اجريو ليا يا صحاب الشرق

[Agro34]

السلام عليكم
صح رمضانكم

الصراحة راني ساخفة على الرفيس القسنطيني بزاف بزاف
وياريت من صحاب الشرق ينعتولي الطريقة والله روعة ياريت ما تخلوها في قلبي راني نستنا فيكم
صح فطوركم

[ninafret]

صباح الخير اختي نعطيك طريقة ساهلة ماهلة
راه يتباع واجد في علب مكتوب فيها رفيس قسنطيني على الاقل توفري على روحك التعب في طيابو
دركا مرحلة التفوار
تحطي هداك الرفيس اللي يجي على شكل حبيبات بنية اكثر شوية من حبة الكسكس تحطيه في كسكاس وتفوريه كيما الكسكسي من بعد تحطيه في قصعة ولا صحن واسع وتبداي تسقي فيه بالحليب حتى تشوفيه بدا يشرب والحبات بدات تتنفخ خليها تبرد وزيدي فوريه وهاد المرة اسقيه بماء الزهر وكملي بنفس الطريقة مرة حليب ومرة ماء زهر حتى تلقاي بلي الحبات تنفخت ورجعت طرية دوقيها راح تعرفي
كي تجي تقدميه حطي كمية من العسل مع نصف الكمية من الزبدة يدوبو على النار وزيدي بالتدريج فوق الرفيس مع الخلط وزيدي كمية من الكاوكاو المرحي متوسط كيما حبات الرفيس وزيني بالسكر قلاصي والمكسرات

وراهي حطت من قبل اختي الوهرانية رفيس بطريقة روعة يشبه للي تحوسي عليه ادا لقيت الرابط نجيبهولك

[marwa marama]

راهو يتباع في باط وااجد

[maiar]

تفضلي اختي ان شاء الله يعجبك

الرفيس بالخطوات من مطبخي (http://www.djelfa.info/vb/showthread.php?t=1264783)

[Agro34]

كثرخيركم يا الفحلات اله يهنيكم