تسجيل الدخول

مشاهدة النسخة كاملة : الخدع

فاطمة شلف
2013-07-23, 12:44
أروي يا راوي و روي قصتي.....ضري صعيب و دخلاني
بلاك من الخدع يالبراني...........ماديرش لمان في بنات الناس
ياكلوا لقمتك و يحفرولك بالفاس..و الحبيب لي ضنيت عليه خربلي الساس
متأمنش ضحكت الخدع...........معمرا بالحقد و الكره للناس
ياربي تكون لي معين.............والصحبة لي ماهي ناجحة تنكشف في الحين
رقدوا في فراشي و خدعوني...طعنوني بالسكين للقلب و خنقوني
مابلانيش ربي واك العبد هو سبابي..........و حرقلي قلبي
جيت بين النار و النار تصهد ....وعلا باب ولادي خلاني نتمرمد
راني نبكي و ما نشفوا دموعي...يااخواني شتا يضمد لي جروحي
خدعني بابا ولادي في فراشي...طاطيت راسي و حشمت من الغاشي
كي مات باب تمحمحت و محسيت روحي يتيم...يتمتني الخدعة و خلاتني عديم
قالي يا بنت الناس حاولي تنساي...ركبني الوسواس و كي ننظرو نشوف خدعة الناس
بالاك من الخدع يالبراني...........هاذي عبرة لي يفهم معنى كلامي
مديرش لمان يا العالي.........الخدعة راهي تكلفك غالي

بقلم فاطمة شلف
محمد بنايلي
2015-08-24, 12:00
أروي يا راوي و روي قصتي.....ضري صعيب و دخلاني
بلاك من الخدع يالبراني...........ماديرش لمان في بنات الناس
ياكلوا لقمتك و يحفرولك بالفاس..و الحبيب لي ضنيت عليه خربلي الساس
متأمنش ضحكت الخدع...........معمرا بالحقد و الكره للناس
ياربي تكون لي معين.............والصحبة لي ماهي ناجحة تنكشف في الحين
رقدوا في فراشي و خدعوني...طعنوني بالسكين للقلب و خنقوني
مابلانيش ربي واك العبد هو سبابي..........و حرقلي قلبي
جيت بين النار و النار تصهد ....وعلا باب ولادي خلاني نتمرمد
راني نبكي و ما نشفوا دموعي...يااخواني شتا يضمد لي جروحي
خدعني بابا ولادي في فراشي...طاطيت راسي و حشمت من الغاشي
كي مات باب تمحمحت و محسيت روحي يتيم...يتمتني الخدعة و خلاتني عديم
قالي يا بنت الناس حاولي تنساي...ركبني الوسواس و كي ننظرو نشوف خدعة الناس
بالاك من الخدع يالبراني...........هاذي عبرة لي يفهم معنى كلامي
مديرش لمان يا العالي.........الخدعة راهي تكلفك غالي

بقلم فاطمة شلف

كلمات صادقة ورائعة
بوركت واصلي هذه الباقات العطرة
فاطمة شلف
2015-08-25, 08:46
السلام عليكم
شكرا لك اخي محمد بنايلي على المرور الطيب والتشجيع
تحياتي
فاطمة شلف
2016-02-18, 14:20
السلام عليكم ورحمة الله وبركاته
اه والف اه من خدعة الجار
راه ركبني هم وجرى عليا الحال
دمعة مابغات تنشف وماصت رحت البال
كون عرفت الزمان يخدعني نطول المطراش
وعلى باب ولادي فقد عقلو وطاش
كيفاش نحكي على خيانة الفراش
ضري صعيب وودخلاني مايبراش
medcherif03
2016-02-18, 16:46
مقواك يا ختي في ذالمحنة //// واه العبد يكون ناسي و يفكروه
كلش كلش قالخدعة والخونة //// تحز الخاطر و القلب اترشيه
حرقتي قلبي بهمك يا فطومة //// ويلا كان بيدي انجي نمحيه
ماتنسى لكلاب لفعال الشينة //// اللي مربي عالخدع مايخطيه
أبن العز و لأصول الزينة //// ما يتعدى حدود ربي ما ينويه
بنت الأصل فايقة و ارزينة //// ما يغرها ابليس ماترضخ ليه


