ماذا افعل

[مشكلتي]

السلام عليكم ورحمة الله وبركاته

اريدكم ان تنصحوني انا كنت مخطوبة ولكن للاسف انفصلنا والان تقريبا مر شهر من انفصالي عن خطيبي

مريت بضروف صعبة وكنت فعلا تحت الصدمة ولكن الان الحمد الله تحنس حالي وبديت اعتاد ان اعيش بدون خطيبي

لاني كنت متعلقة بيه وكنت احبه

االان كاين انسان حاب يتقدم وهو انسان مشاء الله الكل يشكر فيه قلت لاهلي خلاص بعد العيد يجيب درهم

ويجي

المشكلة هي فيا انا انا مزل في قلبي حب لخطيبي الاول خفت نقبل الانسان هذا واكون ظلمت نفسي واظلمه معي

حبيت نزيد وقت حتى ننسى خطيبي نهائيا وممبعد نبدى حياتي من جديد وفي نفس الوقت منيش حاب نشد

هذا الانسان معايا

لا اريد هجووم منكم من فضلكم اريد نصيحة لوجه الله وتكون في ميزان حسناتكم

والله مجيت نكتب هنا الا واني حسيت بحيرة ومشكلة

ساعدووووني من فضلك رني عارفة بليك كاين عقول منيرة في هذا المنتدى

لا تبخلو عليا

[مراد12345]

أن تكتبين

بفكرة معينة

ولكن هل الدين يقول ذلك

أظن ذلك لا ؟؟؟؟؟

غذا لم تستطيعي نسيان خطيبك الأول

لا تبقلي الثاني

حتى تنسي الأول

[tina19]

انا نقولك لازم تقبلي بالثاني
وهو لي راح ينسيك في الاول باذن الله
كيما يقولو راجل ما ينسيه غير راجل
والله يا اختي العزيزة راني حاسا بيك تاع صح
ادعي ربي واكثري من قراءة سورة يس
راح يفرج عليك ربي وتنسايه ان شاء الله

[kaderkader1541]

قلتي بفمك انك لا تريدي هجوم في الردود
اذن
توبي الى الله و اسأليه الهداية
لا تقيمي علاقة غير شرعية و تنتظرين منها ان تنتهي بالزواج " ما بُني على باطل فهو باااطل "
لا تتكلمي مع خطيبك في الهاتف لأن الهاتف سبب المشاكل سواء قبل الخطبة أو بعدها
لا تأتي هنا الى قسم العرائس و تبدئين تسردين و تخبرين في قريناتك ماذا اشتريت و تتحدثي عن جهازك وووووو
و الله العظيم ان نصف ما يصيب المخطوبات من مشاكل سببه العين
هناك مثيلاتك لم يسعفهن القدر للزواج لذا إقضي حوائجك في السر
و ربي يسهل في الزواج لكل امراة عفيفة شريفة تقية نقية متحجبة بحجاب التقوى و حجاب الشرعي

[أمة الله 12]

اذا ولد فيميلا ما تريحيشو من ايديك

و خطيبك الاول عادي تنسيه

[basma09]

السلام عليكم
صدقيني اختي عن تجربة اقبلي بالثاني و مع الوقت تنساي الاول خصوصا اذا كان انسان ماشاء الله كيما قلتي اختي
وماتنسايش صلي صلاة الاستخارة و اتكلي علي ربي ان شاء الله فيها خير و ربي يهنيك بالك حبيبتي

[kaderkader1541]

انا نقولك لازم تقبلي بالثاني
وهو لي راح ينسيك في الاول باذن الله
كيما يقولو راجل ما ينسيه غير راجل
والله يا اختي العزيزة راني حاسا بيك تاع صح
ادعي ربي واكثري من قراءة سورة يس
راح يفرج عليك ربي وتنسايه ان شاء الله
يا فتاة ما هذا الرد
هو أتى ليتزوجها أم اتى ليُنسيها في رجل اخر غيره
و الله مليحة هاذي تاع راجل ما ينسيه غير راجل
كلام العجب

[بسمة تحدي]

سبحان الله هذي الهدارة مهيش بعيدة عليا راني حاسة بها بزااااف بزاااف منشي قع حابة يخلاص رمضان

بما انك خلاص انفصلتي عليه يبقى خلاص لااااااااااااازم تنسايه مع الوقت بك راح تنسااايه باذن الله

