حريرة من مطبخي :::::::

[pharmajsk]

السلام عليكم

صحا رمضانكم
ان شاء الله كامل راكم بيان في الشهر الكريم بدون اطالة راني لاحظت في موائدي كاين بزاف طلبات على الحريرة على هذا خممت باش نحطها موضوع على انفراد ان شاء الله نكون افدتكم بيها بيان سور على طريقة الغرب

المقادير
حبة بصل
3 سنات ثوم
حبة بطاطا متوسطة
3 حبات جزر
حبة لفت صغيرة
حبة كورجات صغيرة
حبة طاطم
جاج ولا لحم ولا اسكالوب حسب الرغبة والقدرة
غصن كرافس
قصبر
1 جامبو
ملعقة طماطم مصبرة
2 ملاعق مرمز

التوابل
ملح
فلفل اكحل
كمون
راس الحانوت
فلفل احمر حلو غبرة
قرصة سكنجبير
نوخة
حشايش تاع الحريرة

طريقة التحضير
في طنجرة حطي شوية زيت خليه يسخن شوية وضيفيلو البصل والدجاج ورشيه بالملح (متكثريش على خاطر راح تديري جومبو)وخليه يتقلى وممبعد رابي سنات الثوم ديري غير 2 وخلي سنة بجيه وكي يذبال البصل ديري التوابل (عدا النوخة والحشايش وجومبو)وخلطي ومتخليهمش ينحرقو وضيفي شوية برك ماء
ثو ضيفي الطماطم المصبرة والكرافس والقبر وقلي مليح وممبعد قطعي الخضر مكعبات وقليهم وفي الاخير ضيفي الماء وغطي الطنجرة تاعك
عند الخليان ضيفي 2 معق مرمز وخبيهم يطيبو مع بعض
لما تطيب المرمز والخضرة نحي اللحم احكمي لالوش ونحي المرقة لي تكون فوق سطح القدرة غير من فوق وحطيها في غرفية بجيه
اطحني الخضرة والمرمز كامل كيفكيف ورجعيهم فوق النار
في هذيك الغرفية ديري نصف ملعقة صغيرة حشايش تاع حريرة نوخة وجومبو وقطرات زيت وشوية طماطم مصبرة ورابي سنة تاع الثوم لي خليتهاوخلطيهم مليح

ضيفي هذي العقدة فوق الحريرة وخلطي مليح وخليها تغلة مدة 5 دقائق فقط وطفي

شهية طيبة

http://im33.gulfup.com/AUbxl.jpg

صح فطوركم

[pharmajsk]

saha goulilna wech men jiha fel gharb

w noukha ki nsibha rani nekhdem el hrira dielek

goulili wech hiya el benna nta3ha fel hrira? Nakedrou mendirouhech??
W hadik hchicha gartoufa wech tmed benna fel hrira,

اولا اهلا حنونة نورتي انا من غليزان
بون النوخة تعطي ذوق رائع للحريرة وبالنسبة لعشبة قرطوفة مشي وحدها لالا انا قتلكم الحشايش تاع الحريرة فيهم مجموعة من الاعشاب مطحونين مين بينهم عشبة قرطوفة والنوخة و’’’’الخ روحي عند العطار يعطيك حشايش الحريرة فيهم راائحة مميزة وكي دييها في الحريرة يولي فيها ذوووووق خاص
ان شاء الله نكون افدتك

[pharmajsk]

ahla ahla beness ghilizen

الله يسلمك

[fatalim]

جربتها عجبتني خير من الفريك خفيفة

[mohib]

tislaaaaaaaaaaaaaaaaaaaaaaaamiiiiiiiiiiiiiiiiiiiii iiiiiiiii

[pharmajsk]

جربتها عجبتني خير من الفريك خفيفة
بصحــــــــــــــــــــــــــــــــــــتكم بالصحة والراحة

tislaaaaaaaaaaaaaaaaaaaaaaaamiiiiiiiiiiiiiiiiiiiii iiiiiiiii

الله يسلمك

[monita monita]

