 6 اشهر واش يذيرز فيها
جزائر حرة مستقلة
2013-08-01, 22:56
الاخ samies رايحين يدقو مليح فالملف نتاعك اي مخالفة يجبدوهالك عندك بروسي مخلصتهش يجبدوهلك
عبدلو
2013-08-02, 00:07
ahmed crb ana tani hatit dossé w kaloli mercredi 3awed weli tedi recu ta3ek
chhal teg3od bach terouh tfawet la visite mora l'onquete
محمد امين بوعكاز
2013-08-02, 02:59
سلام عليكم
بخصوص درك الوطني
انت تدفع دوسي ويعطوك وؤرقة يقلولك روح اديها للطبيب
يكاشيلك فيها ابت او اينابت
ومن بعد كي تروح للطبيب و يقبلك يقلك اديها لابريقاد الاقرب ليك باش تدير لونكات
المهم تدي هذي الورقة + دفتر العائلي + فيش فاميليا العائلة الاخرى اذا كان باباك معاود الزواج + 2 شهود ميقلش عمرهم عن 40 سنة
يكونو يعرفوك من انت صغير وميكونوش من نوت فامي باباك و لا يماك بمعنى مش افامي
لونكات اسءلة عادية تديرها مع سيرجان متلا اذا كنت تشاتي اسكو تعرف ناس من خارج الجزائر و هل انت منتمي لاي حزب و ......
بالتوفيق
kac_ily
2013-08-02, 17:50
نقولكم على حسب علمي والتجربة من أحد الاخوة ,, التحقيق يدوم حتى عام كامل
اين تسكن وماذا تدرس و و و تضياع الوقت هذا ليس هو المشكل ,,, المشكل يكمن في تقطتين وهما :

- 1 أي شخص يثبت تورط جده أبان الثورة التحريرية (قومـى ولا حركـى كيما نقولوها احنا ) ملفه مرفوض وحتى لو تستمر ستاج 6 ’ يقومون بطردك .
- 2 اي شخص يثبت تورط والده أو أخيه أي ذوي الاصــول مع الارهـاب سنوات العشرية السوداء ملفه مرفوض ويقومون بطرده دون سابق إنذار .
==============
السؤال المطروح :

اين هي المصالحة الوطنية المزعومة التي تسمح للارهاب التائب أن يشارك الحياة السياسة ويستفيد من الخيرات من السكن والاجرة وووو , وتحرم أناس بسبب تورط أحد عائلتهم مع الارهـاب أو غير ذلك ..
وللاعضاء الــكرام واسـع النظر والنقـاش , أتمناه أن يكون جديـا في هاته النقطة الحساسة , التي حرمت الكثير من حمل السلاح للدفاع عن وطنهم كباقي المواطنين, لذنب ارتكبـه غيــــرهــم .

==========
صحا رمضانكم وصحا فطوركم
samies
2013-08-02, 20:40
ايه هدا موضوع مهم للنقاش ... بصح في السنوات الاخيرة اصبحو يقللون من هدي الاقصاءات من الجيش بسبب تورط احد افراد العائلة وانا نعرف واحد كان اباه ضمن شبكة دعم الارهاب وتاب ونعرف اخر اخوه كان ضمن هذه الجماعة و تاب كذلك و الان راهم في الجيش بصفة ضابط ... وهذا بعد قانون المصالحة الوطنية
mezai
2013-08-02, 21:44
ماقاله الاخ kacy ily صحيح تماما و صح فطوركم
samies
2013-08-03, 15:13
لي فيها الخير ربي يجيبها