من الأفضل علوم دقيقة او علوم طبيعية ؟

[khaoula khouloud]

انا بعتوني علوم دقيقة في المدرسة العليا القبة لكن قالولي بلي صعيبة بزاف ودبرو عليا باش ندير علوم طبيعية دوكا الي قرا علوم دقيقة ولا علوم طبيعية في القبة يقولي إدا جاتو صعيبة ولا لا ؟؟؟؟؟؟؟؟؟؟؟؟؟

[khaoula khouloud]

.................................................. ............. اين انتم يا طلاب المدارس العليا ؟

[الملاك المجروح93]

انا اختي تقرا علوم طبيعية ولي معاها في لاشومبر علوم دقيقة راهم حاصلين بسيف ويلا طلعو العام و وحدة داخلة راتراباج

انا نقلك بيولوجيا خيييير معقولة تقدري طلعي العام والاولى تاحم جابت 16

و بالتوفيييييييييييييييييييق

[نسيم سعيدي]

لا ذي ولا ذيك ...الأفضل الرسم أو الموسيقى ..تدرسين في راحة تامة . ولما تتخرجي تعملين 6 ساعات فقط في الأسبوع .وتتقاضي أجرتك مثل استاذ الرياضيات أو العلوم الذين يعملون طيلة الأسبوع وفي مشقة .

[khaoula khouloud]

هههههههههههههههههه والله ياخويا دحكتني من علوم طبيعية إلي رسم ولا موسيقي .......... حرام عليك حبطت المستوي قع هكدا بصح صحت المهم طيتني رايك صحيت خويا

[khaoula khouloud]

......................لا توجد مسا عدات .............................................

[csc_1898]

انا طالب في علوم دقيقة نقولك صح والله صعييييييييييييييبة بزااااااااف حنا في قسنطينة درسنا في 110 نجحنا بلا ماندخلوا synthese في 46 برك
للعلم لي قراو معانا كامل معدلاتهم في الباك 14 و 15 و كاين حتى 16 يعني لازم تعب كبيييييييييييييييييييييير
و لي علابالي بيه علوم الطبيعة و الحياة اسهل بكثير من علوم دقيقة و الله أعلم

[khaoula khouloud]

شكرا اخي صحيت بارك الله فيك بلها إن اشاء الله ندل علوم طبيعية

[csc_1898]

وفيك بارك الله

[Formula1]

هي مش صعيبة جدا بل الرياضيات في الجامعة تختلف بنسبة 90 % عن رياضيات الثانوية

هنا المشكل ، العلوم الدقيقة في الجامعة تتطلب تفرغ كامل وحب للمادة ( حب جامح للرياضيات )

[khaoula khouloud]

وفيك بارك الله
اخي برك حبيت نعرف انا بعتوني استادة علوم دقيقة تعليم متوسط حبيت نبدل علوم طبيعية ثانوي يقبلوني ولا لا قولي تعيش

[khaoula khouloud]

هي مش صعيبة جدا بل الرياضيات في الجامعة تختلف بنسبة 90 % عن رياضيات الثانوية

هنا المشكل ، العلوم الدقيقة في الجامعة تتطلب تفرغ كامل وحب للمادة ( حب جامح للرياضيات )
هي انا نحب الرياضيات ونحب الفيزياء بزاف بصح كي قلت لناس ولي قراو في القبة قالولي خطيك صعيبة وماتقدريلهاش دوكا مارانيش عارفة واش ندير قولي خويا إدا نبدل ولا لا

[sarah milano]

دعكي من حكاية صعيبة هذه هدرة المثبطين ألا تعرفينها قريب يولو يقولوا سنة اولى ابتدائي صعيبة

اختاري ماتريدين و ماتحبين أكثر

[khaoula khouloud]

والله يا خويا انت اول واحد طلعلي المورال شويا كامل قالولي لالا بلاك تندمي والن انت عاونتي بارك الله فيك صحيت تعيش انا نشوف ونخمم بصح والله مازلت خايفة شويا

[csc_1898]

اخي برك حبيت نعرف انا بعتوني استادة علوم دقيقة تعليم متوسط حبيت نبدل علوم طبيعية ثانوي يقبلوني ولا لا قولي تعيش

والله يا أختي الله أعلم حنا في قسنطينة مايقبلوش نورمالمون مي في القبة سمعت يقبلوا نورمال والله اعلم

[khaoula khouloud]

دعكي من حكاية صعيبة هذه هدرة المثبطين ألا تعرفينها قريب يولو يقولوا سنة اولى ابتدائي صعيبة

