مساعدة

[مشكلتي]

قولولي خاوتي الله يحفظكم كيفاش نتعامل مع الشخصية الوقحة المستفزة انا كنت نقرى العام لي فات مع واحد الله يهديه على كل حال لكن عمري في حياتي ما شفت واحد عقليتو دراري كيما هو يطلع السكر كاين لي يخافوه على لسانو تلقاهم يديرولو غير واش يحب لكن انا ما نقدرش الله غالب ما تربيتش على الخوف من حتى واحد غير من ربي سبحانو عندو وحد اللسان لازم يجبدلك ديفو و يضحك عليك الناس ماشي غير انا الكل يعانيو منو لكن واحد ما قدر يواجهو قولولي الله يحفظكم خاوتي نصائح باش نيفيتيه باش يخطيني علابالي ايلا خليتو في هواه يهبلني ولا نديرلو حاجة نتهنى منو و نهني الناس من بلاه و شرو حتى و انا بعيدة عليه تلقاه يبعتلي الكلام بلمعون مع كاش واحد المهم ما يخليش الواحد ترونكيل لازم يلعبلك على الاعصاب و المورال ايلا لبس كاش واحد لبسا جديدة معاه معاه بتعاليق دياولو حتى يا يقطعها مولاها يا ما يزيدش يلبسها على خاطر يحشمو قدام كال الناس يخترع اسماء محرجة للبنات و كي يكونو برى مع الناس يعيطلهوم بيها باش يحشمهوم و زيد و زيد

[أمة الله 12]

لازمكم تتفاهمو الكل و تحقروه برك

[ميمي سمية]

لازم تحطوه في نفس المواقف اللي يحطكم فيها

لكن لدي سؤال: هل انت ولد ام بنت؟؟؟

[AMINA.Z]

حطوه في الثقييييييييييييييييل

لا سلام لا كلام و لا حتى نظرات

اذا هو يلوحلكم الهدرة انتم سير تتبهدلو و تبينو

اذا انتم ديرو برواحكم ماش شايفينو خلاص كلي ماكانش

راح تتعكس عليه

[هدى الجيجلية]

مثل هؤلاء الناس
لازم ما تعملهم قيمة
يعني حطيهم فالتقيل
وديريه كلي مش موجود
وصدقيني راح يفهم نفسه

[bibimoto6]

ساهلة اشكي بيه للبوليس

[دكتور دولار]

هدا الصنف من الناس مسكين يعاني وضعيف شخصية حاب الناس تقيموا يبريزونتي روحوا يعني يحب يبان علي حساب الناس

باه يضح الغاشي زعما

كشما مرة شدي عليه ديفو ا ولا حاجة وقوليهالوا وحدو يولي الجماعة لي يشوفك فيها يخاف ويحاول يتجنبك

+ اذا عندك اخ او احد العائلة قلوا يخلعوا ويقلوا لاه ديرونجي فيك


طبقي نصائحي وشوفي رد الفعل تاعو

[l'étoile]

اجعليه و كأنه لا سيئ لا تمنحي له اي قيمة و هو سيحس بالمذلة

[mohaa47]

هذا الشخص دواه المقاطعة ........................حتى السلام لا تجوز فيه ...........................ابتعد عنه أو ( ابتعدي عنه)........

[جمعي البشاري]

هدا الصنف من الناس مسكين يعاني وضعيف شخصية حاب الناس تقيموا يبريزونتي روحوا يعني يحب يبان علي حساب الناس

باه يضح الغاشي زعما

كشما مرة شدي عليه ديفو ا ولا حاجة وقوليهالوا وحدو يولي الجماعة لي يشوفك فيها يخاف ويحاول يتجنبك

+ اذا عندك اخ او احد العائلة قلوا يخلعوا ويقلوا لاه ديرونجي فيك


طبقي نصائحي وشوفي رد الفعل تاعو

جواب كافي وشافي

[naamane3]

عندما ترينه قولي
اللهم اكفينيه بما شئت وكيف شئت انك على ما تشاء قدير

[نورسين.داية]

السلام عليكم

هذه الفئة عزيزتي يستقون قوتهم ..و مكانتهم في المجتمع من إنتباه الغير لهم ....و بمجرد تجاهلهم يفقدون تلك المكانة و الأهمية في الوسط الإجتماعي ...........................

أتمنى أن تطبقي...ما قلت لكي عزيزتي

[doba]

ربي يهيده وربي معاك

[rosa allia]

ما تهدريش معاه خلاص وما تقيميهش وما تهزيهش أصلا من الأرض
وكيما يقولو الصماطة تقتل الكلاب
ديري هكا صمطيه وأتجنبيه
يعني المجمع اللي يكون فيه ما تكونيش فيه
و أبخصيه كي يوصلك قولو شوف مع روحك سع من بعد أهدر على الناس
تبالي نتوما اللي عاطينو قيمة أكثر ما يستاهل علابيها تمادى هكا

[kawtar koukou]

الله يهديه