ويكتا رايحين تبداو؟

[مرام]

السلام عليكم
صح رمضانكم وربي يتقبل منا ومنكم صالح الاعمال
حبيت نسقسي ويكتا معولين تبداو تخدمو القاطو؟
انا حابة نخدم عجينة البقلاوة وندير منها عين الجمل والاساور بالطلية والكورني محشي بحلوة الترك
وندير المقروط تاع الكوشة و مربع الشوكولا وحلوة السيار و حلوة البابيون وبوسو ولا تمسو والجلجلانية وصابلي
مي ما عرفتش ويكتا نبدا وش رايكم؟ راني حمصت اللوز والكوكاو و الجلجلان وطحنتهم ووجدت الغرس
وما نيش رايها نكثر غير شوي من كل نوع
قولولي ويكتا نبدا؟ وش من نوع لي ما يخسرش كون نبدا بيه
وما تقولوليش لي في الكونجيلاتور خاطر راهي معمرة بزاف

[omiyad49]

انا نبدا في 26 رمضان وديرهم في البيدون وغطيهم بالصاشي برك اما تاع الكرام والشيكولة حطيهم في الفريشيدار تاع الشيكولة دريه ثقيل لة والله ماذوب تاع نوتيلا ديريه في بلاطو وحطيهم فوق الفريشيدار

[rafik-12]

خلي 5 ايام على العيد وابداي

[الحب و الوفاء]

ابداي ديري المقروط تحبي ديريه اليوم ثم البقلاوة قيل بسمانة ومبعد صابلي ثم الحلويات الاخرى

[ريتاج تيارتية]

السيمانة التالية ان شاء الله نبداو نوجدو للقاطو

[مرام]

مشكوووووووورين وصح فطوركم

[marwa marama]

خلي كي تبقى 5 ايام على العيد وابداي

[لينا11]

ابداي بالمقروط وماتعسليهش خبيه في بورت مونجي يزيد يطرى ويجي مممممم
بقلاوة ديري حسابك لازم تعسليها وتخليها نهار ترتاح
عين جمل ساهل بصح هو ثاني لازم يتعسل بزاف سينو يجي سامط
وصابلي وجديه وخبيه في بورت مونجي نار قبل العيد زينيه وديريلو معجون (يزيد يطرى اكثر

انا ناوية ان شاء الله غدوى نبدى ياربي نكمل ولافينيسيون (قلاصاج ديكور من فوق )نديرهم يومين قببل العيد خاطرش تدي وقت ونكون كملت قاطوات كامل

[أم عبير]

اختي لينا ماهي الانواع اللي رايحة ديريها للعيد

[لينا11]

اختي لينا ماهي الانواع اللي رايحة ديريها للعيد

اهلا ام عبير
انا كل مانشوف وحدة نقول هذي نديرها كملت حسبت لقيت روحي نحل محل نبيع خير خخخخخخخ

معولة ان شاء الله بقلاوة
تشاراك بالطلية
عين جمل
بوسو بديكور جميل جدا جدا
عرايش سوريا
شكولا محشية
قاطو جلجلان
مخبز بديكور رائع جدا
بالنسبة للتزين نخترع من راسي وكي نكمل ان شاء الله نحطهم تشوفوهم
ونشوف واش نزيد خاطرش رايحة نديو لعروستنا العيد لازم يكون بريزونطابل
وكلفوني بالمهمة ربي يكون في عوني

[مرام]

قلتيلي رايحة تبداي غدوة, باه رايحة تبداي؟ باه نبدا معاك ههههه:rolleyes:

[لينا11]

نبدى بالتشاراك بالطلية نخبيه من بعد نديرلو قلاصاج وتزيين
ونزيد نخمم واش ندير معاه
عندي غير افلليل نخدم برك
دار وطياب ولولاد وصلاة وقراءة قران

[عبير ORAN]

http://www.djelfa.info/vb/showthread.php?p=1053740438#post1053740438

[مرام]

عندي عجينة الفيلو جاهزه وش نقدر ندير بيها

[أم عبير]

اختي بارك الله فيك و يعطيكماتتمناي يمكن تقوليلي كيفاش رسمتى بالقلاصاج الخطوط الرقيقة على التشاراك

[زرابة]

نبدا الاحد ان شاء الله حابة ندير بقلاوة تشاراك مسكر جنجلانية بنيون طارتو لات بالنسلي مخبز البيضة وكاش قاطو بالشكلاط دعولي ربي يسهل في قرايتي يروقني الزوج الصالح