الله يكون في عونك يا أختي فاطمة و الله يقيل العثرات و الله لا يكشف عنا الستر... كلمات حساسة و مؤلمة فعلا. ما عندي ما نقول
فاطمة شلف
2016-02-18, 17:02
السلام عليكم ورحمة الله وبركاته
شكرا لك اخي الكريم
الله يبارك فيك
سلام
بوبكر بن علي
2016-02-18, 17:07
همك هم في هــــــمي ينسي ........ وجرحك جرح يلفط لي اجراحــي
حليلك يا اختي واش تدســــي..........لا غمضت العين القلب صاحـــــي
ياضيمي قلوب بلجــــبة قسي..........منين تنظر ليهم صـفة مراحـــي
راني مثلك في الحنظل نحسي.........نتولج قداه نا كاثـــر نواحــــي
فقد الوالد راه هــــــلك نفسي.........هضملي افادي مسموع ضباحي
الله يصبرنا يهمد حسك وحسي.........ويرحمنا ربي جملة بجاه الماحي

تحياتي اختي الشاعرة السيدة فاطمة
فاطمة شلف
2016-02-19, 09:49
السلام عليكم ورحمة الله وبركاته
نحمد الله ونشكروا وعلى النعمة ديما نذكروا
عندي اخوى بيا حسوا وفالهم معيا تقاسموا
بارك الله فيكم يالخوان ويجزيكم ربي فالكلام لكان
تقدري واحترامي كل احبتي
بوبكر بن علي
2016-02-19, 23:56
وعليكم السلام ورحمة الله تعالى وبركاته

وفيك بركة اختي..تحياتي
فاطمة شلف
2016-02-20, 11:04
السلام عليكم ورحمة الله وبركاته
شكرا اخي بوبكر يا شاعر العرب
كلامك راه نفعني
ولبلا راني متعود عليه
شحال من بلية مرت عليا
سامحت وقلت ساع ربي يهديه
مكاش منا معصوم من الخطا
ويلا تكرر حتى راه معمد عليه
الله يشافي كل مريض
ويشافيه من الخبث لفيه
نطلب ربي الهداية لكل انسان وينجيه
تقدري ياوخيي بوبكروقدرك تاج فوق الراس
حبيتك حب الاخوة وربي عالم بالقلب وماداس
بوبكر بن علي
2016-02-20, 12:48
حبــك ربـــي يا بنـت الــــــــناس.........وعزك وسط الدواخل يامعتاه
قدرك وشانك عـــــــالي مايداس........وكلامك شهد النحل يامحلاه
ذهب مرصع مشــــــــلل بالالماس........ولا تاجــر راه يقدر لشـــراه
بنت الشلف رايسة علــــى الرياس.......عالية في الرتعة طير شباه
ماترضى ببيوع في سوق النخاس......ماتخالــــط نجوع طايح شناه
نيفـية في الطبع ماتعرف رخــاس.......ولاترضى بلذل وكلام المهماه
يامن تعرف فاطمة كونك سياس.........واعرف قدر السيف وسط جواه
نطلبك لك الستر من مالك الناس........ويحفظك يا وخية عظيم الجــاه

تحياتي
فاطمة شلف
2016-02-21, 08:04
السلام عليكم ورحمة الله وبركاته
والله ياوخي كلامك تحفة
وكلمتوا نفضلها على جميع الناس
راهي سكنت قلبي طيبة
بحلاوتها مكاش خلاص
كون يكون منك عشرة
جزائر تولي لاباس
تحياتي ياشاعر العرب
بوبكر بن علي
2016-02-21, 23:10
الا نظرت لكلامـي قلــــت تحفة........اصل التحفة في حرفك ياحرمة
انت بدر ضوو مشعشع مايطفى.......وسط السما يعيب على النجمة
انت مثــــل الوردة في العـــفة........ريح معبق يبري معلول لادهمة
انت درة تلالي ياباهية الصفة.........انت نور لصطاح في بحر الظلمة
انت وخية فيك الحنانة واللطفة.......مربيك شيخ طالب مولا حكــــمة

تحياتي اختي فاطمة
فاطمة شلف
2016-02-22, 05:16
السلام عليكم ورحمة الله وبركاته
الله الله يبارك وزيد يبارك فيك
اقتراح
دير الشعر في قسم الخواطر يمشي بزاف مثل الاخ محمد
بدل النجمة تستهل الذهب ياوليد الجلفة ولد الكرم والنيف
تقديري ياوخيي ماصل
بوبكر بن علي
2016-02-22, 13:21
وعليكم السلام ورحمة الله تعالى وبركاته...وفيك بركة اختي

