حادثة خنشلة

[نهي]

وفاة الشاب الذي احرق نفسه بولاية خنشلة ليلة امس ادعولوا بالمغفرة

[no one like me]

رب يرحمو في شهر رمضان هاديا

[نهي]

الشاب مسكين اليوم الجنازة ذيالوا ربي يرحموا و يغفرلوا انشاء الله مات بمستشفى باتنة متاثرا بالحروق من الدرجة الثالثة

[no one like me]

اوكي ملا نتي من خنشلة رب يغفر لناس خنشلة كامل

[نهي]

ايه خنشلية vrai معرفة خير و كيما قلتي ربي يغفر للناس كامل قولي اميييييييييييييييييين

[نهي]

الشاب حرق قلبي و قلب الخناشلة و الجزائريين كامل والله غاضني بزاااااااف

[no one like me]

ايه خنشلية vrai معرفة خير و كيما قلتي ربي يغفر للناس كامل قولي اميييييييييييييييييين
امييييييييييييييييييييييييييييييييين مزية لقيت وحدة خنشلة جامي هدرت مع وحدة خنشلية بار انترنت

[نهي]

ههههههههههه انا تاني الحادثة ماخلاتنيش نقولك قبل كل شي صح رمضانكم

[no one like me]

يسلمك نهى دجا نتي هي اول وحدة نهدر معاها في المنتدى راني فرحانة بزاف كي هدرت معاك

[badro40]

حتنى من خنشلة ربي يرحمو

[نهي]

امين حتى انا اول مرة نهدر مع وحدة من خنشلة انا تاني فرحانة ماعليش تقولييلي اسمك باه نكملوا نتواصلوا على هذه الحادثة ياك علابالك الحادثة هذي علاواش صرات

[نهي]

امييييييييييين يا بدرو

[no one like me]

لالا ماعلبليش ونقولك الصاح ماعلبليش مانبى بلي كاين واحد حرق روحو

[no one like me]

نهى شحال في عمرك

[نهي]

ااااااا وي الشاب اسمو عومار في عمرو 29 سنة الحادثة تعود الى انو كاين ينصب الزيتون بصح جاو لابوليس وداوهملوا وضربوه و فاليم التالي راح للشرطة باش يسترجع 3 بادن زيتون نتاعوا (هذاك مايملك مسكين)قالولوا ممنوع راح و زاد رجعلهم بعد ما دوش روحوا بالبنزين و دخل للصونترال نتاع لابوليس و ماكانتش نيتوا يشعل روحوا كان يهدد برك وكيما شعل البريكي لهبت فيه النار و تقاسو معاه

[no one like me]

مسكين مات على حبة زيتون اومو كانت جات حاجة كبيرة دوكة هاو مات واش ربح

[انا حبة سكر]

ربي يرحمو
ايه سمعت بيه اليوم هذاك خنشلة تقلبت بصح واش ربح
لوكان ضرب البوليسي كردت فعل ولا دار كاش حاجة يدخل للحبس يتنحي عليه يخرج اما هكا ماربح لدنيا لا اخرة غاضني
وحاسبين لعباد لحريق لعبة الى يقلق يدوش روحو بالليسونس ويجي يقول راح نحرق روحي
قبل فلميار ماش داروها والفايدة مكانش
المهم ربي يهدينا ويصبر اهلو ويارب يغفرلو ربي لانو مكانش نيتو يقتل روحو بال يهدد فقط

[نهي]

وتقاسو معاه 2 بوليس و ماقدروش يطفيو النار ختراه ماكانش لابوليس بزاف في هذاك الوقت و صرالوا حريق من الدرجة الثالثة

[نهي]

امييييين ربي يغفرلوا

[~~نهال~~]

ايه سمعنا بيها
قالتنا خالتي على حدث كامل
ربي يرحمو

[نهي]

اميييييييييييييين

[نهي]

هذا كامل على جال الحقرة مسكين قطعولوا رزقوا مسكين و هذ الايام كامل الفوضى عمت خنشلة على جالوا