اختاري ماتريدين و ماتحبين أكثر
والله ياخويا انت اول واحد قلي بلي ماشي صعيبة وانت والقدرات دياولك صحيت بارك الله فيك انا مازلت خايفة شوي بصح نزيد نخمم

[khaoula khouloud]

اخي برك حبيت نعرف انا بعتوني استادة علوم دقيقة تعليم متوسط حبيت نبدل علوم طبيعية ثانوي يقبلوني ولا لا قولي تعيش
إن شاء الله ياربي صحيت اخي بارك الله فيك

[sarah milano]

والله يا خويا انت اول واحد طلعلي المورال شويا كامل قالولي لالا بلاك تندمي والن انت عاونتي بارك الله فيك صحيت تعيش انا نشوف ونخمم بصح والله مازلت خايفة شويا
العفو
أختي حتى لو تفشلي لانك فعلتي ماتريدين أحسن من ان تفشلي لانك فعلت ماأراده الاخرين منك

و اذا تحبي الرياضيات أكثر ستجدين بعد سنوات انك فرطت في حلمك و انه حتى و ان كانت بعد الصعوبات كنت قادرة تتجاوزيها بالعمل و تصحيح الاخطاء
يعني فكري بعد سنوات ماذا كنت ستفكرين ؟

و الله تعيشي مرة واحدة في حياتك اذا مادرتيش واش تحبي

خممي مليح مع روحك و شوفي انت واش راكي حابة

بالتوفيق

[khaoula khouloud]

العفو
أختي حتى لو تفشلي لانك فعلتي ماتريدين أحسن من ان تفشلي لانك فعلت ماأراده الاخرين منك

و اذا تحبي الرياضيات أكثر ستجدين بعد سنوات انك فرطت في حلمك و انه حتى و ان كانت بعد الصعوبات كنت قادرة تتجاوزيها بالعمل و تصحيح الاخطاء
يعني فكري بعد سنوات ماذا كنت ستفكرين ؟

و الله تعيشي مرة واحدة في حياتك اذا مادرتيش واش تحبي

خممي مليح مع روحك و شوفي انت واش راكي حابة

بالتوفيق
صح عندك الحق ربي يكون معانا برك الله اعلم انا الان راني حايرة بزاف بصح راني عارفة بلي ربي إن شاء الله يكون معايا نتوكل عليه وخلاص واش راه كاتب نرضي بيه والحمد لله

[sarah milano]

صح عندك الحق ربي يكون معانا برك الله اعلم انا الان راني حايرة بزاف بصح راني عارفة بلي ربي إن شاء الله يكون معايا نتوكل عليه وخلاص واش راه كاتب نرضي بيه والحمد لله

نعم تفكير صائب
آميين
ربي يوفقك لاختيار الصواب

[khaoula khouloud]

سمحيلي اختي والله ماشفت حسبالي ولد ماكنت عارفة اشفة مرة واحد اختي اسفة

[Formula1]

هي انا نحب الرياضيات ونحب الفيزياء بزاف بصح كي قلت لناس ولي قراو في القبة قالولي خطيك صعيبة وماتقدريلهاش دوكا مارانيش عارفة واش ندير قولي خويا إدا نبدل ولا لا

شوفي اختي الرياضيات والفيزياء وخاصة الرياضيات في الجامعة تتطلب حبا للتخلاط فيها ، هناك ستثبتين نظريات ، سترين

تكاملات جديدة ، دوال جديدة لحلها يجب أن تكوني تحبي التخلاط فيها ببساطة لأن الامتحان في الجامعة ساعة ونصف

إن كانت لديك الفكرة فمباشرة سوف تحلينها إن لم يكن لديك الفكرة ماذا يمكنك فعله في ساعة ونصف

يعني انا لا أقول صعبة جدا أقول تحب شخص يحبها يحب التخلاط فيها ومعرفة أفكار جديدة وجديدة

اذهب إلى موقع لتحميل ملفات السنة الاولى وانظر كيف هي الدراسة :d

[Formula1]

أنا لا أقول أن هاته أفضل من هاته

أنت من سيقرر في النهاية ولا تنسى دوما أن تعمل شيئا تحبه حتى تتميز وتبدع فيه

[khaoula khouloud]

أنا لا أقول أن هاته أفضل من هاته

أنت من سيقرر في النهاية ولا تنسى دوما أن تعمل شيئا تحبه حتى تتميز وتبدع فيه
صح والله اان كنت من هذوك اللي يقولو بلي مكانش شي صعيب ولا شئ ساهل اللي يتعب يلقي بص هذي المرة تلفوهالي كامل