هل يمكن دراسة الطب و الهندسة المعمارية في ان واحد !!!!!

[*ميما*]

السلام عليكم و رحمة الله و بركاته

يا هلا بكم يا اسرة المنتدى و الف مبروك لكل الناجحين في البكالوريا
انا راني حابة نسقسكم ان امكن .........

انا نجحت هدا العام في البكالوريا لكن بمعدل صراحة مفرحنيش و مفرحش حتى واحد خصوصا اني مجتهد كثيييييييييييير و ديما كنت الاولى .....لكن قضاء الله و قدره ....فالحمد لله على كل حال
و انا من اختياراتي درت هندسة معمارية صحيح انها لم تكن رغبتي في الاول و لم تكن طموحي لاني كنت في البداية نميل اكثر للطب لكن حبيتها و درت عليها احلام كثيرة .....
و قررت اني نعاود البكالوريا العام الجاي ان شاء الله ...بش ندخل الطب باذن الله
بصح من جهة خرى مرانيش حابة نتخلى على الهندسة المعمارية لهدا الشئ قررت اني اجد و اثابر قليلا بش نقراهم في زوج
فهل يمكن دراسة الطب و الهندسة المعمارية في ان واحد
يا ريت تجاوبوني .....

بارك الله فيكم
جزاكم الله كل خير ان شاء الله
و صح رمضانكم و صح فطوركم
ميرسي

[NADJIB-90]

اذا كنت سوبر مان تقدر الهندسة المعمارية وحدها والناس ماهيش سالكة تنا تحوس تجمع زوج تخصصات صعاب علي كل الله يوفقك

[Formula1]

على حساب ما نعرف ما تقدر تقرى 2 تخصصات في أن واحد

لا تستطيع التسجيل في جامعتين في وقت واحد ( أرجو أن يؤكد او ينفي أحد هذا )

الهندسة المعمارية رأيت كم هي متعبة وتأخذ وقتا والطب تتطلب أيضا تفرغ كبير جدا لها

أرى أنه يجب عليك التضحية بأحدهما

[shy'n]

زعما راكي ضامنة الطب العام الجاي ؟

[*ميما*]

اذا كنت سوبر مان تقدر الهندسة المعمارية وحدها والناس ماهيش سالكة تنا تحوس تجمع زوج تخصصات صعاب علي كل الله يوفقك

ماشي سوبرمان .....بصح راني حابتهم في زوج و ان شاء الله يعاوني ربي و نسلكها و الله المستعان
بصح المشكل هل يقبلوني و لا لا .....!!!!!

على العموم مشكور خويا
بارك الله فيك

[NADJIB-90]

ماشي سوبرمان .....بصح راني حابتهم في زوج و ان شاء الله يعاوني ربي و نسلكها و الله المستعان
بصح المشكل هل يقبلوني و لا لا .....!!!!!

على العموم مشكور خويا
بارك الله فيك

كاين حاجة يسموها مستحيل كيما تكون في مكانين مستحيل فيزيائيا وعلي كل لا تستطيع حسب القانون الا دراسة تخصص واحد وحتي لو انهيت التخصص لازم تنتظر 5 سنوات لدراسة تخصص اخر ادرس فقط لما تدخل الجامعة راح تعرف مدي خطأنظريتك

[*ميما*]

على حساب ما نعرف ما تقدر تقرى 2 تخصصات في أن واحد

لا تستطيع التسجيل في جامعتين في وقت واحد ( أرجو أن يؤكد او ينفي أحد هذا )

الهندسة المعمارية رأيت كم هي متعبة وتأخذ وقتا والطب تتطلب أيضا تفرغ كبير جدا لها

أرى أنه يجب عليك التضحية بأحدهما

راك متاكد .........يتسما لازم نخير واحدة فيهم
بصح انا نعرف بزاف الباس الي داروا تخصص و زادوا قراو لغة بش تساعدهم

اوكي على العموم ميرسي
بارك الله فيك

[*ميما*]

زعما راكي ضامنة الطب العام الجاي ؟

ايه انا مكدبتش عليكم كي قلتلكم بلي راني مجتهده كثييييييييير
و انا نعرف النيفو تاعي و نعرف بلي هدا العام صرا اكسيدو و يقدر يصرا لاي واحد ....قدر الله ما شاء و فعل

[nedjema amirazed]

hhhhhhhhhhhh les 2 sa3ab bazaff sah kayenin li y9raw 2filieres en meme temps waheda fihom sahlaa

[sofiannnne11]

لازم يكون عندك العرف معا أحمد بابا باش يعطيك نسخة أصلية أخرى لكشف النقاط لأنه ضروري يسحب منك بعد التسجيل بالجامعة

[shy'n]

ايه انا مكدبتش عليكم كي قلتلكم بلي راني مجتهده كثييييييييير
و انا نعرف النيفو تاعي و نعرف بلي هدا العام صرا اكسيدو و يقدر يصرا لاي واحد ....قدر الله ما شاء و فعل
أنا أيضااا مجتهدة كثييييير وراني خايفة بزااااف
دك نعاودوا و مانعرف