عفوا لم افهم اختي لم قسم الخواطر ....
فاطمة شلف
2016-02-22, 15:29
السلام عليكم ورحمة الله وبركاته
عندك موهبة جدوا رائعة في الشعر
لهذا حبيت الشعر تاعك يمشي في قسم الخواطر
كلما زاد شعرك زاد تعرفك اكثراردت ان يعرف موهبتك
الجميع لان الخواطر فيها حركة ونشاط اكثر من قسم الشعر
وربي يوفقك لما فيه الخير والرشاد
بوبكر بن علي
2016-02-22, 16:16
وعليكم السلام ورحمة الله تعالى وبركاته..فهمت قصدك اختي فاطمة...ولكن هذا قسم الشعر الشعبي والاخر خواطر...فكيف سيقبل كلامي هناك...جزاك الله خيرا اختي...بارك الله فيك
فاطمة شلف
2016-02-22, 16:41
السلام عليكم
يعطك الصحة دير الشعر باللغة وانت قدها وقدود
محمد دير في الشعر ودير فالخواطر لكن بااللغة
تحياتي الله يقدرك ويزيد فضلك
ربي يكون معاك نعرف خويا فحل
بوبكر بن علي
2016-02-22, 23:22
وعليكم السلام ...الله يسلمك اختي ..اااه انت تقصدين في الفصيح اليس كذلك..تحياتي ياشاعرة
فاطمة شلف
2016-02-23, 06:13
السلام عليكم ورحمة الله وبركاته
شكرا لك اخي الكريم هذا هو القصد
تحياتي اخي
بوبكر بن علي
2016-02-23, 18:05
وعليكم السلام

العفو اختي..جزاك الله خيرا..تحياتي ياشاعرة
فاطمة شلف
2016-02-25, 09:15
السلام عليكم ورحمة الله وبركاته
يقول خالد السلامي مجلة حبيبتي
اربع تقتل الانثى رحيل والديها . وتفضيل امراة عليها وانعدام مستقبلها
وان تخدع من شخص احبته
الانثى المتسامحة صبرها طويل وفراقها اطول
افهمي ايتها الانثى الدمعة التي تبكيها اغلى من الانسان الذي تبكي عليه
عندما يتقابل الحب مع الاهانة تفضل الانثى الابتعاد
اكتفي بهذا القدر وشكرا
بوبكر بن علي
2016-02-26, 23:12
السلام عليكم....الله يعلي شانك الاستاذة فاطمة...تحياتي
فاطمة شلف
2016-02-27, 08:53
السلام عليكم ورحمة الله وبركاته
والله ثم والله احببتك في الله مثل اخي العزيز عبد الحكيم
ويعلي شانك انت ايضا وكلامك نعتز بيه وجميك فوق الراس
تقديري لك
فاطمة شلف
2016-02-27, 08:59
السلام عليكم
اخي بوبكر انصحني
ماهو الكتاب الذي اقراه كي اتحسن في الشعر الملحون
والله دون مجاملة منذ مرورك في صفحتي تحسنت قليلا
وتعلمت كيف اتقن الحروف
اني شاكرة لهذا المعروف
تحياتي
بوبكر بن علي
2016-02-27, 12:54
وعليكم السلام....انت اختي وانا هنا لمساعدتك...والله اختي في شعرك ينقصك الا القليل...اما فيما يخص الكتاب...فانا مثلا اقرا للشاعر الاغواطي(عبدالله بن كريو)و (الخثير بن السايح)...وهناك ايضا الشاعر الشيخ السماتي رحمه الله...كل قصائدهم موجودة في منتديات....وفقك الله اختي...اي سؤال او مساعدة انا هنا..لخدمتك ولخدمة الشعر والشعراء..تحياتي سيدتي
بوبكر بن علي
2016-02-27, 13:13
عندك موهبة شعرية ماشاءالله..لو توفقي في ضبط الوزن مليح نقولك واد الشلف تهيجيه باشعارك..ربي يوفقك اختي
بوبكر بن علي
2016-02-27, 13:15
احبك الذي احببتني فيه...انت العزيزة والمحترمة عندي....نعتز ونفتخر بك ياشاعرتنا الاصيلة..تحية تليق بفارسة مثلك
ahmad00
2016-02-27, 13:16
شكرا علي هذا الموضوع
فاطمة شلف
2016-02-27, 13:45
السلام عليكم
شكرا يااخي وليد الجلفة الاصل
تحياتي وتقديري
بوبكر بن علي
2016-02-27, 13:55
وعليكم السلام
العفو اختي...تحية خاصة خالصة لشاعرتنا الاصيلة
بوبكر بن علي
2016-02-28, 15:33
ما اجمل حروفك ياشاعرتنا ..وفقك الله