ضاعت مني

[مشكلتي]

تقدمت لخطبة فتاة امي كانت تعرفها هي بنت فاملية مدينة ومتخلقة ومتربية انسانة طيبة ومشاء الله عليها حتى

حجابها فضفاض كي رحت خطبتها قاتلي يا فلان انا منهدرش في التليفون حتى كي نعقدو نعطي رقمي ليماك واذا

كش مكاين هي تعيطلي خلاص قلتلها ايه بصح انا مصبرتش ديت رقمها وقعدت نعيطلها هي كانت تصدني كانت تتكلم

غير فالمفيد وخلاص بصح انا مشديتش روحي هي ترجعني لطريق وتقولي مينفعش عاونتي بزاف وليت نحافظ على

الصلوات وخاصة صلاة الفجر كانت ديما تنصحني عمرها متكلمت على اي حد بسوء وديما توصيني على يما

انا خطيبتي هذي كانت نحيفة جداا وهنا بدا الشيطان يتلاعب بيا كي نخرج برا نشوف فالبنات هذي سمينة وهذي

عاملة هكذا بديت نشوف لخطيبتي بنظرة اخرى كنت نقول في نفسي هي مراحش تكفيني جسمها ضعيف فعلا الشيطان

تلاعب بيا

قلت لماذا نتزوجها ؟؟ فبدى الخوف يتسلل الى قلبي بي لما اتزوجها لن تشبع رغباتي ؟

قعدت في دوامة مع نفسي اتغيرت من جيهتها حتى عاد تقولي وش كاين وانا محبيتش نقوللها

قلت لنفسي يجب ان انفصل عليها الان افضل من المستقبل

اتصلت بيها وقلتلها يا فلانة خلاص ربي يعوضك مخير مني المسكين لم تفهم شئ؟؟ قاتلي اتمسخر اتمسخر

قلتلها لالا انا جاد قفلت الهاتفق وزاد عودت عيطتلي قلتها خلاص ولكنها عاودت الاتصال وردي كان نفس الرد

وفي اخرة اتصلت قالتلي يا محمد هذا عقاب من الله لاني لم اتبع طريقه وسمحت لنفسي ان اتكلم معاك في الهاتف

قالتلي يا محمد عصينا الله فعقبنا اقول لك اخر كلام توب الى الله وقفلت الهاتف

من يومها لم اسمع كلامها وحتى لما اراها في الشارع مترفدش قع عينها من الارض وتمشي مسرعة


لما قلت لامي اني سانفصل عنها عايرتني وقاتلي ماشي تع وجهك بهدلتنا واخواتي اصبحو ينظرون لي بنظرة

اخرى ذهبت لاهل الفتاة واعتذرة وقالت عني اني احمق ميعرفش صلاحو

جلست مع نفسي فاكتشفت اني فقدت شئ عظيم من يدي لم افهم لماذا فعلت كل هذاا

الناس يدورو على بنات الفاملية بالشمعة وانا كي لقيتها ضيعتها من يدي

ندمت ندمت ندمت ندمت ندمت ندمت ندمت

فعلا توبة الى الله واتقربة اليه

انا الان افكر اني اتصل بخطيبتي واطلب منها تسامحني واريد ان اطلب منها كذاك انها هل تقبلوني من جديد انا لازلت بحاجة اليها

ولكن خايف انها لا تقبلني انصحوني

لا تلومني الفيا يكفيني

[kmilya]

ادعي ربي واستغفر لذنبك واذا كنت صح حبيتها ترجعلك ربي يرجعهالك ان شاء الله بصح حسب ردها هاد المرة مسكينة راك جرحتها جرح كبير

[ناصرالدين الجزائري]

للأسف هذه ليست لعبة ...
الزواج مسالة جدية .. و بما أنك اخترت انهاء هذه الخطوبة فمن الأحسن لك التمسك بقرارك .. فحتى لو كان قرارك خاطئ و جعلت الجميع يراك كشخص ما يعرفش صلاحه فعلى الأقل لا تزد الطين بلة و تظهر نفسك بصورة الشخص الذي لا يتحمل مسؤولية قراره ..
أنصحك بأن تشغل تفكيرك في كيفية تنظيم أفكارك بدل تضييع وقتك في محاولة الرجوع الى الوراء .. البنت فهمت و أيقنت أن لا خير فيك و أن الله أبعدك من طريقها لحكمة ...
ربما تقبل بك مجددا إذا كانت مغرمة بك أو يائسة من الخطاب ..