[*ميما*]

كاين حاجة يسموها مستحيل كيما تكون في مكانين مستحيل فيزيائيا وعلي كل لا تستطيع حسب القانون الا دراسة تخصص واحد وحتي لو انهيت التخصص لازم تنتظر 5 سنوات لدراسة تخصص اخر ادرس فقط لما تدخل الجامعة راح تعرف مدي خطأنظريتك

لا لا خويا انا منعرفش حاجة اسمها "مستحيل" مادام لي رب يقول لشئ كن فيكون ....انا عندي الارادة و راني متوكلة على ربي و الحمد لله ....و الله المستعان ان شاء الله
اما فيزيائيا فراني فكرت اني نقسم وقتي لهادوما الزوج
انا مشكلتي مع هدا القانون ....انا نعرف بزاف ناس دروا زوج تخصوصات !!!!!!

ايا على العموم مشكور خويا
بارك الله فيك

[*ميما*]

hhhhhhhhhhhh les 2 sa3ab bazaff sah kayenin li y9raw 2filieres en meme temps waheda fihom sahlaa

sah bezzzzzaf s3iba bessah rabbi inchallah y3awni
justement kheti rani na3raf bezzzzaf darou 2fillieres !!!!!

[*ميما*]

لازم يكون عندك العرف معا أحمد بابا باش يعطيك نسخة أصلية أخرى لكشف النقاط لأنه ضروري يسحب منك بعد التسجيل بالجامعة

خويا مارانيش فاهمة واش راك تهدر .........
راني نقولك رايحة نعاود الباك ان شاء الله !!!!!!

[*ميما*]

أنا أيضااا مجتهدة كثييييير وراني خايفة بزااااف
دك نعاودوا و مانعرف

ان شاء الله كل واحد يوفقوا ربي
بارك الله فيك

[NADJIB-90]

ايه انا مكدبتش عليكم كي قلتلكم بلي راني مجتهده كثييييييييير
و انا نعرف النيفو تاعي و نعرف بلي هدا العام صرا اكسيدو و يقدر يصرا لاي واحد ....قدر الله ما شاء و فعل

اجتهاد الجامعة يختلف عن اجتهاد الثانوية في الجامعة لازم تبذلي 60 بالمائة جهد اكثر حتي تتخرجي متمكنة من تخصصك خصوصا مع البرنامج الجديد لو قلتي لغات او غيرها لقلت ممكن لكن اعرف دارسي شعبة هندسة معمارية احيانا مايرقدوش ليالي باه يقدموا مشاريع او بحوث فكيف تقدرين انت علي جمع الطب والهندسة
الجامعة مختلفة كليا علي الثانوية وربما بعد شهور من الدراسة فيها تجدين ان تخصص واحد مرهق ويتطلب كل وقتك فكيف بتخصصين من اصعب التخصصات وكلاهما يتطلب وقت واجتهاد كبير وتربصات وغيرها
علي كل يمكنك المحاولة وترين مدي قدرتك في الشهور الاولي وملاحظة فقط البكالوريا تقع في فترة امتحانات السداسي الثاني اذا لازمك تدخلي رطراباج في الهندسة وهو ما يقلل حظوظك في الماستر وفي الاخير اتمني لك التوفيق

[الزهرَاء~]

أحتِي لن أقُول لكِ مستحِيل ..

لكن الوقت لن يكفيكـ خاصَّـة وأنكِ اخترتِ تخصصين يحتاجان لجهد كبِير

حتَّى لو سهرتِ الليالي لا أعتقِد أنَّه يمكنِك التوفِيق

في الطب ما شاء الله كم هائل من الوثائق التي يجب حفظها أعرف كثيرا ممن يقضون يومهم كاملاً في الحفظ

نصيحتِي ادرسي الهندسة هذه السنَّــة والله يوفقك العام الجاي إن شاء الله وتدرسي الطب

[shy'n]

ان شاء الله كل واحد يوفقوا ربي
بارك الله فيك

تجي للمنتدى ولا لا ؟


ماش حا تبلوكي العام ؟ كيفاه حاتديري للوحدات الجديدة والدروس الجديدة العام الجاي ياك ماكاش عتبة ؟

أنا تاني درت هندسة معمارية لكن و الله ليس لي ولا رغبة في التسجيلات الجامعية مش حا نسجل....لكن قد أغير راي لا اعرف
حد الآن مازال ما خرجت والو من الوثائق

[*ميما*]

