مشكلتي

[مشكلتي]

السلام عليكم
خاوتي واش رايكم فالشخص الي يطلب دراهم من الانسانة الي يحبها وتحبو راهم مخططين للزواج يقولها راني محتاج دراهم ادا حبيتي نجي وعطيلي 50الف برك راني مستحقهم ودراهمي مزال مدخلوش هل هنا هي تمدلو ولا لالا و واش رايكم في هد الانسان الي يطلب دراهم من عند البنت الي يحبها مع انو المبلغ قلييل جدا

[منهاج]

السلام عليكم



اليوم يدي 50 والمرة الجاية يطلب مليون ويتزوجها ويدي الشهرية تاعها كاملة والله اعلم

[souso30]

اختي خطيك منه متمديلهش مال راه غير يكدب عليك زواج مفيهش مساومات فهمي روحك ديجا راك غير في حرام قال تعالى و لا متخدات اخدان و قال و في السماء رزقكم و ما توعدون و بي سبحانه و تعالى كتب في لوح المحفوظ فلانة زوجة فلان و فلان زوجته فلانة علاش هد تمسخير

[مراد12345]

ألم تقرأي في الجرائد

مثل قصصك

يأخذ النقود منك

ليوفر بيت الزوجية والمتعة

مع إمرأة أخرى

[hakeem]

خليكم من التفلسيف ... الراجل طلب 500 دج من عندها خير ما يطلبها من غيرها
المهم ان لا تصبح هذه الطلبة عادة و تتكرر دائما أو أن يطلب مبالغ ضخمة

[سماح 2]

ادا كانت لاول مرة لا أرى في دلك عيب ْ خاصة ادا كان دو أخلااق

[l'étoile]

ألم تقرأي في الجرائد

مثل قصصك

يأخذ النقود منك

ليوفر بيت الزوجية والمتعة

مع إمرأة أخرى

*********************************************
رد وافي و كافي
احذري يا اختي

[loulou02]

الرجال قوامون على النساء ، يعني من المفروض هو يصرف عليك ماشي العكس .
يا أختي أخطيك منه ، هذا من البداية بانت نيته ، طامع في دراهمك ، رجال آخر زمن .

[Assouma 93]

هذا من النهار الاول اطلب منك و نهار اللي يتزوجك ياكلك شهريتك انا يظهرلي عيب الراجل يطلب من البنت اللي حاب يديها دراهم يستنى حتى اللي يرزقو ربي و الله اعلم اختي

[sweet sabrine]

يا أختي ما دام قالك سلفيلي ماشي مديليهملي الحاجة هده ماهي عيب ما حرام بسح أنت ممكن تعرفيه من معاملتوا ليك يعني لكان هدا السيد ماشي مشحاح ويصرف عليك ومابخل بحتى حاجة تسما ماشي طامع ولا يبروفيتي فيك صح راهو محتاج الدراهم وكي يطلب منك غير من ما يطلب من غيرك

[zaki4]

اولا تكلمكما مع بعض والخلوة بينكما قبل الخطبة والعقد حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااام.

[rose malak]

ما لقاش منين يتسلف غيرها؟؟؟؟؟...... المفروض يشوف شخص اخر اليوم يتسلف عليك وغدوا بدراهمك يولى يعاير فيك .. ومن فضلكم كل واحد يعبر عن رايه و ما يتدخلش في الحكم ع الاخرين و ماراناش مراهقين رانا عارفين مليح الذنيا هادى كيراهى تتمشى... الخطوبه حاجة والزواج حاجه اخرى

[Sadjia-ikram]

سلفيلو بما أنه المبلغ قليل و لكن أنت نيتك تكون تفهمي العقلية كيفاه و إذا زاد قالك سلفيلي قوليلو لا لا و ردة فعل ديالو هي تبينلك نايتو و أنا متأكدة بهذه الطريقة رااااح تفهمي أمور بزاف برك متكذبيش على نفسك

[بسمة تحدي]

اختي اول علاقتك بهذا الشاب محرمة فهذا لا يجوز شرعااااااااااااا

عاودي رجعي نفسك مليح

لو كان خيلتي عندك قيمة كان ميطلب يتسلف منك خير رجعي روحك مليح ملح

اما بنسبة لنقود لو كان مثلا خطيبي يحتاج دراهم والله كنت نعطهوملو عادي وخاصة اذا كنت

واثقة فيه

[doba]

حذاري و ثم حذاري

[bibimoto6]