خبي وجهك و تظاهر أنك وجدت خيرا منها ... لا ارى حلا آخر يحفظ ما بقي من صورتك أمام الناس

[sali-sali]

السلام عليكم
هدي واعرة
لكن حاول ترجع لاهلها و تطلبها من جديد + تطلب سماح

[آمِيْرَتُه]

أخي الكريم الزواج قبل ما يكون علاقة راه ثقة + احترام + أخلا ق
الله يهديك و متطلبش الرجوع ليها لأن متستاهلكش بكل تواضع

[Katy Pretty girl]

يا اخي اتمنى ربي يسهلك معاها
بصح الناس من بكري و خاصة النساء يقولو البنات لما يتزوجو يزيدو شوية في الوزن
و كل وحدة و كيفاش انا اخواتي كانو نحيييييييييييييييييييييييفات بزاف (حطبة و فيها الروح)
بصح كي تزوجو راهم غاية و زادو زيانو بزااااااااااااااف على اللي كانو
la taille تاعهم راها شابة و في زوج ماشي غي وحدة ماراهم سمانات ما راهم نحيفات راهم نورمال
و انا اختي مين انخطبت كانت تحوس تسمن كانت تاكل الشيكولا و المعجنات و قاع النهار و هي تمضغ (قاع هاك و ماسمنتش)
بصح كي سمعت بيها عجوزتها قال لها باش تحبس الشي اللي راهي تدير فيه
و قالت لها la taille تاعك شابة .......و اختي دروك راها مقتنعة و فرحانة بشكلها الحالي
اما في مسألة التيليفون انا يا اخي راني نحكيلك على حساب واش شفت ,,,,انا كنت قاع الوقت مع اختي و نرقدو مع بعض في غرفة وحدة و مين انخطبت مامدتش نيميروها لخطيبها حتى عقدو و فتحو(جابو الامام قراو الفاتحة ) و هاتفها كان دايمن غي محطوط و اللي يجي يخرب فيه
و ما كانش يعيطلها بزاف و هو كان راضي بهاد الشي و هي تاني
هوما كانو مقتنعين بفكرة انو الحب يجي ورا الزواج
و حتى لوكان البنت تحكي مع خطيبها في الهاتف بنية باش تتعرف عليه
عمرها و لا غادي تعرفوا غايا
لانو ناس بكري قالو :العشرة فتاشة
الله يسهل لك خويا و يجعلها من نصيبك يا قادر يا كريم

[هاجر78]

خويا انت الا ماحبيتهاش وماعجباتكش عادي هدا قرارك احسن من انك تتزوج بيها ومن بعد تكتشف انها ماهيش عاجباتك ودمرلها مستقبلها وادمر روحك بلاك ماهيش مكتوبك اخي صلي صلاة الاستخارة

[سرور]

نت من اولا غلط وغلطت بزززاف ناس تشوف لجوهر من خارج الله يهدك انا ظن فتاة مش راح ترجعلك بسكو راك جرحتها نت صلي الاستخارة والله مسير

[naamane3]

.... ثقف نفسك
وغير تفكيرك السلبي
وعاود روح اخطبها
وربي يجيب الخير

[sarra5]

اسمحلي نقولك انك غبي حقا

لو كنت لنت نحيف هل كانت راح تخليك و تحوس على ذو العضلات مثلا

لو كان اختك خطيبها راح وخلاها لنفس السبب راح تقول عادي؟؟؟

لا اظن انها راح ترجعلك لانك تخليت عليها لسبب اتفه من التافه مقابل ما اعطتك من نصائح و الرشد لطريق الله

ياو بنات الفاميليا ماعادوش هاذ ليامات يبانو مع الكم الهائل من البنات الضالات و انت رحت وتكبرت عليها

انا نتمني ترجعو لبعض

وربي يهنيكم

[iman14]

لا حول و لا قوة الا بالله الله يهديك الجمال جمال الروح و الدين كاين لي يجو شابات و الاخلاق 00 و كاين العكس و الاخلاق هوما الصح اما الزين يفنى اذا كانت تحبك رايحا تسامحك و ترضى عليك و اذا لم تكن لك اي مشاعر سوف تتخلى عنك و تبحث عن من يحبك لروحها و شخصيتك لا لمظهرها راك درت حاجة تجرح بزاف و انا في مكانها منسامحش على خاطر هذا يعتبر اهانة و تلاعب بمشاعر الناس و المراة معروفة انها حساسة خاصة في هذه المجالات و لكن لازم عليك تصلي صلاة الاستخارة اولا و ثانيا تروح عندهم لدار و تطلب سماح و تحكي معاها شخصيا و اذا سمحاتك و رجعتو لبعضكم البعض في ذلك اليوم فعلم ان جواب الاستخارة انه خير و اذا حدث العكس فاعلم ان نصيبكما ليس مع بعض هذا هو الحل

[رحمة من المولى]