اجتهاد الجامعة يختلف عن اجتهاد الثانوية في الجامعة لازم تبذلي 60 بالمائة جهد اكثر حتي تتخرجي متمكنة من تخصصك خصوصا مع البرنامج الجديد لو قلتي لغات او غيرها لقلت ممكن لكن اعرف دارسي شعبة هندسة معمارية احيانا مايرقدوش ليالي باه يقدموا مشاريع او بحوث فكيف تقدرين انت علي جمع الطب والهندسة
الجامعة مختلفة كليا علي الثانوية وربما بعد شهور من الدراسة فيها تجدين ان تخصص واحد مرهق ويتطلب كل وقتك فكيف بتخصصين من اصعب التخصصات وكلاهما يتطلب وقت واجتهاد كبير وتربصات وغيرها
علي كل يمكنك المحاولة وترين مدي قدرتك في الشهور الاولي وملاحظة فقط البكالوريا تقع في فترة امتحانات السداسي الثاني اذا لازمك تدخلي رطراباج في الهندسة وهو ما يقلل حظوظك في الماستر وفي الاخير اتمني لك التوفيق

صح راني معاك خويا
بصح ان شاء الله ربي يقدرني و يوفقني
علابالي صعيبة
انا عندي ختي من اصحاب الباك 2011 و جابته ب 17.14 و دارت الطب و عاودالوا هدا العام بش تدير تخصص لغات و جابتو ب 16 و راهي ماجور دبرومو " الاولى في الجامعة" ايه .....صح صعيب بصح ماشي مستحيل

مشكووووووووووووووووور

[*ميما*]

أحتِي لن أقُول لكِ مستحِيل ..

لكن الوقت لن يكفيكـ خاصَّـة وأنكِ اخترتِ تخصصين يحتاجان لجهد كبِير

حتَّى لو سهرتِ الليالي لا أعتقِد أنَّه يمكنِك التوفِيق

في الطب ما شاء الله كم هائل من الوثائق التي يجب حفظها أعرف كثيرا ممن يقضون يومهم كاملاً في الحفظ

نصيحتِي ادرسي الهندسة هذه السنَّــة والله يوفقك العام الجاي إن شاء الله وتدرسي الطب

صح ختي .....
مشكورة على النصيحة و ان شاء الله ساخذ بيها

بوركتي

[*ميما*]

تجي للمنتدى ولا لا ؟


ماش حا تبلوكي العام ؟ كيفاه حاتديري للوحدات الجديدة والدروس الجديدة العام الجاي ياك ماكاش عتبة ؟

أنا تاني درت هندسة معمارية لكن و الله ليس لي ولا رغبة في التسجيلات الجامعية مش حا نسجل....لكن قد أغير راي لا اعرف
حد الآن مازال ما خرجت والو من الوثائق

اكييييييييد انا ديما في المنتدى
لا لا ماراحش نبلوكي العام رايحة نقرا عادي ....
و ان شاء الله نكون على تواصل مع اصحاب باك 2014و الدروس الجديدة ......

راني نصحك تديري التسجيل ....و الله يوفقك
يمكن يكون هدا اختبار من الله عز و جل
ادا لازم نكون ادها و نجتهد قليلا "ان لكل مجتهد نصيب"

صح فطوركم

[*ميما*]

صح فطوركم ....تقبل الله منا و منكم صالح الاعمال
و لي عودة بعد ذلك ان شاء الله

[الزهرَاء~]

صح راني معاك خويا
بصح ان شاء الله ربي يقدرني و يوفقني
علابالي صعيبة
انا عندي ختي من اصحاب الباك 2011 و جابته ب 17.14 و دارت الطب و عاودالوا هدا العام بش تدير تخصص لغات و جابتو ب 16 و راهي ماجور دبرومو " الاولى في الجامعة" ايه .....صح صعيب بصح ماشي مستحيل

مشكووووووووووووووووور

لغات ليست كالهندسة !

[dali rami]

ببساطة صعبة ولكن ليست مستحيلة

[*ميما*]

لغات ليست كالهندسة !

ايه راني عارفة ....بصح انا قالولي بلي خرج قانون يمنع الدراسة في تخصصين مختلفين و لا ماكش منها

[lebiod mahdi]

مستحيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــل

[*ميما*]

ببساطة صعبة ولكن ليست مستحيلة

هدا هو الكلام اخي
الحمد جاء واحد يطلع هممي
و ان شاء الله ربي يوفقني و يوفقكم يا رب

ميرسي

[*ميما*]

مستحيـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــل

لماذا .........وعلاش مستحيل خويا !!!!!!

[NADJIB-90]

ايه راني عارفة ....بصح انا قالولي بلي خرج قانون يمنع الدراسة في تخصصين مختلفين و لا ماكش منها

هناك قانون يمنع دراسة تخصصين واذا كنت ستدرسين في نفس الجامعة يطلبوا منك سحب احدي شهادات البكالوريا لكن الناس تقري تخصصين بمعارف وطرق ليست قانونية 100 بالمائة وحتي دراسة تخصص اخر بعد الحصول علي احدي الشهادات الجامعية يتطلب الانتظار لمدة 5 سنوات لكن كما تعرفين القانون يطبق علي البعض فقط

[lebiod mahdi]

انا قلت لك مستحيل لأنه لن يتركوك تقراي تخصصين مع بعض بالخصوص لو كان في نفس الجامعة او زيد بالزيادة صعيبة عليك وهذا يخليها تكاد مستحيلة ان شاء الله لا تفهمني غلط

[*ميما*]

هناك قانون يمنع دراسة تخصصين واذا كنت ستدرسين في نفس الجامعة يطلبوا منك سحب احدي شهادات البكالوريا لكن الناس تقري تخصصين بمعارف وطرق ليست قانونية 100 بالمائة وحتي دراسة تخصص اخر بعد الحصول علي احدي الشهادات الجامعية يتطلب الانتظار لمدة 5 سنوات لكن كما تعرفين القانون يطبق علي البعض فقط

خويا الله يجازيك كل خير ان شاء الله فهمني هدي تاع " يطلبوا منك سحب احدي شهادات البكالوريا لكن الناس تقري تخصصين بمعارف وطرق ليست قانونية 100 بالمائة "و تاني هادي تاع القانون يطبق على البعض فقط"
و بارك الله فيك
و اسفة ادا كنت ضغط عليك

[*ميما*]

انا قلت لك مستحيل لأنه لن يتركوك تقراي تخصصين مع بعض بالخصوص لو كان في نفس الجامعة او زيد بالزيادة صعيبة عليك وهذا يخليها تكاد مستحيلة ان شاء الله لا تفهمني غلط

ااااااه هدا هو المشكل خويا .....ما يخلونيش !!!!!
على العموم مشكور و الله
بارك الله فيك

[hakima.s]

kheti ana 9rite architect w 3awdte lbac wjibtou mli7

[*ميما*]

kheti ana 9rite architect w 3awdte lbac wjibtou mli7

Mash Allah khti...alors 9olili sah s3iba bezzzzzzzzzzzzzzf l'architecutre !!!!wenti doka ki 3awdti lbac wach raki haba tediri!i!i!i!i!i

[shy'n]

قالولي بلي في الهندسة معمارية على الأقل يلزمك تقضي ليلة بيضاء

[hakima.s]

hhhhhhhhhhhhhhhhl lila baydhaa dha7aktini ana l3am li fate 9rite soumestre lawle rey7a w dite fi l atelier 13 whadha houwa lmodul rasmi fi l architect bsa7 semestre thani ma7dhartouch oukoul tfaraghte lelbac
mahi s3iba khti ma walou

[hakima.s]

w sna nchalah ra7 na9ra pharmacie

[Catal0ni]

للأسف اختي ... مستحيل دراسة الهندسة والطب معاً لان كلا التخصصين يحتاج الى تفرغ وجهد كبير جداً . ولأن القانون يمنع ذلك

[NADJIB-90]

خويا الله يجازيك كل خير ان شاء الله فهمني هدي تاع " يطلبوا منك سحب احدي شهادات البكالوريا لكن الناس تقري تخصصين بمعارف وطرق ليست قانونية 100 بالمائة "و تاني هادي تاع القانون يطبق على البعض فقط"
و بارك الله فيك
و اسفة ادا كنت ضغط عليك

يعني اذا حصلت علي البكالوريا العام القادم وذهبت لتسجيل طب في جامعتك يقولولك خيري الباك لي تقراي بيه هندسة ولا تسجلي بالجديد فلازم تسحبي الباك القديم حتي تسجلي بالجديد الا اذا كنت ستسجلين في جامعتين في مدينتين مختلفتين لانهم حتي الان ليس عندهم قاعدة بيانات موحدة
ليست قانونية معناها اذا فاقوا بيك تصبح الشهادة الثانية ملغات لكن كما سمعت مؤخرا في وهران ناس يقراو طب وليس لديهم المعدل المناسب في البكالوريا لان ابائهم اساتذة او يعرفون شخصا يقدر ان يساعدهم في الحصول علي مايريدونه
بعد التحقيقات حولوا البعض علي العدالة لكن كما تعرفين ان القانون لا يطبق علي الجميع نعرف ناس ادبيين ويقراو في الطب عادي

[mifi]

السلام عليكم صحا فطوركم شوفي ختي اولا مبروك عليك وان شاءالله تجيبي الباك العام الجاي باش تحقي امنيتك وتدخلي لكلية الطب
نصيحتي ختي هذا العام ان شاءالله اقراي الهندسة المعمارية وبما انها صعيبة حاولي الفصل الاول اقرايه ملييييييح وطلعيه بمعدل مليح بلا راتراباج الفصل التاني ركزي على الباك دون اهمال الهندسة المعمارية بصح لازم تقراي الباك مليييييييييح تاني لانو لازم معدل مليح وراكي علابالك بمعدل الطب ان شاءاالله اذا جبتيه ربي يفرج
اذا حبيت تسبقي الاحداث سنة اولى طب صعيبة وبزاف شارجي منضنش تقدري تقراي معاها حاجة المهم ممكن رايح تبلوكي العام تاع الهندسة المعمارية و سنة ثانية طب ان شاءءالله ....................
نقلك حاجة ان شاءاالله تجيبي الباك العام الجاي بمعدل مليج وربي يفرج
نقلك حاجة برك رغم حبيت نقولهاك كي تجيبي العام الجاي معدل الطب المهم ماما تقلي ديما مولا مئة صنعة ميدي حتى صنعة يعني من الافضل ديري زوج شعب يساعدو بعضاهم مثلا طب وفرنسية طب واعلام الي طب وانجليزية وطب وكيمياء وهكذا
بصح اختي انتي ادخلي على اساس رايحة تقراي هندسة معمارية . ومبعدا ربي يفرج
سمحيييييييييييييييلي طولت عليك

[*ميما*]

قالولي بلي في الهندسة معمارية على الأقل يلزمك تقضي ليلة بيضاء

واش من ليلة بيضاء انتي تاني ....راهم برك يخلغو فينا و الله من جد وجد و الله لا يضيع اجر من احسن عملا و ان شاء الله يوفقنا

[shy'n]

واحد مل هذا المنتدى قالهاا مش أنااا

[*ميما*]

hhhhhhhhhhhhhhhhl lila baydhaa dha7aktini ana l3am li fate 9rite soumestre lawle rey7a w dite fi l atelier 13 whadha houwa lmodul rasmi fi l architect bsa7 semestre thani ma7dhartouch oukoul tfaraghte lelbac
mahi s3iba khti ma walou

Mash Allah okhti , Allah ibarek ....et sah 9alouli beli le module es3ibe howa l'atelier bessah wa9ila rahoum barek yekoul3ou fina .....lah yesadjik okhti te9adri t3awnini ana rani dayra cette annés architecture bach nedjib l'année 3lakatarche ana tani rayha n3awd lebac ; bach yedjini sahel

[*ميما*]

للأسف اختي ... مستحيل دراسة الهندسة والطب معاً لان كلا التخصصين يحتاج الى تفرغ وجهد كبير جداً . ولأن القانون يمنع ذلك

للاسف هدا هو المشكل.....

[hakima.s]

راني هنا ختي لعزيزة كشما تحتاجي سقسيني وش حبيتي

[*ميما*]

يعني اذا حصلت علي البكالوريا العام القادم وذهبت لتسجيل طب في جامعتك يقولولك خيري الباك لي تقراي بيه هندسة ولا تسجلي بالجديد فلازم تسحبي الباك القديم حتي تسجلي بالجديد الا اذا كنت ستسجلين في جامعتين في مدينتين مختلفتين لانهم حتي الان ليس عندهم قاعدة بيانات موحدة
ليست قانونية معناها اذا فاقوا بيك تصبح الشهادة الثانية ملغات لكن كما سمعت مؤخرا في وهران ناس يقراو طب وليس لديهم المعدل المناسب في البكالوريا لان ابائهم اساتذة او يعرفون شخصا يقدر ان يساعدهم في الحصول علي مايريدونه
بعد التحقيقات حولوا البعض علي العدالة لكن كما تعرفين ان القانون لا يطبق علي الجميع نعرف ناس ادبيين ويقراو في الطب عادي

ااااااااااااااه صح ......فهمت مشكور خويا
بوركت

[*ميما*]

السلام عليكم صحا فطوركم شوفي ختي اولا مبروك عليك وان شاءالله تجيبي الباك العام الجاي باش تحقي امنيتك وتدخلي لكلية الطب
نصيحتي ختي هذا العام ان شاءالله اقراي الهندسة المعمارية وبما انها صعيبة حاولي الفصل الاول اقرايه ملييييييح وطلعيه بمعدل مليح بلا راتراباج الفصل التاني ركزي على الباك دون اهمال الهندسة المعمارية بصح لازم تقراي الباك مليييييييييح تاني لانو لازم معدل مليح وراكي علابالك بمعدل الطب ان شاءاالله اذا جبتيه ربي يفرج
اذا حبيت تسبقي الاحداث سنة اولى طب صعيبة وبزاف شارجي منضنش تقدري تقراي معاها حاجة المهم ممكن رايح تبلوكي العام تاع الهندسة المعمارية و سنة ثانية طب ان شاءءالله ....................
نقلك حاجة ان شاءاالله تجيبي الباك العام الجاي بمعدل مليج وربي يفرج
نقلك حاجة برك رغم حبيت نقولهاك كي تجيبي العام الجاي معدل الطب المهم ماما تقلي ديما مولا مئة صنعة ميدي حتى صنعة يعني من الافضل ديري زوج شعب يساعدو بعضاهم مثلا طب وفرنسية طب واعلام الي طب وانجليزية وطب وكيمياء وهكذا
بصح اختي انتي ادخلي على اساس رايحة تقراي هندسة معمارية . ومبعدا ربي يفرج
سمحيييييييييييييييلي طولت عليك

و عليكم السلام ختي صح فطورك انتي تاني
نصيحتك على العين و الراس ختي ان شاء الله ناخذ بها
ايه صح سنة اولى صب صعيبة بزاااااااف فيها 12 مودول عندي ختي تقرا دوكا 2 طب و علابالي مسكينا شحال سوفرات
و هي دوك حابة تضيف لغة انخليزية .....
ان شاء الله ختي نجيبوا العام الجاي بمعدل راااااائع اومبعد ربي يدير الي فيه الخير

جزاك الله خيرا اختي
ميرسي

[mifi]

ان شاااااء اا الله و حنا معلينا غير ندعو لبعضانا وربي ينجع كامل طلاب العلم ربي معاك ان شاءاللله ديري هذفك ربي يوصلك ليه ان شاءالله

[*ميما*]

راني هنا ختي لعزيزة كشما تحتاجي سقسيني وش حبيتي

ميرسي حنونة .......ايمالا تعاونيني
و الله يا ريت علاخاترش مانعرفش حتى واحد دار الهندسة المعمارية
و هدا وعد مني ادا روحتي طب نعاونك عندي ختي تقرا سنة ثانية طب و نبعتلك ليبوليكوب

[*ميما*]

ان شاااااء اا الله و حنا معلينا غير ندعو لبعضانا وربي ينجع كامل طلاب العلم ربي معاك ان شاءاللله ديري هذفك ربي يوصلك ليه ان شاءالله

ان شاء الله ختي
بوركتي يارب
و يوفقك انتي تاني و ينجحك ان شاء الله
ميرسي

[ღ أمليے بالله كبيرے ღ]

نصيحة مني فانا أدرس هندسة معمارية

لازم تخممي مليح قبل ماتعاودي الباك

إّّذا حابة تعاوديه وتقراي هندسة هذي حاجة صعييييييييييييييبة بزاااااااااااااااف لأنو الهندسة فيها الخدمة بزاف بزااف و تدي وقت كبير

و متقدريش توفقي بينها وبين الباك

أما إذا كنتي منظمة و تعرفي تنظمي وقتك مليح إحتمال كبير تجيبي الباك بمعدل مليح وتطلعي عامك فالهندسة

أما بالنسبة لدراسة الهندسة و الطب معا فهذا من ثامن المستحيلآلآلآلآلآلآلآلآلآت السبع

لأنو مستحيل تلقاي وقت باه تحضري الدروس لكلى التخصصين حتى ولو كانت ستدرسن الطب والهندسة في نفس الجامعة

زد على ذلك أنه أصبح ممنوع التسجيل أو دراسة تخصصين معا

و أصبح يشترط سحب البكالوريا الاولى حتى تتمكني من التسجيل ببكالوريا جديدة

و آخر كلآمي

تمنياتي لكِ بالتوفيق و النجاح

ويآآرب نشوفوك أكبر طبيبة في المستقبل

تحيااتي

[*ميما*]

نصيحة مني فانا أدرس هندسة معمارية

لازم تخممي مليح قبل ماتعاودي الباك

إّّذا حابة تعاوديه وتقراي هندسة هذي حاجة صعييييييييييييييبة بزاااااااااااااااف لأنو الهندسة فيها الخدمة بزاف بزااف و تدي وقت كبير

و متقدريش توفقي بينها وبين الباك

أما إذا كنتي منظمة و تعرفي تنظمي وقتك مليح إحتمال كبير تجيبي الباك بمعدل مليح وتطلعي عامك فالهندسة

أما بالنسبة لدراسة الهندسة و الطب معا فهذا من ثامن المستحيلآلآلآلآلآلآلآلآلآت السبع

لأنو مستحيل تلقاي وقت باه تحضري الدروس لكلى التخصصين حتى ولو كانت ستدرسن الطب والهندسة في نفس الجامعة

زد على ذلك أنه أصبح ممنوع التسجيل أو دراسة تخصصين معا

و أصبح يشترط سحب البكالوريا الاولى حتى تتمكني من التسجيل ببكالوريا جديدة

و آخر كلآمي

تمنياتي لكِ بالتوفيق و النجاح

ويآآرب نشوفوك أكبر طبيبة في المستقبل

تحيااتي

صح صعيبة ختي بصح كيما قولتها من قبيل ماشي مستحيلة ....لكن نقول قدر الله ما شاء فعل انا راني متمسك بربي و علابالي بلي ميخلنيش
و ان شاء الله نجيب العام و نعاود الباك و نجيبو بالمعدل الي نتمناه يا رب
على العموم مشكورة ختي على النصيحة
و يا ريت مادام راكي من المجربين في الهندسة المعمارية تساعدين بش نجيب لعام
و بارك الله فيك
ميرسي

[islam.radouane]

اولا الناس كي تحب تقرى تخصصين تقرى واحد ساهل والاخر صعيب

انت حاب تقرى زوج صعاب ومختلفين تماما في المنهج امر مستحيل

ثانيا التخصصين هاذو الطب لاتجد وقت حتى للترفيه لعب مباراة او التنزه كثيرا فما بالك تدرس معاها تخصص اخر

هندسة معمارية اضافة الى وجود مواد صعبة جدا فالاعمال التطبيقية كثيرة قاع حياتكم ونتوما تخطو وتبنو بالاوراق

[ღ أمليے بالله كبيرے ღ]

صح صعيبة ختي بصح كيما قولتها من قبيل ماشي مستحيلة ....لكن نقول قدر الله ما شاء فعل انا راني متمسك بربي و علابالي بلي ميخلنيش
و ان شاء الله نجيب العام و نعاود الباك و نجيبو بالمعدل الي نتمناه يا رب
على العموم مشكورة ختي على النصيحة
و يا ريت مادام راكي من المجربين في الهندسة المعمارية تساعدين بش نجيب لعام
و بارك الله فيك
ميرسي

لا شيء مستحيل مع الارادة القوية

أخيتي

بالنسبة لدراسة الهندسة ليس لدي الكثير من الأمور

لأني لم أكمل الدراسة فيها بحكم اعادة للبكالوريا
+
هذا العام قريب ماقريناش خاطر العام كامل و حنا في إضراب

هي فيها مادة وحدة صعيبة معاملها 6 الورشة ولازم تخرجيها لأنو لو ماتخرجيهاش مستحيل تنجحي و ماتقدريش تكوبونسيها بأي مادة أخرى

و المواد الباقية فيزياء و رياضيات و مادة tmc (ندرس فيها مواد البناء) و الفرنيسة و تاريخ الهندسة كلها سهلة وصعبة في نفس الوقت

فيها ما يجب حفظه و فيها ما يجب فهمه

و إن شاء الله بتنظيمكِ لوقتكِ و عزيمتكِ ستحققين هدفكِ

دعواتِ لكِ أخية

[*ميما*]

اولا الناس كي تحب تقرى تخصصين تقرى واحد ساهل والاخر صعيب

انت حاب تقرى زوج صعاب ومختلفين تماما في المنهج امر مستحيل

ثانيا التخصصين هاذو الطب لاتجد وقت حتى للترفيه لعب مباراة او التنزه كثيرا فما بالك تدرس معاها تخصص اخر

هندسة معمارية اضافة الى وجود مواد صعبة جدا فالاعمال التطبيقية كثيرة قاع حياتكم ونتوما تخطو وتبنو بالاوراق




الله غالب صرا كلش هكا ماعلاباليش كيفاه بصح عجبوني في زوج
كلامك صح خويا و بوركت
مشكور على النصيحة

[*ميما*]

لا شيء مستحيل مع الارادة القوية

أخيتي

بالنسبة لدراسة الهندسة ليس لدي الكثير من الأمور

لأني لم أكمل الدراسة فيها بحكم اعادة للبكالوريا
+
هذا العام قريب ماقريناش خاطر العام كامل و حنا في إضراب

هي فيها مادة وحدة صعيبة معاملها 6 الورشة ولازم تخرجيها لأنو لو ماتخرجيهاش مستحيل تنجحي و ماتقدريش تكوبونسيها بأي مادة أخرى

و المواد الباقية فيزياء و رياضيات و مادة tmc (ندرس فيها مواد البناء) و الفرنيسة و تاريخ الهندسة كلها سهلة وصعبة في نفس الوقت

فيها ما يجب حفظه و فيها ما يجب فهمه

و إن شاء الله بتنظيمكِ لوقتكِ و عزيمتكِ ستحققين هدفكِ

دعواتِ لكِ أخية

ايه علابالي بلي صعيبة بصح ان شاء الله ربي يقدرني و يوفقني
مشكورة اختي على هده المعلومات بارك الله فيكي
جزاكي الله كل خير ان شاء الله
ميرسي

[بلال123]

من الأفضل عدم تسجيل في الجامعة و العودة للثانوية إذا كانت لك معرفة و تدرسين معهم عادي كأنك لم تجتازين الباكالوريا من قبل و ستحصلين على معل ممتاز إن إجتهدت أيضا

[بلال امير الشرق]

مستحيل اختي لان هنالك وثيقة تعطى لك اثناء التسجيل في الجامعة
يعني تعهد او شهادة بانك غير مسجل في تخصص اخر - هذا قانون جديد ساري المفعول مند سنة 2011-
ارجوا ان اكون قد ساعدتك

[*ميما*]

من الأفضل عدم تسجيل في الجامعة و العودة للثانوية إذا كانت لك معرفة و تدرسين معهم عادي كأنك لم تجتازين الباكالوريا من قبل و ستحصلين على معل ممتاز إن إجتهدت أيضا

مشكوووور على هدا الحل
بارك الله فيك

[*ميما*]

مستحيل اختي لان هنالك وثيقة تعطى لك اثناء التسجيل في الجامعة
يعني تعهد او شهادة بانك غير مسجل في تخصص اخر - هذا قانون جديد ساري المفعول مند سنة 2011-
ارجوا ان اكون قد ساعدتك

لاسف .....
ايا مشكووووووووور خويا
بارك اله فيك

[avenir flou]

على العموم مشكور خويا

[islam.radouane]

الله غالب صرا كلش هكا ماعلاباليش كيفاه بصح عجبوني في زوج
كلامك صح خويا و بوركت
مشكور على النصيحة



لاشكر على واجب

اريد تقديم نصيحة او راي شخصي اذا حبيتي

بلوكي الهندسة المعمارية واجتهدي للبكلوريا اكييد لو بدلت قصارة جهدك سوف تتحصلين عليه بمعدل افضل
طلبت دلك لان الهندسة المعمارية لاتليق بك كفتاة لكثرة التعاملات مع الرجال في المستقبل والاختلاط

اضن ان تخصص طب يليق بك كفتاة
والله اعلم

[yousra13]

slt soeur je te dis que c impossible d etudier la medcine et l architecture en meme temps
moi je suis etudiante en architecture l' atelier va prendre tt le tempps t as pas meme un peux du temps pour les autres module fiin 3ad tziid m3a medciine w en pluus meme si tu veux refaire le bac il faut arreter avec l archii si nn tu n auras pas une bonne moyen
tu inscris en archii et vous aller l aimer et aprés c suur que tu voudras pas refaire le bac pour la medcine
parce l archii reveille cette part de creativité et ce génie de createur qui est en vous
ce n est que des dessin et des maquettes ectt
cest de casse la tète
et a la fin je te diis que tt dans la main de dieu w rabbii ywaf9èèk

[moumene19]

ياو واحد ما يكذب عليك
الهندسة المعمارية ساهلة و ماهيش صعيبة
الطب اصعب بكثييير
انا تاخذي من رأيي عاودي الباك العام الجاي و بلعي عامك تاع الهندسة
و ادخلي اقرايهم في زوج بصح في جامعتين مختلفتين لانهم يفيقولك و اذا فاقولك يديرولك تعهد
المهم اذا مافاقلوكش و قريتيهم في زوج
ركزي على الطب و الهندسة ديريها ثانوية يعني عامك جيبيه براتراباج ولا عام جيبيها بعامين خخ لانه عندك الوقت في الطب 7 سنوات كاملة و مع التخصص تزيدي 4 سنوات يعني في 11 سنة هذه عندك 4 سنوات فقط تقراي فيها تخصصين معا
ليست مستحيلة لكنها صعبة

[بومزراق يسرى]

حتى أنا أريد أن أدرس تخصص هذا العام و أكمل فيه ...وحابة نتشرح لبكالوريا 2014 حرة و نختار طب
و ان شاء الله بالتوفيق لي و لك .... تفكيرك مثلي لا أؤمن بكلمة اسمها مستحيل
و ان شاء الله ننجح في التخصصين مادام أنهم حاجة انتاع خير ....و العلم بحر ليس له حدود[
سلام...تمنياتي لك بالتوفيق

[الصديق الذهبي]

قانونيا يمنع دراسة تخصصين في نفس الوقت

واذا تم اكتشافك قد تصل الامور الى ما لا يحمد عقباه

هذا القانون بدأ تطبيقه جديا في السنة الماضية وكثير من زملائي تم استدعاؤهم

وطلب منهم اختيار تخصص واحد واعيد لهم ملف التسجيل الثاني

منهم من أضاع سنتين بدون فائدة

[Flora Gucci]

السلام عليكم
اولا القانون لايسمح لك بذلك و ان حدث و لم يُكتشف امرك عاجلا فسيكتشف آجلا و تسحب منك الشهادة
ثانيا انت تعجزين و تكلفين نفسك فوق طاقتها {لا يكلف الله نفسا الا وسعها}
لان الهندسة تتطلب جهدا كبيرا و تتبع يومي بمعنى ان تكون a jours اما الطب فيتطلب جهدا اكبر و ذكاءا اكثر و ابداعا ايضا
للاسف انت مظطرة لان تتنازلي و تضحي باحداها
عموما ستدركين هذا عند انطلاق الموسم الجامعي و اكتشافك للهندسة ،
بالتوفيق

[Catal0ni]

السلام عليكم
اولا القانون لايسمح لك بذلك و ان حدث و لم يُكتشف امرك عاجلا فسيكتشف آجلا و تسحب منك الشهادة
ثانيا انت تعجزين و تكلفين نفسك فوق طاقتها {لا يكلف الله نفسا الا وسعها}
لان الهندسة تتطلب جهدا كبيرا و تتبع يومي بمعنى ان تكون a jours اما الطب فيتطلب جهدا اكبر و ذكاءا اكثر و ابداعا ايضا
للاسف انت مظطرة لان تتنازلي و تضحي باحداها
عموما ستدركين هذا عند انطلاق الموسم الجامعي و اكتشافك للهندسة ،
بالتوفيق

اختي عذراً رغم اني سأدرس الطب باذن لله لكن في دراسته لا يوجد اي ابداع خاصة في السنوات شبه اكلينيكية

[Darkness angel]

استغفر الله يا بنتي نتي كفاش رايحة اداوي خلق ربي بصح والله في زوج صعاب و ربي يفقك و مكانعلاه تعبي روحك انل نقولك كملي طب و الا لقيتي روحك تقدري تزيدي حاجة اخرى مبعد ساهل انشاءلله