وادعي ديما قولي يارب اخرج حبه من قلبي

اتقربي لربي سبحانو اكثر فاكثر وتوكلي عليه وقوليلو ياربي فوضت لك امري كله فخترلي

حاولي انك تستفيدي من تجربتك مع خطيبك الاول

متعصيش ربي سبحانو امشي على طريق الصح خلي فترة الخطبة تكون شرعية كيما يحب ربي سبحانو

متكثريش الكلام في الهاتف

بما انه هذا لتقدملك مشاء اقبليه وتوكلي عللى ربي

وربي يقدملك الخير يارب

اكثري من الاستغفاااار بش ربي يغفرك ويطهرك ويجعلك طيبة ويرزقك بواحد طيب

[بسمة تحدي]

انا نقولك لازم تقبلي بالثاني
وهو لي راح ينسيك في الاول باذن الله
كيما يقولو راجل ما ينسيه غير راجل
والله يا اختي العزيزة راني حاسا بيك تاع صح
ادعي ربي واكثري من قراءة سورة يس
راح يفرج عليك ربي وتنسايه ان شاء الله

اختي انا لا اتفق معاكي الراجل مينسيه الا الراجل

لالالالالا ولله

الواحد لازم يتقرب الى الله ويعلق قلبه الا بالله وحده

لما يكون قلبنا معلق بالله وحده ثما تكون السعادة الحقيقية والله

وليس تعلق قلب المرأة بالرجل هي السعادة


قلتي بفمك انك لا تريدي هجوم في الردود
اذن
توبي الى الله و اسأليه الهداية
لا تقيمي علاقة غير شرعية و تنتظرين منها ان تنتهي بالزواج " ما بُني على باطل فهو باااطل "
لا تتكلمي مع خطيبك في الهاتف لأن الهاتف سبب المشاكل سواء قبل الخطبة أو بعدها
لا تأتي هنا الى قسم العرائس و تبدئين تسردين و تخبرين في قريناتك ماذا اشتريت و تتحدثي عن جهازك وووووو
و الله العظيم ان نصف ما يصيب المخطوبات من مشاكل سببه العين
هناك مثيلاتك لم يسعفهن القدر للزواج لذا إقضي حوائجك في السر
و ربي يسهل في الزواج لكل امراة عفيفة شريفة تقية نقية متحجبة بحجاب التقوى و حجاب الشرعي


والله نعم النصيحة يا اخي

معاك حق في كل كلمة قلتها بسم الله مشاء الله عليك

[naamane3]

باش تنساي الاول الامر بسيط جدا وهو التوبة الى الله
لان كما قال الاخ من حديث رسول الله صلي الله عله وسلم
ما بني على باطل فهو باطل
فاذا تبتي من ذنبك ان شاء الله يقبل الله توبتك واذا قبل الله توبتك
انساك ما كنت فيه واذا نسيت ماكنت فيه عشت بقية حياتك في راحة بال
والله المستعان

[kamel76]

لن أطيل عليك الكلام و لا الفلسفة . أنصحك بأمر واحد لا أكثر و هو : ملازمة الإستغفار . و الله ثم و الله سوف ترين نتيجة عجيبة له إن شاء الله . لازمي الإستغفار و سترين .

[l'étoile]

اختي و الله عن تجربة بسيطة في هذه الحياة مستحيل ان تنسي خطيبك مهما مر من و قت ....صحيح يمكن تتخيلي انك نستيه بعد سنة سنتين لكن لا لا يكمن النسيان لانه في فترة ما كان يلعب الدور الاساسي في حياتك ..الا انه يمكنك ان تتخطي هذه المرحلة بالارادة و التقرب الى الله و ايضا اجعلي هذه الفكرة في راسك لو كان يحبك فعلا لن يتخلى عنك مهما حصل و بما انه فعلها فهو لا يحبك و انت هل ترضين لنفسك العيش مع انسان لا يحبك و ربما لا يحترمك
اما عن الشخص الذي تقدم اليك اختي صلي صلاة الاستخارة اكثر من مرة خاصة و اننا في الشهر الفضيل ....... حاولي اذا كان بالفعل رجل يستحق المحاولة و صح رمضانك الله يكون في العون

[bent hawa]

صلي صلاة الاستخارة و اتوكلي علي ربي
ربي يجيب الخير

[bibimoto6]

لعن الله الحب و سنين الحب
ماذا جنى المسلمون من الحب
هذي تحب مهند و لخرى كوسوفي و لخرا جابوني و لخر
نقولك
استخيري الله و الحب لله و لرسوله
االلهم صل على محمد و ال محمد انك حميد مجيد

[غـاني]