[ASKme]

وتقاسو معاه 2 بوليس و ماقدروش يطفيو النار ختراه ماكانش لابوليس بزاف في هذاك الوقت و صرالوا حريق من الدرجة الثالثة
لان مطافئ الحريق غير موجودة تقريبا والمواد الكميائية في القارورات تمت صلاحيتها منذ اعوام
مهما يكن تمت رشوة عائلته بسكن ومبلغ مالي محترم كالعادة

[عبدون جمال]

[quote=نهي;1053729338]ااااااا وي الشاب اسمو عومار في عمرو 29 سنة الحادثة تعود الى انو كاين ينصب الزيتون بصح جاو لابوليس وداوهملوا وضربوه و فاليم التالي راح للشرطة باش يسترجع 3 بادن زيتون نتاعوا (هذاك مايملك مسكين)قالولوا ممنوع راح و زاد رجعلهم بعد ما دوش روحوا بالبنزين و دخل للصونترال نتاع لابوليس و ماكانتش نيتوا يشعل روحوا كان يهدد برك وكيما شعل البريكي لهبت فيه النار و تقاسو معاه


لا حول ولا قوة الا بالله والله حالة تقطع القلوب رحمه الله وصبر اهله .
هكذا هو الزوالي في الجزائر لانو لو كانت عندو معريفة بسيطة كان جاب الزيتون نتاعو وماصرالوش واش صرا .
هذا جزاء من يقتات بالحلال .
لنا الله .

[نهي]

oui c vraiiiiiiiiiiiiiii

[الحلاق]

الله يرحمو

هذي بلاد ميكي

[حضنية28]

الله يرحمو لكن هذا ليس حلا للخروج من الازمة قتل النفس حرام

[algerie_argaz]

صدق الخليفة الراشد عمر ابن الخطاب رضي الله عنه في رسالته الى الولات
لا تشددوا على الرعية حتى لا تكفروهم
رحمه الله رحمة واسعة في هذا الشهر الفضيل
ورزق اهله الصبر والسلوان
ان لله وان اليه راجعون

[عبدون جمال]

الله يرحمو لكن هذا ليس حلا للخروج من الازمة قتل النفس حرام

من يقول ككلامك هذا فهو اكيد لم يذق طعم الحقرة ولتعلمي ان محل النقاش ليس الفعل في حد ذاته بل السبب المؤدي الى ذلك وسواء كان يقصد قتل نفسه او لم يكن يقصد فاعلمي ان من تسبب في هذه الحالة قيد انملة سوف يحاسب عند الله حسابا عسيرا لان الله واسع عليم ونظرة البشر قاصرة على ما تراه .سوف يخاسب من حرم هذا المسكين حق العمل وحق السكن وحق الانتفاع بالحلال ومن منعه ان يقتات حلالا وسمح لغيره ان ينهب بالحرام ولا يحاسب وغيرهم كثيرون وان هذه الشاب سوف يجتمع بهم عندما تجتمع الخصوم ويقتص منهم حتى تمسح ذنوبه .لان الطبيعي ان لايحدث هذا لو كان الشاب موظفا اوعاملا او على الاقل لو تركوا له زيتونه يقتات منه المسكين .
فالنوسع النظر الى الامور قليلا ولنتعلم الانسانية قبل التحليل والتحريم لان النقاش قد يفضي بنا الى الحقيقة اذا كنا ذوات عقول .