ربي يسرلك أمرك

[عاكف]

الله يهديك خويا الله يهديك الله يهديك

لقيت كنز كيما هي و تخليها

روح اطلب السماح و اعتذر و توب لله

و الله غير انت صح مهبول كفاه تخلي هاذي الافكار تفسد عليك مع وحدة تخاف ربي

البنات هكا قلال يهديك ربي روح قلها تسامحك

[عبد الله 22]

السلام عليكم درتها كبيرة بصح حاول المهم تتعلم من أن تفكر بعمق، قاصدها وإذا رفضتك او بهدلتك من حقها تستهل بصح عاود لها وطلب سمح وربي يسهل لك

[minn]

الله يهديك يا اخي صلي صلاة الاستخارة و ان شاء الله يكتبلك الي فيها الخير

[نورسين.داية]

نصيحتي اخي إستخر ....................

و بكل صراحة لو كنت مكانها ....سوف افكر ألف مرة ... ...............لأنه توجد قاعدة عامة ... الدي يتخلى عنك مرة و بدون سبب مقنع .....في حال عادت العلاقة الى سابق عهدها ......لا أضمن أنه سوف لن يتخلى عني بنفس الطريقة .............مرة اخرى

[أمّ عبد الودود]

أخي ما حدث قد حدث لا تفكر فيه
فكر في طريقة للعودة إليها حتى وإن رفضتك
لا تستسلم فحسب ما تقول عنها انها بنت متخلقة
وهذا يتطلب منك عدم تركها فقد لا تجد مثلها
لأنك ان لم تعد لها فأنت آثم
أولا لانك جرحتها وأخطأت في حقها
ثانيا لانك تعرف أنها ذات دين وذات الدين لا تترك بهذه السهولة
الخطأ اخي لا يعالج بالخطأ وتقول أنها لن تقبل بي ثانية
كلا الخطأ يعالج بتصحيحه والتوبة منه
فإن رضيت بك فلله الحمد وجمع الله بينكما في خير
وإن لم ترض فاعلم أنها ليست من نصيبك منذ البداية
وإنما أراد الله أن يبين لك أخطاءك

نصيحة لا تطلب منها أنت العودة يعني لا تكلمها الآن أبدا
فهي في موقف حرج وقرارها سيكون نتيجة لحالتها
النفسية
اجعل من تثق به واسطة بينك وبينها
{ إِن يُرِيدَا إِصْلَـٰحاً يُوَفّقِ ٱللَّهُ بَيْنَهُمَا }
حتى تهدا نفسها وتطمئن

فقط أردت أن أعقب على بعض من يقول أنها لن تعود لك
لا أحد منا يعلم الغيب لذلك لا تنصحوا بمثل هذا الكلام
يوجد من الازواج من انفصلوا لكن الله جمع شملهم مرة اخرى
فلا داعي لمثل هذا الكلام
توكل على الله أخي
على الأقل حتى إذا رفضت هي الاستمرار معك
فقد فعلت ما بوسعك
كان الله في عونك ويسر أمرك

[loulou02]

أخي ما حدث قد حدث لا تفكر فيه
فكر في طريقة للعودة إليها حتى وإن رفضتك
لا تستسلم فحسب ما تقول عنها انها بنت متخلقة
وهذا يتطلب منك عدم تركها فقد لا تجد مثلها
لأنك ان لم تعد لها فأنت آثم
أولا لانك جرحتها وأخطأت في حقها
ثانيا لانك تعرف أنها ذات دين وذات الدين لا تترك بهذه السهولة
الخطأ اخي لا يعالج بالخطأ وتقول أنها لن تقبل بي ثانية
كلا الخطأ يعالج بتصحيحه والتوبة منه
فإن رضيت بك فلله الحمد وجمع الله بينكما في خير
وإن لم ترض فاعلم أنها ليست من نصيبك منذ البداية
وإنما أراد الله أن يبين لك أخطاءك

نصيحة لا تطلب منها أنت العودة يعني لا تكلمها الآن أبدا
فهي في موقف حرج وقرارها سيكون نتيجة لحالتها
النفسية
اجعل من تثق به واسطة بينك وبينها
{ إِن يُرِيدَا إِصْلَـٰحاً يُوَفّقِ ٱللَّهُ بَيْنَهُمَا }
حتى تهدا نفسها وتطمئن

فقط أردت أن أعقب على بعض من يقول أنها لن تعود لك
لا أحد منا يعلم الغيب لذلك لا تنصحوا بمثل هذا الكلام
يوجد من الازواج من انفصلوا لكن الله جمع شملهم مرة اخرى
فلا داعي لمثل هذا الكلام
توكل على الله أخي
على الأقل حتى إذا رفضت هي الاستمرار معك
فقد فعلت ما بوسعك
كان الله في عونك ويسر أمرك

بارك الله فيك

[طائرة الشرق]

اذا كانت مكتوبك واحد و الله تتزوج فيها فلا ممسك لما أعطى الله و لا معطي لما أمسك و الواج قدر و مكتوب ما تلقى روحك الطيبون للطيبات إرسال الله أن يجمعكما بالحلال

[بسمة تحدي]

وعلاه تسخبلك كلمة خلاص كلمة ساهلة هذي الكلمة تكسرة كل حاجة مليحة بينتكم وخاصة واذا كانت تحبك ورسمت احلام معاك

روح اطلب منها السماح اذا قبلة ورجعتو كيفكيف الله يبارك واذا مقبلتش متلومهاش لانه انت بي بكل بساطة كسرة الثقة وكل حاجة

مهيش ساهلة مهوش لعب والله


استخير وادعي

حنا منحسوش لقيمة الشئ الا لما يضيع منا

عمبالك لو كان مقلتش كلمة لا تلومني الفيا يكفيني كنت راح نحطلك سعدك في يدك

لخطرش منحبش الي يلعب ببنات الناس

[Assouma 93]

استغفر الله العظيم تلعبو ببنات الناس كيما تحبو راك ضيعت لؤلؤة نادرة من بين يديك قليل وين تلقا كيفها الله يكثر من امثالها المهم انت اذا راك حاب ترجعلها عن نية خالصة احكي معاها و عبرلها عن اسفك و قوللها انها كانت لحظة ضعف تغلب عليك الشيطان و هي مادامها متخلقة و متدينة ستسامحك حتما الله يجمع بينكم في الحلال ان شاء الله

[مشكلتي]

اقول لك يا اخي الفتاة لما يكسر قلبها شخص خصوصا انها كانت تحترمة وتكن له بعض المشاعر و تراه زوج المستقبل و تراه رجل صدقني حين ينسحب سواءا بمبرر غير منطقي او من دون مبرر بشيء مبهم
و كلنا اصبحن نعرف كلمة اخاف ان اضلمك او اتمنى لك افضل مني و كلشي بالمكتوب وغيرها من التبريرات الواهية صدقني يسقط من عينها و تفقد فيه الثقة خصوصا حين يجعلها في امر محرج امام اهلها و اقرانها

فلو كان بها عيب ظاهري او عيب في الدين او الخلق نتقبل الرفض و يصبح عادي
لكن حين يكون الرفض في شيء تافه و ظاهري هنا الاشكال خاصة مشكلة النحافة
فاغلب الرجال الحاليين الفاهمين يحب ان يرى زوجته تلبس لباس يجعلها فاتنة ومغرية له كي تصونه عن النظر للمحرمات تاتي انت و تقول اريدها سمينة و الله و كأنني في عام دقيوس حين كان الرجل يطلب من امه ان تزوجه برميلة
تبا لكم يا فئة الرجال من هذا الصنف حين تجدون المتربية و الاصيلة و الجميلة تتحججون بالنحالة
و حين تجدها فيها كل شيء تتحجج بالبدانة
تتزوجها بدينة و حين تسمن تصبح تنظر لغيرها و تعايرها

انصحك بطلب السماح منها لانك و الله لو لم تطلب السماح ستحصد افعالك و ستصاب بالامراض و تفقد صحتك او تفقد مالك او يصيبك شيء في شرفك او تفقد شخص عزيز عليك ......لانه التلاعب بالمشاعر خطير جدا خصوصا مع فتاة محترمة لم تخض في علاقات فوالله ان لم تدعو عليك سيدعو عليك قلبها لانها ستفوض امرها لله كي ينتقم منك
كما اعلمك ان الزواج ليس تلك العلاقة فقط بل هو علاقة حب و مودة و رحمة و سكن و ما تحدثت عنه هو مجرد نسبة كما ان التفكير في اشياء سطحية يجعل الشخص سطحي يرى من زواجه تلك الغريزة الحيوانية فقط و لا يرى انه يبني اسرة كي يربي اولاده على الدين و الخلق و الصدق و التعامل ..........الخ
اخي افطن من سباتك قبل فوات الاوان و من يتكبر عن نعمة الله و الله سيحرمه منها طول الابد او يبتليه ابنلاء شديد ...................
فارجع لرشدك يا من ترى الزواج تلك الاشياء فقط و يا من ترى ان الزواج من فتاة رشيقة هو من قتل نفسه
ربي يهديك و تحية لكل رجل يختار الجوهر و يضيف له المظهر و تبا لكل ذكر يرى المظهر هو الزواج
سبحانك اللهم بحمدك و استغفرك و اتوب اليك