ربي يصبرك وكثري من الدعاء وقيام الليل رانا في رمضان ودعوة الصائم عند الافطار لا ترد انشاء الله

[عبد الله 22]

السلام عليكم لا تتسرعي ليس لأجل خطيبك السابق لعله يعود او ماشبها بل لنفسك لأن قرار الزوج و الاختيار يحتاج تفكير براحة ونفسية مرتاحة، لا أقولك حاولي أن تنسي خطيبك بل حاولي أن تجدي نفسك أنت لان لا خطيبك السابق و لا اللحق سيتحمل خطا سوء الاختيار

[حنان باشا]

نقلك حاجة أختي ....تفكري غير الحوايج الخايبة في خطيبك الأول ..... ما تتفكريلوش حتى حاجة باهية درك تنسيه .... و استخيري رب العالمين ما تستخيري حتى واحد.....وتأكدي كون تحكمي في ربي وتبعيه ما تغلطيش نشالله....ربي يوفقك

[fattouna]

Choufi okhti l7abiba mafiha walou kiyat9adamlak wa7dek wtkun makhtouba mn ba3d tanfaslou n9olak rabi chaflak sla7 wlkhayr 3adi balak hada l2insan lija yokhotbok doka ray7a t3ichi m3ah marta7a b1 matadrich kol7aja fdenya hadi bl7ikma w7aja katabhalak rabi lik t2akdi wellah wa7ad mayadiha wsali wad3i rabi nchaaaalah matasm3i ghir lkhir ya rab

[Assouma 93]

يا اختي كيما باعك بيعيه و اقبلي بالثاني فورا باش كي يعرف انك انخطبت يعرف بلي نسيتيه اما اذا رفضت و هو يروح يخطب اخرى واش يقول اكيد يعرف انو مقدرتيش تعيشي مع واحد غيره و يبدا يشوف في روحه انا ننصحك تقبلي بهذا الشخص اذا كان وليد فاميلية و ربي يعاونك ان شاء الله

[nadineisraa]

يا اختي كيما باعك بيعيه و اقبلي بالثاني فورا باش كي يعرف انك انخطبت يعرف بلي نسيتيه اما اذا رفضت و هو يروح يخطب اخرى واش يقول اكيد يعرف انو مقدرتيش تعيشي مع واحد غيره و يبدا يشوف في روحه انا ننصحك تقبلي بهذا الشخص اذا كان وليد فاميلية و ربي يعاونك ان شاء الله

والله اني لاتعجب لردودكن
يعني هذا الفيلم والتمثيل كامل مع المسكين الثاني باش يعرف لاول بلي نساتو ؟؟؟؟ عجب والله عجب
كنت نلوم في الناس ماتزوجش الان عرفت السبب ؟؟؟
ماهذا الكلام يابنت اظنك صغيرة مازلت ترضعين او ربما انت بنت لعوب لاتنفعين لشيء
هذا المخلوقة تخطبت ودارت امل وتعلقت بهذا الانسان كما الراجل يخطب ويتعلق بالمخطوبة
ربي لم يكتب لاسباب اذن الحل الوحيد اختي
النسيان ومواصلة المسير بالزمن الزمن هو الي نسي
كلنا تعلقنا بناس وبمرور الوقت نسيناهم
اذا كنت تعرفت على الاول بعلاقة فهذا خداع كبير للانسان الثاني ماذنبه؟؟؟؟؟؟؟
اتقين الله في الشباب
عزوف الشباب عنكن له مبرراته
لاتقلن لي ان الرجل ايضا له علاقات وهل المراة كالرجل؟
اخطر شيء هو هذه العلاقات قبل الزواج
الاخت انساي ولاتخدعي الانسان الذي اشتراك بعد ماباعك الاخر انساي فقط

[hakeem]

من طبع الإنسان انه يترك ما لديه و يتعلق بما ليس له يا مرا انت تعلمين انك مخطأة و عليك القيام بخطوة صحيحة و إذا شفتي باللي اللي خطبك أوليد فاميليا فعليك فتح الأبواب له فقد يساعدك في التخلص من الوساوس و التفكير بمن تركك

راكي مرا .....كبري عقلك و عليك ان تعيشي الواقع و ليس المسلسلات و القصص الخرافية .... كوني مرا حرة و أكرمي من أكرمك و فكر في بناء أسرة معك في الوقت الذي تخلى عنك الآخر .

غريب تفكيرنا و رغباتنا نقف لساعات امام المحلات التجارية نتمنى الحصول على ما لا نقدر عليه في حين لا نعطي أي أهمية لما هو بين أيدينا .