اسمحيلي اختي انتيا مين في غليزان انا ثاني غليزانية حبيت نعرفك مين

[صابرة2013]

شكراااااااااااااااااااااااااااااا لك

[أم الفرسان]

يعطيك الصحة أختي .. روووووعة

[ninafret]

اممممممممممممممممممممم تبان بنينة بزاف
الحقيقة عمري مادقها احنا عندنا نعملو شربة فريك ولا فارميسال ولاحساء بانواعو وتمنيت ندوقها بصح ماشي من يديا انا
بصح معليش مانقعدش بسخفتي راح نجربها بحول الله
حبيبتي يعطيك الصحة على كل ماتقدميه وراني ديما متابعة مواضيعك
صحا فطورك

[biks]

السلام عليكم

بارك الله فيك على الكيفية

[pharmajsk]

شكراااااااااااااااااااااااااااااا لك

العفووووووووو
:dj_17::dj_17:

يعطيك الصحة أختي .. روووووعة
الله يسلمك نورتي
:1::1::1::1:

اممممممممممممممممممممم تبان بنينة بزاف
الحقيقة عمري مادقها احنا عندنا نعملو شربة فريك ولا فارميسال ولاحساء بانواعو وتمنيت ندوقها بصح ماشي من يديا انا
بصح معليش مانقعدش بسخفتي راح نجربها بحول الله
حبيبتي يعطيك الصحة على كل ماتقدميه وراني ديما متابعة مواضيعك
صحا فطورك
صح سور انتي من الشرق بصح احنا في الغربمعروفين بالحريرة وهي من اساسيات مائدة رمضان كون منحطهاش وعععععع :sdf: مكانش لي يسلكني وهي بنينة تاني على خاطر عطرة بالاعشاب المفيدة
وربي يخليكعلى تتبعك حنونة

السلام عليكم

بارك الله فيك على الكيفية
يبارك فيكوصحرمضانك


:dj_17::dj_17::dj_17::dj_17::dj_17::dj_17:

[sirina_angel]

كاين لي يديرو فيها الفول و حوايج اخرى بزاف و عنهم توابل خاصة تاع الحريرة

[sirina_angel]

عندي صحاباتي في الجامعة من معسكر و سيدي بلعباس بلاك نقولهم يجيبولي هاد الاعشاب ما شكيتش نلقاهم هنا عندنا ...الشرق

[اميرة07ميرا]

اعطيك الصحة حنونة

[pharmajsk]

كاين لي يديرو فيها الفول و حوايج اخرى بزاف و عنهم توابل خاصة تاع الحريرة

صح حبيبتي كل واحد وطريقتو في صنع الحريرة مام احنا الاعشاب الخاصة هم حشايش الحريرة فيهم عدد هائل من الاعشاب مطحونين امممم وريحتهم مميزة تشميها غير في الحريرة وطعم منحكيلكش ذوقيها برك راح تفهمي واش راني نقولك

عندي صحاباتي في الجامعة من معسكر و سيدي بلعباس بلاك نقولهم يجيبولي هاد الاعشاب ما شكيتش نلقاهم هنا عندنا ...الشرق

ايه هذي حاجة مليحة قوليلهم يجوبوهالك باسكو علابالي بلي في الشرق مكانش مي كون توصي عليها العطار ممكن يجيبلك والله اعلم

اعطيك الصحة حنونة

الله يسلمك نورتي

[nokia111]

يعطيك الصحة كنا بحاجة لمن يعرف بالحريرة الجزائرية

[سيدرة المنتهى 44]

baraha allo fiki

[hajour]

بوركت عزيزتي

[pharmajsk]

يعطيك الصحة كنا بحاجة لمن يعرف بالحريرة الجزائرية

baraha allo fiki

بوركت عزيزتي

نورتووووووووووووووووووووووووووووو:1: