متى يتم تسديد اجور الاساتذة المتعاقدين من شهر جانفي؟؟ [الأرشيف]

مشاهدة النسخة كاملة : متى يتم تسديد اجور الاساتذة المتعاقدين من شهر جانفي؟؟

cr7madridista

2013-07-25, 03:59

السلام عليكم
من لديه الخبر اليقين بخصوص تسديد مستحقات الاساتذة المتعاقدين من شهر جانفي الى نهاية السنة لانه في كل مرة نسمع انه سيكون في هذا الشهر و يمر الشهر بدون اي جديد
للعلم انا من الغرب من تلمسان و هل كل مناطق الوطن مثل حالنا؟؟
ياااااااو خلصونااااااا خدما باطل و لا واش تحسب مكانش دراهم

kader2012

2013-07-25, 05:14

و الله نفس المشكل في مدينة سيدي بلعباس
انا ذهبت منذ اسبوعين لمديرية التربية و قالوا لي في اواخر شهر جويلية سوف تاخذ كل مستحاقتك
و الله اعلم !!!!!!!!!!!!

arbifoot

2013-07-25, 05:45

انا ثاني في بسكرة لا خبر

sail 89

2013-07-25, 06:36

batna kif kif

حليمة-عين البيضاء

2013-07-25, 12:08

بعد رمضان نخلصو
طولو بالكم
العام الي عدا خلصنا في 28 رمضان مبقاش و يفرج ربي
وحاجة ماهي باطل
الي راح و سال يقولنا قداش الدراهم من جانفي حتى 30جوان

كوثر عبد الرحمن

2013-07-25, 12:16

نورمال خاوتي
في اوت باه يخلصوك وادعوا ربي الدوسي يكون نيشان ما خاص فيه والو خاصة شاك باري
المهم دراهمكم يدخلوكم غ ماتنقصوهمش بالشوف في لابوست"" احنا مش نقصين""

houhouhou

2013-07-25, 18:59

السلام عليكم....في و لاية النعامة كيف كيف...قالك الدراهم مكانش كي يدخلو نخلصوكم...نصيحة إخوتي روحو لقسم الخاص بالأجور و شوفو الملف المالي إدا راه كامل ...إدا راه ناقص كملوه..لخطرش إدا خلصو الناس و لقاو دوسيك ناقص يرموه على جنب و ما يستدعوكش حتى تجي تسقسي..لخطرش إدا خلصت الناس الله أعلم شحال تقعد باش تخلص من بعد ما تكمل دوسيك. الله يوفقكم

قلم محترق

2013-07-25, 23:59

ههههههههه تعرفوا انا والله ماني طامعه فيهم العام هذا بكل مازال مطولين.....ايه ا ماما.. ربي يعيناااا

تهاليل

2013-07-26, 00:19

يلا راكم تقصدو مستخلفين حتان نوفمبر يخلصوكم اما اذا كنتوا بلاصتكم تسناو هذيك حاجة أخرى وربي يسهل وموفقين يارب

dak

2013-07-26, 03:04

شحال يخلصو للشهر ؟

cr7madridista

2013-07-27, 04:43

ايه كيما يقولو واش يدير الميت في يد غسالو هاد العفسه لوكان تحكيها لواحد برا على لبلاد ما يتقكش يقولك كيفاش تخدم عند الدولة و ما يخلصوكش تبااااااااااا
المهم نسناو هاد الشهر بلاك ربي يهديهم

armorkingdz

2013-07-27, 22:34

كيف كيف في ولاية عين الدفلى مازال مابان والو ....قالولي بالاك شهر اوت ولا سبتمبر
و فيما يخص شعال للشهر ...على حساب الدرجة و البوست اللي راك فيه **مستخلف.متعاقد =في بوست فارغ ماكاش مولاه
كل واحد واش قلي ...28 ولا 25 كاين اللي قالي 31 و الله اعلم ...انا ندير حسابي لزوج ملايين و بركات
وفقكم الله

تهاليل

2013-07-28, 11:34

شكون قالكم ماتخلصوش هذا مستحيل يلا ملفكم دفعتوه يسما خلاص تخلصوا انا خدمت العام لي فات من جانفي حتان جوان منصب شاغر وخلصوني فيه في نوفمبر ولي خدمو في سبتمبر خلوصهم مع أوت هكا وبالتوفيق للجميع وماتنساوش تتصدقوا منه شوي