[عبدون جمال]

صدق الخليفة الراشد عمر ابن الخطاب رضي الله عنه في رسالته الى الولات
لا تشددوا على الرعية حتى لا تكفروهم
رحمه الله رحمة واسعة في هذا الشهر الفضيل
ورزق اهله الصبر والسلوان
ان لله وان اليه راجعون
بارك الله فيك ورضي الله عن سيدنا عمر لماذا لانتعلم منهم هذه الحكمة وبعد النظر هذا هو ديننا الحقيقي .الانسانية فوق كل اعتبار

[نهي]

عندكم الحق

[sbmwhadz]

أولا رحمه الله
الحقرة دايرة حالة في البلاد لكن لكن لكن قال تعالى ولا تقتلوا انفسكم
نحن نقول غفر الله له و عافانا الله مما آل إليه

اللهم احفظ شباب المسلمين

[ابتسام18]

ربي يغفرله ويسامحه..........دنيا واااخرة

[حضنية28]

من يقول ككلامك هذا فهو اكيد لم يذق طعم الحقرة ولتعلمي ان محل النقاش ليس الفعل في حد ذاته بل السبب المؤدي الى ذلك وسواء كان يقصد قتل نفسه او لم يكن يقصد فاعلمي ان من تسبب في هذه الحالة قيد انملة سوف يحاسب عند الله حسابا عسيرا لان الله واسع عليم ونظرة البشر قاصرة على ما تراه .سوف يخاسب من حرم هذا المسكين حق العمل وحق السكن وحق الانتفاع بالحلال ومن منعه ان يقتات حلالا وسمح لغيره ان ينهب بالحرام ولا يحاسب وغيرهم كثيرون وان هذه الشاب سوف يجتمع بهم عندما تجتمع الخصوم ويقتص منهم حتى تمسح ذنوبه .لان الطبيعي ان لايحدث هذا لو كان الشاب موظفا اوعاملا او على الاقل لو تركوا له زيتونه يقتات منه المسكين .
فالنوسع النظر الى الامور قليلا ولنتعلم الانسانية قبل التحليل والتحريم لان النقاش قد يفضي بنا الى الحقيقة اذا كنا ذوات عقول .
وهل في رايك انت يا اخ اللجوء الى هذه الطريقة هو الحل كلنا نعاني من التهميش والحقرة من وكل امره الى الله فهو حسبه انا هنا لست في محل لوم او ماشابه رحم الله هذا الشاب وغفر الله له فلنكن واقعيين يا اخ ولنبتعد عن العاطفة ولا نستهن بامور كهاته
فالانسانية مجال والواقع مجال اخر

[عبدون جمال]

وهل في رايك انت يا اخ اللجوء الى هذه الطريقة هو الحل كلنا نعاني من التهميش والحقرة من وكل امره الى الله فهو حسبه انا هنا لست في محل لوم او ماشابه رحم الله هذا الشاب وغفر الله له فلنكن واقعيين يا اخ ولنبتعد عن العاطفة ولا نستهن بامور كهاته
فالانسانية مجال والواقع مجال اخر


انا اقصد ايتها الاخت ان الانسان حين يفقد عقله بالانفعال لا يدرك ما هو بصدد فعله لهذا رفع الله الفلم عن المجنون حتى يعقل , اما نحن فلسنا اهل للحكم على من قتل نفسه لاننا غير مؤهلين لهذا اي لسنا اهلا له لان رحمة الله واسعة ومن يعلم فلعل اللع تعالى يرفع عنه القلم وهذا ايضا لا اعني به ان قتل النفس غير محرم في ديننا بل هو من الموبقات لكن شريعتنا اوسع من هذا نظرا ,فاردت ان اوصل الى الاذهان ان هذا الشاب قتل ولم يقتل نفسه لمن من ظلمه فقد قتله وانه سيتحمل وزره يوم التغابن يوم تجتمع الخصوم امام الديان, لان الظلم ظلمات يوم القيامة فهذا الشاب رحمه الله لو لم يحقر بهذه الطريقة وغيره متروك رغم ظلمه البائن لما حدث له ما حدث ,لكننا بشر علينا ان نعذر العقول حين تغيب ,

[محمد ضيف الله]

تقبل الله صيامكم وقيامكم وجعلكم من المقبولين عنده أما بعد : يقول المولى عز وجل (( ولا تيأسوا من روح الله إنه لا ييأس من روح الله إلا القوم الكافرون))

فهذا الشخص المسكين نقول غفر الله لـــه فقط ولا شيء آخر

[algeroi16000]

تقبلو مروري............صح رمضانكم