مسكين زوالي

[oussama-30]

hna maranach 3arfinne dorouf ta3o balak yashakha sah waala lala anti chofi m3aha wa chofih wach rah ydir biha bah ta3erfi niyto wa matansaych ina ba3da dani ithm mala taakdi kbal madiri haja wa takdri tadlmih wa tadlmi rohak m3ah

[kawtar koukou]

اختي الفاضلة حسب قولك المبلغ قليل
وهو سيكون زوجك مستقبلا يشاركك في كل شيء ليس في المال وحسب ...
اعطيه المال وانظري ردة فعله ممكن هذه القصة اصلا فيها ملعوب اي ممكن اراد ان يعرف مدى حبك له وان تعثر في احدى الايام هل سيجد عونك...
موفقة

[صقر الشرق]

السلام عليكم
خاوتي واش رايكم فالشخص الي يطلب دراهم من الانسانة الي يحبها وتحبو راهم مخططين للزواج يقولها راني محتاج دراهم ادا حبيتي نجي وعطيلي 50الف برك راني مستحقهم ودراهمي مزال مدخلوش هل هنا هي تمدلو ولا لالا و واش رايكم في هد الانسان الي يطلب دراهم من عند البنت الي يحبها مع انو المبلغ قلييل جدا
والله يا أختي .........يقولولك الراجل هو لي يجوجي الراجل وبما أني راجل كيفو نقلك أخطيك منو هذا إنسان إستغلالي وراهو يجوز بيك فالوقت كان قادر يطلب هذا المبلغ الصغير من عند صاحبو ولا يدبر راسو المهم ما يقصدكش أنتي. هذا لا يحبك ولا هم يحزنون وبما أنك مرأة والمرأة معروفة بأحاسيسها المرهفة تبانلك تحبيه وهو يحبك لكن الحقيقة مخالفة لذلك. نصيحتي ليك أخطيك منو ومن جميع العلاقات الغير شرعية التي لا ترضي الله كل خطوة تخطيها معاه ولا مع غيرو راهي خطوة نحو جهنم.........فضلا عن خيانتك لوالديك ولعائلتك ولدينك قبل كل شيء. والله أنصحك كما لو أنك واحدة من أخواتي. أخطيك من هذه العقلية وتوبي لربي سبحانه وكفري عن ذنوبك بالإستغفار والصدقة والصيام لعل الله يغفر لك . وتأكدي أن الزواج مكتوب .........يجيك لي كتبهولك ربي مام تخرجي مع 1000 يكتبلك غير لي يحبهولك ربي. لهذا خذي بنصيحتي وربي يرزقك بالزوج الصالح كما تتمنينه. لك ولجميع بنات المسلمين.....................تقبلي مروري

[اناناسة]

السلام عليكم ، صراحه لا احب أبدا من يطلب الاعانه من زوجته ما بالك خطيبته لا أحبذ حتى ان يبدأ بطرح موضوع كيف انه في ضائقة ماليه ... الرجل الحق لا يرضى بمال غيره أبدا لذا لا أنصحك بمنحه اي مبلغ مهما كان قليلا .... صدقيني هذه حالهم عندما يبدؤون باللف و الدوران !

[صقر الشرق]

اختي الفاضلة حسب قولك المبلغ قليل
وهو سيكون زوجك مستقبلا يشاركك في كل شيء ليس في المال وحسب ...
اعطيه المال وانظري ردة فعله ممكن هذه القصة اصلا فيها ملعوب اي ممكن اراد ان يعرف مدى حبك له وان تعثر في احدى الايام هل سيجد عونك...
موفقة




هناك طرق أخرى يمكن له أن يختبرها بها...............هذه ليست طريقة. والمعروف أن الرجل هو الذي يتحمل مسؤلية المصروف وليست المرأة. ربي يهديك ويهديها راكي بهذا تشجعينها على المواصلة في الخطأ...........يا أختي الكريمة هذا ليس زوجها راهي تخرج معاه برك وبالاك راه يلعب ويتمسخر ......راهي تعصي في ربي وتخون في والديها..............تقبلي مروري

[صقر الشرق]

السلام عليكم



اليوم يدي 50 والمرة الجاية يطلب مليون ويتزوجها ويدي الشهرية تاعها كاملة والله اعلم
هذا كي يتزوجها صح

[sali-sali]

lمن عندي واحد راجل نتاع بصح يحشم يطلب دراهم من عند بنت مهما كانت
الا ادا موالف انتي تدي من عنده دراهم وهو تاني ..هديك الله اعلم